Ձեռնարկությունների Ինկուբատոր Հիմնադրամը հրավիրում է ՀՀ-ում գործող բոլոր հետազոտական ինստիտուտներում ու համալսարաններում առկա հետազոտական թիմերին մասնակցելու հետաքրքիր մրցույթի: Այն հետազոտական թիմերը, որոնք վերջին մեկ տարում իրականացրել կամ ներկայումս իրականացնում են հետազոտական և գիտական նախագծեր ներքոհիշյալ ոլորտներում, հնարավորություն ունեն դրամական աջակցության միջոցով կատարելագործել և զարգացնել այդ աշխատությունները՝ դրանք կիրառելի և հետաքրքիր դարձնելով մասնավոր բիզնեսների և արտադրական ոլորտների համար։ Սույն նախաձեռնության նպատակն է խրախուսել և ՁԻՀի աջակցությամբ նպաստել հետազոտողների, գիտնականների և մասնավոր ոլորտի ներկայացուցիչների միջև գործընկերային կապերի ձևավորմանը։
Հետազոտությունները պետք է վերաբերվեն ներքոհիշյալ ոլորտներին՝ ·
- Կիրառական մաթեմատիկա
- Կիրառական ֆիզիկա
- Էլեկտրիկ ճարտարագիտություն
- Էլեկտրոնիկայի կառավարման համակարգերեր ·
- Տվյալագիտություն
- Տվյալների կառավարում
- Սիմուլացիա և մոդելավորում, բազմաֆիզիկայի մոդելավորում, ալգորիթմներ
- IoT տեխնոլոգիաներ
- Վերլուծական քիմիա
- Կենսաբժշկություն, թունաբանություն
- Նյութագիտություն
- Աերոզոլային գիտություն
Մեկ նախագծի ֆինանսավորման չափը՝ 7.500 ԱՄՆ դոլ.-ի համարժեք դրամ:
Դիմել կարող են Հայաստանում գործող հետազոտական հաստատությունները կամ համալսարանները, որոնց հետազոտական աշխատանքները վերաբերում են վերը նշված ոլորտներին։ Բոլոր հետաքրքրվածներին խնդրում ենք լրացնել կից հայտը և ուղարկել info@eif.am հասցեին մինչև սույն թվականի Դեկտեմբերի 24-ը։ Հայտին կից անհրաժեշտ է նաև ուղարկել հետազոտական թիմի անդամների ինքնակենսագրականները։ Դիմումի փաթեթը պետք է ներկայացված լինի անգլերեն լեզվով։ Ընտրությունը կատարվելու է ժյուրիի կողմից, որը ձևավորված է տեղական և միջազգային փորձագետների ներգրավմամբ: Հայտերը գնահատվում են ըստ խնդրի բարդության, հետազոտության ազդեցության և կիրառելիության ոլորտի, փորձարարական լուծումների և տեսական մասի համադրման մակարդակի, միջազգային հրապարակումներ և հղումների առկայության: