2018թ. նոյեմբերի 23-ին ԵՊՀ ԻՄ-ի տնտեսագիտության ֆակուլտետի «Տնտեսագիտության տեսություն» մասնագիտության չորրորդ կուրսի ուսանողները, Ընդհանուր տնտեսագիտության ամբիոնի դասախոս Անուշ Սարիբեկյանի ղեկավարությամբ, «Ձեռնարկության էկոնոմիկա» և «Մարքեթինգ» դասընթացների շրջանակներում այցելեցին Կոտայքի մարզի Արզնի գյուղի «ԲԵԿՈՆ ՊՐՈԴՈՒԿՏ» (“Bacon Product”) մսամթերքի արտադրամաս՝ ծանոթանալու արտադրական գործընթացների և մարքեթինգային գործունեության կազմակերպման առանձնահատկություններին:
Ուսանողներին ներկայացվեցին արտադրամասի աշխատանքները, արտադրանքի բուն պրոցեսը՝ հաջորդական փուլերով:
Անմիջականորեն ներկա գտնվելով արտադրական պրոցեսին՝ նրանք տեսան, որ արտադրական միջավայրը համապատասխանում է բարձր սանիտարահիգիենիկ պայմաններին:
Արտադրամասում շրջայցից հետո մարքեթինգի բաժնի աշխատակիցը ուսանողներին ներկայացրեց ընկերության պատմությունը, բրենդի ձևավորումը և զարգացումը, մարքեթինգային քաղաքականությունը և ռիսկերի կառավարման ռազմավարությունը, ինչպես նաև առկա և առաջիկայում նախատեսվող ապրանքատեսակները:
Այցի վերջում ուսանողները մասնակցեցին հյուրասիրության և նվեր ստացան «Երիտասարդական շարք» տեսականուց որոշ նմուշներ:
