Երևանի պետական համալսարանի Իջևանի մասնաճյուղը հայտարարում է 2017թ. հեռակա  ուսուցման ընդունելություն` հետևյալ մասնագիտությունների գծով.

• Ինֆորմատիկա և կիրառական մաթեմատիկա,
• Քարտեզագրություն և կադաստրային գործ,
• Բնապահպանություն և բնօգտագործում,
• Տարրական մանկավարժություն և մեթոդիկա,
• Պատմություն,
• Հոգեբանություն,
• Ֆինանսներ (ըստ ոլորտի),
• Զբոսաշրջություն

Ընդունելության մասնագիտություններին, քննություններին, տեղերին և վարձաչափերին կարելի է ծանոթանալ այստեղ:

Ընդունելության կարգին կարելի է ծանոթանալ այստեղ, ընդունելության համար անհրաժեշտ փաստաթղթերին` այստեղ: 

Ուսման տևողությունը 5 տարի է:

Շրջանավարտներին տրվում է Երևանի պետական համալսարանի դիպլոմ:  

Փաստաթղթերն ընդունվում են  ս.թ. օգոստոսի 25–ից մինչև սեպտեմբերի 25–ը:

Հասցեն` Տավուշի մարզ, քաղաք Իջևան, Ուսանողական 1:

Մանրամասն տեղեկությունների համար զանգահարել  (093) 41-51-22, (093) 20-65-05, (096)-98-76-54  հեռախոսահամարներով:

Սիրելի՛  համալսարանականներ, 2017թ. սեպտեմբերի 1-ին՝ ժամը 9⁰⁰–ին, ԵՊՀ Իջևանի մասնաճյուղի բակում տոնական միջոցառմամբ  կմեկնարկի նոր՝ 2017-2018 ուսումնական տարին:

Գիտելիքի և դպրության օրվան նվիրված միջոցառմանը կհաջորդեն դասերը՝ ՀՀ կրթության և գիտության նախարարության կողմից հաստատված հետևյալ ժամանակացույցով՝

1-ին ժամ – 09¹⁵ – 9⁵⁵
2-րդ ժամ – 10⁰⁰ – 10⁴⁰   

3-րդ ժամ – 10⁵⁰ – 11³⁰
4-րդ ժամ – 11³⁵ – 12¹⁵

5-րդ ժամ – 12³⁵ – 13¹⁵
6-րդ ժամ – 13²⁰ – 14⁰⁰

7-րդ ժամ – 14¹⁰ – 14⁵⁰
8-րդ ժամ – 14⁵⁵ – 15³⁵ :

Սիրով սպասում ենք:

Հայ-ռուսական համալսարանը հրավիրում է մասնակցելու «Բնագիտությունը 21-րդ դարում. ուսուցման հիմնախնդիրներ և լուծումներ» խորագրով համահայկական 5-րդ կրթական գիտաժողովին, որը տեղի կունենա 2017թ. սեպտեմբերի 29-30-ը: 

Հայ-Ռուսական համալսարանի հիմնադրման 20-ամյակին նվիրված կրթական գիտաժողովում կքննարկվեն հանրակրթական և բուհական ոլորտներում բնական գիտությունների, նրանց հիմունքների ուսուցման հիմնախնդիրները: Գիտաժողովին, ստորև ներկայացված պայմաններին համապատասխան, կարող են մասնակցել դպրոցների ուսուցիչներ, բուհերի դասախոսներ, քոլեջների դասատուներ, նշված խնդիրներով զբաղվող մագիստրոսներ, ասպիրանտներ և կրթության ոլորտի մասնագետներ:

Հասցեն`  Հայ-Ռուսական համալսարան, 0051 ք. Երևան, Հ. Էմինի 123, ՀՌՀ

Նախատեսվում է քննարկել հետևյալ թեմաները. 

• Ֆիզիկայի և աստղագիտության ուսուցման հիմնախնդիրներ,
• Մաթեմատիկայի ուսուցման հիմնախնդիրներ,
• Քիմիայի ուսուցման հիմնախնդիրներ,
• Կենսաբանության ուսուցման հիմնախնդիրներ,
• «Բնագիտություն» ինտեգրացված առարկայի դասավանդման առանձնահատ-կությունները,
• Ֆիզիկական աշխարհագրության ուսուցման հիմնախնդիրներ,
• Մաթեմատիկայի դերը բնագիտության ուսուցման գործընթացում,
• Բնագիտական առարկաների դասավանդման գործնական ուղղվածության ապահովման ուղիները,
• Բնագիտական կրթության ինֆորմատացման  հիմնախնդիրներ,
• Ժամանակակից տեղեկատվական և հաղորդակցական տեխնոլոգիաները կրթական համակարգում,
• Բնագիտական առարկաներից պետական ավարտական և միասնական քննություններին սովորողներին նախապատրաստելու հիմնահարցեր,
• Սովորողների էկոլոգիական կրթության  և դաստիարակության հիմնահարցեր,
• Բնագիտական առարկաների դերը ճարտարագիտական և տեխնիկական կրթության համակարգում,
• Բնագիտությունը և ռազմագիտությունը,
• Օլիմպիադաներ և աշխատանք օժտված երեխաների հետ,
• Գիտամեթոդական և գիտահանրամատչելի գրականության դերը արդիականացվող կրթական համակարգում:

Տեղեկատվություն. 010-26-55-97, Գայանե Սամվելյան

• E-mail bnaget@yahoo.com

Զեկուցումների և թեզիսների ներկայացման կարգը

 Գիտաժողովին մասնակցելու համար անհրաժեշտ է մինչև 2017թ. սեպտեմբերի  10-ը ներկայացնել հոդվածի էլեկտրոնային օրինակը: Կրթական գիտաժողովի աշխատանքներին  մասնակցել  ցանկացողները կազմկոմիտե պետք է ներկայացնեն հետևյալ նյութերը.

• մասնակցության հայտ,
• ելույթի կամ զեկուցման թեզիսները էլեկտրոնային և տպագիր օրինակով` մինչև 5 տպագիր էջ ծավալով, Word document ֆայլով:
• Ներկայացման վերջին ժամկետը 2017թ. սեպտեմբերի 10-ն է:
• Զեկուցումները և թեզիսները ուղարկել katayan@ysu.am, shajk@ysu.am էլ. հասցեներից մեկին:

Ներկայացվող նյութերի ձևակերպման պահանջները

 Հոդվածները պետք է ձևակերպվեն հետևյալ պահանջներին համապատասխան. նյութի ծավալը 5 էջից ոչ ավելի, տեքստի համակարգչային ծրագիրը` Microsoft Word, տառատեսակը` Times New Roman (ռուսերենի, անգլերենի համար) և Sylfaen (հայերենի համար), տառաչափը` 12, տողամիջյան տարածքը` 1,5, վերևի, նեքևի և աջ լուսանցքները` 2,0, ձախ լուսանցքը` 3,0 սմ` ստանդարտացված: Հոդվածը սկսվում է վերնագրով, որը գրվում է կենտրոնում` գլխատառերով, մուգ: Վերնագրից հետո նշվում են հեղինակի ազգանունը, անվան և հայրանվան սկզբնատառերը, քաղաքը և կազմակերպությունը` աջ անկյունում`շեղատառ: Հոդվածում հստակորեն պետք է ներկայացված լինեն հարցի դրվածքը, կրթական նորույթը, իսկ վերջում` օգտագործված գրականության ցանկը և նյութի հակիրճ ամփոփումը` մինչև 50 բառ` անգլերեն, ռուսերեն կամ հայերեն, կախված հոդվածի շարադրման լեզվից: Տեքստում գրականության մեջբերումը նշվում է ուղիղ փակագծերում` գրելով գրականության ցանկում համապատասխան աղբյուրի համարը և էջը` օրինակ` [3, էջ 14]:

Գիտաժողովի աշխատանքային լեզուն հայերենն է, իսկ առանձին աշխատանք-ներ կարող են ներկայացվել ռուսերեն և անգլերեն լեզուներով:

Գիտաժողովին ներկայացված և գրախոսված նյութերից կհրատարակվի գիտա-մեթոդական  հոդվածների ժողովածու` համաձայն ՀՀ ԲՈՀ-ի պահանջներին:

Գիտաժողովի կազմակերպման մասին տեղեկատվությունը առաքվում է կրթության  մարզային բաժիններ, ԼՂՀ ԿԳ նախարարություն, ՀՀ բուհեր, ինչպես նաև Մմուհ-եր և սփյուռքի հայկական կրթօջախները:

Տեղեկատվությունը տեղադրված է նաև ՀՀ ԿԳ նախարարության www.edu.am, Կրթության ազգային ինստիտուտի www.aniedu.am և ՀՌՀ www.rau.am էլեկտրոնային կայքերում, «Կրթություն» շաբաթաթերթում, ինչպես նաև www.armedu.am կրթական համալիր էջում:

Գիտաժողովին  մասնակցել  ցանկացողները լրացնում  են համապատասխան հայտը և թեզիսները կազմկոմիտե են ներկայացնում մինչև  ս.թ. սեպտեմբերի 10-ը` վերը նշված հասցեներով:

Թեզիսները, որոնք ներկայացված պահանջներին չեն բավարարում կամ ուղարկվում են նշված ժամկետներից ուշ, չեն քննարկվում:

Գիտաժողովի նյութերի ժողովածուն  կտպագրվի  գիտաժողովում զեկուցելուց և խմբագրական խորհուրդի կողմից հոդվածը խմբագրելուց հետո՝ 3-ամսյա ժամկետում:

Գիտաժողովին կարելի է մասնակցել ինչպես զեկուցումով, այնպես էլ առանց զեկույցի: Մասնակցության վճարը 7000 դրամ, փոխանցման հաշվեհամարը՝ 1570024632040200:

Գիտաժողովի տեղեկատվական հովանավորն է «Կրթություն» շաբաթաթերթը:

ԳԻՏԱԺՈՂՈՎԻ ԿԱԶՄԿՈՄԻՏԵ