Երևանի պետական համալսարանի Իջևանի մասնաճյուղ

«Պատմությունը հնագետի և ազգագրագետի աչքերով» երկօրյա անվճար դասընթաց

«Պատմությունը հնագետի և ազգագրագետի աչքերով» երկօրյա անվճար դասընթաց

ԵՊՀ պատմության ֆակուլտետի Հնագիտության և ազգագրության ամբիոնը և ֆակուլտետի Ուսանողական  գիտական ընկերությունը (ՈւԳԸ) հրավիրում են մասնակցելու «Պատմությունը հնագետի և ազգագրագետի աչքերով» երկօրյա դասընթացին։

Դասընթացի նպատակը

Դասընթացը բոլոր նրանց համար է, ովքեր հետաքրքրվում են տարբեր քաղաքակրթությունների ու մշակույթների պատմությունով,  ուզում են բացահայտել հնագույն մարդկանց, նրանց զբաղմունքները, արվեստն ու մշակույթը։ Դասընթացի նպատակն է զարգացնել մասնակիցների գիտելիքները հնագիտության և ազգագրության ոլորտում։ Պատկերացում կտրվի ՀՀ տարածքում գործող տարբեր հնագիտական և ազգագրական արշավախմբերի մասին։ Երկու օրերի ընթացքում ելույթ կունենան ԵՊՀ հնագիտության և ազգագրության  ամբիոնի և ՀՀ ԳԱԱ մասնագետները։

Ովքեր կարող են մասնակցել

Դասընթացին կարող են մասնակցել բոլոր 10-12-րդ դասարանների աշակերտները և ՀՀ բուհերում սովորող բոլոր բակալավրիատի ուսանողները։

Դասընթացը անվճար է, տևողությունը` 2 օր (մարտի 31 և ապրիլի 1), անցկացման վայրը` ԵՊՀ 6-րդ մասնաշենքի (Սև շենք) դահլիճ։

Մասնակցության համար անհրաժեշտ է լրացնել էլեկտրոնային հայտը մինչև մարտի 25-ը: Մասնակիցները կընտրվեն մրցութային կարգով՝ դիմումների հիման վրա, դասընթացի կազմկոմիտեի կողմից:

Հարցերի դեպքում կարող եք զանգահարել հետևյալ  հեռախոսահամարով` 098885766 (Մարիամ Սարիբեկյան)։

Աղբյուրը՝ http://armscoop.com

2017-2018 թթ. ուսումնական տարվա կրթաթոշակի մրցույթ

2017-2018 թթ. ուսումնական տարվա կրթաթոշակի մրցույթ

Հայ կրթական հիմնարկությունը հայտարարում է կրթաթոշակների մրցույթ` 2017-2018թթ նոր ուսումանական տարվա համար: Կրթաթոշակները տրամադրվում են տվյալ ուստարվա ուսման վարձի չափով` խրախուսելու և նպաստելու բարձր առաջադիմությամբ և միևնույն ժամանակ նյութապես անապահով ուսանողներին, ովքեր սովորում են ՀԿՀ-ի կողմից նախընտրած մասնագիտություններով:

 Մրցույթին կարող են մասնակցել ՀՀ պետական ԲՈՒՀ-երի վճարովի համակարգում 2017 թ-ի սեպտեմբերից արդեն 2-րդ կուրսում սովորող (փաստացի այժմ 1-ին կուրսում սովորող) և բարձր կուրսերի ուսանողներ (այդ թվում և՛ մագիստրանտներ և՛ ասպիրանտներ):

Կրթաթոշակները կտրամադրվեն ՀՀ քաղաքացիներին, սիրիահայ ուսանողներին, ինչպես նաև Արցախում և Ջավախքում բնակվող ազգությամբ հայ այն ուսանողներին, ում ակադեմիական միջին նիշը առնվազն 3. 7, 16, 7  կամ 77 միավոր է։

Մրցույթին մասնակցելու համար անհրաժեշտ է լրացնել Կրթաթոշակի հայտը, որը կարող եք ներբեռնել այստեղից, և 2017  մարտի 15-ից մինչև մայիսի 8-ը (10:30-ից մինչև 17:30-ը )  ներկայացնել ՀԿՀ Հայաստանյան գրասենյակ` (Սայաթ-Նովա 19, Անի Պլազա հյուրանոց, Բիզնես հարկ,, 2-րդ սենյակ):

Մանրամասն պարզաբանումների համար գրել aefscholarships@gmail.com հասցեին:

ԲՈՒՀ-եր և մասնագիտություններ, որոնք հովանավորվում են ՀԿՀ-ի կողմից

Հայ կրթական հիմնարկության կառավարման խորհուրդ

Կանանց միամսյակին նվիրված միջոցառում Տնտեսագիտության ֆակուլտետում

2017թ. մարտի 15-ին ԵՊՀ ԻՄ-ի տնտեսագիտության ֆակուլտետում կայացավ կանանց միամսյակին նվիրված  միջոցառում, որը կազմակերպել էր ֆակուլտետի ուսանողական խորհուրդը:

Կանանց միամսյակին նվիրված միջոցառում Տնտեսագիտության ֆակուլտետում

Միջոցառումը բաղկացած էր երկու մասից. ֆակուլտետի կին դասախոսներից մեկի և ուսանողների մասնակցությամբ հարցազրույցից ու «Գուշակիր մեղեդին» խաղից:

Ուսանողները, որպես հատուկ հյուր, հրավիրել էին Ընդհանուր տնտեսագիտության ամբիոնի դասախոս Անուշ Սարիբեկյանին, ում ուղղեցին իրենց հետաքրքող հարցերը և ստացան անմիջական պատասխաններ:

Կանանց միամսյակին նվիրված միջոցառում Տնտեսագիտության ֆակուլտետում

Հարցերի մոտավոր շրջանակն այսպիսին էր.

  • Եթե ոսկե ձկնիկ բռնեիք, ի՞նչ 3 ցանկություններ կպահեիք:
  • Արդյո՞ք կընկերանաք Ձեր նմանակի հետ:
  • Ինչի՞ համար չի բավարարի Ձեր համարձակությունը:
  • Ձեր կյանքի ո՞ր լավագույն պահով կարող եք կիսվել:
  • Ի՞նչ կանեիք Ձեր կյանքի վերջին օրը:
  • Ձեր ամենամեծ վախը:
  • Ձեր մանկության երազանքներից որո՞նք են իրականացել:
  • Եթե հայտնվեիք անմարդաբնակ կղզում, ո՞ր 3 իրերը Ձեզ հետ կվերցնեիք:
  • Ինչպե՞ս եք անցկացնում Ձեր ազատ ժամանակը:
  • Ո՞րն է Ձեր կարգախոսը:
  • Ո՞րն է Ձեզ արված ավենահետքրքիր հաճոյախոսությունը:
  • Ի՞նչն է օգնում Ձեզ դժվարին իրավիճակներում որոշում կայացնել:
  • Ինչ եք մտածում կնոջ կյանքում կարիերայի մասին:
  • Հագուստի ինչպիսի՞ ոճ եք նախընտրում:
  • Ինչպիսի՞ հագուստ եք նախընտրում հագնել աշխատավայրում:
  • Ձեր ամենասիրած մուլտֆիլմը և ֆիլմը:
  • Համամի՞տ եք այն կարծիքին, որ կինը գեղեցիկ է, երբ երջանիկ է:
  • Ձեր կարծիքով՝ ինչպիսի՞ հագուստով և դիմահարդարմամբ պետք է ներկայանան ուսանողները:
  • Ո՞ր պատմական հերոսներն են Ձեզ ավելի հետաքրքիր և ինչու՞:
  • Ո՞ր հատկանիշներն եք առավել գնահատում մարդկանց մեջ:
  • Ձեր կարծիքով՝ ո՞րն է հաջողության հասնելու գլխավոր գաղտնիքը (բանաձևը):
  • Ի՞նչ խորհուրդ կտայիք Ձեր գործընկերներին:
  • Ինչպե՞ս կվարվեիք, եթե ողջ երկրի ապագան կախված լիներ Ձեզնից:

Պատասխանելով ներկայացված հարցերին՝ տիկին Սարիբեկյանը նշեց, որ, օրինակ, կցանկանար, որ փոխվի մեր ազգի մտածելակերպը, երիտասարդությունն ավելի ակտիվ ու պոզիտիվ լինի, Իջևանն ավելի բարեկարգ դառնա: Անմարդաբնակ կղզում գուցե իր հետ վերցներ երաժշտական սարք, ամսագրեր: Նշեց, որ ազատ ժամանակ սիրում է գրքեր ընթերցել, իր ամենասիրելի գրքերից է Բուլգակովի «Վարպետը և Մարգարիտան», աշխատավայրում նախընտրում է դասական հագուստ, սակայն առանց գունային սահմանափակման: Ընդգծեց, որ ամբողջ աշխարհով շրջագայելու իր երազանքը որոշ չափով իրականացել է:

Հարցազրույց-քննարկմանն ակտիվորեն մասնակցեցին և ֆակուլտետի մյուս դասախոսները՝ առաջադրված հարցերի շուրջ արտահայտելով իրենց ուշագրավ տեսակետներն ու կարծիքները:

Կանանց միամսյակին նվիրված միջոցառում Տնտեսագիտության ֆակուլտետում

Միջոցառման երկրորդ մասի համար ուսանողները պատրաստել էին «Գուշակիր մեղեդին» խաղը, որին մասնակցում էր երեք թիմ՝ 4-ական մասնակցով: Խաղը բաղկացած էր երկու փուլից: Առաջին փուլի թեմաներն էին՝ 70, 80, 90-ականների հիթեր, երգեր հայերենով, երգեր, որոնց անվանումներում կա կին կամ մայր բառը:

Կանանց միամսյակին նվիրված միջոցառում Տնտեսագիտության ֆակուլտետում

3 թիմից 2-ն անցավ հաջորդ փուլ, որի համար ընտրված էին հետևյալ թեմաները՝ արտասահմանյան հիթեր, կինոմանիա, խառնաշփոթ և երգում են կանայք:

Խաղն ավարտվեց ոչ ոքի. երկու թիմն էլ հավաքել էր 130-ական միավոր:

Մասնաճյուղում կայացավ «Խաղերի ծրագրավորում» թեմայով հերթական դասընթացը

2017թ․ մարտի 13-ին ԵՊՀ ԻՄ-ում կայացավ «Խաղերի ծրագրավորում» թեմայով հերթական դասընթացը, որը վարեց “Game Lab”-ի հիմնադիր Վարդան Մելիքսեթյանը:

Մասնաճյուղում կայացավ «Խաղերի ծրագրավորում» թեմայով  հերթական դասընթացը

Նախ Վ.Մելիքսեթյանը հանդես եկավ զեկուցումով՝ վերջերս Լոնդոն կատարած իր այցի ընթացքում ձեռք բերած փորձը  փոխանցելով ուսանողներին: Մասնավորապես ներկայացվեցին հայ-բրիտանական միջոցառման ժամանակ խաղերի ծրագրավորման վերաբերյալ ներկայացված ձեռքբերումները, խաղային ոլորտի  աճի տենդեցները։

Մասնաճյուղում կայացավ «Խաղերի ծրագրավորում» թեմայով  հերթական դասընթացը

Այնուհետև ուսանողներին բացատրվեցին վերջին ժամանակներս բավականին աճ ունեցած տեխնոլոգիաները, “Game Lab”-ի հետ համագործակցող “Nvidia” ընկերության կողմից մշակվող արհեստական բանականության (artificial intelligence) ոլորտը և խաղային eye engine, որում պլանավորում են օգտագործել բանականության որոշ ալգորիթմներ, ինչպես նաև ներկայացվեց image processing-ը:

Մասնաճյուղում կայացավ «Խաղերի ծրագրավորում» թեմայով  հերթական դասընթացը

Ապա ուսանողների հետ գրվեց ծրագրավորման C# լեզվով խաղային կոդ:

Մասնաճյուղում կայացավ «Խաղերի ծրագրավորում» թեմայով  հերթական դասընթացը

Աշխատանքային պրակտիկայի  հրավեր

Աշխատանքային պրակտիկայի  հրավեր

2017թ. մարտի 17-ին՝ ժամը 14:00-ին,  ԵՊՀ Իջևանի մասնաճյուղի տնտեսագիտության ֆակուլտետի օնլայն (թիվ 39) լսարանում հրավիրում ենք մասնակցելու ՄԱԿ-ի զարգացման ծրագրի կողմից իրականացվող «Գյուղական Զբոսաշրջության Ինտեգրացված Զարգացում» նախագծի ներկայացմանը, որի բաղադրիչներից է «Երիտասարդների առաջխաղացման արահետ» ծրագիրը:

Դուք երիտասարդ եք, ունեք բարձրագույն կրթություն, հետաքրքրված եք Տավուշի մարզի զբոսաշրջության զարգացմամբ, ունեք նոր գաղափարներ, հետաքրքիր առաջարկներ, սակայն դրանք իրականացնելու հնարավորություն չունեք:

ՄԱԿ-ի զարգացման ծրագրի կողմից իրականացվող «Երիտասարդների առաջխաղացման արահետ» ծրագիրը, համագործակցելով ԵՊՀ Իջևանի մասնաճյուղի հետ, ձեզ հնարավորություն է տալիս վեցամսյա վճարովի պրակտիկա (վճարելու եք ոչ թե դուք՝ պրակտիկանտներդ, այլ ձեզ են վճարելու) անցնել Տուրիզմի հետազոտական և զարգացման կենտրոնում:

Աշխատանքային պրակտիկայի մասնակիցները հնարավորություն կունենան կատարելագործել իրենց գիտելիքներն ու հմտությունները, կապեր հաստատել տուրիզմի շուկայում գործող ընկերությունների հետ, բիզնես ծրագրեր մշակել և իրականացնել: 

Հանդիպման ընթացքում ծրագրի համակարգողները կներկայացնեն Տուրիզմի հետազոտական և զարգացման կենտրոնի նպատակը և խնդիրները, պրակտիկայի մասնակիցների ընտրության չափանիշները, կպատասխանեն ձեզ հետաքրքրող հարցերին:

Մասնակցության համար դիմեք ԵՊՀ Իջևանի մասնաճյուղի տնտեսագիտության ֆակուլտետի տուրիզմի  կառավարման և մշակութաբանության ամբիոն, Պ. Ասիլբեկյանին:
Հեռ. 093506338, (+374263) 40035