Սիրելի՛ համալսարանականներ, հայրենակիցներ, 2023թ. մայիսի 18-ին՝ ժամը 11:00-ին, ԵՊՀ Իջևանի մասնաճյուղի բնական գիտությունների ֆակուլտետում տեղի կունենա «Մունետիկ» հասարակական կազմակերպության կողմից իրականացված «Մեկ հայրենիք, մեկ նպատակ» հայրենաճանաչողական ծրագրի մասնակիցների աշխատանքների ցուցահանդեսի հանդիսավոր բացումը:
Միջոցառմանը ներկա կլինեն ՀՀ կրթության, գիտության, մշակույթի և սպորտի նախարարության ներկայացուցիչներ, ծրագրի նախաձեռնող խումբը, մասնակից երիտասարդները, հյուրեր և այլ արվեստասերներ ողջ Հայաստանից:
Ողջ էքսպոզիցիան բաղկացած կլինի հայրենաճանաչողական ծրագրի ընթացքում ստեղծված աշխատանքներից, որոնցում բազմաթիվ են ԵՊՀ Իջևանի մասնաճյուղի ուսանողների գործերը:
Ցուցահանդեսում ներկայացված կլինեն ինչպես գեղանկարչական և գրաֆիկական, այնպես էլ բատիկ աշխատանքներ: Ծրագրին միացել են նաև ԵՊՀ ԻՄ-ի կիրառական արվեստի ֆակուլտետի դասախոսներ Դոնարա և Անուշ Չիբուխչյանները, որոնց անցկացրած վարպետաց դասերի շնորհիվ ցուցահանդեսը համալրվել է նոր թեմատիկ աշխատանքներով:
Բոլորին սիրով հրավիրում ենք ԵՊՀ Իջևանի մասնաճյուղ՝ դիտելու «Մեկ հայրենիք, մեկ նպատակ» հայրենաճանաչողական ծրագրի մասնակիցների աշխատանքների ցուցահանդեսը:
