Երևանի պետական համալսարանի Իջևանի մասնաճյուղ

Monthly Archives: September 2016

Վոլեյբոլի մասնաճյուղային առաջնություն

Վոլեյբոլի մասնաճյուղային առաջնություն

2016թ. սեպտեմբերի 22-ին՝ ժամը 15:00-ին, ԵՊՀ Իջևանի մասնաճյուղի մարզադահլիճում տեղի կունենա վոլեյբոլի մասնաճյուղային առաջնություն՝ նվիրված ՀՀ անկախության 25-րդ տարեդարձին:

Մասնակցել ցանկացողները մինչև սեպտեմբեր 21-ը կարող են դիմել Արտակարգ իրավիճակների, մարմնակրթության և սպորտի ամբիոն:

Տնօրենի հանդիպումը մասնաճյուղի ուսանողական խորհրդի ներկայացուցիչների հետ

2016թ. սեպտեմբերի 16-ին ԵՊՀ Իջևանի մասնաճյուղի տնօրեն Ս.Ա. Առաքելյանը հանդիպեց մասնաճյուղի ուսանողական խորհրդի ներկայացուցիչների՝ ՈՒԽ-ի նախագահի, կառույցի ֆակուլտետային ներկայացուցիչների, կուրսերի ավագների հետ: 

Հանդիպմանը մասնակցում էին Ուսումնամեթոդական վարչության պետ Ա.Դավթյանը, ֆակուլտետների դեկանները, տնօրենի օգնականը, հասարակայնության հետ կապերի և մամուլի պատասխանատուն:

Հանդիպման ընթացքում քննարկվեցին 2016-2017 ուստարվա երկրորդ կիսամյակին վերաբերող ուսումնական, կազմակերպչական, կարգապահական և այլ բնույթի հարցեր:

Տնօրենի հանդիպումը մասնաճյուղի ուսանողական խորհրդի ներկայացուցիչների հետ

Ուսանողական խորհրդի նախագահը առաջին կուրսեցիներին ծանոթացրեց ՈՒԽ-ի ֆակուլտետների ներկայացուցիչների, հանձնաժողովների նախագահների հետ, ներկայացրեց իրենց աշխատանքային ծրագիրը, խնդիրները, ուսանողներին իրենց աշխատանքներում ներգրավելու ուղիները:

Տնօրենը ուսանողներին հորդորեց լինել ակտիվ, ուսումնատենչ, նպատակասլաց, կազմակերպել ու մասնակցել ուսումնագիտական միջոցառումների, տարաբնույթ մրցույթների:

Առաջին կուրսերի ավագներին  ներկայացվեցին այն հիմնական խնդիրները, որոնց անհրաժեշտ է ուշադրություն դարձնել (օրինակ՝ հետևողական լինել անվանական կրթաթոշակների հարցում և այլն): 

Ուսանողները վարչական անձնակազմի ներկայացուցիչներից ստացան իրենց հետաքրքրող հարցերի պատասխանները:

Ճամփորդական տեսանյութի մրցույթ ուսանողների համար

 lights-camera-action

 
Ճամփորդական տեսանյութի մրցույթին, որն անցկացնում է InternationalStudent.com-ը , մասնակցել կարող են աշխարհի ցանկացած երկրից այն ուսանողները, որոնք 18 տարեկան են կամ ավելին:

Եթե դուք այժմ սովորում եք ոչ ձեր հայրենի երկրում, տեսանյութում կարող եք պատկերել ցանկացած ճամփորդություն: Իսկ եթե դուք ձեր հայրենի երկրում եք սովորում, մրցութային տեսանյութը պետք է պատկերի որևէ օտար երկիր ուսումնական ճամփորդությունը:

Գլխավոր մրցանակը 4 հազար դոլար է: Սահմանված են նաև Լսարանի, ինչպես նաև երկրորդ կարգի մրցանակներ:

Ներկայացվող տեսանյութի տևողությունը պետք է պակաս լինի 5 րոպեից: Գնահատման հիմնական չափանիշներն են՝ տեսանյութի յուրօրինակությունը, հետաքրքրության աստիճանը, գեղարվեստականությունը և որակը: Նախորդ տարիների մրցանակակիր տեսանյութերը կարող եք դիտել այստեղ: 

Դիմելու վերջնաժամկետը հոկտեմբերի 14-ն է:

Լրացուցիչ մանրամասների և դիմելու համար սեղմել այստեղ: 

Աղբյուրը՝ http://www.media.am

Սեպտեմբերի 7-ի տնօրենության նիստում

2016թ. սեպտեմբերի 7-ին ԵՊՀ Իջևանի մասնաճյուղում կայացավ տնօրենության նիստ, որը նախագահում էր Ս.Առաքելյանը:

Նիստի ընթացքում քննարկվեցին 2016-17 ուստարվա նախապատրաստական աշխատանքներին վերաբերող և մի քանի ընթացիկ հարցեր:  

2016-17 ուստարվա նախապատրաստական աշխատանքների կապակցությամբ նշվեց, որ հաստատվել է 2017թ. մասնագիտությունների ցանկը, որտեղ կատարվել են որոշ փոփոխություններ:

Սեպտեմբերի 7-ի տնօրենության նիստում

Մասնավորապես փոփոխություններ են կատարվել ընդունելության քննություններում. «Պատմություն» մասնագիտության մեջ Ընդհանուր պատմության (գր.) կամ Օտար լեզվի (գր.)  քննությունները մրցութայինից դարձել են ոչ մրցութային, «Անգլերեն լեզու և գրականություն», «Ֆրանսերեն լեզու և գրականություն» մասնագիտություններում ոչ մրցութային է դարձել «Հայոց լեզու և գրականություն» (գր.) մրցութային առարկան: «Դիզայն» մասնագիտության ընդունելության քննություններից հանվել է «Գունանկար» առարկան:

 Հանվել են «Համակարգչային գրաֆիկա», «Տնտեսագիտություն», «Հոգեբանություն» մասնագիտությունների կրթական ծրագրերը:

Ավելացվել են «Ֆինանսներ», «Սոցիալական աշխատանք», «Զբոսաշրջություն» մասնագիտությունները:

Ուսման վարձավճարների գանձման վերջնաժամկետի հետ կապված՝ նշվեց, որ ուսանողին չի թույլատրվի մասնակցելու երկրորդ ընթացիկ քննությանը, եթե ուսման վարձի 50%-ը վճարված չէ, ստուգարքի կթույլատրվի մասնակցելու, եթե ուսման վարձը 100%-ով վճարված է:

Նիստի ընթացքում 2016-17 ուստարվա նախապատրաստական աշխատանքները գնահատվեցին բավարար:

Աշխատանքի տոնավաճառ Իջևանի քաղաքային շատրվանների հրապարակում

Աշխատանքի տոնավաճառ Իջևանի քաղաքային շատրվանների հրապարակում

Հարգելի՛ համալսարանականներ, 2016թ. սեպտեմբերի 14-ին՝ ժամը 1100-ին, Իջևանի զբաղվածության տարածքային կենտրոնը հրավիրում է մասնակցելու Իջևանի քաղաքային շատրվանների հրապարակում կայանալիք աշխատանքի տոնավաճառին:

Տոնավաճառին կմասնակցեն տարածաշրջանի տնտեսության տարբեր ոլորտները ներկայացնող շուրջ 32 գործատու՝ 60 առկա և 6 սպասվելիք թափուր աշխատատեղերով:

Աշխատանքի տոնավաճառում կներկայացվեն թափուր աշխատատեղեր թե՛ փորձառու  մասնագետների և թե՛ աշխատանքային փորձ չունեցողների համար:

123456

Հայտարարություն

Նորություններ