Երևանի պետական համալսարանի Իջևանի մասնաճյուղ

Մեր ուսանողները մասնակցեցին «Կարծրատիպեր, նախապաշարմունքներ, խտրականություն, դրա տեսակները, միջազգային կարգավորումներ» թեմայով դասընթացին

IMG_0877-08-12-18-11-07

 2018թ. դեկտեմբերի 6-ին Իջևանի քաղաքացիական երիտասարդական կենտրոնում կայացավ «Կարծրատիպեր, նախապաշարմունքներ, խտրականություն, դրա տեսակները, միջազգային կարգավորումներ» թեմայով դասընթաց, որը կազմակերպել էր Իջևանի քաղացիական երիտասարդական կենտրոնի համակարգող Արփինե Երիցյանը:

Դասընթացին մասնակցում էին «Երևանի պետական համալսարան» հիմնադրամի Իջևանի մասնաճյուղի 17 ուսանողներ:

Այն վարեց փաստաբան Անահիտ Չիլինգարյանը։

Դասընթացի նպատակն էր մասնակիցներին  ներկայացնել, թե ինչ է կարծրատիպը, հավասարությունը, խտրականությունը, նախապաշարմունքը, հավասար, տարբերակված և խտրական վերաբերմունքը:

«Կարծրատիպեր, նախապաշարմունքներ, խտրականություն, դրա տեսակները, միջազգային կարգավորումներ» թեմայով դասընթացի ժամանակ ներկայացվեցին խտրականության տեսակները, հավասարության իրավունքները: Ընդգծվեց, որ խտրականությունը երբեք չի կարող համարվել դրական:

Դասընթացն անցկացվեց գործնական խաղ-վարժությունների, բանավեճ-քննարկումների միջոցով, որին ակտիվորեն մասնակցեցին ուսանողները: