Երևանի պետական համալսարանի Իջևանի մասնաճյուղ

ՏՆՕՐԵՆՈՒԹՅԱՆ ՆԻՍՏՈՒՄ

2013թ. սեպտեմբերի 2-ին ԵՊՀ Իջևանի մասնաճյուղում տեղի ունեցավ տնօրենության նիստ` մասնաճյուղի տնօեն Ս.Առաքելյանի նախագահությամբ: Նիստում քննարկվեցին մի շարք հարցեր, որոնք վերաբերում էին  2013-2014 ուստարվա նախապատրաստական աշխատանքների ամփոփմանը, առաջիկայում կայանալիք գիտական խորհրդի նիստին և այլն: Կատարված աշխատանքները տնօրենը գնահատեց բավարար:

Քննարկվեցին նաև մասնաճյուղում որոշ պաշտոնների փոփոխությունների հետ կապված հարցեր, մասնավորապես որոշվեց Գ.Գ.Անանյանին ազատել ԵՊՀ ԻՄ-ի վարչատնտեսական գծով փոխտնօրենի պաշտոնից և նշանակել ամբիոնների աշխատանքների համակարգման և միջազգային կապերի գծով տնօրենի խորհրդական, Ն.Ստեփանյանին ազատել գիտքարտուղարի պաշտոնից և նշանակել գրադարանի վարիչ, գիտքարտուղար նշանակել բ.գ.թ., ասիստենտ Մ.Սարուխանյանին, Շրջանավարտների և կարիերայի կենտրոնի վարիչ նշանակել Մինչհամալսարանական կրթության և մասնագիտական կողմնորոշման բաժնի վարիչ Վ.Չոբանյանին, , ֆ.մ.գ.թ., դոցենտ Ա.Մակարյանին ազատել տնօրենի ուսումնական աշխատանքների գծով խորհրդականի պաշտոնից և նշանակել մասնաճյուղի Կրթության որակի ապահովման կենտրոնի ղեկավար, մ.գ.թ., դոցենտ Վ.Բրուտյանին ազատել գիտական քաղաքականության և միջազգային համագործակցության գծով տնօրենի խորհրդականի պաշտոնից և նշանակել Մանկավարժության և հոգեբանության ամբիոնի վարիչի ժամանակավոր պաշտոնակատար:

Ի գիտություն վճարովի համակարգ ընդունված ուսանողների

Վճարովի համակարգ  ընդունված ուսանողներին հայտնում ենք, որ ուսման վարձը պետք է վճարել մինչև ս.թ. սեպտեմբերի 20-ը:

Ուսման վարձը կարող եք վճարել «Արդշինինվեստբանկ»-ում բացված ԵՊՀ ԻՄ-ի հետևյալ հաշվեհամարին՝ 247610017094:

Վճարել հնարավոր է Հայաստանի տարածքում գործող ցանկացած բանկի միջոցով, սակայն «Արդշինինվեստբանկ»-ի ցանկացած մասնաճյուղում վճարում կատարելիս բանկային ծախսերի գումար չի գանձվում:

Բանկում վճարում կատարելիս պետք է հստակ նշվի ուսանողի անունը, ազգանունը, հայրանունը, ուսուցման համակարգը, ֆակուլտետը, մասնագիտությունը և կուրսը:

Բանկում կատարած վճարման անդորրագիրը պահպանել և ներկայացնել փոխանցման հետ կապված խնդիրների առաջացման դեպքում:

ԵՊՀ ԻՄ -ի հաշվապահություն

Տոնական միջոցառմամբ մասնաճյուղում սկսվեց նոր ուսումնական տարին

Սեպտեմբերի 2-ին մասնաճյուղում մեկնարկեց նոր` 2013-2014 ուստարին: Նոր ուստարում ԵՊՀ Իջևանի մասնաճյուղն ընդունեց 211 առաջին կուրսեցիների, որոնց դիմավորելու համար Ուսանողական խորհուրդը կազմակերպել էր տոնական միջոցառում: Այն սկսվեց ՀՀ օրհներգով:

Գիտելիքի օրվա և նոր ուսումնական տարվա կապակցությամբ ներկաներին ողջունեց Սամվել աբեղա Մխիթարյանը` իր օրհնությունն ու շնորհավորանքը հղելով բոլորին: 

Դասախոսներին, ուսանողներին և հատկապես առաջին կուրսեցիներին ողջույնի խոսքով հանդես եկավ մասնաճյուղի տնօրեն Ս.Առաքելյանը` նրանց մաղթելով բարի գալուստ,  հաջողություններ գիտության մեջ և կյանքում: 

Նա միաժամանակ նշեց, որ բուհը և դպրոցը սոսկ ուսումնառության կենտրոն չեն, այլև դաստիարակության կենտրոն: Տնօրենը շնորհակալություն հայտնեց բոլոր ծնողներին` բուհի նկատմամբ նրանց վստահության համար:

Ողջույնի և շնորհավորանքի խոսք ասաց նաև Իջևանում տեղակայված զորամասի հրամանատար, գնդապետ պարոն Մախսուդյանը:

Տոնական միջոցառման ընթացքում գեղեցիկ երգ ու պարով, բանաստեղծությամբ հանդես եկան մասնաճյուղի տաղանդավոր ու շնորհալի ուսանողները: