Երևանի պետական համալսարանի Իջևանի մասնաճյուղ

Կրթաթոշակի մրցույթ՝ Երևանի պետական համալսարանի մագիստրատուրայի ուսանողների համար

Կրթաթոշակի մրցույթ՝ Երևանի պետական համալսարանի մագիստրատուրայի ուսանողների համար

Հետազոտական ռեսուրսների կովկասյան կենտրոն (ՀՌԿԿ)-Հայաստան հիմնադրամը Երևանի պետական համալսարանի (ԵՊՀ) սոցիոլոգիայի ու տնտեսագիտության և կառավարման  ֆակուլտետների մագիստրատուրայի ուսանողների համարհայտարարում է մեկական հետազոտական կրթաթոշակի մրցույթ՝ անհատական ավարտական հետազոտական թեզերի իրականացմանն աջակցելու նպատակով:

 

Դիմելու կարգը

Հետաքրքրված ուսանողներն իրենց հայտերը պետք է ուղարկեն fellowship@crrc.amէլ. հասցեով մինչև ս.թ. նոյեմբերի 6-ը: 

 

Հայտի փաթեթում պետք է ներառվեն հետևյալ փաստաթղթերը (հայերենով)՝

 1)      դիմում-հիմնավորում (1 էջ),

2)      մագիստրական հետազոտության համառոտ նկարագիր (մինչև 1000 բառ)` ներառելով նպատակը, ակնկալվող արդյունքները (պաշտպանություն, գիտական հոդված, առցանց տեղակայում, քննարկում և այլն) և իրականացման ժամանակացույցը,

3)      ինքնակենսագրություն (ներառելով տպագրված հոդվածների ցանկը, եթե այդպիսիք կան)

4)      երաշխավորագիր թեզի գիտական ղեկավարից:

 

Ընտրության կարգը

Կրթաթոշակառուների ընտրությունը կիրականացնի ՀՌԿԿ-Հայաստանի կրթաթոշակների հանձնաժողովն անանուն դիտարկմամբ` ներգրավելով ԵՊՀ ներկայացուցիչների:

Նախապատվություն կտրվի արդիական թեմաներով, հիմնավորված հետազոտական մեթոդաբանական մոտեցումներով կիրառական ուղղվածություն ունեցող աշխատանքներին։ ՀՌԿԿ-Հայաստանի տվյալադարանների օգտագործման մտադրությունը ցանկալի է:

Կրթաթոշակառուներին տրվող հնարավորությունները

Կրթաթոշակառուները հնարավորություն կունենան մասնակցելու ՀՌԿԿ-Հայաստանի Կրտսեր հետազոտողների ծրագրով նախատեսված դասընթացներին, օգտվել կենտրոնում առկա բոլոր ռեսուրսներից, ստանալ հիմնադրամի աշխատակիցների խորհրդատվությունը:

 

Կրթաթոշակառուներին ներկայացվող պահանջները

Ընտրված կրթաթոշակառուները պետք է՝

1)      տրամադրվող կրթաթոշակն օգտագործեն միմիայն հետազոտական նպատակներով,

2)      անհատական թեզը գրելիս պահպանեն ակադեմիական ազնվության բոլոր նորմերը,

3)   հետազոտության առաջընթացի վերաբերյալ ՀՌԿԿ-Հայաստանի անձնակազմին ներկայացնեն եռամսյակային հաշվետվություններ,

4)      յուրաքանչյուր բովանդակային հիմնարար փոփոխության մասին տեղեկացնեն ՀՌԿԿ-Հայաստանի անձնակազմին,

5)      ավարտական աշխատանքի հրապարակային պաշտպանության օրվա մասին ծանուցեն ՀՌԿԿ-Հայաստանի անձնակազմին:

Կրթաթոշակի չափը

2015-2016 ուսումնական տարվա համար կրթաթոշակի չափը 200,000 ՀՀ դրամ է:

Աղբյուրը՝  www.crrc.am

«Արդիական գիտական հետազոտությունները ժամանակակից աշխարհում» VI միջազգային գիտագործնական համացանցային կոնֆերանս

