Երևանի պետական համալսարանի Իջևանի մասնաճյուղ

Monthly Archives: January 2013

ԵՊՀ ԻՄ ուսանողական գիտական ընկերությունը հրավիրում է ընդլայնված նիստ

Նիստը տեղի կունենա Կիրառական արվեստի ֆակուլտետի նիստերի դահլիճում, ս.թ. փետրվարի 8-ին` ժամը 14:15-ին:

Նիստի ընթացքում կքննարկվի մասնաճյուղի ՈՒԳԸ կիսամյակային գործունեության ծրագիրը:

Կարող են ներկա գտնվել բոլոր ցանկացողները:

ԵՊՀ ԻՄ ՈՒԳԸ

ՀՀ կառավարությունը հայտարարում է մրցույթ

Առկա ուսուցման առաջին և երկրորդ կուրսերի` անվճար համակարգում չընդգրկված ուսանողներին հայտնում ենք, որ ՀՀ կառավարությունը կրթաթոշակ տրամադրելու նպատակով հայտարարում է մրցույթ:

Հայտատու ուսանողը պետք է բավարարի նշված պահանջներից առնվազն մեկին.

  • սոցիալապես անապահով (ընտանիքի անապահովության սահմանային միավորից բարձր միավոր ունեցող) ընտանիքների անդամ,
  • միակողմանի ծնողազուրկ ուսանող,
  • երրորդ խմբի հաշմանդամ ուսանող,
  • հեռավոր լեռնային և սահմանամերձ գյուղերի ուսանող,
  • տվյալ ուսումնական տարվա կիսամյակի քննությունների և ստուգարքների արդյունքներով առավել բարձր գնահատականներ ունեցող ուսանող,
  • հասարակական ակտիվություն ցուցաբերող ուսանող,
  • պատշաճ վարքագիծ դրսևորող ուսանող:

Դիմում-հայտերի ընդունման վերջնաժամկետը փետրվարի 1-ն է։

 Դիմումներն ու անհրաժեշտ փաստաթղթերն ընդունվում են Հայաստանի երիտասարդական հիմնադրամի գրասենյակում (հասցե՝ ք. Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է 13.00-14.00-ն):

Կրթաթոշակի տրամադրման մասին այլ մանրամասների կարելի է ծանոթանալ ՀԵՀ-ի պաշտոնական կայքում` http://heh.am:

Կ Ա Ր Գ Հայաստանի Հանրապետության բարձրագույն ուսումնական հաստատություններում անվճար համակարգում  չընդգրկված, բարձր առաջադիմություն և հասարակական ակտիվություն ունեցող առաջին և երկրորդ կուրսերի ուսանողներին կրթաթոշակների տրամադրման մասին

Ինտելեկտուալ խաղ՝ «Facebook» սոցիալական ցանցում

ԵՊՀ Իջևանի մասնաճյուղի ուսանողական գիտական ընկերությունը արդեն երրորդ անգամ «Facebook» սոցիալական ցանցում կազմակերպում է ինտելեկտուալ խաղ-մրցույթ:

2011թ. հոկտեմբերին ստեղծված և այսօր շուրջ 1700 անդամ ունեցող «Ինտելեկտուալ հարցեր» խմբում (https://www.facebook.com/groups/hartser) կազմակերպված հերթական մրցույթին կարող են մասնակցել ոչ միայն ԵՊՀ ԻՄ-ի, այլև տարբեր բուհերի ուսանողներ, ինչպես նաև շրջանավարտներ ու դպրոցականներ:

Այս անգամ փոքր-ինչ փոխվել է մրցույթի անցկացման կարգը: Հարցեր տեղադրելու համար ստեղծվել է մրցույթին չմասնակցող մի քանի կամավորներից կազմված խումբ: Առավելագույն միավորներ հավաքած 10 մասնակիցների համար ԵՊՀ Իջևանի մասնաճյուղում կկազմակերպվի ոչ վիրտուալ խաղ, որի ընթացքում կորոշվեն հաղթողները: Նրանք կստանան մրցանակներ և պատվոգրեր: Առավել ակտիվ մյուս մասնակիցներին ու հարց տեղադրողներին կտրվեն շնորհակալագրեր և խրախուսական նվերներ:

Մրցույթի մեկնարկը տրված է. այն կընթանա մինչև մարտի 13-ը:

ԵՊՀ Իջևանի մասնաճյուղի ուսանողական գիտական ընկերությունը կազմակերպում է

Սիրելի՛ ուսանողներ, ԵՊՀ Իջևանի մասնաճյուղի ուսանողական գիտական ընկերությունը կազմակերպում է գրքահավաք՝ Տավուշի մարզի մի քանի սահմանամերձ գյուղերի դպրոցներին և գյուղական գրադարաններին հատկացնելու համար:

Գրքերը կարող են լինել ցանկացած լեզվով և ցանկացած ուղղվածության:

Յուրաքանչյուր ուսանող կարող է իր փոքրիկ ներդրումն ունենալ այս հայրենանվեր գործին:

Գրքերը կարող եք տրամադրել Ձեր ֆակուլտետի ՈՒԳԸ նախագահին կամ թողնել Ձեր ֆակուլտետի դեկանատում մինչև 2013 թ. փետրվարի 24-ը:

Ցանկության դեպքում գրքերի մեջ կարող եք գրել Ձեր անունը, ազգանունը, մասնագիտությունը և կուրսը:

ԵՊՀ ԻՄ ուսանողական գիտական ընկերություն

Սեղանի թենիսի մասնաճյուղային առաջնություն

Ս.թ. հունվարի 28-ին` ժամը 10:30-ին, ԵՊՀ Իջևանի մասնաճյուղի մարզադահլիճում տեղի կունենա  սեղանի թենիսի մասնաճյուղային առաջնություն:

Մասնակցել ցանկացող մասնաճյուղի բոլոր աշխատակիցները մինչև հունվարի 25-ը կարող են դիմել Արտակարգ իրավիճակների, մարմնակրթության և սպորտի ամբիոնի վարիչ Վ.Պողոսյանին:

1234

Հայտարարություն

Նորություններ