ԵՊՀ Իջևանի մասնաճյուղը սիրով հրավիրում է Տավուշի մարզի 18-30 տարեկան երիտասարդներին մասնակցելու Այ Էյ Բի Բիզնեսի Միջազգային Ակադեմիայի կողմից իրականացվող «Կոկա-Կոլա Արմենիա» ընկերության «ԵՐԻՏԱՍԱՐԴՆԵՐԻ ԶԱՐԳԱՑՈՒՄ» եռամյա ծրագրի շրջանակներում անցկացվող «Կյանքի հմտություններ» և «Բիզնես հմտություններ» թեմաներով դասընթացներին:
«Երիտասարդների զարգացում» ծրագրով նախատեսվում է մինչև 2020 թվականը ՀՀ-ում վերապատրաստել շուրջ 8000 երիտասարդներ:
2019թ. ընթացքում Տավուշի 300 երիտասարդներ կանցնեն հետևյալ դասընթացները.
«Կյանքի հմտություններ» (1-2 օր, 6 ժամ)
* Ինքնաճանաչում և ինքնազարգացում,
* Մասնագիտական կապերի ստեղծում և ամրապնդում,
* Հետադարձ կապի հմտություններ,
* Աշխատանք փնտրելու և դիմելու հմտություններ:
«Բիզնես հմտություններ» (2-3 օր, 12 ժամ)
* Նախագծերի կառավարում,
* Ժամանակի կառավարում,
* Ֆինանսական գրագիտություն,
* Բիզնես պլան,
* Բանակցությունների հմտություններ,
* Վաճառքի հմտություններ:
Դասընթացները կանցկացվեն ԵՊՀ ԻՄ-ի դահլիճում Այ Էյ Բի Բիզնեսի միջազգային ակադեմիայի դասընթացավարների և կրթօջախի վերապատրաստված դասախոսների կողմից:
«Կյանքի հմտություններ» դասընթացի ժամանակ յուրաքանչյուր 10 մասնակցի հետ կաշխատի մեկ ՄԵՆԹՈՐ (գործատուներ, ձեռներեցներ, ՀԿ ներկայացուցիչներ, դասախոսներ և այլն)։
«Բիզնես հմտություններ» դասընթացից հետո կենսունակ բիզնես գաղափար ունեցողները հնարավորություն կունենան մասնակցելու “Armenia StartUp Cup” մրցույթին։ Հաղթողները կներկայացնեն իրենց բիզնես գաղափարը ֆինանսավորող հանձնաժողովի անդամներին։
ԱՌԱՋԻԿԱ ԴԱՍԸՆԹԱՑՆԵՐԻ ԺԱՄԱՆԱԿԱՑՈՒՅՑԸ՝
ԲԻԶՆԵՍ ՀՄՏՈՒԹՅՈՒՆՆԵՐ՝ 29-30 հունվարի 2019թ.,
ԿՅԱՆՔԻ ՀՄՏՈՒԹՅՈՒՆՆԵՐ՝ 5 փետրվարի 2019թ.:
Հաջորդ դասընթանցերը կկայանան ս.թ. ապրիլին և հունիս-հուլիսին:
Շտապե՛ք գրանցվել:
ԵՐԻՏԱՍԱՐԴՆԵՐԻ գրանցումն այստեղ՝ https://goo.gl/forms/5gZHplYgJTlL0Q1h2
ՄԵՆԹՈՐՆԵՐԻ գրանցումն այստեղ՝ https://goo.gl/qE9X3W
Հավելյալ տեղեկությունների համար կարող եք զանգահարել 098-22-82-72 հեռախոսահամարով: