Երևանի պետական համալսարանի Իջևանի մասնաճյուղ

Լավագույն հոդվածի մրցույթ․ «Հրանտ Դինք. նահատակության 10-րդ տարին»

Լավագույն հոդվածի մրցույթ․ «Հրանտ Դինք. նահատակության 10-րդ տարին»

«Արևելք» լրատվական կայքը, հիշելով պոլսահայ մտավորական, «Ակօս» պարբերականի հիմնադիր, ազատ խոսքի մարտիկ Հրանտ Դինքի նահատակության 10-րդ տարելիցը, մտահղացել է «Հրանտ Դինք. նահատակության 10-րդ տարին» թեմայով հոդվածի մրցույթը:

  • Մրցույթին կարող են մասնակցել 25 տարին լրացած հոդվածագիրները:
  • Լավագույն հոդվածի հեղինակը կստանա 100 հազար դրամ, ժյուրիի ուշադրությանն արժանացած ևս երկու հոդվածների հեղինակներ կստանան արժեքավոր գրքեր:  
  • Հոդվածի լեզուն՝ հայերեն (արևմտահայերեն կամ արևելահայերեն):

Նախընտրելի է, որ հոդվածն արտացոլի այն իրականությունը, որն առաջացել է Դինքի նահատակությունից հետո, Հայաստան-Թուրքիա հարաբերությունները, Թուրքիայում խոսքի սահմանափակման ենթատեքստում հայ մտավորականության պահվածքը, Դինքի բերած ավանդները ու դրանից բխող այլ հարցեր:

Կազմվել է ժյուրի, որի անդամների անունները կհայտարարվեն մրցանակաբաշխության ժամանակ: Հոդվածներն անհրաժեշտ է ուղարկել arevelk1@gmail.com հասցեով, մինչև 2017-ի փետրվարի 20-ը:

Աղբյուրը՝ http://hy.armscoop.com

Տեղի կունենա Բնական գիտությունների  ֆակուլտետի գիտական խորհրդի նիստ

ԲՆԱԿԱՆ ԳԻՏՈՒԹՅՈՒՆՆԵՐԻ ՖԱԿՈՒԼՏԵՏԻ ԳԻՏԱԿԱՆ ԽՈՐՀՐԴԻ ՆԻՍՏ

2017թ. հունվարի 27-ին՝ ժամը 1200-ին, տեղի կունենա Բնական գիտությունների  ֆակուլտետի գիտական խորհրդի նիստ՝ հետևյալ օրակարգով.

  1. 2016-17 ուսումնական տարվա I կիսամյակի քննաշրջանի ամփոփում:

Զեկուցող՝ Մ. Ա. Զաքարյան

  1. 2016-17 ուսումնական տարվա II կիսամյակի նախապատրաստական աշխատանքների քննարկում:

Զեկուցող՝ Մ. Ա. Զաքարյան

  1. Այլ հարցեր:

 

 Բնական գիտությունների  ֆակուլտետի գիտական խորհուրդ

Կայացավ «Մասնագիտության կրթական ծրագրի մշակում» թեմայով դաս-քննարկումը

2017թ. հունվարի 21-ին ԵՊՀ Իջևանի մասնաճյուղում կայացավ Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝ «Մասնագիտության կրթական ծրագրի մշակում» թեմայով դաս-քննարկումը, որը վարեց Ընդհանուր մաթեմատիկայի և բնագիտության ամբիոնի դոցենտ, ֆ.մ.գ.թ., տնօրենի խորհրդական Ա. Հ. Մակարյանը:

Կայացավ «Մասնագիտության կրթական ծրագրի մշակում» թեմայով դաս-քննարկումը

Քննարկմանը ներկա էին վարչական անձնակազմի ներկայացուցիչներ՝ տնօրենը, Ուսումնամեթոդական վարչության պետը, կրթական ծրագրերի պատասխանատուները, երիտասարդ դասախոսները:

«Մասնագիտության կրթական ծրագրի մշակում» թեմայով դասը Ա.Մակարյանի կողմից նախատեսված եռօրյա դասընթացի (I. «Կրթական վերջնարդյունքների գնահատում», II. «Մոդուլի  վերջնարդյունքների մշակում», III. «ՄԿԾ մշակում») երրորդ մասն էր: 

Իր դասընթացի փաթեթի (պորտֆոլիոյի) օրինակով  պարոն Մակարյանը ներկայացրեց, թե ինչպես ճիշտ ձևակերպել դասընթացի ռազմավարությունն ու մարտավարությունը, անդրադարձավ վերջինիս հիմքում ընկած մեթոդների ընտրության խնդրին, իր կողմից կիրառվող մեթոդների տեսակներին: 

Կայացավ «Մասնագիտության կրթական ծրագրի մշակում» թեմայով դաս-քննարկումը

Բացատրվեց, թե ինչպես ճիշտ կազմել կրթական վերջնարդյունքները (գիտելիք, կարողություն, հմտություն) և ակնկալվող ելքային արդյունքները, ինչպիսի բայեր է նպատակահարմար կիրառել (կազմել, բացատրել, ստեղծել, պլան կազմել, վերլուծել, նախագծել, ընտրել, օգտագործել, ցուցադրել, պատրաստել, հաշվարկել, քննարկել, փաստարկել, կանխատեսել, գնահատել, համեմատել, ուրվագծել և այլն):

Ա.Մակարյանը մանրամասն ներկայացրեց գնահատման ընդհանուր ռազմավարությունը և ձևերը՝ դիագնոստիկ գնահատում, ուսուցանող գնահատում, բանավոր հարցում, թեստային աշխատանք և այլն: 

Գնահատման մեթոդների կոնկրետ օրինակներով տրվեց ակնկալվող ելքային արդյունքների գնահատման ծրագիրը:

Դասընթացն ուղեկցվեց հարցերով ու պատասխաններով, մասնակիցների ընդմիջարկումներով, անհատական օրինակների քննարկումներով:  

Կայացավ «Մասնագիտության կրթական ծրագրի մշակում» թեմայով դաս-քննարկումը

Բարի երթ ու խաղաղ ծառայություն, սիրելի՛ նորակոչիկներ

2017թ. հունվարի 21-ին ՀՀ ՊՆ Իջևանի զինկոմիսարիատում տեղի ունեցավ Տավուշի մարզից զինծառայության մեկնող նորակոչիկների ճանապարհման հանդիսավոր արարողությունը, որին մասնակցեցին զինկոմիսարիատի, տարածքային կառավարման մարմինների ներկայացուցիչներ, համալսարանականներ՝ ԵՊՀ ԻՄ-ի տնօրեն Ս. Ա. Առաքելյանի գլխավորությամբ, զորակոչիկների ծնողները, հարազատները, քաղաքացիներ:

21-01-17-1

Այդ օրը զորակոչված երկու տասնյակ նորակոչիկների մեծ մասը ԵՊՀ ԻՄ-ի առկա և հեռակա ուսուցման համակարգերի ուսանողներ կամ մասնաճյուղի աշխատակիցների զավակներ էին:

Բարի երթ ու խաղաղ ծառայություն, սիրելի՛ նորակոչիկներ

Հանդիսավոր միջոցառմանը ելույթ ունեցավ ԵՊՀ Իջևանի մասնաճյուղի տնօրեն Ս. Ա. Առաքելյանը՝ նորակոչիկներին մաղթելով բարի երթ ու խաղաղ ծառայություն, ընդգծեց ամեն հայ երիտասարդի համար զինվորական ծառայության կարևորությունը՝ ոչ միայն որպես հայրենիքի հանդեպ սուրբ պարտքը կատարելու, այլև նրանց մեջ բարոյակամային հատկանիշները զարգացնելու առումով: Զորակոչիկների ծնողներին պարոն Առաքելյանը մաղթեց տոկունություն ու համբերություն, հայտնեց շնորհակալություն՝ հայրենիքի քաջ պաշտպաններ դաստիարակելու համար:

Մեր բոլոր զինվորներին ևս մեկ անգամ մաղթելով խաղաղություն և հաջողություն՝ տնօրենը ամեն նորակոչիկի հանձնեց նվեր-սրբապատկեր, որ նրանց յուրաքանչյուր օրն սկսվի աղոթքով ու Աստծո օրհնությամբ: 

Բարի երթ ու խաղաղ ծառայություն, սիրելի՛ նորակոչիկներ

Կայացավ «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը

2017թ. հունվարի 20-ին ԵՊՀ Իջևանի մասնաճյուղում կայացավ Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝ «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը, որը վարեց Մասնագիտական կրթության որակի ապահովման բաժնի մասնագետ, Հայոց պատմության և հասարակագիտության  ամբիոնի դոցենտ, փ.գ.թ. Է. Ա. Կյուրեղյանը:

Կայացավ «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը

Ներկայացվեց թեմայի արդիականությունը և հրատապությունը լիարժեք դասախոսական գործունեության համար, ինչը համահունչ է կրթական բարեփոխումների բովանդակությանը, մասնավորապես՝ բուհում նոր ներդրված «Կրթական ծրագրի ղեկավար»-ի ինստիտուտի ակնկալվող գործունեությանը:

Առանձնակի կա­րև­որվեցին մատուցվող նյութի հետ դասախոսի անձնական նկարագրի ներդաշնա­կելիության,  դասախոսական կոլեկտիվում ոչ պաշտոնական հարաբերությունների ներուժը մասնագիտական կրթության արդյունավետ կազմակերպմանը ծառայեցնելու խնդիրները: Ընդգծվեց, որ նման խնդիրների լուծման հարցում վճռական նշանակություն է ձեռք բերում ամբիոնում և ֆակուլտետում ձևավորվող համարժեք ու խրախուսող հասարակական կարծիքը:

Կայացավ «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը

Պարոն Կյուրեղյանը հակիրճ ներկայացրեց սոցալական տարբեր մակարդակներում հասարակական կարծիքի ձևավորման և գործառման յուրահատկությունները, հասարակական կյանքի տարբեր բնագավառներում (քաղաքական, արտադրական, կրթական) նրա կիրառման պատմությունը: Պարզաբանվեցին հասարակական կարծիքի հետազոտման մասնագիտական նրբությունները (մասնավորապես՝ հետազոտման արդյունքների ներկայացուցչության, հավաստելիության խնդիրները), սոցիոլոգ-հոգեբանի, լրագրության,  բարոյականության կապը ստացված տվյալների, դրանց հրապարակման ու օգտագործման հետ:

Հատուկ ուշադրություն դարձվեց հավաստի հասարակական կարծիքի ձևավորման մեջ դասախոսների աշխարհայացքի, տարածաշրջանային, հանրապետական ու ազգային յուրահատկությունների նշանակությանը:

Կայացավ «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը

Այնուհետև տեղի ունեցավ շոշափված խնդիրների ակտիվ քննարկում: Երիտասարդ դասախոսներին հետաքրքրում էր, թե ինչպես է հնարավոր հավաստի հասարակական կարծիքը տարբերել կեղծ լուրերից, որքանով են արդարացված հասարակական կարծիքի ուսումնասիրությունները հանրապետությունում, ինչպես են լուծվում դրանց ֆինանսավորման խնդիրները, ինչպես է հնարավոր շահարկել հասարակական կարծիքի ուսումնասիրություններն ու դրանց արդյունքների օգտագործումը:

Անկեղծ երկխոսության ընթացքում քննարկվեցին դասախոսի գործունեության գնահատման մեջ վերջին տարիներին ուսանողների կարծիքներն ու գնահատականները օգտագործելու հետ կապված մասնագիտական ու բարոյական նրբությունները: Ծավալված երկխոսությունը հանգեցրեց դասախոս-ուսանող հարաբերությունների բարդ համակարգի գործառման հետ կապված խնդիրների քննարկմանը, ինչի շուրջ ձևավորվեց միասնական կարծիք, այն է՝ բոլոր դեպքերում ուսանողը մնում է բարձրագույն կրթության առանցքային դեմքը և նրան, անկախ հանգամանքներից, գործող օրենքների ու կանոնակարգերի շրջանակում պետք է վերաբերվել որպես լիարժեք քաղաքացու՝ հարգելով նրա բոլոր իրավունքները: