2021թ. մարտի 26-ին Եվրոպական համալսարանում տեղի կունենա «Անվտանգության արդի հիմնախնդիրները» խորագրով գիտաժողով, որին հրավիրվում են մասնակցելու բուհերի, գիտահետազոտական կենտրոնների և այն գերատեսչությունների գիտնականները, ասպիրանտները, հետազոտողները, մագիստրանտները և ուսանողները, ովքեր մտահոգված են 21-րդ դարում անընդհատ ահագնացող հիմնախնդրով՝ կապված մարդու և հասարակության ավտանգության հետ:
Վերջին տասնամյակների ընթացքում գիտատեխնիկական առաջընթացը, թվում է, մարդու կյանքը դարձրել է բարեկեցիկ, սակայն ավելի են խորացել վտանգներն ու ռիսկերը, որոնք մշտապես ուղեկցում են մեզ: Գիտաժողովի նպատակն է վերլուծել և գնահատել ժամանակակից կյանքում մարդուն սպառնացող տարատեսակ վտանգներն ու ռիսկերը, գտնել դրանց մեղմացման ուղիները, միջոցներն ու մեխանիզմները:
«Անվտանգության արդի հիմնախնդիրները» գիտաժողովը նախատեսում է մասնագետների լայն շրջանակ հետևյալ ուղղություններով.
- Պետության անվտանգություն,
- Քաղաքական անվտանգություն,
- Տնտեսական անվտանգություն,
- Սոցիալական անվտանգություն,
- Առողջապահական անվտանգություն,
- Մշակութային անվտանգություն,
- Բնապահպանական անվտանգություն,
- Քաղաքաշինական անվտանգություն,
- Ճարտարապետական անվտանգություն,
- Տեղեկատվական անվտանգություն:
Գիտաժողովը կկայանա մարտի 26-ին, Եվրոպական համալսարանում, Դ.Անհաղթի 10 հասցեով (հեռ․ +374 10 2400 38, +374 93 114359):
Գիտաժողովին ներկայացված հոդվածները կհրապարակվեն որպես գիտաժողովի նյութեր:
Գրանցման հայտաթերթիկն անհրաժեշտ է ուղարկել g.manasyan@eua.am, l.petrosyan@eua.am էլ.հասցեներով մինչև սույն թվականի մարտի 5-ը, իսկ գիտական հոդվածը՝ մինչև մարտի 19-ը:
Հայտաթերթիկը կարող եք ներբեռնել այստեղ:
Հոդվածների պահանջներին կարող եք ծանոթանալ այստեղ: