Monthly Archives: January 2015
Մեկնարկեց «ԱՄԵՐԻԱ ՍԵՐՈՒՆԴ» 4-րդ ծրագիրը
Սրընթաց զարգացող աշխարհը նորանոր մարտահրավերներ է առաջադրում մեզ համար` ձևավորելով ուսուցման և առաջխաղացման բազմազան հնարավորություններ: Այսօր ակնհայտ է դառնում, որ որակյալ կրթություն ստանալու հնարավորությունն օրեցօր ավելի ու ավելի մեծ կարևորություն է ստանում: Գլոբալացման և աշխարհի դինամիկ զարգացման պայմաններում հաջողության գրավականն են դառնում ինքնակատարելագործումը, հմտությունների զարգացումը և նոր գիտելիքների ձեռքբերումը:
«Ամերիա Սերունդ» ծրագրի նպատակն է նպաստել երիտասարդ մասնագետների առաջխաղացմանը և պատրաստել երիտասարդ առաջնորդների հաջորդ սերունդը: Ծրագրի հիմքում ընկած է գործնական ուսուցումը (coaching), որի ընթացքում փորձառու մասնագետները երիտասարդներին փոխանցելու են պրակտիկ գիտելիքները և ֆինանսաբանկային ոլորտի առօրյայում ձեռք բերված փորձը: Մեր կողմից մշակված ծրագրի շնորհիվ երիտասարդ մասնագետները հնարավորություն կունենան ճանաչել իրական գործարար միջավայրը, պատկերացում կազմել նոր տեխնոլոգիաների և հնարավորությունների մասին: Այստեղ միանում են տեսությունն ու ժամանակակից բանկային գործի առաջատար փորձը:
Եթե Դուք
ԵՐԻՏԱՍԱՐԴ եք` 20-25 տարեկան
ՆՊԱՏԱԿԱՍԼԱՑ` ձգտում եք աշխատել «Ամերիաբանկ» ՓԲԸ-ում
Ունեք ԲԱՐՁՐԱԳՈՒՅՆ ԿՐԹՈՒԹՅՈՒՆ` առաջատար համալսարանների շրջանավարտ եք ֆինանսների և տնտեսագիտության, տեխնիկական կամ հումանիտար բնագավառներում
ՃԿՈՒՆ եք` լավ տիրապետում եք համակարգչին և լեզուների (հայերեն, անգլերեն, ռուսերեն)
ՍՏԵՂԾԱԳՈՐԾ` նոր մարտահրավերներ ընդունող և նորարարական գաղափարներով ու մոտեցումներով լի
ԹԻՄԱՅԻՆ` բաց, համագործակցող, կառուցողական և վստահելի, կարողանում եք համագործակցել տարբեր մշակույթների, սոցիալական խմբերի հետ
ապա «Ամերիա Սերունդ» ծրագիրը հենց Ձեզ համար է:
Ծրագրի առավելությունները՝
- Ֆինանսների (տնտեսության, բիզնեսի, մարքեթինգի, տեղեկատվական տեխնոլոգիաների, ներդրումային բանկային գործառնությունների, նախագծերի կառավարման, խորհրդատվության և այլն) ոլորտում տեսական գիտելիքների և գործնական հմտությունների համակցություն
- Ամենաարագ միջոց վստահ բարձրակարգ մասնագետ դառնալու համար
- Ամերիաբանկի առաջատար մասնագետների մոտ եզակի վերապատրաստում անցնելու հնարավորություն
- Խթանիչ և անընդհատ զարգացող միջազգային միջավայր
- Վերապատրաստում լավագույն բիզնես-ստանդարտների հիման վրա` գործարար էթիկայի կանոնների և համաշխարհային պրակտիկայի սկզբունքների պահպանման պայմաններում
- «Ամերիա» խմբի յուրօրինակ միջավայր և մշակույթ
- Աչքի ընկնելու հնարավորություն` ձեռքբերված եզակի փորձի շնորհիվ
- Կրթության հնարավորություն` ամսական փոխհատուցմամբ
- Ուղեգիր դեպի ապագա առաջնորդների սերունդ
Դիմում
«Ամերիա Սերունդ» ծրագրի մասնակիցը դառնալու համար անհրաժեշտ է.
- լրացնել դիմում-հայտի ձևը, որը իր մեջ ներառում է նաև կարճ շարադրություն/ակնարկ (200 բառ) հետևյալ թեմաներից մեկով.
- Նպատակն արադարացնում է միջոցները;
- Երախտագիտություն՝ ինչի համար ես շնորհակալ եմ;
- Իմ սեփական բիզնեսը՝ ինչպես է ռազմավարությունը վերածվում գործողության;
- Ինչպե՞ս կներգրավեմ իմ առաջին հաճախորդին
- Ներկայացնել մոտիվացիոն նամակ, որը կհիմնավորի Ձեր ցանկությունն աշխատելու «Ամերիաբանկ» ՓԲԸ-ում: Առավել խիզախ և ստեղծագործ դիմորդները կարող են մոտիվացիոն նամակը ներկայացնել՝ նկարահանելով մինչ 1 րոպե տևողությամբ տեսահոլովակ (տեսահոլովակը պետք է լինի Ձեր մասնակցությամբ/selfie video):Տեսահոլովակի վերբեռնված հղումը պետք է ուղարկել էլեկտրոնային նամակով` օգտագործելով Youtube, Google Drive,Dropbox, Yandex Disk, wetrasnfer.com կամ այլ ծառայություններ:
ԴԻՄՈՒՄՆԵՐԻ ՆԵՐԿԱՅԱՑՄԱՆ ԸՆԹԱՑԱԿԱՐԳ`
Եթե Դուք ակտիվ եք, նպատակասլաց, պատրաստ եք նոր մարտահրավերների և ցանկանում եք դառնալ Երազանքի թիմի անդամ, խնդրում ենք լրացնել ներկայացված դիմում/հայտի ձևը, կցել CV-ն` ներառելով համապատասխան որակավորումներն ու փորձը, ինչպես նաև երաշխավորող անձանց կոնտակտային տվյալները, և ուղարկել հետևյալ էլ. հասցեին` generationA@ameriabank.am: Խնդրում ենք նամակի վերնագիր դաշտում նշել «Ամերիա Սերունդ» անվանումը և Ձեր անունը և ազգանունը, այլապես Ձեր դիմումը չի դիտարկվի:
Դիմումներն ընդունվում են ս.թ. 04.12.2014-ից 18.01.2015:
Ընտրություն
- Առաջին փուլն անցած մասնակիցները կհրավիրվեն թեստավորման:
Թեստը հանձնելու համար անհարաժեշտ է տիրապետել ստորև ներկայացված թեմաներին .
- «ՀՀ կենտրոնական բանկի մասին» ՀՀ օրենք
- ՀՀ կենտրոնական բանկի հիմնական խնդիրը և խնդիրները
- ՀՀ կենտրոնական բանկի կողմից իրականացվող ստուգումները, վերահսկողությունը, ուսումնասիրությունները և լիցենզավորված անձանց պատասխանատվության ենթարկելու կարգն ու պայմանները
- Հայաստանի Հանրապետության արժույթը
- «Բանկերի և բանկային գործունեության մասին» ՀՀ օրենք
- Բանկ և բանկային գործունեություն
- Բանկային ավանդ
- Փոխկապակցված և բանկի հետ կապված անձինք
- Նշանակալից մասնակցություն
- Բանկերի կազմակերպական-իրավական տեսակները,
- Բանկի մասնակիցները
- Բանկային գործունեության լիցենզիան, դրա անվավեր և ուժը կորցրած ճանաչելը
- Բանկային գործունեության լիցենզավորման փուլերը
- Բանկերի մասնաճյուղերը և ներկայացուցչությունները և դրանց գրանցումը
- Բանկի կառավարման մարմինները և նրանց իրավասությունները
- Բանկի ղեկավարները
- Բանկերի ֆինանսական գործառնությունները
- Բանկերի կողմից իրենց վերաբերյալ տեղեկությունների և հաշվետվությունների հրապարակումը
- Օրենսդրության խախտումները և դրանց համար կիրառվող պատժամիջոցները
- Աուդիտային ստուգումը
- «Բանկային գաղտնիքի մասին» ՀՀ օրենք
- «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենք
- Բանկային ավանդը և երաշխավորված բանկային ավանդը
- Երաշխավորված ավանդի չափերը
- Բանկի հաշվեկշռի ամփոփ նկարագրությունը
- Բանկի ակտիվները, պարտավորությունները և ընդհանուր կապիտալը, դրանց միջև կապը
- Բանկի ակտիվային, պասիվային և հետհաշվեկշռային գործառնությունները
- Արտարժույթի փոխարժեքի ազդեցությունը բանկի գործունեության վրա
- Բանկի շահութաբերության ցուցանիշները և դրանց միջև կապը: Բանկի եկամտաբերության ցուցանիշները
Թեստը հաջողությամբ անցնելու դեպքում Դուք կմասնակցեք խմբային հարցազրույցի:
- Խմբային հարցազրույց
Հարզազրույցն անցկացվելու է պրոֆեսիոնալ մասնագետների կողմից` 5-8 հոգուց բաղկացած խմբերում: Հարցազրույցի ընթացքում Ձեզ կընձեռվի ևս մեկ հնարավորություն դրսևորել Ձեր թիմային գործելաոճը, ներկայացնել Ձեր անձնական համոզմունքները և աշխարհայացքը օրեցօր զարգացող աշխարհում և աչքի ընկնել տարաբնույթ քննարկումների, դերախաղերի մեջ ցուցաբերած յուրովի մտածելակերպի շնորհիվ:
Միայն լավագույն արդյունքներ ցուցաբերած մասնակիցները կանցնեն նախնական ընտրությունն ու կհրավիրվեն անհատական հարցազրույցի:
- Անհատական հարցազրույց
Անհատական հարցազրույցը երկուստեք կարևոր է, քանի որ թույլ կտա պատկերացում կազմել հետագա ծրագրերի և օպտիմալ արդյունքների հասնելու համար անհրաժեշտ քայլերի մասին:
Վերոհիշյալ փուլերի ավարտից հետո 10 օրվա ընթացքում մեր մասնագետների կոլեգիալ որոշման արդյունքում մենք կտեղեկացնենք Ձեզ գնահատման արդյունքների մասին: անհատական հարցազրույցից հետո:
Գնահատումը կատարվում է` հաշվի առնելով ստեղծագործ մոտեցումը, որը Դուք ցուցաբերել եք շարադրություն/ակնարկում և մոտիվացիոն նամակում, ինչպես նաև անհատական և խմբային հարզացրույցներում դրսևորած անհատականությունը և յուրօինակությունը, և, ի վերջո, թեստի արդյունքները, որոնք հաշվարկվում են ավտոմատ ներդրված համակարգով: Դասընթացները կանցկացվեն 15 հոգուց բաղկացած խմբերում` հարմարավետ և ժամանակակից սարքավորումներով հագեցած սենյակներում, ինչը կնպաստի ուսումնական գործընթացի արդյունավետությանը:
Վերապատրաստում
«Ա» ուսուցման ծրագիրը ներառում է հետևյալ մոդուլները.
- ՃԱՆԱՉՈՂԱԿԱՆ ՄՈԴՈՒԼ
- ԳԻՏԵԼԻՔՆԵՐԻ ՁԵՌՔԲԵՐՄԱՆ ՄՈԴՈՒԼ
- ՀՄՏՈՒԹՅՈՒՆՆԵՐԻ ԶԱՐԳԱՑՄԱՆ ՄՈԴՈՒԼ
- ԳՈՐԾԱՌՆԱԿԱՆ ՈՒՍՈՒՑՄԱՆ ՄՈԴՈՒԼ
«Ամերիա Սերունդ» ծրագիրն իրականացվում է երկու փուլով` երեք ամիս ընդհանուր տևողությամբ:
- Առաջին մասը տեսական ուսուցումն է` հինգ շաբաթ տևողությամբ, որի ընթացքում ծրագրի մասնակիցներին կներկայացվի «Ամերիա» խմբի պատմությունը, բիզնեսի փիլիսոփայությունը, գործարար էթիկայի, մակրոտնտեսության, ֆինանսների, հաշվապահական հաշվառման, մարքեթինգի և հասարակայնության հետ կապերի հիմունքները, հաճախորդների սպասարկման հմտությունները, հաղորդակցման և բանակցությունների հմտությունները: Այս փուլը հաջողությամբ ավարտելու դեպքում Դուք կանցնեք հաջորդ փուլ, որտեղ միավորվում են լավագույն փորձն ու պրակտիկան:
- Երկրորդ մասը գործառնական ուսուցումն է` յոթ շաբաթ տևողությամբ: Երիտասարդ մասնագետները վերապատրաստում կանցնեն հենց աշխատատեղում` Ամերիաբանկի գլխամասում և մասնաճյուղերում, որտեղ նրանց կընձեռվի գործնական խնդիրներ լուծել հնարավորությունը` հինգ շաբաթվա ընթացքում ձեռքբերված տեսական գիտելիքների կիրառմամբ:
Աշխատանքի ընդունում
Երկու փուլերի ավարտից հետո լավագույն երիտասարդները հնարավորություն կստանան հարցազրույց անցնել և ընդունվել աշխատանքի «Ամերիաբանկ» ՓԲԸ-ում:
Ձեր մասնակցությունը, բարձր մոտիվացիան, վառ ու յուրօրինակ անհատականությունը և ուժեղ կամքը` մեր փորձի հետ մեկտեղ, կնպաստեն մեր երկրի ներուժի զարգացմանը` ամուր հիմք ստեղծելով հետագա ձեռքբերումների համար:
Աղբյուրը` www.ameriabank.am
«Արդի բանասիրության հիմնախնդիրներ» խորագրով միջազգային գիտաժողով՝ նվիրված Մանուկ Աբեղյանի ծննդյան 150-ամյակին
2015թ. նոյեմբերի 4-5-ը Վանաձորի պետական համալսարանը կազմակերպում է«Արդի բանասիրության հիմնախնդիրներ» խորագրով միջազգային գիտաժողով՝ նվիրված Մանուկ Աբեղյանի ծննդյան 150-ամյակին:
Գիտաժողովի նպատակն է որոշել գիտական հետազոտությունների և գործնական մշակումների հրատապ և հեռանկարային ուղղությունները գրականագիտության և լեզվաբանության ասպարեզներում, ինչպես նաև լեզուների և գրականության ոլորտում առկա հիմնախնդիրների լուծման ուղիները:
Գիտաժողովի աշխատանքների ուղղությունները.
1. Լեզվաբանություն
• Ընդհանուր լեզվաբանություն, լեզվանշանագիտություն և լեզվի պատմություն
• Բարբառագիտություն
• Ժամանակակից լեզուներ
2. Գրականագիտություն
• Գրականության տեսություն և պատմություն
• Առասպել-էպոս-բանահյուսություն
• Համեմատական գրականագիտություն
• Մանուկ Աբեղյանի վաստակի գնահատություն:
Մասնակցությունը գիտաժողովին.
Գիտաժողովը նախատեսում է առկա/հեռակա մասնակցության ձևեր:
Գիտաժողովի աշխատանքներին մասնակցելու համար անհրաժեշտ է նյութերն ուղարկել հետևյալ էլեկտրոնային հասցեներին (1.silvi81@mail.ru 2.herminebaburyan@rambler.ru ):
1. դիմում (հավելված 1-ում ներկայացված ձևով ) – մինչև 2015թ. մայիսի 1-ը,
2. հոդվածը (հավելված 2-ում ներկայացված պահանջներով) – մինչև 2015թ. սեպտեմբերի 1-ը:
Գիտաժողովի աշխատանքային լեզուներն են` հայերեն, ռուսերեն, անգլերեն:
Գիտաժողովի կազմակերպչական հանձնախմբի կողմից փորձաքննություն անցած աշխատանքները կտպագրվեն գիտաժողովի նյութերն ամփոփող ժողովածուում:
Գիտաժողովի նյութերի հրատարակումը.
Գիտաժողովի նյութերի ժողովածուն կհրատարակի Վանաձորի պետական համալսարանը:
Գիտաժողովը կանցկացվի Վանաձորի պետական համալսարանում 2015 թ. հոկտեմբերի 15-16-ին, սկիզբը` ժամը 1200-ին (մասնակիցների գրանցումը` ժամը 1130-ին ):
Լրացուցիչ տեղեկությունների համար զանգահարել (0322) 20917 (գիտական աշխատանքների գծով պրոռեկտոր Արեն Սանթոյան), (0322) 41855-129 կամ (077) 750578 (հայոց լեզվի ամբիոնի վարիչ Հասմիկ Հարությունյան), (093) 338996 (գրականության ամբիոնի վարիչ Վալերի Փիլոյան):
Հավելված 1. Գիտաժողովին մասնակցելու դիմում-ձևը
Հավելված 2. Ներկայացվող պահանջներ
Հասցեն՝ ՀՀ, ք. Վանաձոր, Տիգրան Մեծի 36
Գրքահավաք սահմանամերձ բնակավայրերի համար
«Աջակցենք սահմամանամերձ բնակավայրերին» նախաձեռնությունը կազմակերպում էգրքահավաք` Հայաստանում փետրվարի 19-ին նշվող գիրք նվիրելու օրվանն ընդառաջ: Գրքահավաքի արդյունքում հավաքված գրքերը նվիրվելու են սահմանամերձ որևէ բնակավայրի, կամ բնակավայրերի դպրոցներին և գրադարաններին, իսկ որևէ տեսակի գրքի մեծաքանակ լինելու դեպքում` նաև անհատ մարդկանց:
Ցանկալի է նվիրել հիմնականում մանկական, գեղարվեստական (դասական, արտասահմանյան), մասնագիտական, տեղեկատվական, ուսուցողական, հանրագիտարանային, գիտահանրամատչելի, ինչպես նաև` այլ բնույթի գրքեր:
Գրքահավաքին մասնակցել ցանկացողները կարող են հունվարի 24-ին և փետրվարի 8-ին` ժամը 13:00-ից մինչև 15:00-ը, իրենց կողմից հատկացվող գրքերը բերել մետրոյի «Հանրապետության հրապարակ» կայարանին կից այգի: Ցանկալի է` գրքերը լինեն նոր կամ լավ պահպանված վիճակում: Գրքահավաքը կշարունակվի մինչև փետրվարի 10-ը:
Հարցեր ունենալու դեպքում կարող եք գրել «Աջակցենք սահմամանամերձ բնակավայրերին» ֆեյսբուքյան խմբում կամ զանգահարել՝ 055 17 05 79 հեռախոսահամարով (Տիգրան):
Աղբյուրը` armscoop.com
ԼԵՅՆ ԿԻՐԿԼԱՆԴԻ ԱՆՎԱՆ ԿՐԹԱԹՈՇԱԿԱՅԻՆ ԾՐԱԳԻՐ
Լեհ-Ամերիկյան Ազատության Հիմնադրամը (ծրագրի հիմնադիր) և Կրթություն հանուն ժողովրդավարության Հիմնադրամը (ծրագրի համակարգող) հայտարարում են հերթական բաց մրցույթը Ուկրաինայի, Բելառուսի, Ռուսաստանի, Մոլդովայի, Վրաստանի, Հայաստանի, Ադրբեջանի, Ղազախստանի և Ղրղզստանի հավակնորդների համար` 2015/2016 ուսումնական տարում Լեհաստանում Լեյն Կիրկլանդի անվ. Կրթաթոշակ ստանալու նպատակով:
Ծրագիրը նախատեսված է բարձրագույն կրթություն ունեցող երիտասարդ լիդերների համար, ովքեր շահագրգռված են իրենց երկրներում և տարածաշրջանում ժողովրդավարության հաստատման, տնտեսության և քաղաքացիական հասարակության զարգացման հարցում։
Ծրագիրը ներառում է ուսուցում լեհական բուհերում 2 կիսամյակի ընթացքում և 2-4 շաբաթ տևողությամբ աշխատանքային ստաժ պետական կամ մասնավոր հիմնարկություններում:
Ծրագրի հիմքում ընկած է փոխադարձ հարգանքի սկզբունքը, անկախ ազգային պատկանելությունից։
ՈԼՈՐՏՆԵՐ՝
- Տնտեսագիտություն և կառավարում,
- Ադմինիստրացիա / կառավարում (բիզնես, ՀԿ, մշակույթ, բնապահպանություն, առողջապահություն, կրթություն),
- Հանրային կառավարում (պետական կառավարում և տեղական ինքնավարություն),
- Իրավագիտություն,
- Հասարակագիտական գիտություններ (սոցիալական հոգեբանություն, սոցիոլոգիա),
- Քաղաքագիտություն և միջազգային հարաբերություններ,
- Զարգացման քաղաքականություն և մարդասիրական օգնություն:
Կրթաթոշակային ծրագրի ընթացքում գրված դիպլոմային աշխատանքը կարող է կրել կամ գիտական կամ էլ պրակտիկ բնույթ (վերջինիս դեպքում աշխատանքը պետք է ներառի իր մեջ գիտական բնույթի ներածական մաս)
ՀԱՎԱԿՆՈՐԴՆԵՐ՝
2015/2016 ուսումնական տարում Կիրկլանդի կրթաթոշակային ծրագիրը հասցեագրված է հետևյալ մասնագիտական ոլորտների ներկայացուցիչներին՝
- փորձագետներին, քաղաքական գործիչներին, պետական և ինքնավար հաստատությունների աշխատակիցներին;
- ձեռնարկատերերին, կառավարիչներին (մենեջերներին);
- հասարակական կազմակերպությունների առաջնորդներին, մշակույթի գործիչներին և հասարակական գործիչներին;
- բուհերի դասախոսներին
- լրագրողներին:
ՊԱՐՏԱԴԻՐ ՊԱՅՄԱՆՆԵՐ՝
- Վերը նշված երկրներից մեկի քաղաքացիության և մշտական կացության արկայություն (Լեհաստանի մշտական կացության քարտ ունեցող անձինք չեն կարող հավակնել Կիրկլանդի կրթաթոշակին);
- Լիարժեք բարձրագույն կրթություն (մագիստրոսի կոչում);
- Տարիքը՝ մինչև 35 տարեկան (հիմնավորված դեպքերում մինչև 40 տարեկան);
- Նվազագույնը երկու տարվա աշխատանքային փորձ
- Լեհերենի իմացություն բավարար մակարդակ, բուհերում դասախոսություններին և սեմինարներին մասնակցելու, դիպլոմային աշխատանքը պատրաստելու նպատակով, կամ անգլերենի իմացություն՝ այն դեպքում, եթե ընտրում է կրթական ծրագիր կոնկրետ այդ լեզվով (այդ պարագայում բավարար է լեհերենի տարրական իմացություն): Հարցազրույցի ընթացքում անհրաժեշտ է լեհերենի իմացություն առնվազն B1 մակարդակ (եթե աշխատանքը գրված է լեհերենով), կամ առնվազն А1 մակարդակ (եթե աշխատանքը գրված է անգլերենով)։
ՆԱԽԱՊԱՏՎՈՒԹՅՈՒՆ
կտրվի այն հավակնորդներին, ովքեր
- ակտիվ են իրենց մասնագիտական և հասարակական ոլորտում;
- ունեն մեծ նվաճումներ իրենց բնագավառներում;
- մինչ այդ չեն ուսանել Լեհաստանում:
ՊԱՀԱՆՋՎՈՂ ՓԱՍՏԱԹՂԹԵՐ՝
1. Առցանց լրացված մասնակցության հայտ՝
- անձնական տվյալների լրացման հարցաթերթիկ
- Լեհաստանում կացության ծրագիր, կրթաթոշակային ծրագրին մասնակցելու ցանկության հիմնավորում, առաջարկներ Լեհաստանում կացության վերաբերյալ և ապագայում պլանների նկարաագրություն (4000-6000 նիշ բաց տարածություններով):
2. Երկու երաշխավորագիր, որոնցում ներկայավցած կլինեն հայցատուի անցած նվաճումները և որակավորումները, ինչպես նաև նրա հույսերը վերաբերյալ նրա հետագա զարգացման և գործունեության մասնագիտական կամ հասարակական դաշտում։ Նամակները պետք է գրված լինեն լեհերեն, անգլերեն կամ ռուսերեն լեզուներով և ուղարկվեն էլեկտրոնային փոստի միջոցով:
3. Բարձրագույն կրթության դիպլոմի պատճե (առկայության դեպքում, գիտությունների թեկնածուի վկայականի պատճե)՝ ուղարկված էլեկտրոնային փոստի միջոցով:
ԸՆՏՐՈՒԹՅԱՆ ԿԱՐԳ
Անցնելով երեք փուլ՝ ընտրվում են մոտ 45 հավակնորդ։
I փուլ՝ պարտադիր պայմաններին համապատասխանող փաստաթղթերի գնահատումն է;
II փուլ ՝ հավակնորդների հայտերի գնահատումն է համապասխան ոլորտների մասնագետների կողմից;
III փուլ՝ որակավորման հարցազրույցների անցկացումն է, որոնք նախատեսվում են 14.04 – 30.04.2015 թ. ժամանակահատվածում։
Երրորդ փուլ անցած հավակնորդները արդյունքների մասին կտեղեկանան մարտ ամսվա վերջին էլ.փոստի միջոցով: Մրցույթի վերջնական արդյունքների մասին տեղեկությունը կուղարկվի 2015 թ-ի հունիսին նույնպես էլ.փոստի միջոցով:
ՀԱՅՏ ՆԵՐԿԱՅԱՑՆԵԼՈՒ ԸՆԹԱՑԱԿԱՐԳ՝
Հայտաձևը պետք է լրացվի առցանց: Հայտաձևը առցանց լրացնելուց հետո անհրաժեշտ է տպել համակարգի կողմից գեներացված հայտը հաստատող էջը: Տվյալ ստորագրված էջին կցել հավակնորդի ակտուալ նկարը և ուղարկել փոստով Կիրկլանդ ծրագրի հասցեին:
Երկու երաշխավորագրերի և դիպլոմի պատճեների էլեկտրոնային տարբերակները (սկան արված) պետք է նույնպես ուղարկել հետևյալ էլեկտրոնային հասցեով՝ kirkland@kirkland.edu.pl:
ՓԱՍՏԱԹՂԹԵՐ ՆԵՐԿԱՅԱՑՆԵԼՈՒ ԺԱՄԿԵՏՆԵՐ
Կիրկլանդի 2015/2016 կրթաթոշակային ծրագրի հայտերի ներկայացնելու վերջնաժամկետն է՝
2015 թ․-ի մարտի 1։
Վերը նշված վերջնաժամկետից ուշ ստացված հայտերը չեն դիտարկվի:
ՖԻՆԱՆՍԱԿԱՆ ՊԱՅՄԱՆՆԵՐ
Կրթաթոշակը կազմում է ամսեկան 1800 PLN:
Լրացուցիչ, ծրագիրը հոգ է տանում հետևյալ ծախսերը՝ ուսման վարձը, բնակության վարձը, ապահովագրությունը, ճանապարհածախսը Լեհաստան և վերադարձը, վիզայի արժեքը, անհրաժեշտ նյութերի և գիտական գրականության գնումները:
Կրթաթոշակառուներին կտրամադրվեն համակարգիչներ, որոնք կարող են դառնալ սեփական՝ միայն ծրագրի բոլոր պահանջները կատարելուց հետո:
ԱՅՑԻ ԾՐԱԳԻՐ՝
- Ծրագրի հանդիսավոր բացում (2015 թ․սեպտեմբերի կեսին),
- Նախապատրաստական տեղեկատվական դասընթաց (10 օր),
- Դասընթացներ Լեհաստանի առաջատար բուհերում՝ Վարշավայում, Կրակովում, Պոզնանում, Վրոցլավում, Լյուբլինում (2 կիսամյակ),
- Կիսամյակային և դիպլոմային աշխատանքների պատրաստում,
- Չորս ինտեգրացիոն հանդիպումներ՝ բոլոր կրթաթոշակառուների մասնակցությամբ,
- Աշխատանքային ստաժ (2 շաբաթ)՝
- Ծրագրի հանդիսավոր փակում և դիպլոմների հանձնման արարողություն (2016 թ․հունիսի վերջին):
ԾՐԱԳՐԻ ՀՈՎԱՆԱՎՈՐՆ Է
Լեյն Կիրկլանդը (1922-1999), ամերիկյան արհմիությունների (AFL-CIO) բազմամյա առաջնորդ, Լեհ-Ամերիկյան Ձեռնարկատիրության Հիմնադրամի տնօրենների խորհրդի անդամ: 80-ական թվականներին, իր մասնակցությամբ և հեղինակությամբ, աջակցում էր լեհական «Սոլիդարնոստ» շարժմանը: Հասկանում և սատարում էր Կենտրոնական և Արևելյան Եվրոպայի նաև այլ ժողովուրդների ազատության և ժողովրդավարության ձգտումները: Պարգևատրվել է բարձրագույն պարգևներով. Այդ թվում՝ ամերիկյան «Ազատության Մեդալով» և լեհական «Սպիտակ Արծվի Շքանշանով»:
Բեռնել ծրագրի հայերեն նկարագրությունը:
ՀԵՏԱԴԱՐՁ ԿԱՊ՝
Կրթություն հանուն ժողովրդավարության հիմնադրամ
Կիրկլանդի կրթաթոշակային ծրագիր
Հոժա փողոց 59, բն. 1ա, 00-681 Վարշավա
Էլ. հասցեն՝ kirkland@kirkland.edu.pl
Աղբյուրը` youthcanal.do.am