Երևանի պետական համալսարանի Իջևանի մասնաճյուղ

Մասնաճյուղում անցկացվեց 2016թ. դպրոցական օլիմպիադան

2016թ. մարտի 6-ին հանրակրթական 13 առարկաներից ԵՊՀ Իջևանի մասնաճյուղում անցկացվեց դպրոցական ամենամյա օլիմպիադան, որը 2009 թվականից ի վեր կազմակերպվում է ԵՊՀ մինչհամալսարանական կրթության վարչության կողմից:

Մասնաճյուղում անցկացվեց 2016թ. դպրոցական օլիմպիադան

Տավուշի մարզում օլիմպիադայի աշխատանքներն իրականացնում է ԵՊՀ Իջևանի մասնաճյուղի մասնագիտական կողմնորոշման և պրակտիկայի կազմակերպման բաժինը:

Մասնաճյուղում անցկացվեց 2016թ. դպրոցական օլիմպիադան

Օլիմպիադայի անցկացման նպատակն է շնորհալի ու ստեղծագործական կարողություններ ունեցող երեխաների հայտնաբերումը, նրանց հետ անհատական աշխատանքի կազմակերպումը:

Մասնաճյուղում անցկացվեց 2016թ. դպրոցական օլիմպիադան

Նախքան օլիմպիադայի մեկնարկը ներկաներին ողջունեցին և հաջողություններ մաղթեցին մասնաճյուղի տնօրեն Ս.Առաքելյանը, ՄԿՊԿ բաժնի վարիչ Վ.Աղաբաբյանը:

Իր ողջույնի խոսքում տնօրենը մասնավորապես նշեց, որ օլիմպիադայի յուրաքանչյուր մասնակից ներկայացնում է ոչ միայն իրեն, այլև իր համայնքը, իր դպրոցը, մեծ հաջողություններ ցանկացավ գիտելիքների այս ստուգատեսում և ապագայում՝ բուհ ընդունվելիս: Ընդգծեց, որ կարևորն այն է, որ սիրեն և ամբողջովին նվիրվեն իրենց ընտրած մասնագիտությանը, ջանք ու եռանդ չխնայեն առավելագույնս գիտելիքներ ստանալու, հմուտ և պահանջված մասնագետ դառնալու գործում:

Մասնաճյուղում անցկացվեց 2016թ. դպրոցական օլիմպիադան

Այս տարի Տավուշի մարզի 54 միջնակարգ և 4 ավագ դպրոցներից օլիմպիադային մասնակցեց 28 միջնակարգ և 4 ավագ դպրոցների 300 աշակերտ` հանրակրթական հետևյալ առարկաների գծով.

  • մաթեմատիկա,
    • ֆիզիկա,
    • քիմիա,
    • հայոց լեզու և գրականություն,
    • ռուսաց լեզու,
    • ինֆորմատիկա,
    • անգլերեն,
    • կենսաբանություն,
    • ֆրանսերեն,
    • աշխարհագրություն,
    • գերմաներեն,
    • հայ ժողովրդի պատմություն,
    • ստեղծագործական աշխատանք:

Մասնաճյուղում անցկացվեց 2016թ. դպրոցական օլիմպիադան

Փոփոխություններ էին տեղի ունեցել ամենամյա օլիմպիադայի անցկացման ընթացակարգում. այս տարի օլիմպիադան նախատեսվել է անցկացնել 2 փուլով:

Մասնաճյուղում անցկացվեց 2016թ. դպրոցական օլիմպիադան

Մարտի 27-ին՝ ժամը 11:00-ին, Երևանի պետական համալսարանում կանցկացվի դպրոցականների օլիմպիադայի II փուլը, որին կմասնակցեն I փուլի հաղթողները:

Մասնաճյուղում անցկացվեց 2016թ. դպրոցական օլիմպիադան

Օլիմպիադայի փակման և պարգևատրման արարողությունը տեղի կունենա ապրիլի 8-ին` ժամը 15:00-ին, ԵՊՀ-ի մեծ դահլիճում (կենտրոնական մասնաշենք, 3-րդ հարկ):

Հաղթողները կստանան 1-ին, 2-րդ և 3-րդ կարգի դիպլոմներ, գովասանագրեր, գրքեր, դիմորդի ուղեցույցներ:

Օլիմպիադայի արդյունքներին կարելի է տեղեկանալ ԵՊՀ Իջևանի մասնաճյուղի պաշտոնական կայքի միջոցով:

 

Կանանց տոնին նվիրված հոգեբանական միջոցառում

 Կանանց տոնին նվիրված հոգեբանական միջոցառում

Հարգելի՛ համալսարանականներ, 2016թ. մարտի 11-ին՝ ժամը 13:30 -ին, ԵՊՀ Իջևանի մասնաճյուղում տեղի կունենա Կանանց տոնին նվիրված հոգեբանական միջոցառում, որը կազմակերպվել է Մանկավարժության և հոգեբանության ամբիոնի կողմից:

Ստորև ներկայացնում ենք միջոցառման ծրագիրը.

Բացման խոսք – 13:30

Մանկավարժության  և հոգեբանության ամբիոնի վարիչ՝ Վաչիկ Բրուտյան

 Ելույթ – 13:40

Մանկավարժության  և հոգեբանության ամբիոնի դասախոս՝ Դիանա Սարգսյան

Ուսանողական զեկույցներ – 13:50 – 14:30

Արամյան Մերի – «Մանկական վախերի բնութագիրն ու առանձնահատկությունները»

Ամյան Նարե – «Բարձրագույն մարդկային զգացմունքներ»

Գևորգյան Մերի – «Անբարենպաստ ընտանիքի ազդեցությունը հանցածին վարքագծի ձևավորման վրա»

Գասպարյան Արուսյակ  – «Անձի հոգեբական անվտանգություն»

Շնորհավորական խոսք

Մանկավարժության և հոգեբանության ամբիոնի դասախոս, ուսումնական խորհրդատու՝ Վիկտորյա Մելիքսեթյան

Ուսանողական զեկույցներ

Բաբայան Արմինե – «Սիրո ֆենոմեն»

Հարությունյա Անի – «Սթրես»

Հայրապետյան Լիլիթ – «Աֆեկտ»

Մելիքեկյան Մինավարդ – «Ընտանիք»

Շնորհավորական խոսք

«Տավուշի ազգային-հայրենասիրական գիտակցության ձևավորում» ՀԿ-ի նախագահ  Արթուր Միրզոյան

Միջոցառման փակում – 14:30

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

 2016թ. մարտի 5-ին Երկրապահ կամավորականների միության Տավուշի մարզային վարչության կողմից կազմակերպվել էր Սպարապետ Վազգեն Սարգսյանի ծննդյան օրվան և պատանի երկրապահների հանդիսավոր երդման արարողությանը նվիրված մեծ միջոցառում:

Հանդիսավոր արարողությունների մեկնարկը տրվեց Իջևանի Ազատության հրապարակից, ուր ներկաները ծաղիկներ դրեցին և գլուխ խոնարհեցին քաջ երկրապահի անունը հավերժացնող հուշարձանի առջև:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Այնուհետև ուղևորվեցին Սուրբ Վարդան Զորավար եկեղեցին, որտեղ կազմակերպվել էր միջոցառման երկրորդ հատվածը:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Վայրը պատահական չէր ընտրված. դարեր առաջ սպարապետ Վարդան Մամիկոնյանը, հաղթելով մեծաքանակ թշնամուն, ծառ էր տնկել այդ վայրում, և դարեր անց, նոր սերունդը նույն վայրում երդվում է անմնացորդ նվիրվել հայրենիքին, անհրաժեշտության դեպքում զինվորագրվել և ավերիչ հարված հասցնել թշնամուն:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Երդման հանդիսավոր արարողությունը սկսվեց տերունական աղոթքով, որից հետո Բագրատ սրբազանը օրհնեց ներկաներին՝ նշելով. «Հայ ընտանիքը, հայ ծնողը միշտ հպարտությամբ է լցվել՝ երկրապահ զինվոր ունենալով: Երկրապահի շարքերը համալրելը միշտ էլ եղել է պատվաբեր: Մեր երկրապահները հայրենիքը փրկելու համար ուխտեցին սեփական կյանքի գնով անսասան պահել հայրենիքի սահմանները: Այժմ այդ սուրբ ուխտին են միացել եռասերունդ երկրապահները և պատվով են իրականացնում մատաղ սերնդի հոգևոր և հայրենասիրական դաստիարակության դժվարին գործը»:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Այնուհետև ընթերցվեց ԵԿՄ վարչության նախագահ, Արցախի հերոս, զորավար Մանվել Գրիգորյանի ուղերձը, որտեղ մասնավորապես նշված էր. «… Անհերքելի փաստ է, որ Հայաստան և Արցախ պետությունները կայացել են, որ հայրենյաց սահմանների անվտանգությունը պահպանվել են, այսօր էլ պահպանվում են քաջարի հայորդիների արյան ու հերոսության գնով: Ամենայն Հայոց Գարեգին Բ կաթողիկոսի կարգադրությամբ` Վազգեն Սարգսյանի ծննդյան տոնը այսուհետև հռչակվել է Պատանի երկրապահի օրհնության օր: Այսօր պատանի երկրապահների օրհնության կարգ է մատուցվում Մայր Աթոռի եկեղեցիներում: Պատանի երկրապահների երդման արարողությունները տեղի են ունենում ամբողջ հանրապետությունում: Հարգելի՛ ծնողներ, ես շնորհակալ եմ, որ ձեր զավակների հայրենասիրական դաստիարակությունը վստահում եք Երկրապահ կամավորականների միությանը»:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Վազգեն Սարգսյանի ծննդյան օրը նաև պատանի երկրապահների երդման օրն է: Մարզի պատանիներն ու երիտասարդները միշտ էլ մեծ սիրով են անդամագրվել ԵԿՄ շարքերը: Դրա վառ վկայությունը այն մեծաթիվ պատանիներն ու աղջիկներն էին, որոնք ցանկություն էին հայտնել համալրելու Միության շարքերը: Պատանիները հանդիսավոր կերպով երդվեցին սիրել հայրենիքը, հայոց բանակը, ուսման մեջ լինել առաջավոր, դառնալ ԵԿՄ-ի արժանի հետևորդ, հայոց բանակի հզոր հենասյուն:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Ակումբի շարքերը համալրած պատանիներին շնորհավորեցին Իջևանի տարածքում տեղակայված զորամասի հրամանատարի դաստիարակչական աշխատանքների գծով տեղակալ, փոխգնդապետ Հ.Սահակյանը, ԵՊՀ Իջևանի մասնաճյուղի տնօրեն, ԵԿՄ Տավուշի մարզային կազմակերպության փոխնախագահ Ս.Առաքելյանը:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Պարոն Առաքելյանը, շնորհավորելով ԵԿՄ շարքերը համալրած պատանիներին, մասնավորապես նշեց. «Ունենք հզո՛ր երկիր, հզո՛ր բանակ, հզո՛ր սերունդ, որը կարող է ցանկացած պարագայում վճռորոշ դեր ունենալ երկրի ապագայի կերտման դժվարին գործում: Պետք է սիրենք և պահպանենք մեր հերոս երկրապահներին և պատվով շարունակենք նրանց դժվարին ու հայրենանվեր գործը»:

Երդման արարողությունից հետո ցուցադրական վարժություններով հանդես եկան Իջևանում գործող թեքվանդոյի «Սատուրն» թիմը և զորամասի զինվորները:

Սպարապետ Վազգեն Սարգսյանի ծննդյան օրվան և Պատանի երկրապահի երդման արարողությանը նվիրված միջոցառում սահմանամերձ Իջևանում

Միջոցառման վերջում կազմակերպվեց հյուրասիրություն:

 

Մասնաճյուղում կայացավ «Մոխրագույն լուսին» գրքի շնորհանդեսը

 

2016թ. մարտի 3-ին ԵՊՀ Իջևանի մասնաճյուղում կայացավ «Ֆրանսերեն լեզու և գրականություն» մասնագիտության երկրորդ կուրսի ուսանողուհի Մերի Գասպարյանի անդրանիկ՝ «Մոխրագույն լուսին» գրքի շնորհանդեսը:

Մասնաճյուղում կայացավ «Մոխրագույն լուսին» գրքի շնորհանդեսը

 

Ներկա էին մասնաճյուղի վարչական և պրոֆեսորադասախոսական անձնակազմի ներկայացուցիչներ, ուսանողներ, հեղինակի հարազատ դպրոցի սաներ, Իջևանի զորամասի զինվորներ, լրատվամիջոցների ներկայացուցիչներ, հյուրեր, պոեզիայի սիրահարներ:

Մասնաճյուղում կայացավ «Մոխրագույն լուսին» գրքի շնորհանդեսը

Գրքույկը նվիրված է իր քեռու՝ Մարատ Բաղինյանի հիշատակին և ընդգրկում է թարմ, հետաքրքիր մտքեր ու բանաստեղծություններ՝ ստեղծագործական ներշնչանքի պահի (Էջը բացվեց ու գրվեց. /Սկիզբը հաճելի էր այնքանով,/ Որ անկեղծ էր,/ Անկեղծ՝ մանկական սիրո կերտվածքով,/ Իսկ հետոն լեցուն էր հասունությամբ/ Եվ համեմված գեղեցիկով), սիրո (Սերը կարիք է,/ Իսկ սիրո կարիքը ջերմությունն է:/…Սերն ուզում է,/Որ իսկապես սիրես/ Իսկական մարդկանց…), հայրենասիրության (Սիրտս ձուլել եմ սրտիդ, հայրենիք,/ Տե՛ս ոնց են զարկում զույգ սրտերը մեր…) անձնավորված բնության (Քամին ուռենու մազերն է սանրում,/ Գիշերն է հուշեր շշնջում նրան, /Նոր երգ է ծնվում գիշերվա գրկում, /Լուռ համառության հանդերձը վրան) Մարդու մասին, ինչպես՝

Մարդն էլ կարծես ծառի պես է,
Բերք տվողին երանի,
Ու ծառի պես ծաղիկներով
Ծիծաղողին երանի:
Սուրբ է մարդը
Եվ անրջանք,
Անհագության
Ծով է նա:
Սուրբ տենչերով
Դեպի բարձունք
Մագլցողին երանի:

Գրքի շնորհանդեսի ժամանակ  «Հայոց լեզու և գրականություն» մասնագիտության ուսանողները ներկայացրին Մերի Գասպարյանի բանաստեղծություններից («Էջը բացվեց, «Գիշեր», «Քուն», «Հավքերի պես…», «Թունոտ թշնամի», «Քունս չի տանում»):

Մասնաճյուղում կայացավ «Մոխրագույն լուսին» գրքի շնորհանդեսը

Կիթառի ուղեկցությամբ կատարվեցին նաև այդ բանաստեղծությունների հիման վրա գրված հոգեբուխ երգեր («Տավուշի քաջեր», «Ծեր խաչքար»), որոնք իրենց ասելիքով, մեղեդայնությամբ ու անկեղծ կատարումով հուզեցին ունկդիրների սրտերը:

 Շնորհանդեսի ընթացքում հեղինակին ուղղվեցին հարցեր, թե ինչ է կյանքը, նրա խորհուրդը, պատերազմը, որն է կյանքի պատկերման նրա սկզբունքը և այլն:

Մասնաճյուղում կայացավ «Մոխրագույն լուսին» գրքի շնորհանդեսը

 Հեղինակը պարզաբանեց իր կերտած լուսնային պատկերների խորհուրդը, գրքի «Մոխրագույն լուսին» վերնագիրը, որի համաձայն՝ լուսինն իր կարոտն է և ինքը դա տեսնում է մոխրագույն:

Մեր ուսանողուհու գրական նորամուտը ողջունեցին, գնահատանքի և արժևորման խոսք ասացին Հումանիտար գիտությունների ֆակուլտետի դեկան Վ.Ալեքսանյանը, ՄԿՈԱ բաժնի մասնագետ, սոցիոլոգ Է.Կյուրեղյանը, Օտար լեզուների ամբիոնի դասախոսներ Ա.Մարդանյանը, Ն.Դավթյանը, գրքի հեղինակի հայոց լեզվի և գրականության ուսուցչուհին՝ նրան մաղթելով ստեղծագործական կանաչ ճանապարհ, մտքի սրություն, բեղուն գրիչ:  

 

Ցուցադրություն՝ նվիրված Մայրության և գեղեցկության միամսյակին

Ցուցադրություն՝ նվիրված Մայրության և գեղեցկության միամսյակին

2016թ. մարտի 11-ին՝ ժամը 13:30-ին, ԵՊՀ ԻՄ-ի բնական գիտությունների ֆակուլտետի միջանցքում տեղի կունենա Կիրառական արվեստի ֆակուլտետի ուսանողների կիսամյակային աշխատանքների ցուցադրություն՝ նվիրված Մայրության և գեղեցկության միամսյակին:

Սիրով բոլորին հրավիրում ենք: