Երևանի պետական համալսարանի Իջևանի մասնաճյուղ

Monthly Archives: March 2016

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

2016թ. մարտի 14-ին ԵՊՀ Իջևանի մասնաճյուղ այցելեցին  “Technology and Science Dynamics” ընկերության ներկայացուցիչները՝ “Technology and Science Dynamics”, “New Technology Education Fund (NTEF) Armenia” ընկերությունների հիմնադիր տնօրեն Վահան Շաքարյանը, նախագծերի համակարգող Շուշանիկ Վարդանյանը, մենեջեր Արփինե Ամիրյանը:

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

 

Այցելության հիմնական նպատակն էր համագործակցել ԵՊՀ Իջևանի մասնաճյուղի հետ՝ ուսանողներին ընդգրկելու մարզում ստեղծվելիք Մերգելյան ակումբի գործունեության մեջ, հետագայում նրանցից լավագույններին ապահովելու աշխատանքով:    

Նախ՝ տեղի ունեցավ մասնաճյուղի տնօրեն Ս.Առաքելյանի հետ հանդիպում, որի ընթացքում “Technology and Science Dynamics” ընկերության հիմնադիր տնօրեն Վահան Շաքարյանը ընդհանուր գծերով ներկայացրեց իրենց կազմակերպության գործունեությունը, նպատակը, խնդիրները: Պարոն Շաքարյանը մասնավորապես նշեց, որ “TSD”-ն գիտահետազոտական ընկերություն է, որն զբաղվում է բարձր տեխնոլոգիաների արտադրությամբ: Գիտահետազոտական ծրագրերի շրջանակներում ընկերությունը ձևավորել է «Երիտասարդ հետազոտողների Մերգելյան ակումբ», պլանավորվել է Տավուշի մարզում ևս ձևավորել համապատասխան ակումբ և նրա դասընթացներում ընդգրկել մարզի հիմնական բարձրագույն ուսումնական հաստատության՝ ԵՊՀ ԻՄ-ի ուսանողներին:

Մասնաճյուղի տնօրենը ներկայացրեց ՀՀ հյուսիսարևելյան տարածաշրջանում կրթական և գիտամշակութային գործունեություն իրականացնող ԵՊՀ Իջևանի մասնաճյուղի առաքելության, գործող ֆակուլտետների ու մասնագիտությունների վերաբերյալ ընդհանուր տեղեկատվություն, ուրվագծվեցին համագործակցության եզրերը:

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

Որպես համագործակցության առաջին քայլ՝ մասնաճյուղի տարբեր մասնագիտությունների (գլխավորապես բնագիտական ուղղվածության) ուսանողների հետ իրականացվեց սեմինար-քննարկում, որի ընթացքում նախաձեռնության պատասխանատուները ներկայացրին իրենց կազմակերպությունը, նրա գործունեության հիմնական ուղղությունները, թողարկվող արտադրանքները («Արմթաբ», «Արմֆոն» բրենդներ և այլն), ցուցադրեցին դրանց մասին պատմող տեսահոլովակներ:

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

Ուսանողներն ուղղեցին իրենց հետաքրքող հարցերը, ստացան լիարժեք պատասխաններ:

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

 “TSD” գիտահետազոտական ընկերության ներկայացուցիչների կողմից առաջարկվեց հետաքրքրված ուսանողներից ձևավորել նախնական խումբ և իրենց արտադրամասերի ու Մերգելյան ակումբի գործունեությանը մոտիկից ծանոթանալու նպատակով կազմակերպել ճանաչողական այց:

“Technology and Science Dynamics” ընկերության ներկայացուցիչների այցը ԵՊՀ Իջևանի մասնաճյուղ

 

Զեկուցում կարդաց «Քարտեզագրություն և կադաստրային գործ» մասնագիտության 1-ին կուրսի ուսանողուհի Աղավնի Օրդինյանը

2016թ. մարտի 10-ին «Օզոնային շերտը» թեմայով զեկուցում կարդաց ԵՊՀ ԻՄ-ի բնական գիտությունների ֆակուլտետի «Քարտեզագրություն և կադաստրային գործ» մասնագիտության 1-ին կուրսի ուսանողուհի Աղավնի Օրդինյանը:

Զեկուցում կարդաց «Քարտեզագրություն և կադաստրային գործ» մասնագիտության 1-ին կուրսի ուսանողուհի Աղավնի Օրդինյանը

Ներկա էին ֆակուլտետի վարչական և պրոֆեսորադասախոսական անձնակազմի ներկայացուցիչներ, ուսանողներ:

Զեկուցում կարդաց «Քարտեզագրություն և կադաստրային գործ» մասնագիտության 1-ին կուրսի ուսանողուհի Աղավնի Օրդինյանը

Ներկայացրեց, թե ինչ է օզոնային շերտը, ինչ կարևոր դեր ունի այն երկրագնդի համար:

Ընդգծվեց, որ օզոնային շերտը երկրագնդի պաշտպանիչ վահանն է, կազմված է օզոնից և վնասազերծում է Արեգակի ուլտրամանուշակագույն ճառագայթումը, պաշտպանում աստղային փոշուց՝ ապահովելով կյանքը Երկրի վրա: Օզոնային շերտը գտնվում է վերնոլորտում՝ մթնոլորտից 20-30 կմ բարձրության վրա, հայտնաբերվել է ֆրանսիացի գիտնականներ Շարլ Ֆարրի և Անրի Բոքսոնի կողմից 1913 թվականին:

Զեկուցում կարդաց «Քարտեզագրություն և կադաստրային գործ» մասնագիտության 1-ին կուրսի ուսանողուհի Աղավնի ՕրդինյանըԶեկուցողը մանրամասնեց, որ օզոնային շերտի խոռոչները հայտնաբերվել են անցյալ դարի 70-ական թվականներին: 1974թ. Կալիֆորնիայի համալսարանի 2 քիմիկոսներ` Շերվուդ Ռուսլանդն ու Մարի Մոլինան, հրապարակեցին մի քանի արդյունաբերական քիմիական նյութեր, որոնք սպառնալիք են օզոնային շերտի համար:

Վերջում իրականացվեց աշխույժ քննարկում՝ հարց ու պատասխանի ձևով:

«Կառավարում-ռիսկեր-հսկողություն» խորագրով դասընթացներ

«Կառավարում-ռիսկեր-հսկողություն» խորագրով դասընթացներ

Հարգելի համալսարանականներ,

Ջի-Ար-Սի գիտելիքի կենտրոն» ընկերությունը ԵՊՀ շրջանավարտների և կարիերայի կենտրոնի հետ համատեղ Երևանի պետական համալսարանի հետ համագործակցության շրջանակներում 2016 թ.-ի մարտի 16-ից ապրիլի 4-ը  հատուկ ԵՊՀ ուսանողների և դասախոսական անձնակազմի համար կազմակերպում է «Կառավարում-ռիսկեր-հսկողություն» խորագրով դասընթացներ:

Դասախոսությունների նպատակն է մասնակիցներին ծանոթացնել կորպորատիվ կառավարման համակարգում ռիսկերի կառավարմանը և ներքին հսկողության ոլորտների ժամանակակից մարտահրավերներին և դրանց հաղթահարման լուծումներին: Հատուկ անդրադարձ է կատարվելու կորպորատիվ կառավարման բնագավառում տեղեկատվական տեխնոլոգիաների և տեղեկատվական անվտանգության խնդիրներին:

Դասընթացներն առավել պահանջարկ են վայելում կառավարման, տնտեսագիտության և տեղեկատվական տեխնոլոգիաների կառավարման ոլորտներում աշխատելու ցանկություն ունեցող ուսանողների և երիտասարդ մասնագետների շրջանակում:

Դասախոսությունները վարելու են միջազգային ճանաչում ունեցող տեղական և արտասահմանյան փորձագետները, ովքեր ունեն երկարամյա դասախոսական փորձ և աշխատում են միջազգային հեղինակություն վայելող խոշոր կազմակերպություններում:

Առցանց դասընթացների մի մասը կվարեն արտերկրի մասնագետները (լեզուն՝  անգլերեն):

Դասախոսությունները տեղի կունենան ԵՊՀ գիտական խորհրդի նիստերի դահլիճում  (ԵՊՀ կենտրոնական մասնաշենք, 5-րդ հարկ)՝ կից ներկայացվող դասացանկի համապատասխան:

Դասընթացներին մասնակցությունը հաստատելու, ինչպես նաև լրացուցիչ հարցերի կամ պարզաբանումների համար դիմել ԵՊՀ շրջանավարտների և կարիերայի կենտրոն (ԵՊՀ կենտրոնական մասնաշենք, 6-րդ հարկ, e-mail: acc@ysu.am, հեռ.  (060) 71-01-79):

Դասընթացների ծրագիրը՝ ներկայացված է ԵՊՀ պորտալում՝ http://www.ysu.am/uploaded/Training%20program_GRC-fin.pdf

«Արդիական գիտական հետազոտությունները ժամանակակից աշխարհում» XI միջազգային գիտագործնական համացանցային կոնֆերանսը

iscience

Հարգելի՛ համալսարանականներ, 2016թ. մարտի 26-27-ը տեղի կունենա «Արդիական գիտական հետազոտությունները ժամանակակից աշխարհում» XI միջազգային գիտագործնական համացանցային կոնֆերանսը:

Կոնֆերանսի աշխատանքային լեզուներից են հայերենը, ռուսերենը, անգլերենը, ուկրաիներենը, բելառուսերենը, ղազախերենը, լեհերենը, ուզբեկերենը, ղրղզերենը:

Մասնակցելու համար անհրաժեշտ է մինչև ս.թ. մարտի 25-ը (ներառյալ) ուղարկել հոդվածը կազմկոմիտեի էլեկտրոնային հասցեին` iscience.in.ua@gmail.com:

Մանրամասները՝ www.iScience.in.ua կայքում:

 

Սկիզբ...234567891011

Հայտարարություն

Նորություններ