Երևանի պետական համալսարանի Իջևանի մասնաճյուղ

Հայոց ցեղասպանության վերաբերյալ միջազգային գիտական պարբերականներում հոդվածների տպագրության մրցանակաբաշխություն

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ
«Հայոց ցեղասպանության վերաբերյալ միջազգային գիտական պարբերականներում հոդվածների տպագրության ՄՐՑԱՆԱԿԱԲԱՇԽՈՒԹՅՈՒՆ»

Հայոց Ցեղասպանության 100-րդ տարելիցին ընդառաջ

Երիտասարդ գիտնականների աջակցության ծրագիրը Հայոց Ցեղասպանության 100-րդ տարելիցին ընդառաջ հայտարարում է մրցանակաբաշխություն ցեղասպանագիտության ոլորտում ՀՀ գիտնականների համար՝ գրախոսվող՝ ազդեցության գործակից (Impact Factor, IF) ունեցող կամ, նվազագույնը,միջազգայնորեն հաշվառվող (ինդեքսավորվող) միջազգային գիտական պարբերականներում Հայոց ցեղասպանությունը լուսաբանող գիտական հոդվածների տպագրության համար:
Խրախուսման ենթակա են նաև այն գիտական աշխատանքները, որոնք հաշվառվում են (ինդեքսավորվում են) Social Sciences Citation Index, Arts and Humanities Citation Index, Thomson Reuters, Springer, Scopus, JSTOR, International Bibliography of the Social Sciences, Philosophy Documentataion Centere Collection, ERIH (European Reference Index for the Humanities), WestLaw, Linguistic Bibliography, Index Islamicus, ProQuest Research Library և այլ նմանատիպ միջազգային շտեմարանների ցանկերում։
Ազդեցության գործակից (Impact factor) ունեցող պարբերականների ազդեցության գործակիցը պետք է հաշվառված լինի Scopus և Web of Knowledge – Thomson Reuters շտեմարանների կողմից:

Հայտերն ընդունվում են մինչև 2015 թվականի մարտի 31-ը ներառյալ:
Հայտերը կարող են ներկայացվել հոդվածի տպագրությունից անմիջապես հետո՝ մինչև նշված վերջնաժամկետն անընդմեջ: Նյութերը պետք է հրապարակված լինեն սույն հայտարարության օրվանից հետո։
Մրցանակների արժեքների վերաբերյալ կլինի լրացուցիչ հայտարարություն։Մրցույթին մասնակցելուհամար անհրաժեշտ է միանալ ԵԳԱԾ էջին (https://www.facebook.com/groups/321785487875421) և մինչև 2015թ. մարտի 31-ը ներառյալ մրցույթի հայտարարության տակ որպես մեկնաբանություն տեղադրել մրցույթին ներկայացվող հոդվածի և հեղինակի վերաբերյալ հետևյալ տեղեկությունները։ Նշված կետերից որևէ մեկի բացակայության դեպքում ներկայացված հայտը չի դիտարկվի։ Հետևաբար, խնդրում ենք տրամադրել պահանջվող ամբողջ տեղեկությունը՝ նշված հաջորդականությամբ.

Անուն, հայրանուն, ազգանուն (հայերեն)*
Name,father’s name, family name (English)*
Աշխատանքի վայր*
Էլ. փոստ*
Հեռախոս*
Ներկայացվող հոդվածների ամբողջական տվյալները և համացանցային հղումները.*
1.
2.
3.

Աղբյուրը` armacad.blogspot.com

Երիտասարդ գիտնականների հեղինակած գրքերի տպագրության համար ֆինանսական աջակցության տրամադրման մրցույթ

ՀՀ ՆԱԽԱԳԱՀԻ ՀՈՎԱՆՈՒ ՆԵՐՔՈ ԻՐԱԿԱՆԱՑՎՈՂ ԵՐԻՏԱՍԱՐԴ ԳԻՏՆԱԿԱՆՆԵՐԻ ԱՋԱԿՑՈՒԹՅԱՆ ԾՐԱԳԻՐ
«ԵՐԻՏԱՍԱՐԴ ԳԻՏՆԱԿԱՆՆԵՐԻ ՀԵՂԻՆԱԿԱԾ ԳՐՔԵՐԻ ՏՊԱԳՐՈՒԹՅԱՆ ՀԱՄԱՐ ՖԻՆԱՆՍԱԿԱՆ ԱՋԱԿՑՈՒԹՅԱՆ ՏՐԱՄԱԴՐՄԱՆ ՄՐՑՈՒՅԹ»

Երիտասարդ գիտնականների աջակցության ծրագիրը մրցութային հիմուքներով տրամադրում է ֆինանսական աջակցություն` երիտասարդ գիտնականների հեղինակած գրքերի տպագրության համար:

Ծրագրի հիմնական նպատակն է աջակցել հանրապետության երիտասարդ գիտնականների ստեղծագործական զարգացմանը և մասնագիտական աճին, ինչպես նաև` նպաստել Հայաստանի Հանրապետության գիտական համակարգի առաջընթացին և կադրային ներուժի համալրմանը:

Մրցույթն իրականացվելու է ըստ «Երիտասարդ գիտնականների հեղինակած գրքերի տպագրության համար ֆինանսական աջակցության տրամադրման» կարգի (կցվում է):
Հայտերն ընդունվում են էլեկտրոնային եղանակով`egac2012@gmail.com էլ. փոստով, վերնագրված` “book”: Հայտատուն նշված էլ.փոստին հայտն ուղարկելուն զուգահեռ պետք է

Երիտասարդ գիտնականների աջակցության ծրագրի ֆեյսբուքյան խմբում`http://www.facebook.com/groups/321785487875421, տվյալ մրցույթի հայտարարության գրառման տակ թողնի հաղորդագրություն հեևյալ բովանդակությամբ`անուն, ազգանուն, հայտի ներկայացման ամսաթիվ:
Խնդրում ենք սույն հայտարարությանը հաջորդող մեկնաբանություններում բացառապես ներկայացնել միայն հայտեր։ Այլ բնույթի մեկնաբանությունները կջնջվեն:Հայտերը ընդունվում են 2014թ մարտի 15-ից մինչև 2014թ. հուլիսի 1-ը:Կից ներկայացվում են.

Աղբյուրը` armacad.blogspot.com

ՏԵՂԵԿԱՏՎԱԿԱՆ ՀՈԼՈՎԱԿԻ ՊԱՏՐԱՍՏՄԱՆ ՄՐՑՈՒՅԹ

«Մարդը կարիքի մեջ» կազմակերպության հայաստանյան ներկայացուցչությունն և «Հայ օգնության միություն» կազմակերպությունն Եվրամիության ֆինանսական աջակցությամբ իրականացվող «Աջակցություն շրջանառու միգրացիային և վերաինտեգրմանը Հայաստանում» ծրագրի շրջանակներում հայտարարում են տեղեկատվական հոլովակի պատրաստման մրցույթ:

Հոլովակի նպատակն է արտերկրում գտնվող միգրանտների շրջանում տարածել տեղեկատվություն Միգրացիոն ռեսուրս կենտրոնների (ՄՌԿ-ների) առկայության և գործունեության վերաբերյալ, որոնք ստեղծվել են վերոնշյալ ծրագրի շրջանակներում ՀՀ չորս մարզերում (Արարատում, Արմավիրում, Վայոց Ձորում և Սյունիքում): ՄՌԿ-ները միգրանտներինև վերադարձածներին տրամադրում են խորհրդատվություն, տեղեկատվություն տարբեր երկրներում միգրացիոն օրենսդրության վերաբերյալ, ուղղորդում են շահառուներին հուզող հարցերով զբաղվող պետական և ոչ պետական կառույցներ, ինչպես նաև առաջարկում են վերապատրաստման դասընթացներ:

Հոլովակի հիմնական ուղերձը

«Եթե որոշել եք վերադառնալ Հայաստան, Ձեզ համար օգտակար է իմանալ, որ Հայաստանում կան ՄՌԿ-ներ, որոնք կարող են աջակցել Ձեզ վերաինտեգրման նախնական շրջանում»:

Հոլովակի թիրախը

Արտերկրում բնակվող հայազգի միգրանտներ, ովքեր մտադիր են վերադառնալ Հայաստան:

Հոլովակին ներկայացվող պահանջները

Հոլովակի պետք է լինի 1րոպե տևողությամբ, հայերեն, մատչելի և ստեղծագործական հիմնական ուղերձն արդյունավետ կերպով լսարանին հասցնելու հարցում:

Հայտին ներկայացվող պահանջները

Հայտը պետք է պարունակի հոլովակի մտահղացման հակիրճ նկարագրություն (մինչև 300 բառ), աշխատանքների իրականացման ժամանակացույց, բյուջե, արտերկրում տեսահոլովակի տարածման պլան, նախկինում արված աշխատանքների նմուշներ, հայտատուի կոնտակտային տվյալներ:

Հայտերը ներկայացնել մինչև մարտի 31-ը alina.poghosyan@arsarmenia.org հասցեով՝ վերնագրում նշելով advertisement բառը:

Աղբյուրը` migrant.am

«ԱԼՖԱ» ԴԱՍԸՆԹԱՑ

Ի՞նչ է քրիստոնեական հավատքը…
Ինչու՞ ենք լույս աշխարհ գալիս և ո՞րն է մեր կյանքի իմաստը…

Այս և նմանօրինակ հարցերի շուրջ է կառուցված 15 զրույց-քննարկումներից բաղկացած «Ալֆա» դասընթացը: Ջերմ և անկաշկանդ մթնոլորտում անցկացվող քննարկումները և տեսակետների փոխանակումն էլ ավելի հետաքրքիր են դարձնում հանդիպումները: 11 շաբաթյա այս «շրջագայությունը», ինչպես նաև դասընթացի կեսին Ծաղկաձորում անցկացվող երկօրյա արտագնա սեմինարը՝ հագեցած հետաքրքիր միջոցառումներով, անմոռանալի հետք կթողնեն Ձեր ողջ կյանքում:

Դասընթացը կազմված է Հայ Առաքելական եկեղեցու դավանանքի հիման վրա:

Այն անցկացնում է Արարատյան Հայրապետական Թեմի եկեղեցասեր երիտասարդաց միությունների համակարգող և «Արարատ» երիտասարդաց միության հոգևոր հովիվ Տեր Պետրոս ավագ քահանա Մալյանը: Դասընթացի ավարտին կտրվի վկայական:

Դասընթացին կարող են մասնակցել 17-25 տարեկան բոլոր ցանկացողները:

Առաջիկա դասընթացը կմեկնարկի ս.թ. ապրիլի 3-ին, ժամը 18:30:-ին՝ «Ազգային Առաջնորդության Ինստիտուտ» ՀԿ-ում: Հասցե Վարդանանց փակուղի 8, 4-րդ հարկ, 413 սենյակ:

Հայտերի ընդունման վերջնաժամկետն է մարտի 31-ը:

Մանրամասների համար զանգահարել (010) 54-57-18, (094) 41-77-86 հեռախոսահամարներով, կամ գրել info@nli.am էլեկտրոնային հասցեին:

Աղբյուրը`  youthcanal.do.am

Գիտական զեկուցումներ կարդացին Բնական գիտությունների ֆակուլտետի ուսանողները

2014թ. մարտի 20-ին ԵՊՀ ԻՄ-ի  բնական գիտությունների ֆակուլտետում գիտական զեկուցումներ կարդացին «Կիրառական մաթեմատիկա և ֆիզիկա» մասնագիտության 2-րդ կուրսի ուսանողուհի Հերմինե Ալիխանյանը և «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհի Ալվինա Գևորգյանը:

Ներկա էին Բարձրագույն մաթեմատիկայի և ինֆորմատիկայի ամբիոնի վարիչ Մ.Զաքարյանը, դասախոսներ, ուսանողներ:

Զեկուցումների թեմաները («π թիվը» և «Ածանցյալի կիրառությամբ ապացուցվող անհավասարություններ») հետաքրքիր էին և արդիական:

Ծավալվեց ակտիվ քննարկում: