«Յավրուհրատ»-ն առցանց նախագիծ է, մասնագիտանում է հայերեն էլեկտրոնային գրքերի հրատարակության ոլորտում։ Հիմնվել է 2012 թվականին։ Հրատարակչության գրքերը տարածվում են անվճար և վաճառվում են։

Էլեկտրոնային ֆորմատի գրքերն ընթերցելու համար անհրաժեշտ է ներբեռնել հետևյալ ծրագրերը:

Անվճար գրքեր

• Կոստան Զարյան, «Տատրագոմի հարսը», (եՓաբ – Քինդլ Մոբի)
• Հովհաննես Գրիգորյան, «Երբեք չմեռնես — ահա թե ինչ կասեմ քեզ», (եՓաբ – Քինդլ Մոբի – Google Play)
• Հակոբ Մնձուրի, «Կռունկ, ուստի՞ կուգաս», (եՓաբ – Քինդլ Մոբի)
• Աստրիդ Լինդգրեն, «Ավազակի դուստր Ռոնին», (եՓաբ – Քինդլ Մոբի)
• Վազգեն Սարգսյան, «Հացի փորձություն», (եՓաբ – Քինդլ Մոբի)
• Արմեն Հայաստանցի, «Մայրենիք. Դրոշ», (եՓաբ – Քինդլ Մոբի– Apple iBooks)
• Կարէն Ա. Սիմոնեան, «Մեր իսկական դասը մայրամուտից յետոյ», (եՓաբ – Քինդլ Մոբի – Google Play)
• Հերման Հեսսե, «Սիդհարթա», (եՓաբ – Քինդլ Մոբի)
• Ժբրան Խալիլ Ժբրան, «Մարգարեն», (եՓաբ – Քինդլ Մոբի – Google Play)
• Գաբրիել Գարսիա Մարկես, «Մի հայտարարված սպանության խրոնիկա», (եՓաբ – Քինդլ Մոբի)
• Մեսրոպ Հարությունյան, «Աբկայ. մեռնելու պարունակները», (եՓաբ – Քինդլ Մոբի – Google Play – Apple iBooks)
• Մեսրոպ Հարությունյան, «Հետհեղափոխությունն՝ իր եզրերով», (եՓաբ – Քինդլ Մոբի – Google Play – Apple iBooks)
• Լևոն Խեչոյան, «Խնկի ծառեր», (եՓաբ – Քինդլ Մոբի – Google Play – Apple iBooks)
• Լիլիթ Գալստյանի թարգմանությամբ, «XX դարի անգլիագիր արձակ», (եՓաբ – Քինդլ Մոբի )
• Վիկտոր Հյուգո, «Գավրոշ», (եՓաբ – Քինդլ Մոբի)
• Վիլյամ Գոլդինգ, «Ճանճերի տերը», (եՓաբ – Քինդլ Մոբի)
• Ալբեր Կամյու, «Անկում», (եՓաբ – Քինդլ Մոբի)
• Ալբեր Կամյու, «Օտարը», (եՓաբ – Քինդլ Մոբի)
• Գևորգ Էմին, «Հավերժի ճամփորդը», (եՓաբ – Քինդլ Մոբի)
• Ռեյ Բրեդբերի, «451° ըստ Ֆարենհայթի», (եՓաբ – Քինդլ Մոբի)
• Ռեյ Բրեդբերի, «Կնոջ ճիչը», (եՓաբ – Քինդլ Մոբի)
• Ռեյ Բրեդբերի, «Երկրացիները», (եՓաբ – Քինդլ Մոբի)
• Էռնեստ Հեմինգուեյ, «Ծերունին և ծովը», (եՓաբ – Քինդլ Մոբի)
• Էռնեստ Հեմինգուեյ, «Կիլիմանջարոյի ձյուները», (եՓաբ – Քինդլ Մոբի)
• Ջորջ Օրվել, «Անասնաֆերմա», (եՓաբ – Քինդլ Մոբի)
• Ֆրանսուազ Սագան, «Բարև թախիծ», (եՓաբ – Քինդլ Մոբի)
• Ջեյմս Ջոյս, «Դուբլինցիներ», (եՓաբ – Քինդլ Մոբի)
• Պաուլո Կոելյո, «Ալքիմիկոսը», (եՓաբ – Քինդլ Մոբի)
• Թոմաս Վուլֆ, «Երկրի ոստայնը», (եՓաբ – Քինդլ Մոբի)
• Կոբո Աբե, «Ավազուտների կինը», (եՓաբ – Քինդլ Մոբի)
• Վահե Քաչա, «Ակն ընդ ական», (եՓաբ – Քինդլ Մոբի)
• Վահե Քաչա, «Գիշատիչների խնջույքը», (եՓաբ – Քինդլ Մոբի)
• Վահե Քաչա, «Գավազանը», (եՓաբ – Քինդլ Մոբի)
• Վահե Քաչա, «Արարչի ութերորդ օրը», (եՓաբ – Քինդլ Մոբի)
• Վահե Քաչա, «Դևը արթնացավ», (եՓաբ – Քինդլ Մոբի)
• Նորայր Ադալյան, «Սև քառակուսի կարմիր անապատում», (եՓաբ – Քինդլ Մոբի)
• Արտաշես Քալանթարյան, «Խոստովանություն», (եՓաբ – Քինդլ Մոբի)
• Արտաշես Քալանթարյան, «Մարաթոն», (եՓաբ – Քինդլ Մոբի)
• Չարլզ Դիկենս, «Սուրբ Ծննդեան երգը», (եՓաբ – Քինդլ Մոբի)
• Վիլյամ Սարոյան, «Մարդկային կատակերգություն, (եՓաբ – Քինդլ Մոբի)
• Անտուան դը Սենտ Էքզյուպերի, «Փոքրիկ իշխանը» (եՓաբ – Քինդլ Մոբի)
• Ռիչարդ Բախ, «Ջոնաթան Լիվինգսթոն անունով ճայը», (եՓաբ – Քինդլ Մոբի)
• Ռիչարդ Բախ «Պատրանքներ։ Ակամա Փրկչի արկածները», (եՓաբ – Քինդլ Մոբի)

Լավագույն պատմվածքի մատենաշար

• Շերվուդ Անդերսոն, «Թենդի», (եՓաբ – Քինդլ Մոբի)
• Գի դը Մոպասան, «Վալտեր Շնաֆսի արկածը», (եՓաբ – Քինդլ Մոբի)
• Հերբերտ Ուելս, «Անտառի գանձը», (եՓաբ – Քինդլ Մոբի)
• Ջեկ Լոնդոն, «Ոսկե կիրճը», (եՓաբ – Քինդլ Մոբի)
• Օ’Հենրի, «Վերջին տերևը», (եՓաբ – Քինդլ Մոբի)
• Էրսկին Քոլդուել, «Տաք գետը», (եՓաբ – Քինդլ Մոբի)
• Ս. Լեմ, Ա. Իննես, «Գիտա֊ֆանտաստիկ երկու պատմվածք», (եՓաբ – Քինդլ Մոբի)
• Ջերոմ Սելինջեր, «… Եվ այդ շուրթերը, աչքերը կանաչ», (եՓաբ – Քինդլ Մոբի)
• Մարկ Տվեն, «Իմ ժամացույցը», (եՓաբ – Քինդլ Մոբի)
• Վոլֆգանգ Բորխերտ, «Բիլբրուկ», (եՓաբ – Քինդլ Մոբի)

Գրքեր առցանց գրախանութներում

• Կոմիտաս, «Բանաստեղծություններ» – Google Play
• Օսկար Ուայլդ, «Հեքիաթներ» – Google Play
• Կնուտ Համսուն, «Սով» – Google Play
• Կնուտ Համսուն, «Պան» – Google Play
• Լեռ Կամսար, «Կարմիր օրեր» – Google Play – Amazon
• Լեռ Կամսար, «Խաղք ու Խայտառակ աշխարհ» – Google Play
• Վահան Թոթովենց, «Հրկիզված թղթեր» – Google Play
• Վահան Թոթովենց, «Ամերիկա» – Google Play
• Վահան Թոթովենց, «Կյանքը հին հռովմեական ճանապարհի վրա» – Google Play
• Երվանդ Օտյան, «Ընկեր Բ. Փանջունի» – Google Play
• Խաժակ Գյուլնազարյան, «Ինչ-որ տեղ վերջանում էր հորիզոնը», Google Play – Amazon
• Վահան Երկնեշյան, «Մերթ ինձ, մերթ քեզ կամ երկնագույն Ռոնդո» – Google Play – Amazon –Apple iBooks
• Վանո Սիրադեղյան, «Ձեռք ետ տար ցավի վրայից» – Google Play – Amazon
• Վանո Սիրադեղյան, «Ծանր Լույս» – Google Play – Amazon
• Վանո Սիրադեղյան, «Շատ չհամարվի» – Google Play – Amazon – Apple iBooks
• Վանո Սիրադեղյան, «Կիրակի» – Google Play – Apple iBooks
• Արմեն Օհանյան, «Կիկոսի մահը» – Google Play – Apple iBooks
• Տաիշա Աբելար, «տղա հավանելու վերջը» – Google Play – Amazon
• Էդուարդ Հարենց, «Լեթարգիական արթնություն» – Google Play – Amazon
• Դիեգո Տատյան, « Հետմիջօրե» – Google Play – Amazon
• Առաքել Սեմիրջյան, «Օրիոնի գոտի» – [ Google Play] – Amazon – եՓաբ – Քինդլ Մոբի
• Առաքել Սեմիրջյան, «The Least of the Minority» – [ Google Play] – Amazon
• Լիլիկ Ստեփանյան, «Երկնքից երեք հեքիաթ ընկավ» – Google Play – Amazon
• Գևորգ Տեր-Գաբրիելյան, «Հրապարակ նկուղ» – Google Play – Amazon – Apple iBooks
• Ֆեթհիյե Չեթին, «Մեծ մայրս» – Google Play – Amazon – Apple iBooks
• Ղազարոս Աղայան, «Հեքիաթներ» – Google Play – Apple iBooks
• Վահան Տերյան, «Բանաստեղծություններ» – Google Play
• Վահան Տերյան, «Գիշեր և հուշեր» – Google Play – Amazon – Apple iBooks
• Վահան Տերյան, «Մթնշաղի անուրջներ» – Google Play – Amazon – Apple iBooks
• Հակոբ Պարոնյան, «Քաղաքավարութեան վնասները» – Google Play – Amazon – Apple iBooks
• Հակոբ Պարոնյան, «Մեծապատիվ մուրացկանները» – Google Play – Amazon – Apple iBooks
• Պ. Մեսրոպյան, «Ռոբին Հուդ» – Google Play – Amazon – Apple iBooks
• Եղիշե Չարենց, «Երկիր Նաիրի» – Google Play – Amazon – Apple iBooks
• Հովհաննես Թումանյան, «Հեքիաթներ» – Google Play – Amazon – Apple iBooks
• Հովհաննես Թումանյան, «Բալլադներ» – Google Play – Amazon – Apple iBooks
• Հովհաննես Թումանյան, «Պոեմներ» – Google Play – Amazon – Apple iBooks
• Հովհաննես Թումանյան, «Սասունցի Դավիթը» – Google Play – Amazon – Apple iBooks
• Րյունոսկե Ակուտագավա, «Թավուտում» – Google Play – Apple iBooks

Աղբյուրը՝ http://armscoop.com

 Զանգվածային բաց առցանց դասընթացների (MOOC) գրեթե բոլոր հարթակներում աշխարհի առաջատար համալսարաններն առաջարկում են ինֆորմատիկայի, ծրագրավորման հիմունքների և ծրագրավորման տարբեր լեզուների վերաբերյալ դասընթացներ ու առցանց դասախոսություններ ինչպես փորձառու մասնագետների, այնպես էլ սկսնակների և նույնիսկ որևէ փորձ չունեցողների համար։ 

ArmScoop-ն ընտրել և մեկ փաթեթով ներկայացնում է սկսնակների համար նախատեսված նմանատիպ լավագույն առցանց դասընթացները։

Անհրաժեշտ է նկատի ունենալ, որ դասընթացների մեծ մասը ամբողջովին անվճար է․ մյուսներին հնարավոր է մասնակցել երկու տարբերակով՝ անվճար եղանակով, որի դեպքում հասանելի են դասընթացի հիմնական նյութերը, և ընտրելով վճարովի փաթեթը, որը հնարավորություն է տալիս, ուսումնական տեսանյութերից բացի, ձեռք բերել գնահատվող նյութերը, ստանալ ամփոփիչ գնահատական և հավաստագիր։ Գրեթե բոլոր դասընթացները փոխներգործուն են և ներառում են «համակուրսեցիների» ֆորումները, որտեղ կարող են քննարկվել դասերի արդյունքները ու դասընթացին վերաբերող այլ հարցեր։ Մասնակցելու համար անհրաժեշտ է գրանցվել համապատասխան հարթակում (ստեղծել անհատական հաշիվ), ապա մուտք գործել և բացել ընտրված դասընթաց(ներ)ը։ 

Ինֆորմատիկա 101 ⇒

հարթակում հասանելի է Սթենֆորդի համալսարանի կողմից պատրաստված «Ինֆորմատիկա 101» դասընթացը, որը նախատեսված է նախնական գիտելիքներ ու փորձառություն չունեցող լսարանի համար՝ սովորեցնելու ինֆորմատիկայի և համակարգչային գիտության հիմունքները։ 

Մեկնարկը․ դասընթացի նյութերը առնվազն մինչև 2016 թ․ սեպտեմբերի 1-ը հասանելի են ինքնուրույն ուսուցման համար
Տևողությունը․ 6 շաբաթ
Մասնակցի ներգրավվածությունը․ շաբաթական 3-5 ժամ 
Արժեքը․ անվճար
Լեզուն․ անգլերեն

Ինֆորմատիկայի ներածություն ⇒

հարթակում Հարվարդի համալսարանի կողմից առաջարկվող դասընթացը վերաբերում է ինֆորմատիկայի և ծրագրավորման հիմնական սկզբունքերին և նախատեսված է  ինչպես ծրագրավորման փորձ չունեցողների, այնպես էլ սկսնակների համար։ Ընդգրկում է թեմաների լայն շրջանակ՝ C, PHP, և JavaScript լեզուներ, ինչպես նաև SQL, CSS և HTML, ալգորիթմներ, տվյալների կառուցվածքներ, ծրագրային ապահովման ճարտարագիտություն, անվտանգություն, վեբ առաջխաղացում և այլն։

Մեկնարկը․  դասընթացի նյութերը մշտապես հասանելի են ինքնուրույն ուսուցման համար
Մասնակցի ներգրավվածությունը․ 9 առաջադրանք և 1 վերջնական նախագիծ
Արժեքը․ անվճար
Լեզուն․ անգլերեն

Ծրագրավորման հիմունքներ ⇒

հարթակում Բոմբեյի հնդկական տեխնոլոգիական ինստիտուտի (IIT Bombey) կողմից առաջարկվող դասընթացը ներկայացնում է ինֆորմատիկայի և ծրագրավորման հիմնական հասկացությունները՝ սկսած ալգորիթմներից։ Հիմնական նպատակն է զարգացնել մասնակիցների կարողությունները՝ գրելու համակարգչային գործնական խնդիրներ լուծելուն ուղղված ծրագրեր։

Մեկնարկը․ դասընթացի նյութերը մշտապես հասանելի են ինքնուրույն ուսուցման համար
Տևողությունը․ 9 շաբաթ
Մասնակցի ներգրավվածությունը․ շաբաթական 8 ժամ
Արժեքը․ անվճար
Լեզուն․ անգլերեն

Սովորել ծրագրավորում․ հիմունքներ ⇒

հարթակում Տորոնտոյի համալսարանի մասնագետների կողմից առաջարկվող դասընթացը նախատեսված է նրանց համար, ովքեր նախկինում երբեք ծրագիր չեն գրել։ Դասընթացը ներկայացնում է ծրագրավորման հիմնարար տարրերն ու բաղադրիչները և սովորեցնում է գրել օգտակար ծրագրեր՝ Python լեզվի օգտագործմամբ։ 

Մեկնարկը․  դասընթացի նյութերը մշտապես հասանելի են ինքնուրույն ուսուցման համար
Տևողությունը․ 10 շաբաթ
Մասնակցի ներգրավվածությունը․ շաբաթական 6-8 ժամ 
Արժեքը․ անվճար
Լեզուն․ անգլերեն

Ծրագրավորում բոլորի համար․ սկսել Python լեզվից ⇒

հարթակում Միչիգանի համալսարանի մասնագետների կողմից առաջարկվող դասընթացը հնարավորություն կտա մասնակիցներին՝ սովորելու ծրագրավորման հիմունքները Python լեզվի օգտագործմամբ։ Համակարգչային չափավոր հմտություններին տիրապետող յուրաքանչյուր ոք կարող է հեշտորեն մասնագիտանալ դասընթացի նյութերի միջոցով։

Մեկնարկը․ հունիսի 13-ին
Տևողությունը․ 7 շաբաթ
Մասնակցի ներգրավվածությունը․ շաբաթական 2-4 ժամ 
Արժեքը․ անվճար կամ ձեռք բերելով ամբողջական փաթեթը
Լեզուն․ անգլերեն

Ինֆորմատիկայի և ծրագրավորման ներածություն․ Python ⇒

հարթակում Մասաչուսեթսի տեխնոլոգիական ինստիտուտի մասնագետների կողմից առաջարկվող դասընթացը նախատեսված է ծրագրավորման փորձ չունեցողների համար և մասնակիցներին հնարավորություն կտա սովորել օգտակար ծրագրեր գրել, ինչպես նաև ինֆորմատիկայի ու ծրագրավորման վերաբերյալ նախնական հիմնարար գիտելիքներ ձեռք բերելով՝ հետագայում խորացնել իրենց հմտությունները։ 

Մեկնարկը․ հունիսի 7-ին (նյութերը հասանելի են նաև ավելի ուշ միանալու դեպքում)
Տևողությունը․ 9 շաբաթ
Մասնակցի ներգրավվածությունը․ շաբաթական 15 ժամ 
Արժեքը․ անվճար
Լեզուն․ անգլերեն

HTML և CSS սկսնակների համար ⇒

Համացանցում գրեթե յուրաքանչյուր կայքէջ գրված է HTML լեզվով, իսկ կայքէջի ոճավորման համար օգտագործվում է CSS-ը (Cascading Style Sheets, կասկադային ոճաթերթ)։   հարթակի կողմից առաջարկվող այս դասընթացը մասնակիցներին գիտելիքներ ու հմտություններ կտա HTML-ի և CSS-ի վերաբերյալ՝ հիմքից կայքէջեր ստեղծելու (գրելու) և դրանք ոճավորելու համար։ Դասընթացն անվճար է և մշտապես հասանելի է ինքնուրույն ուսուցման համար. լեզուն՝ անգլերեն։

JavaScript ⇒

HTML-ը և CSS-ը բավական հարմար են ստատիկ կայքեր պատրաստելու համար, մինչդեռ JavaScript ծրագրավորման լեզուն մեծացնում է կայքէջի հնարավորությունները՝ դարձնելով այն ավելի ժամանակակից ու շարժուն, գործառական (ֆունկցիոնալ) և փոխներգործուն.  հարթակի կողմից առաջարկվող անվճար դասընթացը հնարավորության է տալիս յուրացնելու JavaScript-ը։ Դասընթացը մշտապես հասանելի է ինքնուրույն ուսուցման համար. լեզուն՝ անգլերեն։

Գծային և ամբողջ-թվային ծրագրավորում ⇒

հարթակում Կոլորադոյի համալսարանի մասնագետների կողմից առաջարկվող դասընթացը վերաբերում է մաթեմատիկական օպտիմիզացիայի (լավարկման) հիմունքներին։ Դասընթացը ներառում է գծային և ամբողջ-թվային գծային ծրագրավորման տեսության ու ալգորիթմների վերաբերյալ մի շարք հիմնարար թեմաներ։ 

Մեկնարկը․ գրանցված մասնակիցները կտեղեկացվեն դասընթացի անցկացման հաջորդ փուլի ժամկետի վերաբերյալ
Տևողությունը․ 7 շաբաթ
Մասնակցի ներգրավվածությունը․ շաբաթական 5-7 ժամ 
Արժեքը․ անվճար
Լեզուն․ անգլերեն

Ալգորիթմներ․ մաս 1 ⇒ , մաս 2 ⇒

հարթակում Փրինստոնի համալսարանի մասնագետների կողմից առաջարկվող դասընթացը նախատեսված է Java լեզվով ծրագրավորման նախնական փորձ ունեցողների համար և ներառում է Java լեզվին առնչվող ալգորիթմների և տվյալների կառուցվածքի վերաբերյալ մի շարք թեմաներ։ Դասընթացը բաղկացած է դասախոսությունների տեսանյութերից և փոխներգործուն գործնական վարժություններից։

Մեկնարկը․  դասընթացի նյութերը մշտապես հասանելի են ինքնուրույն ուսուցման համար 
Տևողությունը․ 6-ական շաբաթ
Մասնակցի ներգրավվածությունը․ շաբաթական 6-12 ժամ 
Արժեքը․ անվճար
Լեզուն․ անգլերեն

Ալգորիթմներ․ նախագծում և վերլուծություն (մաս 1 ⇒, մաս 2 ⇒)

հարթակում Սթենֆորդի համալսարանի կողմից առաջարկվող դասընթացը հնարավորություն կտա սովորելու ծրագրավորման ալգորիթմների նախագծման վերաբերյալ մի շարք հիմնարար սկզբունքներ ու հմտություններ։ Նախատեսված է ծրագրավորման տարրական փորձ ունեցողների համար (C, Java կամ Python լեզուներով)։ 

Մեկնարկը․  դասընթացի նյութերը մշտապես հասանելի են ինքնուրույն ուսուցման համար 
Տևողությունը․ 6-ական շաբաթ
Մասնակցի ներգրավվածությունը․ շաբաթական 5-7 (մաս 1) և 6-10 ժամ (մաս 2)
Արժեքը․ անվճար
Լեզուն․ անգլերեն

Մոտարկման ալգորիթմներ․ մաս 1 ⇒ , մաս 2 ⇒ 

հարթակում ֆրանսիական Բարձրագույն նորմալ դպրոցի (École normale supérieure) կողմից առաջարկվող դասընթացը վերաբերում է գծային ծրագրավորման և մասնավորապես մոտարկման ալգորիթմների խնդիրներին։

Մեկնարկը․  հունիսի 20-ին
Տևողությունը․ 5 և 4 շաբաթ
Արժեքը․ անվճար
Լեզուն․ անգլերեն

Օբյեկտ-կողմնորոշված ծրագրավորում․ Java  ⇒

Ինչպե՞ս է ստեղծված Google-ի պես հսկայական որոնողական համակարգը․ ինչպե՞ս մշակել ալգորիթմներ ու ստեղծել բարդ նախագծեր (թեկուզև ոչ Google-ի չափ բարդ)։  հարթակում Կալիֆորնիայի համալսարանի (Սան Դիեգո) կողմից առաջարկվող Java լեզվով օբյեկտ-կողմնորոշված ծրագրավորման դասընթացը մասնակիցներին հնարավորություն կտա ոչ միայն հասկանալու այս հարցերի պատասխանը, այլև ձեռք բերելու հիմնարար գիտելիքներ ու հմտություններ։

Մեկնարկը․ հունիսի 20-ին 
Տևողությունը․ 6 շաբաթ
Մասնակցի ներգրավվածությունը․ շաբաթական 4-6 ժամ
Արժեքը․ անվճար
Լեզուն․ անգլերեն

Օբյեկտ-կողմնորոշված ծրագրավորում ⇒

հարթակում Բոմբեյի հնդկական տեխնոլոգիական ինստիտուտի (IIT Bombey) կողմից առաջարկվող դասընթացը նվիրված է Օբյեկտ-կողմնորոշված ծրագրավորման հիմունքներին, մեթոդներին և մի շարք հասկացությունների՝ դաս, պոլիմորֆիզմ և այլն։ 

Մեկնարկը․ դասընթացի նյութերը մշտապես հասանելի են ինքնուրույն ուսուցման համար
Տևողությունը․ 4 շաբաթ
Մասնակցի ներգրավվածությունը․ շաբաթական 8 ժամ
Արժեքը․ անվճար
Լեզուն․ անգլերեն

Աղբյուրը՝ harmscoop.com

Արագ զարգացող աշխարհում շարունակական ինքնակրթության և մասնագիտական կատարելագործման նշանակությունն անընդհատ աճում է: Էապես կարևորվում է կրթության անդադար հոսքը՝ սեփական գիտելիքները, հմտություններն ու կարողությունները շարունակ թարմացնելու ու խորացնելու և ինքնազարգացման համար: Համացանցի ընձեռած հնարավորությունները, առավել քան երբևէ, հեշտացնում են այդ գործընթացը:

Մյուս կողմից ընդգծվում է բարձրակարգ կրթության մատչելիության, մասնավորապես աշխարհի լավագույն համալսարանների կրթական ծրագրերը լայն զանգվածների համար հասանելի դարձնելու կարևորությունը՝ ելնելով այն սկզբունքից, որ թեև ժամանակակից աշխարհում որակյալ կրթության իրավունք ունեն բոլորը, սակայն ոչ բոլորն ունեն այն ստանալու հնարավորությունները։

Հենց այդ հնարավորությունները մատչելի դարձնելու և մարդկանց շարունակական ինքնակրթության գաղափարն է զանգվածային բաց առցանց դասընթացների (Massive open online courses, MOOC) ստեղծման հիմքում։ «Կրթություն բոլորի համար»՝ 2000-ական թթ․ զարգացող և 2010-ականներին թափ առած այս նոր երևույթի կարգախոսն է։ The New York Times-ը 2012 թվականնանվանեց «MOOC-ի տարի», քանի որ հենց այդ տարի մեկնարկեցին անվճար առցանց կրթություն առաջարկող լավագույն հարթակները՝  EdX-ը, Coursera-ն, Udacity-ն: 

ArmScoop-ը հետևում և պարբերաբար ներկայացնում է նմանատիպ տարբեր հարթակների կողմից առաջարկվող դասընթացների վերաբերյալ թարմ տեղեկություններ, որոնք կարող են առավելագույնս օգտակար լինել իրենց կրթական հնարավորությունները զարգացնել ցանկացող հայաստանցիների համար։

Ներկայացնում ենք առավել խոշոր և լավագույն դասընթացներ առաջարկող 6 MOOC հարթակները։

առցանց ուսուցման հարթակը, որպես ոչ առևտրային կազմակերպություն, հիմնադրվել է Հարվարդի համալսարանի և Մասաչուսեթսի տեխնոլոգիական ինստիտուտի կողմից 2012 թ․ մայիսին։ Համացանցին հասանելիություն ունեցող յուրաքանչյուր ոք կարող է -ի միջոցով մասնակցել աշխարհի ավելի քան 60 առաջատար համալսարանների կողմից առաջարկվող առցանց դասընթացներին։ Նման համալսարանների թվում են Հարվարդի համալսարանը, Մասաչուսեթսի տեխնոլոգիական ինստիտուտը, Կալիֆորնիայի համալսարանը (Բերկլի), Սորբոնի համալսարանները, Կալիֆորնիայի տեխնոլոգիական ինստիտուտը (Caltech) և այլն։

հարթակում առկա է շուրջ 700 առցանց դասընթաց (2016 թ․ հունիսի դրությամբ), որոնք առաջարկվում են հումանիտար, սոցիալական, բնական, տեխնիկական գիտությունների ամենատարբեր թեմաներով, ինչպես նաև լեզուների ուսուցման, մասնագիտական հմտությունների զարգացման հնարավորություններով։ Դասընթացների հիմնական մասը, բացի մասնագիտական կրթության դասընթացներից, անվճար է յուրաքանչյուրի համար․ դասընթացների մի մասի համար շնորհվում են վճարովի հավաստագրեր, սակայն բոլոր դասանյութերը բաց են և անվճար։

Մասնակցելու համար անհրաժեշտ է գրանցվել  հարթակում (ստեղծել անհատական հաշիվ), ապա մուտք գործել հարթակ և բացել ընտրված դասընթաց(ներ)ը։ Անհրաժեշտ է նկատի ունենալ նաև, որ գործնականում բոլոր բաց առցանց դասընթացները (դասանյութերը) հասանելի են մշտապես՝ նույնիսկ դրանց փաստացի անցկացման ժամկետի ավարտից հետո։

հարթակն, ի տարբերություն -ի, առևտրային կազմակերպություն է և ամենախոշոր MOOC-ն աշխարհում։  հարթակում 28 երկրի շուրջ 150 առաջատար ուսումնական հաստատություններ առաջարկում են ավելի քան 1900 առցանց դասընթաց (2016 թ․ հունիսի դրությամբ)՝ գրեթե բոլոր գիտաճյուղերի ամենատարբեր թեմաներով, ինչպես նաև լեզուների ուսուցման, մասնագիտական հմտությունների զարգացման հնարավորություններով։ Հիմնվել է Սթենֆորդի համալսարանի ինֆորմատիկայի պրոֆեսորներ Էնդրյու Ընի և Դաֆնե Քոլերի կողմից 2012  թ․ ապրիլին։

–ում առաջարկվում են ինչպես անվճար զանգվածային բաց առցանց դասընթացներ, այնպես էլ վճարովի մասնագիտական ամբողջական  դասընթացներ՝ համապատասխան հավաստագրով, որը ճանաչվում է բազմաթիվ հաստատությունների և կազմակերպությունների կողմից։ 

Բաց առցանց դասընթացներին հնարավոր է մասնակցել երկու տարբերակով՝ անվճարեղանակով, որի դեպքում հասանելի են դասընթացի հիմնական նյութերը, և ընտրելով վճարովի փաթեթը, որը հնարավորություն է տալիս, ուսումնական տեսանյութերից բացի,  ձեռք բերել գնահատվող նյութերը, ստանալ ամփոփիչ գնահատական և հավաստագիր։ Դասընթացների ավարտին սովորաբար անհրաժեշտ է հանձնել դասընթացի ընթացքում ներկայացված նյութի յուրացման առցանց թեստ-քննություն։

զանգվածային բաց առցանց հարթակը նույնպես շահույթ չհետապնդող կազմակերպություն է, որի առաքելությունն է բարելավել կրթության որակը և դարձնել այն հասանելի ամենուրեք և ամենքին: Հիմնադրել է բանգլադեշյան ծագմամբ ամերիկացի նորարար ձեռնարկատեր, Հարվարդի համալսարանի շրջանավարտ Սալման Խանը 2006 թ․ Կալիֆորնիայում (նախքան այդ աշխատանքները սկսել էր իր զարմիկի համար կրթական տեսահոլովակներ ստեղծելով)։ Խան ակադեմիան համագործակցում է NASA-ի, Նյու Յորքի Ժամանակակից արվեստի թանգարանի, Կալիֆորնիայի գիտությունների ակադեմիայի և Մասաչուսեթսի տեխնոլոգիական ինստիտուտի հետ։

-ն, ի տարբերություն նախորդների, դասական իմաստով դասընթացներ չի առաջարկում։ Փոխարենն այս կազմակերպությունը ստեղծումից ի վեր պատրաստում և ներկայացնում է կրթական տեսանյութեր (YouTube–ի ձևաչափով) ու գործնական վարժություններ և սովորողներին հնարավորություն է տալիս անհատական էջերի միջոցով առանձնացնել իրենց ուսումնական ողջ դասանյութն ու յուրացնել այն նախընտրած եղանակով ու ռեժիմով։ Հարթակիհիմնական առանձնահատկություններից մեկն այն է, որ ուսումնական նյութերն ու դասընթացները նախատեսված են ինչպես մեծահասակ մասնագետների և ուսանողների, այնպես էլ դպրոցականների համար։ Առանձին ուսուցողական նյութեր և կրթական գործիքներ կան նաև ուսուցիչների համար։

–ն ուսումնական նյութեր ու առցանց դասեր է առաջարկում մաթեմատիկայի, բնական գիտությունների, ինֆորմատիկայի, հումանիտար գիտությունների և արվեստի պատմության, տնտեսագիտության թեմաներով և մի շարք կրթական թեստերի նախապատրաստության համար։ Հարթակի հիմնական լեզուն անգլերենն է, սակայն առկա են նաև ավելի քան 30 լեզվով (այդ թվում՝հայերեն) թարգմանված տեսանյութեր։ -ի ամբողջ բովանդակությունն անվճար է․ օգտվելու համար անհրաժեշտ է ստեղծել մասնակցային հաշիվ։

ACADEMIC EARTH առցանց հարթակը գործարկվել է 2009 թվականին՝ առաջնորդվելով այն փիլիսոփայությամբ, որ աշխարհում յուրաքանչյուր ոք ունի համաշխարհային մակարդակի առաջնակրգ կրթության իրավունք, և պետք է հաղթահարել ակադեմիական աշխարհում առկա խոչընդոտները։ Հարթակում հրապարակվում են աշխարհի մի շարք առաջատար համալսարանների տեսագրված դասախոսություններ (Հարվարդի համալսարան, Մասաչուսեթսի տեխնոլոգիական ինստիտուտ, Կալիֆորնիայի համալսարան (Լոս Անջելես), Սթենֆորդի համալսարան, Եյլի համալսարան և այլն)։ Հասանելի են առցանցդասախոսություններ հումանիտար, սոցիալական, բնական, տեխնիկական գիտությունների ամենատարբեր թեմաներով, ինչպես նաև լեզուների ուսուցման, մասնագիտական հմտությունների զարգացման հնարավորություններով։ 

հարթակը հիմնադրվել է 2012 թ․ դեկտեմբերին՝ հեռավար և առցանց ուսուցման երկարամյա փորձ ունեցող բրիտանական Բաց համալսարանի (Միլթոն Քեյնս) կողմից և ամերիկյան MOOC հարթակների օրինակով․ Մեծ Բրիտանիայում հիմնադրված առաջին նման հարթակն է։ Համագործակցում է բրիտանական և աշխարհի առաջատար այլ համալսարանների, ինչպես նաև կրթական ու մշակութային հսկայական պաշարներ ունեցող ոչ համալսարանական կազմակերպությունների հետ, ինչպես օրինակ, Բրիտանական թանգարանը, Բրիտանական խորհուրդը, Բրիտանական գրադարանը, BBC-ին և Ազգային կինոյի և հեռուստատեսության դպրոցը:

Futur Learn-ի դասընթացներն ընդգրկում են թեմաների լայն շրջանակ՝ սկսած Մեծ Բրիտանիայի ու համաշխարհային պատմությունից, միջազգային հարաբերություններից ու քաղաքագիտությունից մինչև բնական գիտություններ և տնտեսագիտական թեմաներ։ Որոշակի դասընթացներ խմբավորված են առանձին թեմատիկ հավաքածուներում։ Բոլոր զանգվածային բաց առցանց դասընթացները հիմնականում անվճար են․ օգտվելու համար անհրաժեշտ է ստեղծել մասնակցայինհաշիվ։

hարթակը համաեվրոպական զանգվածային բաց առցանց դասընթացների նախաձեռնություն է: Հիմնվել է 2013 թ. ապրիլին Հեռավար ուսուցման համալսարանների եվրոպական ընկերակցության (EADTU) կողմից և Եվրոպական հանձնաժողովի հետ համագործակցությամբ՝ Erasmus + ծրագրի շրջանակներում։ Համագործակցու է ԵՄ  անդամ 11 երկրներից, ինչպես նաև Կանադայից, Ռուսաստանից, Իսրայելից և Թուրքիայից մեկական բաց համալսարանների, կրթական կազմակերպությունների կամ MOOC նախաձեռնությունների հետ։

OpenupEd-ի նպատակն է համացանցին հասանելիություն ունեցող յուրաքանչյուր մարդու շնորհել առցանց ամբողջական անվճար դասընթացներ։ Առկա են թեմաների լայն շրջանակ ընդգրկողդասընթացներ ինչպես անգլերեն, այնպես էլ մի շարք այլ լեզուներով (ֆրանսերեն, գերմաներեն, ռուսերեն, իտալերեն, արաբերեն և այլն)։

Բացի վերոնշյալ հարթակներից, առկա են նաև այլ՝ հիմնականում շահույթ հետապնդող կազմակերպություններ, որոնք մասնագիտացված զանգվածային առցանց դասընթացներ են շնորհում մասամբ անվճար կամ վճարովի հիմունքներով։ Ամենահայտնիներից են, օրինակ,Udacity-ն (ինֆորմատիկայի և ծրագրավորման ոլորտներում), Kadenze-ն (տեխնոլոգիաներ և արվեստ), Eliademy-ն (հասանելի են նաև այլ լեզուներով) և այլն։

Աղբյուրը՝ armscoop.com

Հայաստանում և նրա շուրջ պետական և համազգային նշանակության տարամակարդակ հիմնախնդիրների ու գործընթացների հասարակական ընկալման, գնահատման և դրանց վերաբերյալ հանրային դիրքորոշումների ձևավորման հարցում շարունակ մեծանում էվերլուծական դաշտի կայացման ու ընդլայնման անհրաժեշտությունը։ Խնդիրն առավել ակնհայտ է եղածի թարմացման համատեքստում՝ հաշվի առնելով հետազոտողների երիտասարդ սերնդի նորովի և չկաղապարված մոտեցումները։  

Թեև այդ հարցում հանրային պահանջարկը անհրաժեշտ չափով ձևակերպված ու զգալի չէ, սակայն թարմ, նորովի և ասելիք ունեցող առաջարկի անհրաժեշտությունը դրանից չի նվազում։ Մասնավորապես, հայկական վերլուծական (ուղեղային) կենտրոնների բացը լրացնելու ևմտածող երիտասարդության ձայնը առկա հիմնախնդիրների հետազոտության համար լսելի դարձնելու փորձ է Երիտասարդ վերլուծաբանների հայաստանյան կենտրոնիգործունեությունը, որի բացման պաշտոնական արարողությունը կայացավ հունիսի 6-ին Երևանում։

Երիտասարդ վերլուծաբանների հայաստանյան կենտրոնն իր գործունեությունը որպես նախաձեռնություն սկսել է շուրջ 5 տարի առաջ՝ 2011 թ. մայիսին, մի խումբ երիտասարդների կողմից, իսկ վերջիններիս համագործակցության նախապատմությունն սկսվել է ավելի վաղ՝ 2008 թ․: Ներգրավելով ամենատարբեր մասնագիտությունների և աշխարահայացքների տեր մարդկանց՝ կենտրոնը փորձում է լսելի դարձնել ու վեր հանել երիտասարդների տեսակետներն ու հարցադրումները, հանրայնացնել նրանց՝ տարբեր ոլորտներին առնչվող վերլուծությունները:

Այսուհետև որպես հասարակական կազմակերպություն՝ ԵՎՀԿ-ի գործունեությունն ուղղված է սեփական կայքի, սոցիալական ցանցերի և ԶԼՄ-ների միջոցով երիտասարդ վերլուծաբանների վերլուծությունները, հասարակությանը հուզող հարցերի շուրջ արված դիտարկումները հասարակության սեփականությունը դարձնելուն։

Ինչպես բացման արարողության ժամանակ նշեց կազմակերպության նախագահ Արեգ Քոչինյանը, կենտրոնի և նրա շուրջ համախմբված երիտասարդ վերլուծաբանների գործունեությունը հիմնված է մի շարք սկզբունքների վրա՝ զուգահավասարություն և չեզոքություն հայաստանյան ներքաղաքական-կուսակցական դաշտի նկատմամբ, հայաստանակենտրոնություն, անդամների մասնագիտական իրավասություն։ Գործելով «Համարձակվի՛ր մտածել» կարգախոսով՝ ԵՎՀԿ-ի հեռահար նպատակը Հայաստանում վերլուծական դաշտի առավել կայացմանն ու անկախացմանը նպաստելն է:

ԵՎՀԿ-ն երիտասարդական  հարթակ է, որտեղ կարող են ներգրավվել ՀՀ-ում բնակվող մինչև 35 տարեկան ակտիվ, նախաձեռնող և հետաքրքրված երիտասարդները, որոնք ունեն համապատասխան ակադեմիական պատրաստվածություն (հանդիսանում են բուհի ուսանող կամ շրջանավարտ), և ունեն ցանկություն ու նպատակասլացություն՝ դառնալու վերլուծաբան:

Կենտրոնին անդամակցող հիմնական և ասոցացված վերլուծաբանների (շուրջ 50 երիտասարդ)՝ սեփական հայեցողությամբ կատարված վերլուծական աշխատանքներն ու հոդվածները հրապարակվում են ԵՎՀԿ կայքի համապատասխան բաժիններում։ Հրապարակումների հիմնական մասը վերաբերում է Հայաստանի պետական-քաղաքական, հասարակական կարևոր գործընթացներին, արտաքին ու տարածաշրջանային քաղաքականությանը, տնտեսությանը, անվտանգության հարցերին, Արցախյան հիմնախնդրին և հասարակագիտական ու հումանիտար այլ ոլորտների առնչվող թեմաներին։

Աղբյուրը՝ http://armscoop.com

Սոցիալական մեդիայի և համացանցի զարգացման այս դարաշրջանում աճել է անգլերենով հաղորդակցվելու անհրաժեշտությունն ու նշանակությունը։ Մյուս կողմից, լեզվական գրագիտության՝ 21-րդ դարում շարունակ աճող աննախադեպ պահանջարկի պայմաններում առավել քան կարևոր է գրագետ և ճիշտ հաղորդակցվելու ունակությունը, հետևաբար՝ անգլերենի քերականության և ոճական հարցերի վերաբերյալ հիմնական գիտելիքների ու հմտությունների տիրապետումը։

Քուինսլենդի համալսարանը (Ավստրալիա), որն անգլերենի ուսուցման լավագույն կենտրոններից մեկն է աշխարհում, edX հարթակում առաջարկում է անգլերենի քերականության և ոճաբանության (English Grammar and Style) զանգվածային բաց առցանց դասընթաց (MOOC)։ Դասընթացավարները՝ Քուինսլենդի համալսարանի դասախոսներ, մասնակիցներին հնարավորություն կտան յուրացնելու անգլերենի քերականության հիմնական սկզբունքների, բառօգտագործման, շարահյուսության, կետադրության և գրավոր ոճերի վերաբերյալ առանցքային գիտելիքներ, ինչպես նաև՝ այդ ամենը ճիշտ կիրառելու, սեփական և այլոց գրավոր խոսքը գնահատելու և շտկելու (խմբագրելու) հմտություններ։ Դասընթացը փոխներգործուն է՝ բաղկացած տեսանյութ-դասախոսություններից, լեզվաբան մասնագետների հետ հարցազրույց-տեսանյութերից և տարբեր գործնական վարժություններից։

Մեկնարկը․  դասընթացն սկսվելու է հուլիսի 25-ին
Տևողությունը․  8 շաբաթ
Մասնակցի ներգրավվածությունը․ շաբաթական 4 ժամ
Արժեքը․ անվճար է 
Հավաստագրի առկայություն․ տրվում է, արժեքը՝ $99 

Ինչպես մասնակցել դասընթացին

Անհրաժեշտ է գրանցվել  հարթակում  (ստեղծել անհատական հաշիվ), ապա մուտք գործել հարթակ և բացել ընտրված դասընթաց(ներ)ը («view course» ընտրանքը հասանելի է միայն դասընթացի մեկնարկից հետո)։ 

Աղբյուրը՝ armscoop.com