Երևանի պետական համալսարանի Իջևանի մասնաճյուղ

Գիտաժողով՝ նվիրված Հայագիտական ուսումնասիրությունների ընկերակցության հիմնադրման 40-ամյակին

Գիտաժողով՝ նվիրված Հայագիտական ուսումնասիրությունների ընկերակցության հիմնադրման 40-ամյակին Հայագիտական ուսումնասիրությունների ընկերակցությունը, ՀՀ Գիտությունների ազգային ակադեմիայի հայագիտական ինստիտուտների մասնակցությամբ և Գալուստ Գյուլբենկյան Հիմնադրամի Հայկական համայնքների բաժանմունքի աջակցությամբ կազմակերպում է գիտաժողով՝ նվիրված Հայագիտական ուսումնասիրությունների ընկերակցության հիմնադրման 40-ամյակին:

Գիտաժողովը կկայանա 2014 թվականի հոկտեմբերի 3-5-ը ՀՀ ԳԱԱ-ում:

Գիտաժողովի հիմնական թեմաներն են լինելու.

ա. Քիչ ուսումնասիրված էջեր հայ ժողովրդի պատմությունից, XIV – XVIII դդ.:

բ. Հայոց ցեղասպանության արձագանքներն (անդրադարձներն) ու արտացոլումը հայ և, ի մասնավորի, ոչ-հայ արվեստների բնագավաոում:

գ. Հայոց ցեղասպանության վերապրողների վկայություններն ու հուշերը:

դ. Սփյուռքը երեկ և այսօր. խնդիրներ և հեռանկարներ, հետազոտական նոր մոտեցումներ:

ե. Հայ գրականության անցած և գալիք օրը. խնդիրներ և դրանց հաղթահարման նոր մեթոդներ:

զ. Հայ պատմագրության այսօրն ու վաղը. խնդիրներ և դրանց հաղթահարման նոր մեթոդներ:

է. Թվայնացումը և հայագիտության խնդիրները:

Մասնակցել ցանկացողները պետք է մինչև մայիսի 31-ը ուղարկեն իրենց հայտերը՝ ներկայացվելիք զեկուցումների թեզիսների տեսքով (առավելագույնը 300 բառ), հետևյալ էլեկտրոնային հասցեին. barlowd@csufresno.edu:

Հատկապես խրախուսելի է երիտասարդ գիտնականների մասնակցությունը: Ընտրված մասնակիցների ցանկը կհայտարարվի մինչև սույն թվականի հունիսի 15-ը:

Գիտաժողովի կազմկոմիտե

ՄԱՔՈՒՐ ՏԵԽՆՈԼՈԳԻԱՆԵՐԻ ԲԻԶՆԵՍ ԳԱՂԱՓԱՐՆԵՐԻ ՄՐՑՈՒՅԹ

ՄԱՔՈՒՐ ՏԵԽՆՈԼՈԳԻԱՆԵՐԻ ԲԻԶՆԵՍ ԳԱՂԱՓԱՐՆԵՐԻ ՄՐՑՈՒՅԹ

ՄԱԿ-ի արդյունաբերական զարգացման կազմակերպության (ՄԱԱԶԿ) կողմից իրականացվող և Գլոբալ էկոլոգիական հիմնադրամի (ԳԷՀ) կողմից ֆինանսավորվող «Մաքուր տեխնոլոգիաներ ՓՄՁ-ների և սկսնակների համար» գլոբալ ծրագիրը հայտարարում է մաքուր տեխնոլոգիաների բիզնես գաղափարների և նախատիպերի մրցույթ:

Մրցույթին կարող են մասնակցել բոլոր նրանք, ովքեր բնակվում են Հայաստանում և ունեն մաքուր տեխնոլոգիաներին վերաբերող բիզնես գաղափարներ և նախատիպեր: Բիզնես գաղափարը և նախատիպը պետք է վերաբերի հետևյալ ոլորտներին՝
o Էներգաարդյունավետություն,
o Վերականգնվող էներգիա,
o Թափոններից էներգիայի ստացում,
o Ջրային ռեսուրսներ:

Մրցույթի Փուլերը.
Հունիսի 2` բիզնես գաղափարների ընդունման վերջնաժամկետ,
Հունիսի 3-10` ներկայացված բիզնես գաղափարներից լավագույն 25 –ը կանցնեն կիսաեզրափակիչ փուլ և կմասնակցեն ակսելերացիոն ծրագրին,
Հունիս 12–հոկտեմբերի 3` ակսելերացիոն փուլ, որը կներառի՝
o 3 օրյա ինտենսիվ բիզնես դասընթաց,
o Թեմատիկ դասընթացների շարք (մարքեթինք, բիզնեսի կառավարում, վաճառք, նախատիպի/տեխնոլոգիայի գնահատում),
o Մենթորների և մասնագետների հետ անհատական աշխատանք,
o Բիզնես գաղափարները բիզնես մոդելների վերածում,
o Բիզնես մոդելների նախնական ներկայացում և հանձնաժողովի կողմից գնահատում:
Հոկտեմբերի 16-17` եզրափակիչ փուլ:

Մասնակիցները հանձնաժողովին կներկայացնեն իրենց բիզնես մոդելները: Լավագույն 4 բիզնես մոդելները կստանան մինչև 10,000 ԱՄՆ դոլար մրցանակ, իսկ հաղթողը նաև կմասնակցի Սիլիկոնյան հովտում կայանալիք Cleantech Open-ի կոմից կազմակերպվող ամենամյա գլոբալ բիզնես ֆորումին:

Մրցույթին առցանց կարող եք դիմել ԱՅՍՏԵՂ: Հայերեն լեզվով դիմումաձևի համար դիմեք՝ cleantech.armenia@unido.org էլ-հասցեով: Մրցույթի վերաբերյալ ցանկացաց հարցերի և այլ մանրամասների համար զանգահարեք՝ (+374 10) 54 46 67:

Դիմումների ընդունման վերջնաժամկետն է հունիսի 2, 2014թ. Ժամը՝ 18:00:

Աղբյուրը` UNIDOcleantechArmenia

ՄԱԹԵՎՈՍՅԱՆ ԿՐԹԱՎՃԱՐ 2014

ՄԱԹԵՎՈՍՅԱՆ ԿՐԹԱՎՃԱՐ 2014

ՀՕՖ-ը «Մաթևոսյան կրթավճար» ծրագրի շրջանակներում Երևանի պետական համալսարան, Հայաստանի պետական ճարտարագիտական համալսարան, Հայաստանի պետական տնտեսագիտական համալսարան, Հայաստանի ազգային ագրարային համալսարան և նրանց մասնաճյուղերն ընդունված սոցիալապես անապահով, բարձր առաջադիմություն ցուցաբերած առաջին կուրսեցիների համար հայտարարում է մրցույթ:

Մրցույթին կարող են մասնակցել այն ուսանողները, ովքեր՝
ա) ընդունվել են.

Երևանի պետական համալսարանի հետևյալ ֆակուլտետներ`

• մաթեմատիկա և մեխանիկա,

• ինֆորմատիկա և կիրառական մաթեմատիկա,

• ֆիզիկա,

• քիմիա,

• կենսաբանություն,

• միջազգային հարաբերություններ /քաղաքագիտություն, հանրային կառավարում/,

• սոցիոլոգիա /սոցիալական աշխատանք/,

• փիլիսոփայություն,

• հոգեբանություն /հոգեբանություն/,

• հայ բանասիրություն,

• ժուռնալիստիկա:

Հայաստանի պետական տնտեսագիտական համալսարանի հետևյալ ֆակուլտետներ`
• կառավարում,

• ֆինանսներ,

• կառավարման տեղեկատվական համակարգեր,

• հաշվապահական հաշվառում,

• ապահովագրական գործ:

Հայաստանի պետական ճարտարագիտական համալսարանի հետևյալ ֆակուլտետներ`
• կոմպյուտերային համակարգեր և ինֆորմատիկա,

• մաթեմատիկա,

• ընդերքաբանություն և մետալուրգիա:

Հայաստանի ազգային ագրարային համալսարանի հետևյալ ֆակուլտետներ`
• ագրոբիզնես և շուկայաբանություն,

• Տնտեսագիտական,

• անասնաբուժական և անասնաբուժական բժշկագիտություն,

• ագրոնոմիկա:

բ) ունեցել են բարձր առաջադիմություն դպրոցում, միասնական և ԲՈՒՀ-ի քննությունները հանձնել են գերազանց կամ բարձր գնահատականներով և ընդունվել վճարովի ուսուցման համակարգ,

գ) սոցիալապես անապահով ընտանիքներից են,

դ) պարտավորվում են ուսման ավարտից հետո նվազագույնը 4 տարի ապրել և աշխատել Հայաստանի Հանրապետությունում կամ Արցախում:

«Մաթևոսյան կրթավճար» ծրագրի մրցույթին մասնակցելու կարգը.
Վերոհիշյալ պայմաններին համապատասխանող ուսանողները պետք է քննությունների ավարտից հետո 2014թ. հուլիսի 14-ից օգոստոսի 1-ը ք. Երևան, Մովսես Խորենացի 22 հասցեում գտնվող ՀՕՖ-ի Հայաստանի մասնաճյուղ ներկայացնեն հետևյալ փաստաթղթերը.
• Դիմում (ձևը կարող եք վերցնել ՀՕՖ-ից, բուհի ընդունելության հանձնաժողովից),

• Անձնագրի պատճենը,

• Միջնակարգ կրթության վկայականի պատճենը,

• Միասնական քննությունների գնահատականները,

• ՀՀ ԿԳ նախարարության բուհերի ընդունելության քննությունների հաշվիչ կենտրոնի կամ ԲՈՒՀ-ի տեղեկանքը համապատասխան ֆակուլտետ ընդունվելու վերաբերյալ,

• Ընտանիքի սոցիալական անձնագրի պատճենը (առկայության դեպքում),

• Տեղեկանք ծնողների աշխատավայրից՝ նրանց աշխատանքի և աշխատավարձի վերաբերյալ, եթե չեն աշխատում՝ տեղեկանք զբաղվածության տարածքային կենտրոնից կամ աշխատանքային գրքույկի պատճենը:

Անհրաժեշտության դեպքում կարող են պահանջվել նաև տեղեկանքներ բնակության վայրից, համայնքի սոցիալական ծառայությունից և այլն: Թերի փաստաթղթերը չեն դիտարկվի:

Շահառուների ընտրությունը տեղի է ունենալու 3 փուլով.

1. Ներկայացված փաստաթղթերի քննում,

2. Ուսանողների տուն կատարված այցերի արդյունքների ամփոփում,

3. Անհրաժեշտության դեպքում հարցազրույցի անցկացում:

Ծրագրում ուսանողի ընդգրկման վերջնական որոշումը կայացնելու է ՀՕՖ-ի կրթական ծրագրերի հանձնաժողովը: Լրացուցիչ տեղեկությունների համար զանգահարել ծրագրի համակարգող Էդուարդ Կարապետյանին (060) 52 66 60 հեռախոսահամարով:

Աղբյուրը` www.facebook.com/farusa

ԳԻՏԱԺՈՂՈՎ` «ԱՆՀԱՏԸ ՊԱՏՄՈՒԹՅԱՆ ՀՈԼՈՎՈՒՅԹՈՒՄ»

ԳԻՏԱԺՈՂՈՎ` «ԱՆՀԱՏԸ ՊԱՏՄՈՒԹՅԱՆ ՀՈԼՈՎՈՒՅԹՈՒՄ»

ԵՊՀ Պատմության ֆակուլտետի Համաշխարհային պատմության ամբիոնը և «Համաշխարհային պատմության հայկական ասոցիացիա» հասարակական կազմակերպությունը կազմակերպում են գիտաժողով «ԱՆՀԱՏԸ ՊԱՏՄՈՒԹՅԱՆ ՀՈԼՈՎՈՒՅԹՈՒՄ» թեմայով:

Անհատի դերակատարության և պատմության ընթացքի վրա նրա ներգործության հարցը հումանիտար գիտությունների առանցքային խնդիրներից է: Պատմության տարբեր շրջափուլերում անհատների և նրանց սատարող հասարակական-քաղաքական ուժերի մշակած և փորձարկած ծրագերը դրսևորվում են տարբեր ներուժով և պատմության ընթացքի վրա ազդեցության աստիճանով: Անցումային դարաշրջաններում, երբ հանրույթը կանգնում է իր ապագայի ընտրության այլընտրանքների առջև, անհատների դերակատարությունը հույժ բարձր է: Ասվածը առավել քան կարևոր է արդի գլոբալացման համատեքստում:

Գիտաժողովի նպատակն է ապահովել ուսումնասիրության միջկրթանքային ընդգրկումը: Այն նախատեսվում է ոչ միայն երիտասարդ պատմագետների, այլև փիլիսոփաների, ընկերաբանների (սոցիոլոգների) մշակութաբանների, տնտեսագետների, քաղաքագետների, միջազգայնագետների համար:
Լավագույն զեկուցումները հրատարակվելու են առանձին ժողովածուով և էլեկտրոնային տարբերակով:

Գիտաժողովը տեղի կունենա 2014 թ. հունիսի 28-29-ը: Կարող են մասնակցել երիտասարդ հետազոտողներ, ասպիրանտներ, մագիստրատուրայի ուսանողներ և բուհերի բարձր կուրսերի ուսանողներ:

Անհրաժեշտ է մինչև 2014թ. հունիսի 15-ը մասնակցության հայտն ուղարկել armworldhistory@gmail.com էլ. փոստի հասցեին: Հայտի ձևը կարող եք ներբեռնել այստեղից կամ գիտաժողովի ֆեյսբուքյան խմբի փաստաթղթեր բաժնից:
Հարցերի դեպքում զանգահարել 091 69 23 20 հեռախոսահամարով:

Գիտաժողովի կազմկոմիտե՝ Լիլիթ Մինասյան, պատմ. գիտ. թեկ., դոցենտ, Դավիթ Թինոյան պատմ. գիտ. թեկ., դոցենտ, Ջուլիետա Կճանյան, ԵՊՀ Համաշխարհային պատմության ամբիոնի ասպիրանտ:

Աղբյուրը` armscoop.com

Մայր բուհը մասնաճյուղին նվիրեց ավելի քան հարյուր անուն գիրք

ԵՊՀ հիմնադրման 95-ամյակին նվիրված հոբելյանական միջոցառումների շրջանակներում Մայր բուհը մայիս ամսվա ընթացքում նախաձեռնել էր ՀՀ մարզային բուհերի, ԵՊՀ Իջևանի մասնաճյուղի, Արցախի պետական համալսարանի, ՀՀ ՊՆ ռազմական բուհերի և Երևանի քաղաքային գրադարաններին նվիրել ԵՊՀ հրատարակչության կողմից հրատարակված գրքեր:
Մայր բուհը մասնաճյուղին նվիրեց ավելի քան հարյուր անուն գիրք

Նախաձեռնության նպատակն է մարզային բուհերի և ռազմական ուղղվածության կրթական հաստատությունների սաների համար հասանելի դարձնել ցանկացած կրթօջախի, ինչպես նաև գրադարանների համար անփոխարինելի այդ գրականությունը:
Մայր բուհը մասնաճյուղին նվիրեց ավելի քան հարյուր անուն գիրք

2014թ. մայիսի 17-ին այդ նպատակով մասնաճյուղ այցելեց ԵՊՀ պատվիրակությունը, որի կազմում էին ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, Պատմության ֆակուլտետի դեկան Էդիկ Մինասյանը, ԵՊՀ հրատարակչության տնօրեն Կարեն Գրիգորյանը, Տեղեկատվական համակարգերի սպասարկման և զարգացման վարչության պետ Արշակ Հովհաննիսյանը, ԵՊՀ ուսանողական կառույցների և առանձին ստորաբաժանումների ներկայացուցիչներ, համալսարանականներ:
Մայր բուհ-մասնաճյուղ կապն ամրապնդվում է

Մասնաճյուղին նվիրաբերվեց ավելի քան հարյուր անուն գիրք, որոնց թվում են վերջին տարիներին ԵՊՀ հրատարակչության ջանքերով և Գալուստ Գյուլպենկյան հիմնարկության օժանդակությամբ լույս տեսած արժեքավոր գրքեր` մենագրություններ, բառարաններ, ուսումնամեթոդական ձեռնարկներ, դասագրքեր, ինչպես նաև ռուսերեն, անգլերեն լեզվով աշխատություններ:
Մայր բուհը մասնաճյուղին նվիրեց ավելի քան հարյուր անուն գիրք