Monthly Archives: June 2017
Կայացավ ֆակուլտետների դեկանների և մասնագիտությունների կրթական ծրագրերի պատասխանատուների հետ քննարկում
2017թ. հունիսի 17-ին ԵՊՀ Իջևանի մասնաճյուղում կայացավ ֆակուլտետների դեկանների և մասնագիտությունների կրթական ծրագրերի պատասխանատուների հետ հանդիպում, որի նպատակն էր իրականացնել որակավորումների ազգային շրջանակին (ՈԱՇ) համապատասխան կրթական ծրագրերի վերանայման ընթացքի և ձեռք բերված արդյունքների վերաբերյալ քննարկում:
Համաձայն մասնաճյուղի՝ 2016-20թթ. զարգացման ռազմավարական ծրագրի՝ Մասնագիտական կրթության որակի բաժինը տնօրենի խորհրդական Ա.Մակարյանի անմիջական աջակցությամբ պարբերաբար կազմակերպում է հանդիպում-քննարկումներ՝ համապատասխան խորհրդատվություններ տրամադրելու նպատակով:
Հերթական հանդիպում-քննարկման ընթացքում ներկայացվեց, որ նոր ուսումնական տարում մասնաճյուղն ակնկալում է ունենալ ՀՀ բարձրագույն կրթության որակավորումների ազգային շրջանակի (ՈԱՇ, 07.07.2016թ., N714-Ն) պահանջներին համապատասխանեցված, նրան համադրելի բակալավրի կրթական ծրագրեր:
Ընդգծվեց, որ կրթական ծրագրերի պատասխանատուներն իրենց աշխատանքային խմբերի հետ միասին ուսումնառության ակնկալվող վերջնարդյունքները ձևակերպելիս հիմք են ընդունել ՈԱՇ-ի պահանջները և կրթական ծրագրերի շահակիցների ակնկալիքները:
Ընդհանուր դրույթներով տրվեցին ՈԱՇ-ում ներկայացված մասնագիտական, տեսական գիտելիքների և գործնական հմտությունների ձևավորման, վարպետության և նորարարության մասին վկայող վերջնարդյունքների, ուսանողների կարողությունների ամրագրման հայտնի մոտեցումները, մեկնաբանվեցին դրանց ձևակերպման հնարավորությունները:
- ՈԱՇ-ի պահանջներին համապատասխան գիտելիքներ, որոնք ընդգրկում են կոնկրետ մասնագիտության հիմնական հասկացությունների, գաղափարների, սկզբունքների, վերլուծական և քննադատական մեթոդների ու մոդելների իմացությունը,
- իրենց մասնագիտության համար կարևոր տվյալներ, ցուցանիշներ և տեղեկատվություն հավաքագրելու, խմբագրելու, վերլուծելու, մեկնաբանելու, համադրումներ կատարելու, ինքնուրույն խնդիրներ և հարցադրումներ կատարելու և լուծելու, ինքնուրույն մասնագիտական գործունեություն ծավալելու, հետազոտական աշխատանքներ կատարելու, մասնագիտական ոլորտում ժամանակակից տեղեկատվական համապատասխան համակարգեր նպատակային կիրառելու հմտություններ,
- մասնագիտական գրագետ, փաստարկված, հիմնավորված, տրամաբանական բանավոր և գրավոր խոսք, հաղորդակցման, թիմում աշխատելու և իր մասնագիտական գիտելիքները կիրառելու, ինքնուրույն եզրահանգումներ կատարելու, մասնագիտական որոշումների դեպքում պատասխանատվություն ստանձնելու կարողություններ:
Ներկաների քննարկմանը դրվեցին 3 մասնագիտությունների՝ 2013թ.-ից գործող կրթական ծրագրերում ամրագրված ուսումնառության կրթական վերջնարդյունքները:
Կրթական ծրագրերի պատասխանատուների միջև ծավալվեց ակտիվ քննարկում, որի ընթացքում նրանք ներկայացրին մասնագիտության կրթական ծրագրերի, ուսումնառության վերջնարդյունքների ձևակերպման իրենց մոտեցումները, ստացան իրենց հուզող հարցերի պատասխանները, մատնանշեցին թերությունները:
Որոշվեց հաջորդ հանդիպմանը ներկայացնել ծրագրերի կրթական վերջնարդյունքների ավարտուն ձևակերպումները:
ՀԱՆՐԱՊԵՏԱԿԱՆ ԳԻՏԱԺՈՂՈՎ՝ ՆՎԻՐՎԱԾ ԹԱԴԵՎՈՍ ՀԱԿՈԲՅԱՆԻ ԾՆՆԴՅԱՆ 100- ԱՄՅԱԿԻՆ
2017 թ.-ի սեպտեմբերի 28-29-ը Երևանի պետական համալսարանի սոցիալ–տնտեսական աշխարհագրության ամբիոնը կազմակերպում է հանրապետական գիտաժողով նվիրված ԵՊՀ սոցիալ-տնտեսական աշխարհագրության ամբիոնի նախկին վարիչ, պատ. գիտ. դոկտոր, պրոֆեսոր, գիտության վաստակավոր գործիչ Թադևոս Խաչատուրի Հակոբյանի ծննդյան 100- ամյակին:
Գիտաժողովը կունենա թեմատիկ հետևյալ ուղղությունները.
- Թադևոս Խաչատուրի Հակոբյանի գիտական ժառանգությունը
- Հայկական լեռնաշխարհի աշխարհագրական ուսումնասիրությունները,
- Հայաստանը հայ և օտարերկրյա հեղինակների պատմական քարտեզներում,
- Հայաստանի պատմաաշխարհագրական ուսումնասիրությունները,
- Հայաստանի երկրագրական ուսումնասիրությունները,
- Հայաստանի բնակչության և բնակավայրերի պատմաաշխարհագրական ուսումնասիրությունները,
- ՀՀ մարզերի, տարածաշրջանների, սահմանամերձ և բարձր լեռնայինտարածքների սոցիալ-տնտեսական զարգացման ժամանակակից հիմնախնդիրները,
- Տարաբնակեցման, վարչատարածքային բաժանման և տարածքային կառավարման հիմնախնդիրները ՀՀ-ում,
- Զբոսաշրջության և ռեկրեացիայի տարածքային կազմակերպման ու զարգացման հիմնախնդիրները ՀՀ-ում:
Գիտաժողովին ներկայացվող հոդվածների պահանջներն են.
- Բխեն թեմատիկ ուղղություններից,
- Պարունակեն սպառիչ տեղեկություններ հեղինակ(ներ)ի մասին (ազգանուն, անուն, հայրանուն, գիտականաստիճան, կոչում, էլեկտրոնային հասցե, հեռախոսահամար),
- Հայերենը Sylfaen, ռուսերենը և անգլերենը՝ Times New Roman տառատեսակով (տառաչափը՝ 12, միջտողային հեռավորությունը՝ 1,5, ձախից՝ 3 սմ, աջից՝ 1.5 սմ, վերևից՝ 2 սմ, ներքևից՝ 2 սմ, հղումները՝ տեքստում, թեման՝ մեծատառ,տառաչափը՝ 14),
- Ունենան հիմնաբառեր, ամփոփում՝ անգլերեն և ռուսերեն,
- Վերոնշյալ չափանիշներով չգերազանցեն 10 էջ ծավալը,
- Երաշխավորված լինեն տպագրության համապատասխան գիտական ստորաբաժանման կողմից,
- Տողի մեջտեղից շեղատառերով տպել զեկույց իվերնագիրը, որից 2 ինտերվալ ներքև՝ հեղինակի ազգանուն ու անունը, գիտական աստիճանը և կոչումը, հաջորդ տողում կազմակերպության անվանումը: Այնուհետ, 2 ինտերվալ, խորքից տեքստը:
Նշված պահանջներին չբավարարելու դեպքում գիտաժողովի կազմակերպիչները կարող են հոդվածը չընդգրկել տպագրվող ժողովածուում:
Գիտաժողովին մասնակցել ցանկացողները հոդվածները մինչև 2017 հուլիսի 25-ը պետք է ուղարկեն հետևյալ էլեկտրոնային հասցով margarit@ysu.am կամ chikmarg@mail.ru, հոդվածի ձեռագրի մեկ օրինակ հանձնել ԵՊՀ սոցիալ-տնտեսական աշխարհագրության ամբիոն (թիվ 509 սենյակ):
Մանրամասների համար կարող եք զանգահարել 060-710-445 քաղաքային և 094-769-669, 091-490-031, 098-677-997 բջջային հեռախոսահամարներով:
Գիտաժողովի մասին կարող եք տեղեկանալ նաև ysu.am (Աշխարհագրության և երկրաբանության ֆակուլտետ) հասցեով:
ԳԻՏԱԺՈՂՈՎԻ ԿԱԶՄԿՈՄԻՏԵ
Աղբյուրը՝ http://www.ysu.am
«Համակարգչային գրաֆիկա» մասնագիտության I կուրսում «Ինֆորմատիկա» առարկայի դասավանդումը՝ հետաքրքիր մոտեցմամբ
2016-2017 ուստարվա երկրորդ կիսամյակում՝ «Ինֆորմատիկա» դասընթացի շրջանակներում, ԵՊՀ ԻՄ-ի Կիրառական արվեստի ֆակուլտետի «Համակարգչային գրաֆիկա» մասնագիտության I կուրսի ուսանողները ՏՏ տեխնոլոգիաների միջոցով ներկայացրին գեղեցիկի վերաբերյալ իրենց մտահղացումները:
Դասախոս Քնար Օթարյանի խոսքով՝ ուսանողների մեջ լրացուցիչ հետաքրքրություն առաջացնելու, նրանց գործնական հմտությունները զարգացնելու նպատակով «Ինֆորմատիկա» առարկայի դասավանդումը հնարավորինս համապատասխանեցվել է սովորողների նախասիրություններին և ընդունակություններին:
Յուրացնելով «Scratch» ծրագրավորման լեզուն, որը տեքստային, գրաֆիկական, ձայնային, անիմացիոն և աուդիո խմբագիր է՝ ուսանողները «Scratch»-ով ստեղծել են տարբեր նախագծեր (ինտերակտիվ, մուլտիմեդիա, շնորհանդես, աշխատանք ֆրակտալ գրաֆիկայով և այլն):
Այսպես՝ 1-ին կուրսի ուսանողուհի Կարինե Ալավերդյանը, ուսումնասիրելով Սերպինսկու եռանկյունը և այն զուգակցելով ստացած գիտելիքներին, գրել է հետաքրքիր ծրագիր: Դրա համաձայն՝ իր իսկ նկարած Արարատ լեռան ֆոնի վրա զուգահեռ ցուցադրվում են երեք շարժվող դրվագներ. երկուսը գծագրում են մասշտաբի փոքրացումով կրկնվող եռանկյուններ, իսկ գունափոխվող արևը մերթ պտտվում է, մերթ տեղափոխվում 2 գագաթների միջակայքում: Տեղադրված ժամացույցը վերահսկում է այդ ամենը:
Գուրգեն Դալյանն, օրինակ, ուսումնասիրելով «Scratch» համակարգի աուդիո հնարավորությունները, համակարգչային ստեղնաշարը վերածել է երեք օկտավայով նվագող դաշնամուրային ստեղնաշարի:
Բավարար ալգորիթմական մտածողություն ձեռք բերելուց հետո ուսանողները սերտել են «VBA» լեզուն Excel միջավայրի համար և գրել են կիրառական ծրագրեր:
Դասախոսի հանձնարարությամբ՝ ուսանողները, ուսումնասիելով Ֆիբոնաչիի թվերի հաջորդականությունը և ոսկե հատույթի մեթոդը, որոնք Լեոնարդո դա Վինչին կիրառել է իր ստեղծագործություններում, գրել են ինքնուրույն աշխատանքներ և նշյալ մեթոդներով արել նկարներ:
«Միշտ էլ այն կարծիքին եմ եղել, որ միևնույն առարկան տարբեր մասնագիտական լսարաններում պետք է տարբեր ձևով մատուցել: Տվյալ դեպքում հաջող փորձ է արված իրար զուգորդելու մաթեմատիկական ու գեղագիտական սկզբունքները, որից ավելի շահավետ է դարձել առարկայի դասավանդումը», – նշեց Տուրիզմի կառավարման և մշակութաբանության ամբիոնի ասիստենտ, գեղագետ-գծանկարիչ Լևոն Լաճիկյանը՝ տվյալ առարկայի դասավանդման վերաբերյալ իր կարծիքն արտահայտելով:
Դասընթաց՝ Իջևանում. «Տվյալների օգտագործումը SPSS ծրագրային փաթեթի միջոցով»
Հետազոտական ռեսուրսների կովկասյան կենտրոն (ՀՌԿԿ)–Հայաստանը հրավիրում է «Տվյալների օգտագործումը SPSS ծրագրային փաթեթի միջոցով» թեմայով դասընթացին, որը կվարի ՀՌԿԿ-Հայաստանի տվյալների հավաքագրման ծրագրի ղեկավար Նաիրա Վարդանյանը:
Օրը՝ |
30-ը հունիսի, 2017 |
Ժամը՝ |
13:00-16:00 |
Վայրը՝ |
ք. Իջևան, Անկախության փող. 60 (Անկախության 1 շենքի դիմաց), Եվրասիա համագործակցություն հիմնադրամի (ԵՀՀ) հյուսիսային մասնաճյուղ |
Լեզուն՝ |
Հայերեն |
Դասընթացը կազմակերպվում է ԵՀՀ հյուսիսային մասնաճյուղի աջակցությամբ՝ Հանրային մասնակցություն տեղական ինքնակառավարմանը ծրագրի շրջանակում:
Նկարագրությունը
Մասնակիցները կծանոթանան SPSS ծրագրային փաթեթի հնարավորություններին, կսովորեն ներմուծել տվյալները, նախնական վերլուծություն կատարել, կոդավորել և վերակոդավորել տվյալները, ինչպես նաև ստեղծել նոր փոփոխականներ ու պատկերավոր ներկայացնել դրանք: Նախատեսվում է նաև մասնակիցներին ներկայացնել փոփոխականների միջև կապերի բացահայտման ձևերը:
Ու՞մ համար է
Դասընթացավարի համառոտ կենսագրությունը
Նաիրա Վարդանյանն ավարտել է Երևանի պետական համալսարանը՝ ստանալով սոցիոլոգիայի մագիստրոսի աստիճան: ԵՊՀ քաղաքագիտության բաժնի հեռակա ասպիրանտ է: Նրա հրապարակումները վերաբերում են առավելապես քաղաքական կողմնորոշմանը և սոցիալական կապիտալին: Աշխատել է Կովկասի ինստիտուտում, ղեկավարել է Հայ-ռուսական համալսարանի բիզնես կենտրոնի Խորհրդատվության և դասընթացների բաժինը, դասավանդել է Հայկական պետական մանկավարժական համալսարանում և Տուրիզմի և սերվիսի ռուսական պետական համալսարանում:
Մասնակցության կարգը
Դասընթացին մասնակցելու համար խնդրում ենք լրացնել հայտը մինչև հունիսի 27-ը: Ընտրության արդյունքների մասին կտեղեկացնենք էլ. փոստով հունիսի 28-ին: Հարցերը կարող եք ուղղել event@crrc.am էլ. հասցեով՝ վերնագրում նշելով SPSS_training:
ՀաՄաՏեղ ծրագիրն իրականացվում է Համայնքների ֆինանսիստների միավորման առաջնորդությամբ վեց ՀԿ-ներից բաղկացած համընկերության կողմից: Ծրագրի նպատակն է բարձրացնել հանրային ներգրավվածությունը ապակենտրոնացման և տեղական ինքնակառավարման բարեփոխումների գործընթացում: ՀաՄաՏեղ ծրագրին մանրամասն ծանոթանալու համար հետևեք այս հղմանը:
Աղբյուրը՝ http://www.crrc.am