Երևանի պետական համալսարանի Իջևանի մասնաճյուղ

ԿԻՐԱՌԱԿԱՆ ԱՐՎԵՍՏԻ ՖԱԿՈՒԼՏԵՏԻ ԳԻՏԱԿԱՆ  ԽՈՐՀՐԴԻ ՆԻՍՏ

նիստ

2017թ. հուլիսի 3-ին` ժամը 12:00-ին,  տեղի կունենա Կիրառական արվեստի ֆակուլտետի  գիտական խորհրդի ընդլայված  նիստ` հետևյալ օրակարգով.

  1. 2016-17ուստարվա երկրորդ կիսամյակի քննաշրջանի ամփոփում:/առանց լուծարքի/

              / զեկ. Ա.Մարգարյան/

  1. Ամփոփիչ քննության , ավարտական և կուրսային աշխատանքների  պաշտպանության հաշվետվության քննարկում:

              / զեկ. Ա.Մարգարյան/

  1. Մասնագիտության պատասխանատուի  հաշվետվության ներկայացում:

             / զեկ. Ա.Չիբուխչյան/

  1. Մասնագիտության կրթական ծրագրում կառուցվածքային ու բովանդակային փոփոխությունների քննարկում և ներկայացում մասնաճյուղի գիտական խորհուրդ:

        / զեկ. Մ.Հարությունյան/

  1. Ընթացիկ հարցեր:

Հունիսի 27-ի տնօրենության ընդլայնված նիստում

2017թ. հունիսի 27-ին ԵՊՀ Իջևանի մասնաճյուղում կայացավ տնօրենության ընդլայնված նիստ, որը նախագահում էր Ս. Ա. Առաքելյանը:

Հունիսի 27-ի տնօրենության ընդլայնված նիստում

 

Նիստին ներկա էին տնօրենության անդամները, հրավիրված էին Մանկավարժության և հոգեբանության ամբիոնի վարիչը, մասնագիտությունների կրթական ծրագրերի պատասխանատուները:    

Նիստում քննարկվեցին առաջիկայում Գիտական խորհրդի տարեվերջյան ընդլայնված նիստ հրավիրելուն, 2017-2018 ուստարվա ընդունելության ընթացքին վերաբերող և մի քանի ընթացիկ հարցեր:

Հունիսի 27-ի տնօրենության ընդլայնված նիստում

Առաջին հարցի հետ կապված՝ որոշվեց հուլիսի 8-ին մասնաճյուղում անցկացնել Գիտական խորհրդի տարեվերջյան ընդլայնված նիստ՝ հետևյալ օրակարգով.

  1. ԵՊՀ Իջևանի մասնաճյուղի՝ 2017թ. ամփոփիչ ատեստավորման արդյունքների ամփոփում:
  2. Մասնաճյուղի՝ 2018թ. մասնագիտությունների ցանկի քննարկում:
  3. Ընթացիկ հարցեր:

2017-2018 ուստարվա ընդունելության ընթացքի վերաբերյալ մասնավորապես նշվեց, որ առայժմ այս տարվա դիմորդների թիվը կազմում է 195, որը 25-ով պակաս է նախորդ տարվա դիմորդների թվից: 195 դիմորդներից 191-ը Տավուշի մարզից է, 4-ը՝ ՀՀ երեք մարզերից (Կոտայքի, Գեղարքունիքի, Լոռու) և ԼՂՀ-ից: 103-ը դիմել է Հումանիտար գիտությունների ֆակուլտետ, 45-ը՝ Բնական գիտությունների ֆակուլտետ, 24-ը՝ Տնտեսագիտության, 23-ը՝ Կիրառական արվեստի ֆակուլտետ: Մտահոգությամբ փաստվեց, որ այս տարի ընդունելության քննությունների նվազագույն շեմը չհաղթահարած դիմորդների թիվը գերազանցում է նախորդ տարվան:

Հունիսի 27-ի տնօրենության ընդլայնված նիստում

 

Որոշվեց 2017-2018 ուստարվա ընդունելության ընթացքը համարել բավարար:

Ընթացիկ հարցերից հատկանշական է ԵՊՀ ԻՄ-ի աշխատակիցների արձակուրդ մեկնելու մասին հարցը:

Այդ կապակցությամբ որոշվեց, որ ԵՊՀ ԻՄ-ի պրոֆեսորադասախոսական անձնակազմի արձակուրդը կտևի ս.թ. հուլիսի 14-ից մինչև օգոստոսի 23-ը, վարչական և ուսումնաօժանդակ անձնակազմինը՝ հուլիսի 24-ից մինչև օգոստոսի 21-ը:

Ամառային դպրոցի դիմումների ընդունելություն

 Ամառային դպրոցի դիմումների ընդունելություն

Հայ-Ռուսական համալսարանը և ՀՀ գիտության պետական կոմիտեն հայտարարում են դիմումների ընդունում «Եվրասիական ինտեգրացիոն նախագիծն արդի աշխարհաքաղաքական փոփոխությունների համատեքստում» ամառային դպրոցին մասնակցելու համար: Հինգ օրվա ընթացքում մասնակիցները կծանոթանան եվրասիական ինտեգրացիոն նախագծի տարբեր տեսանկյուններին և նոր մոտեցումներին:

Ամառային դպրոցը տեղի կունենա Հայ-Ռուսական համալսարանում հուլիսի 17-ից  20-ը, մասնակից կարող են դառնալ այն ուսանողները, մագիստրանտները, ասպիրանտները և երիտասարդ գիտնականները (մինչև 35 տարեկան), որոնք հետաքրքրված են եվրասիական ինտեգրացիոն նախագծերի թեմայով:

Ամառային դպրոցը ինտերակտիվ քննարկումների և ոլորտի առաջատար փորձագետների հետ գիտելիքների փոխանակման հարթակ է: Մասնակիցները նաև կմիանան օնլայն-հարթակին, որտեղ կկարողանան կիսվել իրենց ձեռքբերումներով, փորձով և գիտելիքներով մյուս մասնակիցների հետ:

Տևողությունը` հուլիսի 17-21, ժամը 11:00-14:00:

Դպրոցի շրջանակներում կանցկացվեն դասախոսություններ, քննարկումներ և կիրառական դասընթացներ հետևյալ թեմաներով`

  • Հայաստանի տնտեսությունը ԵԱՏՄ անդամակցության ժամանակաշրջանում` մատահրավերներ և առավելություններ
  • Հայ-վրացական հարաբերությունները եվրասիական ինտեգրացիայի համատեքստում
  • Հարավային Կովկասի դերը եվրասիական ինտեգրացիոն նախագծում` անվտանգության խնդիրներ
  • ԵԱՏՄ զարգացման միտումները
  • ԱՄՆ և Հայաստան` քաղաքական երկխոսությունը Երևանի եվրասիական ինտեգրացիայի շրջանակում

Դպրոցի օրերին մասնակիցները կբաժանվեն չորս խմբի և կկատարեն կիրառական առաջադրանք, որի արդյունքները կքննարկվեն դպրոցի ավարտին հետ:

Բոլոր դասերին մասնակցությունը պարտադիր է, իսկ ամառային դպրոցի ծրագիրն ավարտելուց հետո մասնակիցներին կտրվեն վկայագրեր: Ծրագրի աշխատանքային լեզուներն են `ռուսերենը և հայերենը: Մասնակիցների քանակը սահմանափակ է:

Մասնակցության համար անհրաժեշտ է մինչև 2017 թ. հուլիսի 12-ը ուղարկել ռեզյումե (CV) eipsummerschool@gmail.com էլ. հասցեով:

Աղբյուրը՝ https://armacad.info

Կայացավ մասնագիտությունների կրթական ծրագրերի պատասխանատուների հետ հերթական քննարկումը

2017թ. հունիսի 24-ին ԵՊՀ Իջևանի մասնաճյուղում կայացավ մասնագիտությունների կրթական ծրագրերի պատասխանատուների հետ հերթական հանդիպումը, որին մասնակցում էին տնօրենի խորհրդական Ա.Մակարյանը, ԵՊՀ ուսումնամեթոդական վարչության բակալավրիատի բաժնի, մասնաճյուղի տուրիզմի կառավարման և մշակութաբանության ամբիոնի վարիչ Գ.Հովհաննիսյանը, Ուսումնամեթոդական վարչության, ՄԿՈԱ բաժնի աշխատակիցները, ՄԿԾ-ների պատասխանատուները:

Կայացավ մասնագիտությունների կրթական ծրագրերի  պատասխանատուների հետ հերթական քննարկումը

Հանդիպման ընթացքում քննարկվեցին կրթական ծրագրերի կառուցվածքային և բովանդակային վերափոխմանը վերաբերող հարցեր:

Հայտնի է, որ ԵՊՀ 2016-2020 զարգացման ռազմավարական ծրագրի իրականացման պլանի համաձայն՝ վերանայվել-վերափոխվել են մագիստրոսի և բակալավրի կրթական ծրագրերի կառուցվածքը և բովանդակությունը սահմանող նորմատիվ փաստաթղթերը (առկա և հեռակա ուսուցման համակարգերի համար):

Ըստ այդմ՝ Գ.Հովհաննիսյանը ներկայացրեց և մեկնաբանեց Բակալավրի կրթական ծրագրերով ուսումնական գործընթացի կազմակերպման՝ 2017թ. սեպտեմբերի 1-ից գործածության մեջ մտնող կարգում փոփոխության ենթարկված հիմնական դրույթները:

Կայացավ մասնագիտությունների կրթական ծրագրերի  պատասխանատուների հետ հերթական քննարկումը

Մասնավորապես նշվեց, որ ուսումնական կիսամյակի համար սահմանվում է 20-շա­բաթյա տևո­ղու­թյուն, որը բաշխվում է հե­տևյալ հերթա­կա­նու­թյամբ. 8 շաբաթ լսա­րանային պարապ­մունքներ, 1 շաբաթ ընթա­ցիկ քննու­թյուն­ներ, 7 շա­բաթ լսարա­նային պարապ­մունքներ, 1 շաբաթ ըն­թա­ցիկ քննու­­­­­թյուն­ներ ու ստուգարքներ և 3 շաբաթ եզրափակիչ քննություններ:

Մանկավարժի որակավորում ստանալու համար համապատասխան մաս­­­­­նա­գիտու­թյուն­ների ուսանողները լրացուցիչ պետք է կուտակեն 30 կրեդիտ:

Ներկայացվեց, որ եզրափակիչ գնահատումով դասընթացի դեպքում, քննաշրջանի ընթացքում անց­կաց­վող եզրափակիչ քննությունից բացի, նախա­տեսվում է 2 ընթացիկ քննու­թյուն   /5+5+10=20/: Դասընթացը կարող է լինել եզրափակիչ գնահատումով միայն այն դեպքում, եթե կիսամյակում ունի առնվազն 60 ժամ լսա­րա­նա­յին բեռնվածություն:

Առանց եզրափակիչ գնահատման դասընթացը գնահատվում է կիսամ­յակի ըն­թացքում ուսումնական նյութի յուրացման աստի­ճանը որոշող 2 ընթացիկ քննու­թյունների արդյունքներով /10+10/:

Առանց ընթացիկ գնահատման (միայն եզրա­­փակիչ քննու­թյամբ) և առանց եզրա­փա­կիչ գնահատման կարող են լինել հիմ­նակա­նում փոքրածավալ մասնագիտա­կան դասընթաց­ները:

Ստուգարքային կարող են լինել բակա­լավրիատի ընդ­հա­­նուր կրթական կառու­ցա­­մասի դասընթացները:

Ընդգծվեց, որ եզրափակիչ գնահատումով դասընթացի գնահատման արդյունարար դրական նվա­զագույն միա­վորի՝ 8-ի շեմը չապահոված ուսանողն ակադե­միա­կան պարտ­քե­րի մար­ման շրջանում պետք է վերահանձ­նի եզրափա­կիչ քննու­թյունը` վեր­ջինիս համար սահ­մանված 10 միա­վո­րի ձեռք­բեր­ման հնա­րա­վո­րությամբ:

Առանց եզրափակիչ գնահատման դասընթացի գնա­հատման արդյու­նա­րար դրական նվազագույն միա­վորի շեմը չապահոված ուսա­նողն ակա­դե­­միա­­կան պարտ­քերի մար­ման շրջա­նում ընթացիկ քննություն­ները պետք է վերահանձնի առանձին-առանձին (իր ցանկությամբ՝ մեկը կամ երկուսը) և կարող է  վաստակել 8 և ավելի միավոր:

Առանց ընթացիկ գնահատման դասընթացի գնա­հատման արդյու­նա­րար դրական նվազագույն միա­վորի շեմը չապահոված ուսա­նողն ակա­դե­­միա­­կան պարտ­քերի մար­ման շրջա­նում պետք է  վե­րա­հանձնի ամբողջ դասընթացը և կարող է վաս­տակել 8 և ավելի միա­վոր:

Հատկանշվեց, որ ԵՊՀ կրթա­կան ծրագրերում առանձին դասընթացներ, ֆակուլտետի գի­տա­կան խորհրդի որոշմամբ և ուսումնական աշխատանքների գծով պրո­­ռեկ­տորի արտոնությամբ, կարող են կազմակերպվել առցանց եղանակով:

Ծավալվեց ակտիվ քննարկում, որի ընթացքում կրթական ծրագրերի պատասխանատուները պարոն Մակարյանի ու պարոն Հովհաննիսյանի կողմից ստացան իրենց  հետաքրքրող հարցերի պատասխանները և արտահայտեցին իրենց տեսակետները:

Հրապարակվել է ՄԿՈԱ բաժնի կողմից իրականացված հերթական վերլուծությունը

Հրապարակվել է

Հարգելի՛ համալսարանականներ, ԵՊՀ ԻՄ-ի պաշտոնական կայքէջի  «Որակի ապահովման գործընթացներ» բաժնի «Հաշվետվություններ, վերլուծություններ» էջում տեղադրվել է ԵՊՀ Իջևանի մասնաճյուղում ստացած կրթությունից շրջանավարտների բավարարվածության՝ 2016-17 ուստարվա հարցման (առկա) արդյունքների և նախորդ երեք ուստարիների (2011-12, 2013-14, 2015-16) հարցումների արդյունք­նե­րի համեմատական վերլուծությունը:

Համաձայն մասնաճյուղի զարգացման 2016-20թթ. ռազմավարական ծրագրի (ՌԾ, գործողություն՝ 1.3.6)՝ ԵՊՀ ԻՄ-ում ստա­ցած կրթությունից բավա­րար­­վածության վե­րա­­­բեր­յալ շրջանա­վարտ­­­ների՝ 2016-17 ուստարվա հար­ցում­ն իրականացվել է առցանց եղա­նակով:

Հարցումն անցկացվել է Մասնագիտական կրթության որակի ապահովման բաժնի կողմից, մասնաճյուղի շրջանավարտների և կարիերայի աշխատանքները համակարգողի անմիջական աջակցությամբ:

Ըստ նախապես մշակված ժամանակացույցի՝ շրջանավարտներն ամփոփիչ ատեստավորումն ավարտելուց հետո համակարգչային սրահներում առցանց պատասխանել են հարցաշարով ամրագրված հարցերին, գրել են ուսումնառության վերաբերյալ իրենց կարծիքները, նշել առաջարկներ: 

Առցանց եղանակով կատարված այս հարցումը, որը հնարավորություն է տվել մեծացնել տեղեկատվության հավաստիությունը, բացառել ուսանողների պատասխանների վրա կողմնակի միջամտությունները, արտահայտում է շրջանավարտների բավարարվածության աստիճանը, բացահայտում առկա խնդիրները և մատնանշում այն դրականն ու օգտակարը, որ մատուցում է մասնաճյուղն իր ուսանողներին: