Երևանի պետական համալսարանի Իջևանի մասնաճյուղ

Monthly Archives: April 2016

Վոլեյբոլի բաց առաջնություն

Վոլեյբոլի մասնաճյուղային առաջնություն

2016թ. ապրիլի 26-ին՝ ժամը 14:00-ին, ԵՊՀ ԻՄ-ի մարզադահլիճում տեղի կունենա վոլեյբոլի բաց առաջնություն:

Մասնակցել ցանկացողները կարող են մինչև ապրիլի 25-ը դիմել Արտակարգ իրավիճակների, մարմնակրթության և սպորտի ամբիոն կամ զանգահարել ամբիոնի վարիչ Վ.Պողոսյանին (հեռ..՝ 096 04 05 30):

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

2016թ. ապրիլի 15-ին ԵՊՀ Իջևանի մասնաճյուղում կայացավ «Հայաստանի անդամակցությունը ԵՏՄ-ին» խորագրով կոնֆերանս, որի ընթացքում Տնտեսագիտության ֆակուլտետի ուսանողները հանդես եկան թեմային առնչվող գիտական զեկուցումներով:

Կոնֆերանսը կազմակերպել էր ֆակուլտետի ուսանողական գիտական ընկերությունը՝ Ընդհանուր տնտեսագիտության ամբիոնի վարիչ, տ.գ.դ., պրոֆեսոր Հ.Մարզպանյանի ղեկավարությամբ:

Ներկա էին ֆակուլտետի վարչական և պրոֆեսորադասախոսական անձնակազմի ներկայացուցիչներ, ուսանողներ:

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

Բացման խոսքով հանդես եկավ պարոն Մարզպանյանը՝ ընդհանուր գծերով ներկայացնելով գիտաժողովի անցկացման նպատակը, խնդիրները, կարևորելով նման գիտական միջոցառումների կազմակերպումը բուհի ուսումնական գործընթացում. «2014թ. աշնանը, երբ քաղաքական որոշում կայացվեց ինտեգրվել ԵՏՄ-ին, այս թեման դարձավ հրատապ: Ուրախ եմ, որ մեր ուսանողներն այնքան հասուն են, որ գիտակցելով փոքր երկրների համար որևէ տնտեսական միության ինտեգրման անհրաժեշտությունը՝ այս թեման իրենք են առաջարկել: «Հայաստանի անդամակցությունը ԵՏՄ-ին» թեմայով գիտագործնական կոնֆերանսի անցկացման նպատակն է ներկայացնել այն մարտահրավերները, որոնք սպասվում են Միության անդամակցության պայմաններում, դրա հնարավորությունները և հեռանկարները: Նման գիտաժողովների անցկացումը՝ որպես հետազոտական ոլորտի տարր, շատ կարևոր է. բուհի հետազոտական ներուժը միայն դասախոսներով չի սպառվում, անհրաժեշտ է հետազոտական ոլորտում օգտագործել և ուսանողների կարողությունները»:

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

Այնուհետև ֆակուլտետի ուսանողների կողմից  համապատասխան շնորհանդեսների ուղեկցությամբ ներկայացվեց 7 գիտական զեկուցում.

  1. «Եվրասիական տնտեսական միությանը ՀՀ ինտեգրման հեռանկարները» (Գրետա Օրդինյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  2. «Միջազգային կազմակերպությունները, ԵՏՄ-ն և ՀՀ-ի անվտանգությունը» (Էմմա Մարգարյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  3. «ՀՀ արժութային քաղաքականությունը ԵՏՄ ինտեգրման պայմաններում» (Աննա Դիլբարյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  4. «ՀՀ բանկային համակարգը» (Թերեզա Թամրազյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  5. «Միգրացիան ՀՀ-ում» (Վանուհի Մուքայելյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  6. «Ներդրումային քաղաքականությունը Հայաստանում: Հեռանկարները ԵՏՄ-ին անդամակցության պայմաններում» (Անահիտ Սիմոնյան),

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

  7. «Մաքսային քաղաքականության հիմնախնդիրները ՀՀ-ում» (Ռայա Մովսիսյան):

    Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

Ներկայացված զեկուցումների վերաբերյալ դասախոսներն արտահայտեցին իրենց կարծիքները, որոնք դրական էին ու ոգևորիչ. մասնավորապես նշվեց, որ ուսանողները ոչ միայն հավաքագրել, այլև համակարգել էին նյութը, զեկուցումները ներկայացվեցին պատշաճ մակարդակով, սեփական եզրահանգումներով:

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

 

 

 

 

 

 

Զեկուցումների ներկայացումից հետո ուսանողների և դասախոսների մասնակցությամբ ծավալվեց հետաքրքիր քննարկում:

Մասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանսՄասնաճյուղում կայացավ «Հայաստանի անդամակցությունը ԵՏՄ-ին» խորագրով գիտագործնական կոնֆերանս

 

 

 

 

 

 

«Որպես արդյունք,- նշեց պարոն Մարզպանյանը,- ակնկալվում է պատրաստել մեկ համահեղինակային ծավալուն հոդված և այն տպագրության հանձնել ԲՈՀ-ի կողմից երաշխավորված որևէ ամսագրում»:

Բացվել է «Երեք սերունդ» խորագրով ցուցահանդեսը

2016թ. ապրիլի 14-ին Իջևանի քաղաքային պատկերասրահում տեղի ունեցավ ԵՊՀ ԻՄ-ի կիրառական արվեստի ֆակուլտետի դասախոսների, ուսանողների և դպրոցականների (ավագ, միջին և կրտսեր սերնդի ներկայացուցիչների) աշխատանքների՝ «Երեք սերունդ» խորագրով ցուցահանդեսի հանդիսավոր բացումը:

Բացվել է «Երեք սերունդ» խորագրով ցուցահանդեսը

Ցուցահանդեսի բացմանը մասնակցում էին ԵՊՀ Իջևանի մասնաճյուղի տնօրեն Ս.Առաքելյանը, Իջևանի քաղաքային պատկերասրահի տնօրեն Ս.Մելքումյանը, մասնաճյուղի վարչական և պրոֆեսորադասախոսական անձնակազմի ներկայացուցիչներ, ուսանողներ, արվեստագետներ, ուսուցիչներ, աշակերտներ և քաղաքացիներ:

Բացվել է «Երեք սերունդ» խորագրով ցուցահանդեսը

Ցուցահանդեսը  մեկնարկեց մեկ րոպե լռությամբ՝ ի հիշատակ օրերս Ադրբեջանի կողմից սանձազերծված մարտական գործողությունների հետևանքով զոհված քաջ հայորդիների:

Բացման խոսքով հանդես եկան ցուցահանդեսի գլխավոր կազմակերպիչ, Գծանկարի, գունանկարի և քանդակի ամբիոնի  դոցենտ,  ՀՆՄ վարչության անդամ Հ.Ասատրյանը, մասնաճյուղի տնօրեն Ս.Առաքելյանը, Իջևանի քաղաքապետարանի մշակույթի բաժնի վարիչ Լ.Ղալումյանը:

«Նմանատիպ ցուցահանդեսների կազմակերպումը մի յուրատեսակ հաշվետվություն է ինչպես արվեստասեր հասարակության, այնպես էլ բուհի առջև: Արվեստագետ դառնալու ճանապարհին ավագ ընկերների կողքին ցուցադրվելով՝ ուսանողությունը և մատաղ սերունդն իրենց ավելի անկաշկանդ են զգում ճիշտ կողմնորոշվելու և ինքնուրույնություն ձեռք բերելու խնդիրներում»- մասնավորապես նշեց պարոն Ասատրյանը:

Բացվել է «Երեք սերունդ» խորագրով ցուցահանդեսը

«Զարմանալի ժողովուրդ ենք այն առումով, որ մեր մեջ ամեն ինչ եռասերունդ է, հայկական ընտանիքի հիմքն էլ է եռամիասնության մեջ: Մարտի դաշտում էլ այսօր մեր եռասերունդ բանակն է կռվում, այնտեղ էլ ենք եռասերունդ, այսօրվա ցուցահանդեսի մեջ էլ ենք եռասերունդ. սա է կյանքի օրգանական շարունակությունը, մեկս մյուսից ենք սովորում: Մեր ավագ սերնդի ներկայացուցիչներն էլ, տեսնելով մատաղ սերնդի աշխատանքները, կարող են նոր ոգի, նոր շունչ դնել իրենց գործերում: Կրտսեր սերնդի ներկայացուցիչների համար էլ մեծ պատիվ է մեր մեծերի կողքին հանդես գալը, որոնք բոլորն էլ արվեստի յուրօրինակ աշխարհի ներկայացուցիչներ են, յուրաքանչյուրն իր հետքն ու վրձինն է թողել արվեստի պատմության մեջ» – իր խոսքում ընդգծեց պարոն Առաքելյանը:

Բացվել է «Երեք սերունդ» խորագրով ցուցահանդեսը

Ցուցահանդեսն իր բնույթով բազմաժանր է. ընդգրկում է տարբեր ժանրերի շուրջ 70 աշխատանք (գրաֆիկա, բատիկա, ստիլիզացված դիմանկարներ, կենդանական և բուսական աշխարհի սիմվոլիկաներով ստեղծված կոմպոզիցիաներ, կոլաժներ, ֆլորիստիկա, գեղանկարչական գործեր, քանդակ, գոբելեն և այլն):

Բացվել է «Երեք սերունդ» խորագրով ցուցահանդեսը

Ներկայացված ստեղծագործությունների աշխարհագրությունը, թեմատիկան բավականին լայն էր, բովանդակությանն ու թեմային համապատասխան՝ հերթագայում էին տաք ու սառը գույները, սակայն ավելի գերակշռող էին պայծառ երանգները:

Բացվել է «Երեք սերունդ» խորագրով ցուցահանդեսը

Ցուցահանդեսի այցելուները գեղագիտական հաճույքով ու մեծ հետաքրքրությամբ էին դիտում ցուցադրված նկարները և անձամբ հեղինակներից պարզում իրենց հետաքրքրող նկարներին առնչվող հարցերը:

Ցուցահանդեսը կտևի երկու շաբաթ: Մուտքն ազատ է:

Բացվել է «Երեք սերունդ» խորագրով ցուցահանդեսը

 

«Ուսանողական ֆիլհարմոնիա» երգի մրցույթ-փառատոն

«Ուսանողական ֆիլհարմոնիա» երգի մրցույթ-փառատոն

2016թ. ապրիլ-մայիս ամիսներին «Հայպետֆիլհարմոնիա» ՊՈԱԿ-ը սիրով ուսանողներին հրավիրում է մասնակցելու  երգի մրցույթ-փառատոնին:

Մրցույթի անցկացման նպատակն է հայ երիտասարդությանը ոգևորել, հիշեցնել, նրա մեջ արմատավորել հայկականը, երգը առաջնահերթ դասելով՝ երիտասարդությանն ուղղորդել դեպի հայ մշակույթի ուսումնասիրությունը:

Մրցույթ–փառատոնի անցկացման պայմանները

Մրցույթ-փառատոնին կարող են մասնակցել բոլոր պետական և ոչ պետական բուհերի ուսանող-երիտասարդներ: Մրցույթի ընթացքում երիտասարդ-պատանիները ներկայացնելու են հայ երգի ժանրերից` դասական, հոգևոր, ժողովրդական և պարտադիր Կոմիտաս:

Մրցույթ-փառատոնն անցկացվում է 3 անվանակարգերով՝ դասական, ժողովրդական, էստրադային:

Ելույթների հաջորդականությունը կորոշվի այբուբենի հերթականությամբ և կպահպանվի բոլոր փուլերի ընթացքում:

Բոլոր փուլերը տեղի կունենան հրապարակայնորեն:

Ժյուրին կգնահատի 1 – 10 բալանոց սանդղակով:

Մրցույթ-փառատոնն անցկացվում է 3 փուլով:

1-ին փուլը տեղի կունենա բուհերի շենքում: Այդ փուլն անցած մասնակիցներին ժյուրին կգնահատի 1 – 10 միավորանոց սանդղակով:

2-րդ փուլը տեղի կունենա ս.թ. մայիսի 10-ին «Հայպետֆիլհարմոնիա» ՊՈԱԿ-ի Առնո Բաբաջանյան համերգասրահում: 2-րդ փուլ անցած մասնակիցներին ժյուրին կգնահատի 1 – 10 միավորանոց սանդղակով: 2-րդ՝ մրցութային փուլ կանցնեն այն լավագույնները, որոնք ստացել են 8-ից բարձր միավորներ:

3-րդ փուլի մրցանակաբաշխությունը և գալլա համերգը տեղի կունենան ս.թ. մայիսի 12-ին «Հայպետֆիլհարմոնիա» ՊՈԱԿ-ի Առնո Բաբաջանյան համերգասրահում: Այդ օրը կհայտարարվեն յուրաքանչյուր անվանակարգի 1-ին, 2-րդ և 3-րդ տեղ զբաղեցրած մրցանակակիրները և Գրանտ Պրին: Մրցանակաբաշխությանը կհաջորդի գալլա համերգը՝ մրցանակակիրների մասնակցությամբ:

 

Մրցանակաբաշխություն

Գրան Պրի ՝ անակնկալ

Հատուկ մրցանակ– Լավագույն Կոմիտաս կատարող

Դասական ժանր

  1. Մրցանակ 300 000 ՀՀ դրամ
  2. Մրցանակ 200 000 ՀՀ դրամ
  3. Մրցանակ 100 000 ՀՀ դրամ

Ժողովրդական ժանր

  1. Մրցանակ 300 000 ՀՀ դրամ
  2. Մրցանակ 200 000 ՀՀ դրամ
  3. Մրցանակ 100 000 ՀՀ դրամ

Էստրադային ժանր

  1. Մրցանակ 300 000 ՀՀ դրամ
  2. Մրցանակ 200 000 ՀՀ դրամ
  3. Մրցանակ 100 000 ՀՀ դրամ

Մրցույթին մասնակցելու համար պետք է ներկայացնել դիմում-հայտ և հետևյալ փաստաթղթերը՝

  1. Անձնագրի պատճեն
  2. Լուսանկար 15×30 չափի
  3. Տեղեկանք բուհից:

Մասնակցել ցանկացողները կարող են դիմել ԵՊՀ ԻՄ-ի ուսանողական խորհրդին:

 

ԵՊՀ Իջևանի մասնաճյուղի ուսանողական խորհուրդ

Մասնաճյուղում դասախոսությամբ հանդես եկավ Մոնպելյեի համալսարանի պրոֆեսոր Ֆրանսուա Ռուդոն

2016թ. ապրիլի 14-ին ԵՊՀ Իջևանի մասնաճյուղ այցելեցին ԵՊՀ-ի ֆրանսիական բանասիրության ամբիոնի ներկայացուցիչները (դասախոս, Ռոմանագերմանական ֆակուլտետի փոխդեկան Լիլիթ Կարապետյանը, դասախոս Թագուհի Բլբուլյանը, ավագ գործավար Լիլյա Հովհաննիսյանը) և Մոնպելյեի համալսարանի պրոֆեսոր, միջնադարյան գրականության մասնագետ Ֆրանսուա Ռուդոն:

Այցելության հիմնական նպատակն էր ԵՊՀ ԻՄ-ի «Ֆրանսերեն լեզու և գրականություն» մասնագիտության ուսանողների համար «Ֆրանսիական վերածննդի գրականությունը» թեմայով դասախոսություն կարդալը:

Մասնաճյուղում դասախոսությամբ հանդես եկավ Մոնպելյեի համալսարանի պրոֆեսոր Ֆրանսուա Ռուդոն

Նախ՝ պատվիրակության անդամների և մասնաճյուղի տնօրեն Ս.Առաքելյանի միջև տեղի ունեցավ հանդիպում, որի ընթացքում քննարկվեցին մեզանում ֆրանսերեն լեզվի պահպանմանն ու զարգացմանն ուղղված հարցեր, նշվեց, որ մեր դասախոսների վերապատրաստման և ուսանողների փոխանակման ծրագրերի իրականացման գործում զգացվում է ֆրանսիական դեսպանատան աջակցության կարիքը, պատմական համառոտ ակնարկ կատարվեց հայ և ֆրանսիացի ժողովուրդների դարավոր բարեկամության մասին:

Մասնաճյուղում դասախոսությամբ հանդես եկավ Մոնպելյեի համալսարանի պրոֆեսոր Ֆրանսուա Ռուդոն

Այնուհետև մասնաճյուղի օնլայն լսարանում «Ֆրանսերեն լեզու և գրականություն» մասնագիտության տարբեր կուրսերի ուսանողների համար «Ֆրանսիական վերածննդի գրականությունը» թեմայով (ֆրանսերեն) բավականին հետաքրքիր դասախոսություն ներկայացրեց  Մոնպելյեի համալսարանի պրոֆեսոր Ֆրանսուա Ռուդոն:

Մասնաճյուղում դասախոսությամբ հանդես եկավ Մոնպելյեի համալսարանի պրոֆեսոր Ֆրանսուա Ռուդոն

Դասախոսությունից հետո տեղի ունեցավ աշխույժ քննարկում. ուսանողները պրոֆեսորին ուղղեցին թեմային առնչվող հարցեր և ստացան պատասխաններ:

Մասնաճյուղում դասախոսությամբ հանդես եկավ Մոնպելյեի համալսարանի պրոֆեսոր Ֆրանսուա Ռուդոն

   Ապա մասնաճյուղի օտար լեզուների ամբիոնում կայացավ ԵՊՀ-ի ֆրանսիական բանասիրության ամբիոնի ներկայացուցիչների հետ հանդիպում, որի ընթացքում քննարկվեցին «Ֆրանսերեն լեզու և գրականություն» մասնագիտության առարկայական ծրագրերի, դասավանդման ժամանակակից մեթոդների կիրառման ոլորտում մայր բուհի և մասնաճյուղի համագործակցությանը վերաբերող հարցեր:

 

12345678910

Հայտարարություն

Նորություններ