«Արդիական գիտական հետազոտությունները ժամանակակից աշխարհում» VI միջազգային գիտագործնական համացանցային կոնֆերանս

Հարգելի՛ համալսարանականներ, 2015թ. հոկտեմբերի 25-26-ը տեղի կունենա «Արդիական գիտական հետազոտությունները ժամանակակից աշխարհում» VI միջազգային գիտագործնական համացանցային կոնֆերանսը:

Կոնֆերանսի աշխատանքային լեզուներից են հայերենը, ռուսերենը, անգլերենը, ուկրաիներենը, բելառուսերենը, ղազախերենը, լեհերենը, ուզբեկերենը, ղրղզերենը:

Մասնակցելու համար անհրաժեշտ է մինչև ս.թ. հոկտեմբերի 25-ը (ներառյալ) ուղարկել հոդվածը կազմկոմիտեի էլեկտրոնային հասցեին` iscience.in.ua@gmail.com:

Մանրամասն տե՛ս կոնֆերանսի ծրագիրը:

 

Լույս է տեսել «Վիշապ քարակոթողները» ժողովածուն (ներբեռնելի տարբերակը՝ համացանցում)

Լույս է տեսել «Վիշապ քարակոթողները» ժողովածուն (ներբեռնելի տարբերակը՝ համացանցում)

ԳԱԱ Հնագիտության և ազգագրության ինստիտուտի կողմից լույս է ընծայվել Հայկական լեռնաշխարհին ներհատուկ եզակի հուշարձաններից վիշապաքարերի ուսումնասիրությանը նվիրված «Վիշապ քարակոթողները» ժողովածուն:

Այն ներառում է հայերեն, անգլերեն և ռուսերեն լեզուներով 19 հոդված, բազմաթիվ լուսանկարներ, գծանկարներ և քարտեզներ:

Հասանելի է նաև գրքի էլեկտրոնային ներբեռնելի տարբերակը 

Հայաստանի բարձր լեռներում ﬕնչ օրս պահպանվել են հնագույն կոթողային հուշարձաններ, որոնց ժողովուրդն ավանդաբար կոչում է «վիշապ»: Խաչքարերի նման, վիշապ քարակոթողները հանդիպում են ﬕայն Հայկական լեռնաշխարհում: Չնայած այս հուշարձաններն ավելի քան ﬔկ դար է, ինչ հայտնի են գիտությանը, սակայն բազմաթիվ խնդիրներ, կապված դրանց նշանակության, գործառույթի և թվագրության հետ, ﬓում են դեռևս չլուծված: Սույն ժողովածուն նվիրված է վիշապ քարակոթողների բազմակողմանի հետազոտությանը՝ առասպելաբանական, ազգագրական, լեզվաբանական և հնագիտական նոր տվյալների հիման վրա: Գիրքը նախատեսված է ինչպես մասնագետների, այնպես էլ Հայաստանի հնագույն շրջանի պատմությամբ և մշակույթով հետաքրքրվող ընթերցողների համար:

Հայկական լեռնաշխարհի հյուսիսային և հյուսիսարևելյան տարածքներում (պատմական Հայաստանի Տայք, Գուգարք, Այրարատ և Սյունիք նահանգներ) ներկայացված է «վիշապների» եզակի մշակույթը, որի ստեղծման առանցքային ժամանակահատվածը, ամենայն հավանականությամբ, ﬕջին բրոնզի դարաշրջանն է (Ք.ա. մոտ 2200-1600 թթ.): Պատկանում է Հայկական լեռնաշխարհի երեք հիմնական պատմամշակութային ենթագոտիներից մեկին` կենտրոնական-հյուսիսարևելյանին` Բարձր Հայք, Այրարատ, Տայք, Սյունիք ևն (Բոբոխյան): 

Հայագիտական արշավային դասընթացի (ղեկավար՝ Հրաչ Մարտիրոսյան, Վիեննա /Լեյդեն) մասնակիցները վիշապաքարի մոտ (2015 օգոստոս, Գեղամա լեռներ)

Վիշապաքարերը հիմնականում 2-5 մետր երկարության քարակոթողներ են, երբեմն` ձկնակերպ: Գտնվում են ծովի մակերևույթից 2000-3000 մ բարձրության վրա, մեծ մասամբ` ջրով հարուստ կամ ճահճոտ մարգագետիններում, գրեթե ﬕշտ առնչվում են կրոմլեխ-դամբանաբլուրների ու նրանց անﬕջական ﬕջավայրի հետ, ուստի, ամենայն հավանականությամբ, թաղման ծեսին առնչվող հուշակոթողներ են:

Vishap-mapՎիշապաքարերն արտացոլում են գործառութային, ծիսական ու դիցաբանական բազմաշերտ իրողությունների մի սինկրետիկ համաձուլվածք: Բարդ ու բազմաշերտ են ոչ միայն վիշապաքարերի գործառութային ու իմաստաբանական դիմագծերը, այլև դրանց հենքում ընկած ծիսական ու դիցաբանական իրողությունների ծագումն ու զարգացման ընթացքը: Լինելով դամբարանային հուշակոթողներ` վիշապաքարերը, խաչքարերի նման, ունեն ավելի լայն ու ընդհանուր իմաստաբանական հենք: Դրանք արտացոլում են հասարակական զոհաճաշակման իրողությունը, ընդ որում վերջինս կարող էր կազմակերպվել ինչպես հուղարկավորության առիթով, այնպես էլ` առհասարակ ժողովրդական տոնախմբությունների ու երաշտի հմայածեսերի:

Աղբյուրը՝ armscoop.com

Թափուր աշխատատեղեր «ՖԻՆՔԱ» ունիվերսալ վարկային կազմակերպությունում

Թափուր աշխատատեղեր «ՖԻՆՔԱ» ունիվերսալ վարկային կազմակերպությունում

ԵՊՀ ԻՄ-ի հարգելի՛ շրջանավարտներ և ավարտական կուրսերի ուսանողներ, «ՖԻՆՔԱ» ունիվերսալ վարկային կազմակերպությունը հայտարարում է թափուր աշխատատեղերի մասին Դիլիջան և Նոյեմբերյան քաղաքներում (1 վարկային մասնագետ Դիլիջանում, 1 վարկային մասնագետ  և  1 հաճախորդների  խորհրդատուՆոյեմբերյանում):

 

Վարկային մասնագետներ ` Դիլիջան և Նոյեմբերյան մասնաճյուղերում

ՊԱՐՏԱԿԱՆՈՒԹՅՈՒՆՆԵՐԸ՝

 • Իրականացնել մարքեթինգ և ներկայացնել «ՖԻՆՔԱ»-ի ապրանքանիշը և ծառայությունները,

• Ներգրավել պոտենցիալ հաճախորդներ,

• Կատարել բիզնես վերլուծություն և այցելել հաճախորդի բնակարան՝ վերջինիս  ֆինանսական կարգավիճակը գնահատելու նպատակով,

• Ստուգում անցկացնել պոտենցիալ հաճախորդի ռիսկերի վերլուծության նպատակով,

• Վերլուծել ստուգման արդյունքները՝ օգտագործելով ֆինանսական գործակիցները և հաճախորդների վարկային պատմությունը,

• Գնահատել հաճախորդների վարկային ռիսկը մինչև վարկային կոմիտեն,

• Պատրաստել և ներկայացնել պահանջվող հաշվետվությունները և փաստաթղթերը վարկային կոմիտեին,

• Տեղեկացնել հաճախորդներին և երաշխավորողներին իրենց իրավունքների և պարտավորվածությունների մասին,

• Ապահովել ժամանակին և ճիշտ հետվճարումների կատարումը:

 ՊԱՀԱՆՋՆԵՐ՝

  • Բարձրագույն կրթություն, նախընտրելի է ֆինանսականկամ  տնտեսագիտական,
  • Վերլուծական մտածելակերպ և խնդիրներ լուծելու ունակություն,
  • Հաղորդակցվելու և  բանակցելու զարգացածհմտություն,
  • Կազմակերպչական և թիմային  աշխատանքներ կատարելու ունակություն,
  • Լարված աշխատանք կատարելու ունակություն,
  • Հայերենի գերազանց իմացություն,  ռուսերենի և/ կամ անգլերենի իմացություն:

 ԻՆՉՊԵՍ ԴԻՄԵԼ`

Եթե Ձեր տվյալները համապատասխանում են թափուր պաշտոնի պահանջներին, խնդրում ենք ուղարկել Ձեր ինքնակենսագրությունը հետևյալ էլեկտրոնային հասցեին՝ hr@finca.am` էլ. նամակի “Subject” դաշտում լրացնելով`  «Credit Specialist – Քաղաքը – Անուն Ազգանունը»:

ՎԵՐՋՆԱԺԱՄԿԵՏ`  25.10 .2015

 

Հաճախորդների խորհրդատու`Նոյեմբերյան մասնաճյուղում 

 

ՊԱՐՏԱԿԱՆՈՒԹՅՈՒՆՆԵՐԸ՝

  • Զարգացնել և վաճառել ՖԻՆՔԱ-ի ֆինանսական ծառայությունները (բացահայտել հաճախորդների կարիքները և առաջարկել համապատասխան վարկատեսակներ),
  • Աջակցել հաճախորդներին` լրացնելու ցանկացած տեսակի դիմումներ,
  • Հաճախորդներին տրամադրել իրենց հետվճարների վերաբերյալ տեղեկություններ` կարգին համապատասխան,
  • Նոր այցելուների մեջ հայտնաբերել պոտենցիալ հաճախորդներ, պահպանել առկա հաճախորդներին՝ ստեղծելով  բարյացակամ փոխհարաբերություններ և ապահովելով հաճախորդների գոհունակությունը,
  • Կատարել հաճախորդների տվյալների մուտքագրում տվյալների համակարգ և հարցումներ` անհրաժեշտության դեպքում,
  • Ծրագրով հաստատել տրամադրվող վարկերը (իր իրավասության սահմաններում),
  • Իրականացնել ինաուգուրացիա և պահպանել փաստաթղթերը, 
  • Աջակցել ադմինիստրատիվ հարցերում անհրաժեշտության դեպքում:

ՊԱՀԱՆՋՆԵՐ՝

  • Բարձրագույն կրթություն, նախընտրելի է տնտեսագիտական կամ ֆինանսական,
  • MS Word և MS Excel ծրագրերի գերազանց իմացություն, Հայկական ծրագրերի լավ իմացություն, Հաճախորդների սպասարկման գերազանց հմտություններ,
  • Շփման և բանակցելու զարգացած հմտություններ,
  • Նվիրվածություն աշխատանքին և ուշադրություն մանրուքներին,
  • Սեղմ ժամկետներում և գաղտնի տեղեկատվության հետ աշխատելու ունակություն,
  • Հայերենի գերազանց իմացություն, ռուսերեն և/կամ անգլերեն լեզուների լավ իմացություն:

ԻՆՉՊԵՍ ԴԻՄԵԼ`
Եթե Ձեր տվյալները համապատասխանում են թափուր պաշտոնի պահանջներին, խնդրում ենք ուղարկել Ձեր ինքնակենսագրությունը հետևյալ էլեկտրոնային հասցեին՝ hr@finca.am` էլ. նամակի “Subject” դաշտում լրացնելով` «Client Adviser – Մասնաճյուղը – Անուն Ազգանունը»:

ԴԻՄԵԼՈւ ՎԵՐՋՆԱԺԱՄԿԵՏ` 25.10.2015

ՀԵՀ-ը փոխհատուցեց մասնաճյուղի 19 ուսանողի ուսման վարձը

2015թ. հոկտեմբերի 13-ին ԵՊՀ ԻՄ-ում տեղի ունեցավ հանդիպում, որի ընթացքում ՀԵՀ-ի կազմակերպած ուսման վարձի փոխհատուցման համար մասնաճյուղից ընտրված ուսանողներին հանձնվեցին հավաստագրեր:

ՀԵՀ-ը փոխհատուցեց մասնաճյուղի 19 ուսանողի ուսման վարձը

Հանդիպմանը ներկա էին ԵՊՀ ԻՄ-ի տնօրեն Ս.Առաքելյանը, մասնաճյուղի ուսանողական խորհրդի նախագահ Ռազմիկ Հովսեփյանը, ուսանողներ:

ՀԵՀ-ը փոխհատուցեց մասնաճյուղի 19 ուսանողի ուսման վարձը

Հայաստանի երիտասարդական հիմնադրամը ՀՀ կառավարության ու կրթության և գիտության նախարարության աջակցությամբ փոխհատուցել է ՀՀ սահմանամերձ որոշ համայնքների (Արարատի մարզ՝ Երասխ, Գեղարքունիքի մարզ՝ Վահան, Ճամբարակ, Վայոց ձորի մարզ՝ Խաչիկ, Խնձորուտ, Սերս, Նոր Ազնաբերդ, Բարձրունի, Տավուշի մարզ՝ Ն.Կ. Աղբյուր, Ոսկևան, Չորաթան, Կողբ, Վազաշեն, Բերքաբեր, Ոսկեպար, Չինարի, Արծվաբերդ, Ծաղկավան, Մոսեսգեղ, Դովեղ, Պառավաքար, Բերդավան, Բարեկամավան, Կոթի, Բաղանիս, Սարիգյուղ, Այգեձոր, Կիրանց, Այգեպար, Սևքար, Այգեհովիտ, Վ.Կ. Աղբյուր) պետական, ոչ պետական, միջպետական բուհերի առկա ուսուցման համակարգի բակալավրիատի 1-ին կուրսերում սովորող ուսանողների 2015-2016 ուսումնական տարվա 1-ին կիսամյակի ուսման վարձը։

ԵՊՀ Իջևանի մասնաճյուղից ՀԵՀ-ի կազմակերպած ուսման վարձի փոխհատուցում են ստացել հետևյալ ուսանողները.

1. Չոբանյան Աստղիկ («Հայոց լեզու և գրականություն», 1-ին կուրս),

2. Առուստամյան Վահե («Հայոց լեզու և գրականություն», 1-ին կուրս),

3. Ավագյան Մոնիկա («Հայոց լեզու և գրականություն», 1-ին կուրս),

4. Ծովանյան Լիանա («Հայոց լեզու և գրականություն», 1-ին կուրս),

5. Հովսեփյան Լուսինե («Պատմություն», 1-ին կուրս),

6. Բաբուռյան Փառանձեմ («Պատմություն», 1-ին կուրս),

7. Քոչարյան Մարիամ («Պատմություն», 1-ին կուրս),

8. Միքայելյան Իրինա («Անգլերեն լեզու և գրականություն», 1-ին կուրս),

9. Շահնազարյան Նարա («Անգլերեն լեզու և գրականություն», 1-ին կուրս),

10. Մարկոսյան Նարե («Անգլերեն լեզու և գրականություն», 1-ին կուրս),

11. Ճաղարյան Լիաննա («ֆրանսերեն լեզու և գրականություն», 1-ին կուրս),

12. Շահնազարյան Էմմա («ֆրանսերեն լեզու և գրականություն», 1-ին կուրս),

13. Չոբանյան Մելինե («Մանկավարժություն և հոգեբանություն», 1-ին կուրս),

14. Օհանջանյան Ռաիսա («Մանկավարժ. և հոգեբ.», 1-ին կուրս),

15. Եգանյան Լուսինե («Սերվիս», 1-ին կուրս),

16. Սարհատյան Կոլյա(«Ինֆորմ. և կիրառական մաթեմ.», 1-ին կուրս),

17. Մելքումյան Աշխեն («Կիրառական արվեստ», 1-ին կուրս),

18. Հարությունյան Արեն («Կիրառական արվեստ», 1-ին կուրս),

19. Ավագյան Աննա («Դիզայն», 1-ին կուրս):

Հանդիպման ընթացքում պարոն Առաքելյանը ողջունեց ուսանողներին, նրանց կոչ արեց լինել նախաձեռնող, ուսումնատենչ, մասնակցել տարբեր ծրագրերի ու մրցույթների, այնուհետև նրանց հանձնեց հավաստագրերը: