Երևանի պետական համալսարանի Իջևանի մասնաճյուղ

2016-2017 թթ. ուսումնական տարվա կրթաթոշակի մրցույթ

2015-2016 թթ. ուստարվա կրթաթոշակի մրցույթ` վճարովի համակարգում սովորող ուսանողների համար

Հայ կրթական հիմնարկությունը հայտարարում է կրթաթոշակների մրցույթ` 2016-2017թթ նոր ուսումանական տարվա համար: Կրթաթոշակները տրամադրվում են տվյալ ուստարվա ուսման վարձի չափով` խրախուսելու և նպաստելու բարձր առաջադիմությամբ և միևնույն ժամանակ նյութապես անապահով ուսանողներին, ովքեր սովորում են ՀԿՀ-ի կողմից նախընտրած մասնագիտություններով:

Մրցույթին կարող են մասնակցել ՀՀ պետական ԲՈՒՀ-երի վճարովի համակարգում 2016 թ-ի սեպտեմբերից արդեն 2-րդ կուրսում սովորող և բարձր կուրսերի ուսանողներ (այդ թվում և՛ 1-ին կուսի մագիստրանտներ և՛ ասպիրանտներ):

Կրթաթոշակները կտրամադրվեն ՀՀ քաղաքացիներին, սիրիահայ ուսանողներին, ինչպես նաև Արցախում և Ջավախքում բնակվող ազգությամբ հայ այն ուսանողներին, ում ակադեմիական միջին նիշը առնվազն 3. 7, 15, 7  կամ 74 միավոր է։

Մրցույթին մասնակցելու համար անհրաժեշտ է լրացնել Կրթաթոշակի հայտը, որը կարող եք ներբեռնել http://www.aefweb.org/scholarships/?page_id=23 կայքից, և 2016 մայիսի 18-ից մինչև հունիսի 6-ը (10:30-ից մինչև 17:30-ը )  ներկայացնել ՀԿՀ Հայաստանյան գրասենյակ` (Մաշտոցի 13, Դերասանի տուն):

Մանրամասն պարզաբանումների համար կարող եք դիմել Արմինե Հարոյանին հետևյալ հեռախոսահամարով` (374 10) 53 14 85 (զանգեն միայն ուսանողները և ոչ ծնողները) կամ գրել aefscholarships@gmail.com հասցեին:

Աղբյուրը՝ www.aefweb.org

ԵՊՀ Իջևանի մասնաճյուղի` 2016թ. առկա ուսուցման ընդունելություն

ԵՊՀ Իջևանի մասնաճյուղի 2015թ. հեռակա ուսուցման ընդունելություն

Երևանի պետական համալսարանի Իջևանի մասնաճյուղը հայտարարում է 2016թ. առկա ուսուցման ընդունելություն` հետևյալ մասնագիտությունների գծով.

  • Ինֆորմատիկա և կիրառական մաթեմատիկա,
  • Քարտեզագրություն և կադաստրային գործ,
  • Տարրական մանկավարժություն և մեթոդիկա,
  • Պատմություն,
  • Հայոց լեզու և գրականություն,
  • Հոգեբանություն,
  • Անգլերեն լեզու և գրականություն,
  • Ֆրանսերեն լեզու և գրականություն,
  • Համակարգչային գրաֆիկա,
  • Դիզայն (գեղար),
  • Տնտեսագիտության տեսություն,
  • Սերվիս:

Ընդունելության մասնագիտություններին, քննություններին, տեղերին և վարձաչափերին կարելի է ծանոթանալ այստեղ:

Ընդունելության կարգին կարելի է ծանոթանալ այստեղ, ընդունելության համար անհրաժեշտ փաստաթղթերին` այստեղ

Ուսման տևողությունը 4 տարի է:

Շրջանավարտներին տրվում է Երևանի պետական համալսարանի դիպլոմ 

Փաստաթղթերն ընդունվում են  ս.թ. մայիսի 5-ից մինչև հունիսի 1-ը:

Հասցեն` Տավուշի մարզ, քաղաք Իջևան, Ուսանողական 1:

Մանրամասն տեղեկությունների համար զանգահարել  (093) 41-51-22, (093) 20-65-05, (096)-98-76-54  հեռախոսահամարներով կամ գրել  vahanagha@yandex.ru  

էլեկտրոնային հասցեին:

Ուշադրություն. Փաստաթղթերի ընդունման և ձևակերպման (1500 դրամ), ինչպես նաև յուրաքանչյուր ներբուհական քննության (1500-ական դրամ) համար նախատեսված գումարը պետք է վճարել «Արդշինբանկ»-ում բացված ԵՊՀ ԻՄ-ի հետևյալ հաշվեհամարին՝ 247610017094:

Բանկում կատարած վճարման անդորրագիրը փաստաթղթերի հետ միասին ներկայացնել մասնաճյուղի ընդունող հանձնաժողով:

Հայաստանի առաջին հանրապետության օրվան նվիրված տոնական միջոցառում Իջևանում

 2016թ. մայիսի 28-ին Իջևանում տեղի ունեցավ Հայաստանի առաջին հանրապետության օրվան նվիրված տոնական միջոցառում, որին մասնակցում էին Իջևանի քաղաքային իշխանությունների ներկայացուցիչներ, հոգևոր հայրեր, բարձրաստիճան սպաներ, Իջևանի զորամասի զինվորներ, տնօրեն Ս.Առաքելյանի գլխավորությամբ` ԵՊՀ Իջևանի մասնաճյուղի վարչական և պրոֆեսորադասախոսական անձնակազմի, «Տավուշ» ռազմահայրենասիրական ակումբի անդամներ, ուսանողներ, բազում քաղաքացիներ:

Հայաստանի առաջին հանրապետության օրվան  նվիրված տոնական միջոցառում Իջևանում

Տոնական միջոցառումը մեկնարկեց Իջևանի Ազատության հրապարակից, ուր ներկաները նախ հարգանքի տուրք մատուցեցին, ծաղիկներ դրեցին և գլուխ խոնարհեցին քաջ երկրապահի անունը հավերժացնող հուշարձանի առջև:

Հայաստանի առաջին հանրապետության օրվան  նվիրված տոնական միջոցառում Իջևանում

Այնուհետև մարդկանց հոծ բազմությունը զիվորական նվագախմբի ուղեկցությամբ քայլերթով շարժվեց դեպի Իջևանի քաղաքային զբոսայգի:

Հայաստանի առաջին հանրապետության օրվան  նվիրված տոնական միջոցառում Իջևանում

 

Քաղաքային պատկերասրահի առաջ նախ տեղի ունեցան ցուցադրական զորավարժություներ, որոնց ընթացքում մեր քաջ տղաները ցուցադրեցին մարտարվեստին տիրապետելու իրենց հմտությունները, հարձակողական և պաշտպանական մի շարք հնարքներ:

Հայաստանի առաջին հանրապետության օրվան  նվիրված տոնական միջոցառում Իջևանում

Ապա զբոսայգում շարունակվեց տոնական միջոցառումը, որի ընթացքում ներկայացվեցին ազգային-հայրենասիրական ոգեշունչ երգեր` քաղաքացիների ու մասնաճյուղի «Տավուշ» ակումբի անդամների կատարմամբ («Երազ իմ երկիր հայրենի», «Հայ ենք մենք» և այլն), աշխույժ ու խրոխտ պարեր` մեր շնորհալի փոքրիկների մասնակցությամբ:

Հայաստանի առաջին հանրապետության օրվան  նվիրված տոնական միջոցառում Իջևանում

Հայաստանի առաջին հանրապետության օրվան  նվիրված տոնական միջոցառում Իջևանում

Զեկուցում կարդացին «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհիներ Օլյա և Գոհար Գրիգորյանները

2016թ. մայիսի 26-ին ԵՊՀ ԻՄ-ի բնական գիտությունների ֆակուլտետում զեկուցում կարդացին «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհիներ Օլյա և Գոհար Գրիգորյանները:

Զեկուցում կարդացին «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհիներ Օլյա և Գոհար Գրիգորյանները

Ներկա էին ֆակուլտետի վարչական և պրոֆեսորադասախոսական անձնակազմի ներկայացուցիչներ, ուսանողներ:

Զեկուման թեման էր «Ուռուցիկ ֆունկցիաները», ղեկավարն էր Բնական գիտությունների ֆակուլտետի դեկան, ֆ.մ.գ.թ, դոցենտ Մ.Զաքարյանը:

Զեկուցում կարդացին «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհիներ Օլյա և Գոհար Գրիգորյանները

Օլյա Գրիգորյանը տվեց ուռուցիկ ֆունկցիաների սահմանումը, ներկայացրեց նրանց բնորոշ մի շարք հատկություններ:

Խոսվեց շրջման կետերի մասին, ուռուցիկության պայմանի մեջ նշվեց նրանց դերը, բերվեցին համապատասխան օրինակներ, նաև ուռուցիկ ֆունկցիաները մեկնաբանվեցին գրաֆիկորեն:

Զեկուցում կարդացին «Ինֆորմատիկա և կիրառական մաթեմատիկա» մասնագիտության 1-ին կուրսի ուսանողուհիներ Օլյա և Գոհար Գրիգորյանները

Գոհար Գրիգորյանը հիմնականում ներկայացրեց Յենսենի, Յունգի, Մինկովսկու և Հոլդերի անհավասարությունների ապացույցները, որոնք գլխավորապես իրականացվեցին մաթինդուկցիայի մեթոդով, ինչպես նաև ինտեգրալների համար:

Զեկուցման թեման բավականին հետաքրքիր էր և մաթեմատիկայում կիրառելի:
Վերջում ծավալվեց աշխույժ քննարկում` դասախոսների և ուսանողների մասնակցությամբ:

Ավարտական աշխատանքների պաշտպանություն Կիրառական արվեստի ֆակուլտետում

2016թ. մայիսի 25-ին Կիրառական արվեստի ֆակուլտետում տեղի ունեցավ ավարտական աշխատանքների պաշտպանություն:

Ավարտական աշխատանքների պաշտպանություն  Կիրառական արվեստի ֆակուլտետում

Ամփոփիչ ատեստավորման հանձնաժողովը գլխավորում էր ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը:

Ավարտական աշխատանքների պաշտպանություն  Կիրառական արվեստի ֆակուլտետում

Ողջույնի խոսքով հանդես եկավ մասնաճյուղի տնօրեն Սամվել Առաքելյանը՝ մասնավորապես նշելով. «Հանձնաժողովի հարգարժա՛ն նախագահ, հարգելի՛ անդամներ, սիրելի՛ ուսանողներ, այսօր սկսում ենք Կիրառական արվեստի ֆակուլտետի չորրորդ կուրսի ավարտական աշխատանքների պաշտպանությունը: Այսօր մեզ համար տոնական օր է. ուսանողները ներկայացնելու են չորս տարվա ուսումնառության ընթացքում իրենց ստացած գիտելիքների ամփոփիչ պատկերը: Բնականաբար, մենք հետևել ենք ավարտական աշխատանքների իրականացման գործընթացին և միանշանակ կարող ենք փաստել, որ ուսանողներն  ու ղեկավարները ջանասիրաբար աշխատել են: Ինչո՞վ են առանձնահատուկ այս տարվա աշխատանքները: Եթե նախորդ տարիներին հիմնական շեշտադրումը լինում էր գոբելենների, կարպետների, այսինքն՝ տեքստիլի ուղղությամբ, ապա այս տարի ոճը բավականին փոխվել է և՛ արվեստի տարբեր ճյուղերի համադրման, և՛ վիտրաժային աշխատանքների, և՛ քանդակների առումով: Հասկանալի է, որ արվեստն այն բնագավառն է, որտեղ գրեթե անհնար է կատարելության հասնել, բայց, անկեղծ ասած, գոբելենի առումով մենք որոշակի բարձունքի հասել ենք…»:

Ավարտական աշխատանքների պաշտպանություն  Կիրառական արվեստի ֆակուլտետում

Ամփոփելով իր ելույթը՝ տնօրենը ուսանողներին մաղթեց հաջող պաշտպանություն և խոսքը փոխանցեց Մակարավանքի հոգևոր հովիվ Հայր Սամվել Մխիթարյանին:

Ավարտական աշխատանքների պաշտպանություն  Կիրառական արվեստի ֆակուլտետում

Հայր Սամվելը ողջունեց ավարտական աշխատանքների պաշտպանության մասնակիցներին և կատարեց աղոթք ու օրհնություն:

Ավարտական աշխատանքների թեմատիկան շատ ընդգրկուն էր:

Ավարտական աշխատանքների պաշտպանություն  Կիրառական արվեստի ֆակուլտետում

Երեսունմեկ աշխատանքներից տասը գեղանկար էր, մեկը` գոբելեն, երեքը` բատիկա, երկուսը` խեցեգործություն, մեկը` կարպետագործություն, երեքը` վիտրաժային նկարչություն, յոթը` քանդակ, մյուսները՝ համադրական աշխատանքներ:

Ավարտական աշխատանքների պաշտպանություն  Կիրառական արվեստի ֆակուլտետում

Արդյունքները բավականին գոհացուցիչ էին. շատ աշխատանքներ արժանացան հանձնաժողովի նախագահի և անդամների դրվատանքին:

Ավարտական աշխատանքների պաշտպանություն  Կիրառական արվեստի ֆակուլտետում

17 ուսանողներ ստացան «գերազանց» գնահատական, 14 ուսանող` «լավ»:

Ամփոփիչ ատեստավորման հանձնաժողովի կողմից  բարձր (20 միավոր) գնահատվեցին Անուշ Աբգարյանի («Զարդանախշերի խաղ», խճանկար, ղեկավար՝ Ա.Միրզոյան), Հասմիկ Գրիգորյանի («Դեկորատիվ հայելի»՝ մետաղական շրջանակով, ղեկավար՝ Ա.Միրզոյան), Նարինե Դարբինյանի («Լույսի խորան», սրբանկարչություն, ղեկավար՝ Ք.Մխիթարյան), Ռուզան Կարապետյանի («Սասունցի Դավիթ», հարթաքանդակ, ղեկավար՝ Ս.Հովհաննիսյան), Մերի Ներսեսյանի («Դեկորատիվ թռչուն», լուսամփոփ, ղեկավար՝ Ա.Չիբուխչյան), Աննա Սարհատյանի («Գարուն», գոբելեն, ղեկավար՝ Դ.Չիբուխչյան), Մարիամ Սարհատյանի («Նատյուրմորտ», խճապատկեր, ղեկավար՝ Ա.Չիբուխչյան), Սարինե Օհանյանի («Սարիբեկ Օհանյան», գեղանկար, ղեկավար՝ Ս.Հովհաննիսյան), Մերի Օսիպովայի («Կիրառական արվեստի ֆակուլտետի պատկերանիշ», ղեկավար՝ Ա.Միրզոյան) ավարտական աշխատանքները:

Ավարտական աշխատանքների պաշտպանություն  Կիրառական արվեստի ֆակուլտետում

19 միավորի արժանացան Սուրեն Հովսեփյանի «Պողոս Առաքյալ» հարթաքանդակը (ղեկավար՝ Ս.Հովհաննիսյան) և Լորետա Ստեփանյանի «Հաղթական երթ» ֆիգուրատիվ կոմպոզիցիան (ղեկավար՝ Հ.Ասատրյան):

Ավարտական աշխատանքների պաշտպանություն  Կիրառական արվեստի ֆակուլտետում

18 միավոր տրվեցին Ռուբեն Բարսեղյանի «Կորցված երջանկություն» գեղանկարին (ղեկավար՝ Ա.Խաչատրյան), Գարիկ Մկրտչյանի «Եղիցի լույս» խաչքարին (ղեկավար՝ Ս.Հովհաննիսյան), Հերիքնազ Ոսկանյանի «Դեկորատիվ մրգաման» աշխատանքին (ղեկավար՝ Ա.Միրզոյան), Վարուժան Սարհատյանի «Օջախ» պաննոյին (ղեկավար՝ Դ.Պողոսյան), Էդուարդ Սիմոնյանի «Պարուհի» գեղանկարին (ղեկավար՝ Ա.Խաչատրյան):      

Ավարտական աշխատանքների պաշտպանություն  Կիրառական արվեստի ֆակուլտետում

Ավարտական աշխատանքների պաշտպանությունն անցավ հաճելի մթնոլորտում, մասնակիցներին պատճառեց գեղագիտական մեծ հաճույք, աշխատանքների թեմատիկային համապատասխան՝ ներկայացվեցին նաև գրական-երաժշտական կատարումներ, որոնք ավելի ամբողջական դարձրին աշխատանքների ներկայացումը: 

Ավարտական աշխատանքների պաշտպանություն  Կիրառական արվեստի ֆակուլտետում

Կիրառական արվեստի ֆակուլտետի վարչական և պրոֆեսորադասախոսական անձնակազմի ներկայացուցիչները բակալավրի որակավորում ստանալու կապակցությամբ շնորհավորեցին իրենց շրջանավարտներին` մաղթելով նրանց մասնագիտական նորանոր բարձունքներ ու հաջողություններ կյանքում:

Ավարտական աշխատանքների պաշտպանություն  Կիրառական արվեստի ֆակուլտետում