2016թ. հոկտեմբերի 21-ին տեղի կունենա մինի ֆուտբոլի մասնաճյուղային առաջնություն:

Մասնակցել ցանկացողները մինչև ս.թ. հոկտեմբերի 20-ը կարող են դիմել Արտակարգ իրավիճակների, մարմնակրթության և սպորտի ամբիոն:

Շվեյցարիայի կառավարության «Գերազանցության կրթաթոշակներ» ծրագիրը հնարավորություն է տալիս ավելի քան 180 երկրի քաղաքացիներին սովորել կամ հետազոտական նախագծեր իրականացնել շվեյցարական լավագույն բուհերում ու գիտական կենտրոններում։ 

Հայ ուսանողների ու գիտնականների համար նախատեսված 2017–2018 թթ. «Գերազանցության կրթաթոշակներ» ծրագիրը ղեկավարվում է «Լույս» հիմնադրամի հետ համագործակցությամբ*։

* Շվեյցարիայի կառավարության «Գերազանցության կրթաթոշակներ» ծրագիրը, որ կառավարվում է Հայաստանում «Լույս» հիմնադրամի հետ համատեղ, առանձին ծրագիր է. այն առնչություն չունի «Լույսի» կրթաթոշակային ծրագրի հետ։

«Գերազանցության կրթաթոշակներ» ծրագրի՝ Հայաստանի համար նախատեսված ենթածրագրերը և դրանց ուղեցույցները յուրաքանչյուր տարի առանձին փաթեթով հրապարակվում են հետևյալ էջում։

Հայաստանի քաղաքացիների համար հասանելի են միայն հետբուհական մասնագիտական կրթություն ստանալ ցանկացողների համար նախատեսված՝

• հետազոտական կրթաթոշակներ,
• ասպիրանտական (դոկտորական – PhD) կրթաթոշակներ,
• դոկտորական (հետդոկտորական – Postdoctoral) կրթաթոշակներ։

Կրթաթոշակը․ կրթաթոշակային փաթեթը ներառում է՝ ուսման վարձավճարից ազատում, ամսական 1,920 շվեյցարական ֆրանկ կրթաթոշակ, ավիաճանապարհածախսի միանվագ գումարի փոխհատուցում, կեցության, ապահովագրության և այլ ծախսերի վճարում։Մանրամասները՝ համապատասխան ուղեցույցում։ 

Ովքե՞ր կարող են դիմել. կրթաթոշակը շնորհվում է յուրաքանչյուր ենթածրագրի առանձին պահանջներին և ընտրության չափանիշներին համապատասխանող և հայտը ներկայացնելիս Հայաստանում բնակվող քաղաքացիներին։ Դոկտորական (ասպիրանտական) և հետազոտական կրթաթոշակների հավակնորդների տարիքը չպետք է գերազանցի 35-ը։ Մանրամասները՝ համապատասխան ուղեցույցում։ 

Ինչպե՞ս դիմել. ծրագրի դիմումի փաթեթը ստանալու համար անհրաժեշտ է գրել swiss.scholarship@luys.am հասցեին՝ կից ներկայացնելով «Լույս»-ի կայքում յուր․ տարի հրապարակվող՝ ընդհանուր տեղեկությունների ձևը (լրացված):

Ե՞րբ դիմել. 2017-2018 ուս․ տարվա համար հայտերի և նախագծի ներկայացման վերջնաժամկետը 2016թ. նոյեմբերի 30-ն է։ Կրթաթոշակները հատկացվում են մինչև 2017թ. սեպտեմբերի 14-ը։

Կրթաթոշակային ծրագրի վերաբերյալ ամբողջական տեղեկատվությանը կարող եք ծանոթանալ այստեղ։

Աղբյուրը՝ http://armscoop.com

Հարգելի Ուսանողներ,

Ուրախ ենք տեղեկացնել ՎիվաՍել-ՄՏՍ-ում «Վաճառքի և սպասարկման դպրոց» վերապատրաստման ծրագրի շարունակության մասին:

Ծրագրի նպատակն է զարգացնել երիտասարդ ուսանողների վաճառքի և սպասարկման հմտությունները՝ հնարավորություն ընձեռելով ոչ միայն տեսական, այլ նաև կիրառական մակարդակով յուրացնելու կարևոր հմտություններ:

Ծրագիրը ներառելու է երկօրյա դասընթաց, այնուհետև 2 ամիս տևողությամբ առնվազն կես օրվա ներգրավվածությամբ պրակտիկա ՎիվաՍել-ՄՏՍ ընկերության սպասարկման կենտրոններում:

Ծրագրի ավարտին կտրվեն հավաստագրեր ՎիվաՍել-ՄՏՍ ընկերության կողմից, իսկ լավագույն ուսանողները կարժանանան անհատական խրախուսման և կընդգրկվեն ընկերության տվյալների բազայում՝ հետագայում թափուր պաշտոնների համար դիտարկվելու նպատակով:

Ծրագրին կարող են դիմել միայն ԲՈՒՀ-ի 3-րդ, 4-րդ կուրսի և մագիստրատուրայի բարձր առաջադիմությամբ ուսանողները: Տեխնիկական կամ բնագիտական մասնագիտացումը, օտար լեզուների իմացությունը և ամբողջ աշխատանքային օրվա ընթացքում (8-ժամ) ներգրավվածությունը ծրագրի կիրառական մասին դիտարկվելու են իբրև առավելություն:

Այսպիսով, եթե դուք ունեք հմուտ հաղորդակցվելու ունակություն, դրական մոտեցում, տեղեկատվությունն արագ ընկալելու և յուրացնելու կարողություն և պատրաստ եք պահպանել Վիվա-Սել ՄՏՍ Ընկերություն էթիկայի նորմերը և կարգերը, կարող եք դիմել ծրագրին մասնակցելու համար:

Ծրագրում ընդգրկվելու համար անհրաժեշտ է ներկայացնել CV/ինքնակենսագրականը և կից նամակ, որի մեջ պետք է պատատասխանեք հետևյալ հարցին՝ “Ինպե՞ս եմ տեսնում ՎիվաՍել-ՄՏՍ-ի ապագան հետագա 3 տարիների ընթացքում” սռնվազն կես էջ պարունակությամբ:

Տեղի է ունենալու ուսանողների ընտրության գործընթաց` ըստ վերը նշված պահանջների:

Խնդրում ենք մինչև ս.թ. հոկտեմբերի 17-ը Ձեր դիմումներն ուղարկել vc-mtsschool@mts.am  էլեկտրոնային հասցեին` կից ներկայացնելով պահանջված փաստաթղթերը: