Երևանի պետական համալսարանի Իջևանի մասնաճյուղ

2012-2013 ուստարվա I կիսամյակում աշխատանքային բուռն գործունեություն ծավալեց Արտակարգ իրավիճակների, մարմնակրթության և սպորտի ամբիոնի վարիչը

 2011թ. ԵՊՀ ԻՄ արտակարգ իրավիճակների, մարմնակրթության և սպորտի ամբիոնի վարիչ ընտրվեց նույն ամբիոնի ասիստենտ, ամբիոնի վարիչի ժամանակավոր պաշտոնակատար Վարդիթեր Գուրգենի Պողոսյանը:

1995 թվականից Վարդիթեր Պողոսյանը աշխատել է ԵՊՀ Իջևանի մասնաճյուղի «Ֆիզիկական դաստիարակություն» ամբիոնում որպես դասախոս, այնուհետև (2010թ.) որպես ասիստենտ, 2011 թվականից՝ Արտակարգ իրավիճակների, մարմնակրթության և սպորտի ամբիոնի   վարիչ: 2011-2012 ուստարում Վ. Պողոսյանը մասնաճյուղում հիմնեց փետրագնդակի խմբակ, որտեղ նա մարզում և նախապատրաստում է մեր ուսանողներին՝ մասնակցելու տարբեր մրցաշարերի:

2012-2013 ուստարվա I կիսամյակում որպես ամբիոնի վարիչ նա ծավալեց աշխատանքային բուռն գործունեություն: 2012թ. մարտի 14-17-ին մասնաճյուղում անցկացրեց վոլեյբոլի առաջնություն, ապրիլի 2-3-ին՝ փետրագնդակի, ապրիլի 27-ին՝ բազկամարտի առաջնություն: Սեպտեմբերի 14-ին նրա նախաձեռնությամբ մեր ուսանողները մասնակցեցին անկախության 21-րդ տարելիցի կապակցությամբ ՀՀ մարզերում և ԼՂՀ-ում կազմակերպված մարզային փառատոնին և թիմային հաշվարկով գրավեցին առաջին տեղը: Նույն առիթով սեպտեմբերի 17-27-ին մասնաճյուղում տեղի ունեցավ վոլեյբոլի և փետրագնդակի առաջնություն:

Հոկտեմբերի 10-17-ին Արտակարգ իրավիճակների, մարմնակրթության և սպորտի ամբիոնի   վարիչն անցկացրեց բասկետբոլի և վոլեյբոլի մասնաճյուղային առաջնություն: Հոկտեմբերի 22-23-ին Երևանում տեղի ունեցած փետրագնդակի ՀՀ առաջնությունում Վ. Պողոսյանի կողմից պարբերաբար անցկացված մարզումների շնորհիվ  հաջող հանդես եկավ մասնաճյուղի հավաքականը:

Նոյեմբերի 5-7-ը ԵՊՀ Իջևանի մասնաճյուղում նա կազմակերպեց ուսանողական սպորտլանդիա, 19-21-ը՝ շախմատի և սեղանի թենիսի մասնաճյուղային առաջնություն: