Երևանի պետական համալսարանի Իջևանի մասնաճյուղ

«Սոցիոլոգիական մեթոդները մասնակցային գնահատման մեջ» գործնական դասընթացին մասնակցելու հրավեր

Հայտ. նկար

2021թ. հունիսի 18-ին և 19-ին ԵՊՀ ԻՄ-ում գործող «Ամերիկյան գրադարան և դասընթացների կենտրոն»-ում անվճար հիմունքներով կազմակերպվում է «Սոցիոլոգիական մեթոդները մասնակցային գնահատման մեջ» գործնական դասընթաց:

Դասընթացի նպատակն է մասնակիցներին փոխանցել բազային գիտելիքներ սոցիոլոգիական հետազոտության մեթոդների վերաբերյալ, ձևավորել մասնակցային գնահատում իրականացնելու գործնական հմտություններ՝ սոցիոլոգիական մեթոդների կիրառմամբ:

Դասընթացի ավարտին մասնակիցները՝

  • կստանան գիտելիքներ սոցիոլոգիական հետազոտությունների նպատակների և խնդիրների սահմանման վերաբերյալ,
  • կստանան գիտելիքներ սոցիոլոգիական հետազոտությունների տարբեր մոտեցումների և մեթոդաբանությունների վերաբերյալ, այդ թվում՝ մասնակցային գնահատման վերաբերյալ,
  • պատկերացում կկազմեն սոցիոլոգիական հետազոտությունների իրականացման փուլերի վերաբերյալ, այդ թվում՝ պլանավորման, իրականացման, որակի վերահսկման, ինչպես նաև հետազոտություններում էթիկական սկզբունքների վերաբերյալ,
  • կկարողանան պլանավորել և իրականացնել հետազոտություններ՝ մասնագիտական աջակցության միջոցով:

Դասընթացին կարող են դիմել 18 և բարձր տարիքի անձինք, ովքեր բնակվում են Տավուշի մարզում:

Դասընթացը նախատեսված է բոլոր այն մարդկանց համար, որոնք իրենց գործունեության մեջ նախատեսում են իրականացնել կամ համակարգել հետազոտություններ, գնահատումներ, դասընթացին կարող են մասնակցել նաև ուսանողներ:

Դասընթացի տևողությունը 16 ժամ է:

Դասընթացը բաղկացած է 2 մոդուլից.

  • Մոդուլ Սոցիոլոգիական հետազոտությունների ներածություն,
  • Մոդուլ Սոցիոլոգիական հետազոտությունները պրակտիկայում:

Գրանցման վերջնաժամկետն է 2021թ. հունիսի 14-ը՝ ժամը 18:00-ն:

Դասընթացի վերջում հավաստագիր կստանան միայն ամբողջական մասնակցություն ցուցաբերած մասնակիցները:

Դասընթացը կվարի Կրթական հետազոտությունների և խորհրդատվությունների կենտրոնի հիմնադիր տնօրեն Մարինա Գալստյանը: Մարինան սոցիոլոգիական, կրթական հետազոտությունների մշակման և իրականացման ավելի քան 12 տարվա փորձ ունի: Նա Եվրոպական սոցիոլոգիական ասոցիացիայի անդամ է:

Դասընթացից հետո մասնակիցները կստանան մասնագիտական խորհրդատվություն՝ գործնական աշխատանքների ընթացքում:

Հայտադիմումը կարող եք լրացնել հետևյալ հղումով՝ https://forms.gle/CNdsQPZaeKqBahMo9: