2016թ. դեկտեմբերի 9-ից մինչև 2017թ. հունվարի 27-ը ԵՊՀ Իջևանի մասնաճյուղում ընթանում է առկա ուսուցման համակարգի՝ 2016-2017 ուստարվա I կիսամյակի քննաշրջանը:
Հեռակա ուսուցման համակարգում 2016-2017 ուստարվա I կիսամյակի II ընթացիկ քննություններն ու ստուգումները կտևեն հունվարի 10-21-ը, իսկ քննաշրջանը կտևի հունվարի 25-ից մինչև մարտի 20-ը:
ԵՊՀ ԻՄ-ի ուսումնամեթոդական վարչության պետ Արկադի Դավթյանը հարցազրույցի ընթացքում շեշտեց, որ քննություններն անցկացվում են սահմանված կարգով, համաձայն գրաֆիկի:
Նա համոզմունք արտահայտեց, որ թե՛ դասախոսները, թե՛ ուսանողները քննություններին կմոտենան ամենայն պատասխանատվությամբ:
Պարոն Դավթյանը ուսանողներին ցանկացավ հաջողություն, որպեսզի քննությունների ընթացքում նրանք առավելագույնս կարողանան ինքնադրսևորվել, իսկ դասախոսներին՝ հետևողականություն, որպեսզի ուսանողների գնահատականնեը հնարավորինս լիարժեքորեն արտացոլեն նրանց գիտելիքները:
Քննության դրական շեմը չապահոված ուսանողները կկարողանան այն հանձնել լուծարքային շրջանում, որը կանցկացվի երկու փուլով և կտևի փետրվարի 1-ից մինչև 24-ը: