Երևանի պետական համալսարանի Իջևանի մասնաճյուղ

Վիլյամ Ֆոլքների ծննդյան 120-ամյակին նվիրված միջոցառման հրավեր

 Folkner

Հարգելի՛ համալսարանականներ, 2017թ. սեպտեմբերի 25-ին՝ ժամը 15:00-ին, ԵՊՀ ԻՄ-ի հումանիտար գիտություննների ֆակուլտետի №28 լսարանում, տեղի կունենա «Ֆոլքները «Շառաչ և ցասում» վեպի հեղինակ» թեմայով միջոցառում (դասախոսությունների շարք)՝ նվիրված Վիլյամ (Ուիլյամ) Ֆոլքների ծննդյան 120-ամյակին:

Սիրով հրավիրում ենք:

Հայոց լեզվի և գրականության ամբիոնը հայտարարում է ստեղծագործական աշխատանքների համահամալսարանական մրցույթ

էսսեների մրցույթ

Սիրելի՛ ուսանողներ, ԵՊՀ  ԻՄ-ի հայոց լեզվի և գրականության ամբիոնը հայտարարում է ստեղծագործական աշխատանքների համահամալսարանական մրցույթ` հետևյալ թեմաներով`

  1. «Աշխարհն իմ աչքերով»,
  2. «Տու՛ն դարձեք, հայե՛ր»,
  3. «Սիրո գույները»:

Անհրաժեշտ է աշխատանքները ներկայացնել մինչև 2017թ. նոյեմբերի 30-ը:

Լավագույն աշխատանքների հեղինակները կխրախուսվեն տնօրենության կողմից:

Շնորհավո՛ր ՀՀ անկախության 26-րդ տարեդարձը

2017թ. սեպտեմբերի 21-ին` Հայաստանի Հանրապետության անկախության  26-րդ տարեդարձին, ԵՊՀ Իջևանի մասնաճյուղի վարչական անձնակազմի ներկայացուցիչները և ուսանողները՝ տնօրեն Սամվել Առաքելյանի գլխավորությամբ, այցելեցին Իջևանի Ազատամարտիկների հրապարակ:

Շնորհավո՛ր ՀՀ անկախության 26-րդ տարեդարձը

Իջևանում ՀՀ անկախության 26-ամյակին նվիրված միջոցառումների շարքը մեկնարկեց Տավուշի մարզպետարանին հարակից Սահմանադրության հրապարակից, որտեղ մարզի ղեկավարության կողմից նախ իրականցվեց Աշոտ Երկաթ թագավորի արձանի հանդիսավոր բացումը:

Շնորհավո՛ր ՀՀ անկախության 26-րդ տարեդարձը

Այնուհետև Սահմանադրության հրապարակից Տավուշի մարզի տարբեր ոլորտների բարձրաստիճան ներկայացուցիչների, զինվորական նվագախմբի, բազում քաղաքացիների ուղեկցությամբ համալսարանականները շարժվեցին դեպի Ազատության հրապարակ, հարգանքի տուրք մատուցեցին, ծաղկեպսակներ դրեցին Իջևանում գտնվող` Զոհված ազատամարտիկների անունը հավերժացնող հուշարձանին:

Շնորհավո՛ր ՀՀ անկախության 26-րդ տարեդարձը

Այդտեղ շնորհավորանքի ու օրհնանքի խոսք ասաց Տավուշի թեմի առաջնորդ Տեր Բագրատ եպիսկոպոս Գալստանյանը՝ հնչեցնելով Տերունական ու Խաղաղության աղոթք:

Շնորհավո՛ր ՀՀ անկախության 26-րդ տարեդարձը

ՀՀ անկախության 26-ամյակին նվիրված միջոցառումների շարքը եզրափակվեց Իջևանի մշակույթի տանը կազմակերպված տոնական համերգով:

Շնորհավո՛ր ՀՀ անկախության 26-րդ տարեդարձը

 

