Երևանի պետական համալսարանի Իջևանի մասնաճյուղ

ԵՊՀ ԻՄ-ում ավարտվեց 2016-2017 ուստարվա առկա ուսուցման ամփոփիչ ատեստավորումը

2017թ. մայիսի 19-30-ը ԵՊՀ Իջևանի մասնաճյուղում կայացավ 2016-2017 ուստարվա առկա ուսուցման ամփոփիչ ատեստավորումը` ինը մասնագիտությունների ամփոփիչ ատեստավորման քննություններն ու ավարտական աշխատանքների պաշտպանությունը:

2017թ. մայիսի 19-ին տեղի ունեցավ «Պատմություն»  մասնագիտության ամփոփիչ քննությունը:

Հանձնաժողովը գլխավորում էր «Հայաստանի ազգային պոլիտեխնիկական համալսարան» հիմնադրամի հասարակագիտության ամբիոնի պրոֆեսոր, պատմ. գիտ. դոկտոր Համլետ Մարտիկի Գևորգյանը:

Մասնաճյուղում ընթանում է 2016-2017 ուստարվա ամփոփիչ ատեստավորումը

Քննությանը մասնակցում էր 18 ուսանող, որոնցից «գերազանց» ստացավ 8-ը, «լավ»` 8-ը, «բավարար»` 2-ը:

Մայիսի 20-ին կայացավ ավարտական աշխատանքների պաշտպանությունը:

10 ուսանող ստացավ «գերազանց», 6-ը` «լավ», 2-ը` «բավարար»:

«Պատմություն»  մասնագիտության ամփոփիչ ատեստավորման հանձնաժողովը լավ գնահատեց մասնագիտական գիտելիքների իմացության և կիրառման, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու շրջանավարտների կարողությունները, ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների բարելավման ուղղությամբ  առաջարկվեց մասնագիտական կարողությունները զարգացնելու համար առավել խորությամբ ուսումնասիրել սկզբնաղբյուրները:

Ավարտական աշխատանքների հետագա բարելավման հետ կապված՝ շեշտը դրվեց ուսանողների ինքնուրույնության զարգացման վրա,  առաջարկվեց ընտրել այնպիսի թեմաներ, որոնք դեռևս պատշաճ մակարդակով ուսումնասիրված չեն:

 Մայիսի 19-ին կայացավ «Մանկավարժություն և հոգեբանություն» մասնագիտության ամփոփիչ քննությունը:

Հանձնաժողովը գլխավորում էր Շիրակի «Մ.Նալբանդյանի անվան պետական համալսարան» հիմնադրամի պրոռեկտոր, մանկ. գիտ. դոկտոր, պրոֆեսոր Սպարտակ Սերյոժայի Սողոյանը:

Մասնաճյուղում ընթանում է 2016-2017 ուստարվա ամփոփիչ ատեստավորումը

Քննությանը մասնակցում էր 19 ուսանող, որոնցից «գերազանց» ստացավ 4-ը, «լավ»` 11-ը, «բավարար»` 4-ը:

Մայիսի 20-ին տեղի ունեցավ ավարտական աշխատանքների պաշտպանությունը:

7 ուսանող ստացավ «գերազանց», 12-ը` «լավ»:

«Մանկավարժություն և հոգեբանություն»  մասնագիտության ամփոփիչ ատեստավորման հանձնաժողովը  լավ  գնահատեց մասնագիտական գիտելիքների իմացության, իրենց մասնագիտության շրջանակներում ինքնուրույն դատողություններ անելու, հաղորդակցվելու շրջանավարտների կարողությունները, բավարար գնահատեց ձեռք բերած գիտելիքների և պատկերացումների կիրառման կարողությունների, ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց մեծ ուշադրություն դարձնել  գործնական հետազոտությունների արդյունքների մշակմանը:

Ավարտական աշխատանքների թեմաների ընտրության վերաբերյալ դարձյալ առաջարկվեց ընտրել տարածաշրջանային հիմնախնդիրների բացահայտմանն ու լուծմանն ուղղված  թեմաներ:

Մայիսի 20-ին տեղի ունեցավ «Ֆրանսերեն լեզու և գրականություն» մասնագիտության ամփոփիչ ատեստավորման քննությունը:

Հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի ֆրանսերեն լեզվի ամբիոնի դոցենտ, բ.գ.թ. Մելանյա Սմբատի Ղազարյանը:

Մասնաճյուղում ընթանում է 2016-2017 ուստարվա ամփոփիչ ատեստավորումը

Քննությանը մասնակցում էր 10 ուսանող, որոնցից «գերազանց» ստացավ 4-ը, «լավ»` 4-ը, «բավարար»՝ 2-ը:

Մայիսի 21-ին կայացավ ավարտական աշխատանքների պաշտպանությունը:

5 ուսանող ստացավ «գերազանց», 5-ը` «լավ»:

«Ֆրանսերեն լեզու և գրականություն»  մասնագիտության ամփոփիչ ատեստավորման հանձնաժողովը  բարձր  գնահատեց   շրջանավարտների մասնագիտական գիտելիքների իմացության և կիրառման կարողությունների մակարդակը, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու, ինքնակրթության հմտությունների դրսևորման մակարդակը: Ընդգծվեց, որ, ի տարբերություն գործնական ֆրանսերենի, տեսական առարկաների ներկայացումը երբեմն կաղում էր:

Ավարտական աշխատանքների իրականացման հետագա բարելավման ուղղությամբ առաջարկվեց, ցածր կուրսերից սկսած, ուսանողներին ներկայացնել հետազոտական աշխատանք գրելու հիմնական սկզբունքներն ու պահանջները, հետևողական լինել նախապաշտպանությունների նկատմամբ:

Մայիսի 20-ին տեղի ունեցավ «Ինֆորմատիկա և կիրառական մաթեմատիկա»  մասնագիտության ամփոփիչ քննությունը:

Հանձնաժողովը գլխավորում է Ռուս-հայկական (սլավոնական) համալսարանի ՏՏ դեպարտամենտի ծառայության պետ,  ֆիզմաթ. գի­տ. թեկնածու, դոցենտ Հարություն Վոլոդյայի Գասպարյանը:

Մասնաճյուղում ընթանում է 2016-2017 ուստարվա ամփոփիչ ատեստավորումը

Քննությանը մասնակցում էր 21 ուսանող, որոնցից «գերազանց» ստացավ 9-ը, «լավ»` 4-ը, «բավարար»` 8-ը:

Մայիսի 21-ին կայացավ ավարտական աշխատանքների պաշտպանությունը:

9 ուսանող ստացավ «գերազանց», 8-ը` «լավ», 4-ը` «բավարար»:

«Ինֆորմատիկա և կիրառական մաթեմատիկա» մասնագիտության ամփոփիչ ատեստավորման հանձնաժողովի կարծիքը տվյալ մասնագիտությամբ շրջանավարտների ընդհանուր պատրաստվածության մակարդակի վերաբերյալ  մանրամասն տե՛ս հանձնաժողովի նախագահի հետ հարցազրույցում:

Մայիսի 20-ին կայացավ «Սերվիս»  մասնագիտության ամփոփիչ քննությունը:

Հանձնաժողովը գլխավորում է ՀՀ տնտեսական զարգացման և ներդրումների նախարարության զբոսաշրջության զարգացման քաղաքականության վարչության պետ Մեխակ Վեմիրի Ապրեսյանը:

ԵՊՀ ԻՄ-ում ավարտվեց 2016-2017 ուստարվա առկա ուսուցման ամփոփիչ ատեստավորումը

 

Քննությանը մասնակցում էր 14 ուսանող, որոնցից «գերազանց» ստացավ 7-ը, «լավ»` 6-ը, «բավարար»` 1-ը:

Մայիսի 27-ին տեղի ունեցավ ավարտական աշխատանքների պաշտպանությունը:

9 ուսանող ստացավ «գերազանց», 4-ը՝ «լավ», 1-ը` «բավարար»:

«Սերվիս»  մասնագիտության ամփոփիչ ատեստավորման հանձնաժողովի նախագահի արտահայտած կարծիքի համաձայն՝ ԵՊՀ Իջևանի մասնաճյուղը բավարարում է «Սերվիս բակալավր» պատրաստելու պահանջներին և ոլորտում պահանջարկին համապատասխանող կադրեր պատրաստելու զգալի ներուժ ունի:

Ամփոփիչ քննության և ավարտական աշխատանքների պաշտպանության հետագա բարելավման ուղղությամբ առաջարկվեց քննարկել այդ գործընթացում տեղեկատվական տեխնոլոգիաների առավել արդյունավետ կիրառման և ինովացիոն մոտեցումների ներդրման հնարավորությունը, կատարելագործել հարցաշարերը՝ հաշվի առնելով ոլորտը կարգավորող օրենսդրության մեջ նախատեսվող փոփոխությունները, աշխատանքներում պահպանել ու զարգացնել վերլուծական և պրակտիկ մոտեցումները, առավել ուշադրություն դարձնել դրանց կիրառական կողմին:

Մայիսի 21-ին տեղի ունեցավ «Տնտեսագիտության տեսություն» մասնագիտության  ամփոփիչ  քննությունը:

Հանձնաժողովը գլխավորում է ՀՀ Կառավարությանն առընթեր ՊԵԿ-ի ֆինանսահաշվային վարչության պետ, գլխավոր հաշվապահ Հովիկ  Գուրգենի Հովհաննիսյանը:

ԵՊՀ ԻՄ-ում ավարտվեց 2016-2017 ուստարվա առկա ուսուցման ամփոփիչ ատեստավորումը

Քննությանը մասնակցում էր 21 ուսանող, որոնցից «գերազանց» ստացավ 3-ը, «լավ»` 13-ը, «բավարար»` 5-ը:

Մայիսի 28-ին կայացավ ավարտական աշխատանքների պաշտպանությունը:

8 ուսանող ստացավ «գերազանց», 11-ը` «լավ», 2-ը` «բավարար»:

«Տնտեսագիտության տեսություն» մասնագիտության ամփոփիչ ատեստավորման հանձնաժողովը լավ գնահատեց  շրջանավարտների մասնագիտական գիտելիքների իմացության մակարդակը,  բավարար համարեց ինքնուրույն մտածելու և արտահայտվելու կարողությունները:

 Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց բարձրացնել ուսանողների տնտեսագիտական գիտելիքների մակարդակը՝ առավելագույնս նրանց հանձնարարելով տարբեր դասագրքեր և ժամանակակից տնտեսագիտական հոդվածներ ու վերլուծություններ, զարգացնել ուսանողների գործնական հմտություններն ու կարողությունները՝ ՀՀ տնտեսության տարբեր ճյուղերի համար ինքնուրույն վերլուծություններ կատարելու համար:  

Մայիսի 22-ին տեղի ունեցավ «Կիրառական արվեստ»  մասնագիտության ամփոփիչ քննությունը:

Հանձնաժողովը գլխավորում է ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը:

ԵՊՀ ԻՄ-ի կիրառական արվեստի ֆակուլտետի ուսանողների  ավարտական աշխատանքների պաշտպանությունը Ենոքավանում

Քննությանը մասնակցում էր 15 ուսանող, որոնցից «գերազանց» ստացավ 2-ը, «լավ»` 8-ը, «բավարար»` 5-ը:

Մայիսի 25-ին կայացավ ավարտական աշխատանքների պաշտպանությունը: Աշխատանքներն աչքի էին ընկնում թեմատիկ, ոճական, ժանրային բազմազանությամբ և մեծ մասամբ արժանացան հանձնաժողովի նախագահի ու անդամների դրվատանքին: 8 ուսանող ստացավ «գերազանց», 7-ը` «լավ»:

«Կիրառական արվեստ» մասնագիտության ուսանողների ավարտական աշխատանքների պաշտպանության մասին մանրամասն տե՛ս հետևյալ հղումով:

Մայիսի 26-ին տեղի ունեցավ «Անգլերեն լեզու և գրականություն» մասնագիտության ամփոփիչ քննությունը:

Հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի անգլերեն լեզվի բառագիտության և ոճաբանության ամբիոնի դոցենտ, բ.գ.թ. Լիլիթ Ասատուրի Բադալյանը:

ԵՊՀ ԻՄ-ում ավարտվեց 2016-2017 ուստարվա առկա ուսուցման ամփոփիչ ատեստավորումը

Քննությանը մասնակցում էր 29 ուսանող, որոնցից «գերազանց» ստացավ 9-ը, «լավ»` 16-ը, «բավարար»` 4-ը:

Մայիսի 27-ին կայացավ ավարտական աշխատանքների պաշտպանությունը:

12 ուսանող ստացավ «գերազանց», 15-ը` «լավ», 2-ը` «բավարար»:

«Անգլերեն լեզու և գրականություն»  մասնագիտության ամփոփիչ ատեստավորման հանձնաժողովը բարձր գնահատեց մասնագիտական գիտելիքների իմացության և կիրառման կարողությունները, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու շրջանավարտների կարողությունների և ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց պրակտիկայի համար տրամադրել ավելի լայն հնարավորություններ:

Ավարտական աշխատանքների իրականացման և դրանց ներկայացման մակարդակը ևս բարձր գնահատվեց: Հետագա բարելավման ուղղությամբ առաջարկվեց աշխատանքներում պահպանել տեսական և գործնական մասերի հավասարակշռությունը, որպեսզի հնարավորություն տրվի լիարժեք գնահատելու ուսանողների վերլուծական հմտությունները:

Մայիսի 29-ին տեղի ունեցավ «Հայոց լեզու և գրականություն» մասնագիտության  ամփոփիչ  քննությունը:

Հանձնաժողովը գլխավորում է ՀՀ պետական կառավարման ակադեմիայի դոցենտ, բան. գիտ. թեկնածու Լավրենտի Աշոտի Միրզոյանը:

ԵՊՀ ԻՄ-ում ավարտվեց 2016-2017 ուստարվա առկա ուսուցման ամփոփիչ ատեստավորումը

Քննությանը մասնակցում էր 18 ուսանող, որոնցից «գերազանց» ստացավ 1-ը, «լավ»` 12-ը, «բավարար»` 5-ը:

Մայիսի 30-ին կայացավ ավարտական աշխատանքների պաշտպանությունը:

3 ուսանող ստացավ «գերազանց», 15-ը` «լավ»:

«Հայոց լեզու և գրականություն» մասնագիտության ամփոփիչ ատեստավորման հանձնաժողովը  բավարար  գնահատեց   շրջանավարտների մասնագիտական գիտելիքների իմացության մակարդակը, իրենց մասնագիտության շրջանակներում ինքնուրույն դատողություններ անելու և հաղորդակցվելու նրանց կարողությունները, ինքնակրթության հմտությունների դրսևորման մակարդակը, բարձր գնահատեց նրանց ձեռք բերած գիտելիքների կիրառման կարողությունները:

Ավարտական աշխատանքների վերաբերյալ հանձնաժողովի կարծիքը բարձր էր հատկապես որակավորմանը թեմայի համապատասխանության, մասնագիտական գրականությունից օգտվելու և համադրելու կարողությունների տեսանկյուններից: 

Աշխատանքների հետագա բարելավման ուղղությամբ առաջարկվեց, որ թեմաները լինեն ժամանակակից, աշխատանքները զերծ լինեն գրքայնությունից ու արտագրություններից, ընդգծվի շրջանավարտի ինքնուրույնությունը:

 

Մեր ուսանողն ընտրվել է որպես Հայաստանի Եվրոպական երիտասարդական պառլամենտի լավագույն պատվիրակ

ԵՊՀ ԻՄ-ի Հումանիտար գիտությունների ֆակուլտետի «Օտար լեզու և գրականություն» մասնագիտության առաջին կուրսի ուսանող Մհեր Մկրտումյանը մասնակցել է  Հայաստանի Եվրոպական երիտասարդական պառլամենտի և ՀՀ կենտրոնական բանկի հետ համագործակցությամբ՝ «Իմ ֆինանսների ամիսը» նախագծի շրջանակներում կազմակերպված “FIND 2017” (Ֆինանսական նորարարություն ազգային զարգացման համար) համահայկական ուսանողական ֆորումին, որը գլխավորապես կենտրոնացած էր ֆինանսական կրթման վրա։

Մեր ուսանողն ընտրվել է որպես Հայաստանի Եվրոպական երիտասարդական պառլամենտի լավագույն պատվիրակ

Ֆորումը համախմբել էր 120 ուսանողների՝ Երևանից և ՀՀ մարզերի բուհերից։ Ուսանողները 5 օրվա ընթացքում (2017 թվականի մայիսի 20-ից 24-ը)  քննարկել են մի շարք ֆինանսական հարցեր, կազմել բանաձևեր և ներկայացրել ֆորումի նախագահությանը։

Ըստ այդմ՝ ԵՊՀ ԻՄ-ի ուսանող Մհեր Մկրտումյանն ընտրվել է լավագույն պատվիրակներից մեկը, և ևս 5 պատվիրակների հետ ներկայացնելու է Հայաստանը սույն թվականի նոյեմբերի 11-ից 19-ը Վրաստանում կայանալիք Եվրոպական երիտասարդական պառլամենտի 86-րդ միջազգային ֆորումում։

Մեր ուսանողն ընտրվել է որպես Հայաստանի Եվրոպական երիտասարդական պառլամենտի լավագույն պատվիրակ

 

 

 

ԳԻՏՈՒԹՅԱՆ ԵՎ ԿՐԹՈՒԹՅԱՆ ՀԱՅԿԱԿԱՆ ԱԶԳԱՅԻՆ ՀԻՄՆԱԴՐԱՄԻ (ANSEF) 2018 Թ. ԳԻՏԱԿԱՆ ՄՐՑՈՒՅԹԻ ՀՐԱՎԵՐ

ԳԻՏՈՒԹՅԱՆ ԵՎ ԿՐԹՈՒԹՅԱՆ ՀԱՅԿԱԿԱՆ ԱԶԳԱՅԻՆ ՀԻՄՆԱԴՐԱՄԻ (ANSEF) 2018 Թ. ԳԻՏԱԿԱՆ ՄՐՑՈՒՅԹԻ ՀՐԱՎԵՐ

Հայ օգնության ֆոնդի հովանու ներքո 2001թ. հիմնադրված Գիտության և կրթության հայկական ազգային հիմնադրամը(ԳԿՀԱՀ) Հայաստանի Հանրապետության գիտնականներին և հետազոտողներին հրավիրում է 2018թ. գիտական դրամաշնորհիմրցույթի: Մրցույթի արդյունքները կհայտարարվեն 2018թ. հունվարին: Լրացուցիչ հարցերի համար խնդրում ենք գրել հետևյալ էլեկտրոնային հասցեին` help@ansef.org

Յուրաքանչյուր դրամաշնորհի չափը մինչև 5000 ԱՄՆ դոլար է: Գիտական դրամաշնորհի մրցույթի մասնակիցների դիմումներն ընդունվում են ԳԿՀԱՀ համացանցային պորտալի միջոցով, որը տեղակայված է կայքի ենթաբաժիններում  (www.ansef.org) կամ անմիջապես համացանցային հետևյալ կայքի միջոցով` ansef.herokuapp.com մինչև 2017թ. օգոստոսի 31-ը:

ԳԿՀԱՀ 2018 մրցույթի շրջանակներում կտրամադրվի 27 դրամաշնորհ, որից երեքը սահմանված է ՀՀ նախագահի հովանու ներքո գործող Երիտասարդ գիտնականների աջակցության ծրագրի կողմից: ՀՀ նախագահի հովանու ներքո գործող Երիտասարդ գիտնականների աջակցության ծրագրի կողմից հատկացրած 3 դրամաշնորհը կտրվի կենսաբանության, քիմիայի, ֆիզիկայի, բնագավառներում գիտական աշխատանքներ իրականացրած մինչև 35 տարեկան երիտասարդ գիտնականներին:

 Մրցույթին մասնակցելու կարգին մանրամասն ծանոթանալու համար դիտեք պորտալում տեղադրված ուսուցողական տեսանյութը:

Եթե նախկինում դիմել եք ԳԿՀԱՀ գիտական դրամաշնորհին համացանցային մեր կայքի միջոցով, ապա կարող եք օգտվել կայքում Ձեր նախորդ գրանցման հաշվից` նոր դիմում ներկայացնելու համար: Եթե մոռացել եք Ձեր գաղտնաբառը, կայքի պորտալը թույլատրում է ընտրել նորը և մուտք գործել նոր գաղտնաբառով: Այսպիսով, Ձեզ հնարավորություն է ընձեռվում նոր դիմումի համար ունենալ նախկինում Ձեր կողմից տրամադրված ողջ տեղեկատվությունը:

Եթե Դուք նոր դիմորդ եք և նախկինում չեք օգտվել ԳԿՀԱՀ-ի կայքի պորտալից, ապա նախ և առաջ պետք է գրանցվեք պորտալում: Այնուհետև կստանաք Ձեր նոր գրանցման հաշիվը հաստատող էլէկտրոնային նամակ և հնարավորություն կունենաք մոտք գործել պորտալ:

ԳԿՀԱՀ-ի պորտալի հետ կապված այլ տեխնիկական հարցերի պարզաբանման համար խնդրում ենք գրել հետևյալ էլեկտրոնային հասցեին` website@ansef.org:

Հայ օգնության ֆոնդի Հայաստանի մասնաճյուղ

Աղբյուրը՝ https://armacad.info

«Կովկաս՝ մեր ընդհանուր տուն» խորագրով գիտաժողով Ստեփանակերտում

Գիտաժողով

Արցախի Հանրապետության Կրթության, գիտության և սպորտի նախարարությունը և Արցախի Մեսրոպ Մաշտոց համալսարանը հրավիրում են մասնակցելու 2017 թ․ հոկտեմբերի 27-29-ը Մեսրոպ Մաշտոց համալսարանում (Ստեփանակերտ) անցկացվող՝ «Կովկաս՝ մեր ընդհանուր տուն» խորագրով միջազգային գիտաժողովին։ Գիտաժողովը նվիրված է տարածաշրջանի հումանիտար, տնտեսագիտական, սոցիալ-քաղաքական զարգացման արդիական հարցերի քննարկմանը:

            Գիտաժողովի մասնախմբերն են՝

  • Իրավունք, քաղաքագիտություն, փիլիսոփայություն, պատմություն, միջազգային հարաբերություններ, տարածաշրջանագիտություն,
  • Տնտեսագիտություն, կառավարում, ինֆորմացիոն տեխնոլոգիաներ,
  • Լեզվաբանություն, թարգմանչական գործ, լրագրություն,
  • Մանկավարժություն, մեթոդիկա, հոգեբանություն:

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Ուղեվարձը և գիշերակացն ապահովում են գիտաժողովի մասնակիցները:

Գիտաժողովին մասնակցելու համար անհրաժեշտ է մինչև ս.թ. սեպտեմբերի 1-ը էլեկտրոնային տարբերակով m.mashtots@mail.ru էլ.հասցեին ուղարկել՝

  1. գիտաժողովի մասնակցության հայտը,
  2. հոդվածի տեքստը:

Ի գիտություն՝

Բոլոր նյութերը ստուգվելու են «Անտիպլագիատ» համակարգով, և ոչ օրինաչափ փոխառությունների առկայության և արդիականության բացակայության դեպքում հոդվածը չի ընդունվելու:

Հոդվածների ներկայացման չափանիշներին կարող եք ծանոթանալ այստեղ։

Գիտաժողովի կազմկոմիտեի նախագահ՝ փ.գ.թ., ՄՄՀ պրոֆեսոր Ղարիբ Միքայելի Բաբայան:

Լրացուցիչ տեղեկությունների համար դիմել իրավագիտության ֆակուլտետի դեկան ալվինա Վալերիի Ներսեսյանին (e-mail: alners@inbox.ru)  և պատասխանատու քարտուղար Ագաթա Վլադիմիրի Սաֆարյանին (e-mail: m.mashtots@mail.ru).

Աղբյուրը՝ http://hy.armscoop.com

Տեղի կունենա միջազգային երիտասարդական գիտաժողով

Տեղի կունենա միջազգային երիտասարդական գիտաժողով

Արցախի երիտասարդ գիտնականների և մասնագետների միավորման (ԱԵԳՄՄ) նախաձեռնությամբ ու ՀՀ սպորտի և երիտասարդության հարցերի նախարարության աջակցությամբ 2017 թվականի սեպտեմբերի 14-17-ը Ստեփանակերտում տեղի կունենա «Արցախի Հանրապետության միջազգային ճանաչման հիմնախնդիրներն ու հեռանկարները» խորագրով 2-րդ միջազգային երիտասարդական գիտաժողովը:


2016թ. սեպտեմբերի 15-18-ը Ստեփանակերտում կազմակերպված «ԼՂՀ (Արցախի) 25-ամյա պետականության ձեռքբերումներն ու արդի մարտահրավերները» խորագրով միջազգային երիտասարդական գիտաժողովի նյութերի ժողովածուի էլեկտրոնային տարբերակը հասանելի է այստեղ։

Գիտաժողովին կարող են մասնակցել ԼՂՀ, ՀՀ և արտասահմանյան բուհերի և գիտահետազոտական կենտրոնների բարձր կուրսի ուսանողները, ասպիրանտները,  երիտասարդ գիտնականներն ու մասնագետները (մասնակիցը պետք է լինի մինչև 35 տարեկան՝ բացառությամբ լիագումար նիստին զեկույցով հանդես եկող անվանի գիտնականների):

  • Գիտաժողովի ոլորտները՝ հասարակական գիտություններ (իրավագիտություն, քաղաքագիտություն, միջազգային հարաբերություններ, պատմություն, տնտեսագիտություն և այլն):
  • Գիտաժողովի աշխատանքային լեզուներն են՝ հայերեն, ռուսերեն, անգլերեն:
  • Գիտաժողովին ներկայացվող զեկուցումը պետք է համապատասխանի գիտաժողովի խորագրին։

Գիտաժողովի լավագույն աշխատանքները հրատարակվելու են ՀՀ ԲՈՀ-ի պահանջներին համապատասխանող առանձին նյութերի ժողովածուի տեսքով։

Գիտաժողովի աշխատանքներին ներկայացվող պահանջներին ծանոթացեք այստեղ։


Մասնակցության համար անհրաժեշտ է մինչև 2017 թ. հուլիսի 15-ը լրացնել մասնակցության հայտը և ուղարկել artsakhrecognition@gmail.com էլեկտրոնային փոստին: Հայտի հետ միաժամանակ ուղարկել նաև՝

  • զեկուցումը,
  • գիտական ղեկավարի կարծիքը կամ համապատասխան ամբիոնի երաշխավորագիրը (սկան տարբերակով, միայն գիտական աստիճան չունեցողների համար):

Երևան-Ստեփանակերտ-Երևան ուղևորափոխադրումը կազմակերպվելու է անվճար:


Գիտաժողովի կազմկոմիտեի նախագահ՝

«Արցախի երիտասարդ գիտնականների և մասնագետների միավորում» ՀԿ հիմնադիր,
Արցախի պետական և Մեսրոպ Մաշտոց համալսարանների դասախոս,
ի.գ.թ. Ավետիք Համլետի Հարությունյան
Հեռ. (+374) 97 277 770, էլ. փոստ. avetiq.hh@gmail.com:

Աղբյուրը՝ http://hy.armscoop.com