_________________________________

1991թ. սեպտեմբերի 21-ին, ՀՀ Գերագույն խորհրդի՝ 1991 թ. մարտի 1-ի որոշմամբ, Հայաստանի Հանրապետությունում անցկացվեց հանրաքվե հետևյալ հարցադրմամբ՝ «Համաձայն ե՞ք, որ Հայաստանի Հանրապետությունը լինի անկախ ժողովրդավարական պետություն, ԽՍՀՄ կազմից դուրս»:  

Հայ ժողովուրդը միասնաբար (99% ձայների մեծամասնությամբ) «Այո» ասաց անկախությանը: Հայաստանի պատմության մեջ հաստատվեց երրորդ հանրապետության շրջանը. ՀԽՍՀ-ն վերանվանվեց Հայաստանի Հանրապետություն: Որպես հանրապետության դրոշ հաստատվեց եռագույնը, այնուհետև ընդունվեց զինանշանը:

Գերագույն խորհրդի կողմից անկախության հռչակումից հետո տասնյակ պետություններ ճանաչեցին Հայաստանի Հանրապետությունը: Առաջինը Լիտվան էր, որը մինչև անկախության հռչակումը դեռևս 1991 թ. օգոստոսի 14-ին ճանաչել էր Հայաստանի Հանրապետության անկախությունը, իսկ արդեն հռչակագրի ընդունումից հետո՝ 1991 թվականի ընթացքում, ևս 47 պետություն ճանաչեց Հայաստանի Հանրապետության անկախությունը:

Ենթադրվում էր, որ անկախությունը նոր հնարավորություններ է բացելու Հայաստանի համար: Որպես Հանրապետություն՝ Հայաստանն արդեն ունակ էր լինելու ստեղծել սեփական դիվանագիտական կապերը տարբեր երկրներում և վարել ակտիվ քաղաքականություն:

Անկախության ձեռքբերումից ի վեր Հայաստանը փորձում է զարգացանել կապերը տարածաշրջանում: Հայաստանն այսօր վարում է սեփական ինտեգրացիոն քաղաքականություն: 2014 թվականին Հայաստանը դարձավ ԵՏՄ անդամ երկիր: Այժմ Հայաստանը փորձում է համագործակցության կապերը խորացնել Իրանի Իսլամական Հանրապետության հետ ու նաև կամուրջ է Իրանի և ԵՏՄ անդամ երկների երկխոսության համար:

Հայաստանի առջև ծառացած կարևորագույն խնդիրներից մեկը շարունակում է մնալ միջազգային ատյաններում Հայոց ցեղասպանության ճանաչմանն ու դատապարտմանը հասնելը: Մինչև Այսօր Հայոց ցեղասպանությունը ճանաչել ու դատապարտել է 26 պետություն:

Անկախ Հայաստանի համար օրակարգային խնդիր է նաև հայ-ադրբեջանական սահմանի և ղարաբաղա-ադրբեջանական հակամարտ զորքերի շփման գծում լարվածության հարցը, որը պարբերաբար քննարկվում է ՀԱՊԿ-ում, գտնվում է ԵԱՀԿ Մինսկի խմբի համանախագահների ուշադրության կենտրոնում:

Այս տարիների մեծագույն նվաճումն արյան գնով Արցախյան պատերազմում տարած հաղթանակն էր, նորօրյա ապրիլյան հերոսացման ուղին: Ապրիլյան քառօրյա պատերազմից հետո անկախ Հայաստանը ցույց տվեց, որ ունի հզոր բանակ և անհրաժեշտ զինտեխնիկա՝ ամեն պահի թշնամուն հետ մղելու համար:

Անկախության պատմության մեջ ոչ պակաս կարևոր էր Սահմանադրական բարեփոխումների նախագիծը և կառավարման նախագահական համակարգից անցումը խորհրդրանականի: 

________________________________

Այսօր ողջ հայությամբ տոնում ենք մեր ազատ ու անկախ հանրապետության տոնը:

Շնորհավո՛ր տոնդ, մեր 26-ամյա Հայաստան: Թո՛ղ մեր անկախությունը երբևէ չխաթարվի, թո՛ղ բոլորիս եռանդուն մասնակցությամբ ավելի ամրապնդվի հայոց պետականությունը, բարգավաճի մեր պետությունը…   

 

Ուսանողական խորհուրդը ներկայացրեց 2017-2018 ուստարվա I կիսամյակի իր աշխատանքային պլանը

 2017թ. սեպտեմբերի 15-ին ԵՊՀ ԻՄ-ի ուսանողական խորհրդի նախաձեռնությամբ կայացավ հանդիպում, որին հրավիրված էր մասնաճյուղի տնօրեն Ս. Ա. Առաքելյանը:

Ուսանողական խորհուրդը ներկայացրեց  2017-2018 ուստարվա I կիսամյակի իր աշխատանքային պլանը

Հանդիպման ընթացքում Ուսանողական խորհուրդն ըստ ֆակուլտետների ներկայացրեց 2017-2018 ուստարվա I կիսամյակի իր աշխատանքային պլանը:

Նախ ներկայացվեց Տնտեսագիտության ֆակուլտետի ուսանողական խորհրդի աշխատանքային պլանը (ֆակուլտետի ՈՒԽի նախագահ՝ Հ. Քարտաշյան)՝ հետևյալ ռազմավարական խնդիրներով ու գործողություններով.

1.Պաշտպանել ուսանողների շահերն ու իրավունքները.

1.1. առաջին կուրսեցիների հետ հանդիպում, ծանոթացում ՈՒԽ-ի կազմին և գործառույթներին,

1.2. դասընթաց ուսանողների իրավունքների և պարտականությունների մասին:

2.Կրթական կարիքների վերհանում.

2.1. ավագների հետ հարցաշարերի քննարկում,

2.2. հանդիպումներ ֆակուլտետում ուսանողների հետ:

3.Մասնակցություն գիտական խորհրդի նիստերին.

3.1. ֆակուլտետի գիտական խորհրդի ուսանող անդամի ընտրություն:

4.Ուսանողների բազմակողմանի զարգացում.

4.1. «Հաջողակ լինելու արվեստը» թեմայով քննարկում,

4.2. «Մաթեմատիկայի կիրառումը տնտեսագիտության մեջ» թեմայով բաց դաս,

4.3. «Ինչպե՞ս ճիշտ կազմել բիզնես ծրագիր» ուսուցողական դասընթաց,

4.4.  «Զբոսաշրջության զարգացման հնարավորությունները Տավուշի մարզում» թեմայով քննարկում ուսանողների միջև:

Ապա ներկայացվեց Հումանիտար գիտությունների ֆակուլտետի ՈՒԽ-ի աշխատանքային պլանը (ֆակուլտետի ՈՒԽի նախագահ՝ Զ. Վարտանյան), որն ընդգրկում էր հետևյալ  ռազմավարական խնդիրներն ու գործողությունները.

Ուսանողական խորհուրդը ներկայացրեց  2017-2018 ուստարվա I կիսամյակի իր աշխատանքային պլանը

1.Պաշտպանել ուսանողների շահերն ու իրավունքները.

 1.1.  առաջին կուրսեցիների հետ հանդիպում, ծանոթացում ՈՒԽ-ի կազմին և գործառույթներին,

1.2. դասընթաց ուսանողների իրավունքների և պարտականությունների մասին:

2.Կրթական կարիքների վերհանում.

2.1. ավագների հետ հարցաշարերի քննարկում,

2.2. հանդիպումներ ֆակուլտետում ուսանողների հետ,

3.Մասնակցություն գիտական խորհրդի նիստերին.

3.1. ֆակուլտետի գիտական խորհրդի ուսանող անդամի ընտրություն:

4.Ուսանողների բազմակողմանի զարգացում.

4.1.Անգլերեն լեզվի ուսուցման խմբակ,

4.2.Լեզուների միջազգային օր,

4.3.«Ուսումնառություն առանց սթրեսի» թեմայով քննարկում «Հոգեբանություն» մասնագիտության ուսանողների հետ,

4.4.«Խոսքի մատուցման վարպետություն» թեմայով բաց դաս,

4.5.մասնագիտական ֆիլմերի դիտումներ, քննարկումներ,

4.6. «Օտարամուտ բառերի գործածությունը մեր խոսքում» թեմայով բանավեճ:

Այնուհետև Բնական գիտությունների ֆակուլտետի ՈՒԽի նախագահ Ա. Վարդանյանը ներկայացրեց իրենց աշխատանքային պլանը.

1.Պաշտպանել ուսանողների շահերն ու իրավունքները.

 1.1.  առաջին կուրսեցիների հետ հանդիպում, ծանոթացում ՈՒԽ-ի կազմին և գործառույթներին,

1.2. դասընթաց ուսանողների իրավունքների և պարտականությունների մասին:

2.Կրթական կարիքների վերհանում.

2.1. ավագների հետ հարցաշարերի քննարկում,

2.2. հանդիպումներ ֆակուլտետում ուսանողների հետ,

3.Մասնակցություն գիտական խորհրդի նիստերին.

3.1. ֆակուլտետի գիտական խորհրդի ուսանող անդամի ընտրություն:

4.Ուսանողների բազմակողմանի զարգացում.

4.1. ՀՀ անկախության տոնին նվիրված ֆակուլտետային միջոցառում,

4.2. «Սթիվ Ջոբսի հաջողության ուղին» կինոդիտում, քննարկում,

4.3.  Մարկ Ցուկեմբերգի մասին կինոդիտում, քննարկում,

4.4.  «Ծրագրավորումը հասանելի է բոլորին» ուսուցողական դաս,

4.5. Ամանորյա ֆակուլտետային միջոցառում:

Ուսանողական խորհուրդը ներկայացրեց  2017-2018 ուստարվա I կիսամյակի իր աշխատանքային պլանը

Կիրառական արվեստի ֆակուլտետի ՈՒԽ-ի նախագահ Ա.Ալեքսանյանն էլ ներկայացրեց իրենց  աշխատանքային պլանը.  

1.Պաշտպանել ուսանողների շահերն ու իրավունքները.

 1.1.  առաջին կուրսեցիների հետ հանդիպում, ծանոթացում ՈՒԽ-ի կազմին և գործառույթներին,

1.2. դասընթաց ուսանողների իրավունքների և պարտականությունների մասին:

2.Կրթական կարիքների վերհանում.

2.1. ավագների հետ հարցաշարերի քննարկում,

2.2. հանդիպումներ ֆակուլտետում ուսանողների հետ,

3.Մասնակցություն գիտական խորհրդի նիստերին.

3.1. ֆակուլտետի գիտական խորհրդի ուսանող անդամի ընտրություն:

4.Ուսանողների բազմակողմանի զարգացում.

4.1. Հոգեբանական նկարագրի կազմում արվեստի սիրելի գործերի միջոցով. զրույց «Հոգեբանություն» մասնագիտության ուսանողների հետ,

4.2. «Код Да Винчи» վերլուծաբանների տեսակետների ներկայացում, քննարկում,

4.3. «Մեր ազգային մշակույթը» թեմատիկ ինտելեկտուալ խաղ,

4.4. Այց պատկերասրահ:

Հանդիպման վերջում ելույթ ունեցավ մասնաճյուղի տնօրեն Ս. Ա. Առաքելյանը, Ուսանողական խորհրդին մաղթեց անսպառ եռանդ, նպատակասլացություն, նախատեսված ծրագրերի հաջող իրականացում, ուսանողներին կոչ արեց լինել նախաձեռնող, ակտիվորեն մասնակցել այդ ծրագրերին:

Սիրով շնորհավորում ենք…

Շնորհավորում ենք

ԵՊՀ Իջևանի մասնաճյուղը սիրով շնորհավորում է Հեռակա ուսուցման բաժնի վարիչ, բ.գ.թ., դոցենտ Մարատ Զուրաբյանին` ծննդյան տարեդարձի կապակցությամբ, մաղթում քաջառողջություն, երջանկություն, անձնական և մասնագիտական նորանոր ձեռքբերումներով լի, երկար տարիների կյանք: