Երևանի պետական համալսարանի Իջևանի մասնաճյուղ

«ՄասնակցուՄԵՆՔ» սոցիալական ձեռնարկատիրության և ակտիվ քաղաքացիության ծրագիր

 «ՄասնակցուՄԵՆՔ» սոցիալական ձեռնարկատիրության և ակտիվ քաղաքացիության ծրագիր

Ցանկանու՞մ ես իմանալ՝ ինչ է սոցիալական ձեռնարկատիրությունը և ակտիվ քաղաքացիությունը, ապա այս ծրագիրը հենց քեզ համար է։ Ավելին՝ ծրագիրը ստացած գիտելիքները գործնականում կիրառելու նոր հնարավորություն է։

«ՄասնակցուՄԵՆՔ» սոցիալական ձեռնարկատիրության և ակտիվ քաղաքացիության ծրագիրը խրախուսում է երիտասարդների կողմից սոցիալական ձեռնարկատիրությունների ստեղծումը և ակտիվ մասնակցությունը համայնքի կյանքին՝ դասընթացների, մասնագիտական պրակտիկաների և քննարկումների միջոցով։

Ծրագրին կարող են դիմել ՀՀ մարզերում բնակվող 18-ից 28 տարեկան երիտասարդները։ Ծրագրի շրջանակներում ընտրված մասնակիցները հնարավորություն են ունենալու մասնակցելու «Ակտիվ քաղաքացիություն» և «Սոցիալական ձեռնարկատիրություն» դպրոցներին, ինչպես նաև՝ անցնելու 2 շաբաթ տևողությամբ պրակտիկա հասարակական կազմակերպություններում կամ սոցիալական ձեռնարկատիրություններում։

Ստորև կարող ես տեսնել ծրագրի շրջանակներում կազմակերպվող դասընթացների ամսաթվերը՝

  • Ակտիվ քաղաքացիության դպրոց

04.02 – 10.02.2018 /6օր տևողությամբ/ (հետևյալ մարզերի ներկայացուցիչների համար՝ Տավուշ, Գեղարքունիք, Վայոց ձոր, Սյունիք, Արարատ)/ վայր՝ ք.Դիլիջան
18.02 – 24.02.2018 /6օր տևողությամբ/ (հետևյալ մարզերի ներկայացուցիչների համար՝ Լոռի, Շիրակ, Արագածոտն, Կոտայք, Արմավիր) / վայր՝ ք. Վանաձոր

  • Սոցիալական ձեռնարկատիրության դպրոց

04․03 – 09․03.2018 /5օր տևողությամբ/ (հետևյալ մարզերի ներկայացուցիչների համար՝ Տավուշ, Գեղարքունիք, Վայոց ձոր, Սյունիք, Արարատ) / վայր՝ ք.Դիլիջան
18.03 – 23.03.2018 /5օր տևողությամբ/ (հետևյալ մարզերի ներկայացուցիչների համար՝ Լոռի, Շիրակ, Արագածոտն, Կոտայք, Արմավիր) / վայր՝ ք. Վանաձոր

  • 2 շաբաթ տևողությամբ պրակտիկա
  • Երիտասարդական ֆորում

Ծրագրի դիմում-հայտը լրացնելու համար հետևի՛ր հետևյալ հղմանը՝ goo.gl/T4GNs4
Հայտերի ընդունման վերջնաժամկետն է` 28/01/2018։

Ծրագրին մասնակցությունը ամբողջությամբ ԱՆՎՃԱՐ է։
Հարցերի դեպքում կարող եք գրել Աննա Թովմասյանին՝ հետևյալ էլեկտրոնային հասցեով՝ annatovmasyan@apy.am

 


«ՄասնակցուՄԵՆՔ» սոցիալական ձեռնարկատիրության և ակտիվ քաղաքացիության ծրագիրն իրականացվում է «Հայ առաջադեմ երիտասարդություն» ՀԿ-ի կողմից «Դիլիջանի երիտասարդների համագործակցության կենտրոն» ՀԿ-ի և «Կայուն զարգացման և ակտիվ քաղաքացիության ԷկոԼաբ հիմնադրամ»-ի հետ համատեղ։
Ծրագիրը համաֆինանսավորվում է Եվրոպական միության կողմից և իրականացվում է «Աջակցություն Հայաստանի Հանրապետության քաղաքացիական հասարակության կազմակերպությունների կարողությունների հզորացմանը» ԵՄ կողմից ֆինանսավորվող ծրագրի փոքր դրամաշնորհային նախագծի շրջանակներում:

 

Աղբյուրը՝ http://www.apy.am

Կայացավ մասնաճյուղի վարչական աշխատակիցների հետ տնօրենի հանդիպումը  

2018թ. հունվարի 11-ին  ԵՊՀ Իջևանի մասնաճյուղում կայացավ տնօրեն Ս. Ա. Առաքելյանի հանդիպումը բուհի վարչական անձնակազմի ներկայացուցիչների (Ուսումամեթոդական վարչության, Մարդկային ռեսուրսների կառավարման, Մասնագիտական կրթության որակի ապահովման, Հաշվապահության, Գնումների, մատակարարման և պահեստավորման բաժնի աշխատակիցների, գիտքարտուղարի, հասարակայնության հետ կապերի և մամուլի պատասխանատուի) հետ:

Կայացավ մասնաճյուղի վարչական աշխատակիցների հետ տնօրենի հանդիպումը   

Հանդիպման ընթացքում քննարկվեցին բաժինների գործունեությանը, առաջիկա անելիքներին ու ծրագրերին,  աշխատակիցների գործառույթներին,  նրանց աշխատանքի արդյունավետության բարձրացմանը վերաբերող մի շարք հարցեր:

Ուշադրություն դարձվեց պրակտիկաների կազմակերպման և իրականացման խնդրին, որի կապակցությամբ Ուսումնամեթոդական վարչությանը հանձնարարվեց ներկայացնել առաջարկություններ՝ պրակտիկաների հետ կապված աշխատանքների արդյունավետությունը բարձրացնելու համար:

Կայացավ մասնաճյուղի վարչական աշխատակիցների հետ տնօրենի հանդիպումը   

Մարդկային ռեսուրսների կառավարման և վերապատրաստման բաժնի գործառույթների ու խնդիրների հետ կապված՝ ընդգծվեց, որ վերակազմավորված բաժինը պիտի արդյունավետ կերպով զբաղվի ոչ միայն ԵՊՀ ԻՄ-ի աշխատողների աշխատանքի ընդունման և ազատման գործընթացի, նրանց անձնական տվյալների վարման, համապատասխան հրամանների, պայմանագրերի և այլ փաստաթղթերի ձևակերպման, պաշտոնի անձնագրերի, աշխատանքի նկարագրության և աշխատողի պարտականություններն ու իրավասությունը սահմանող իրավական այլ ակտերի նախապատրաստման ու ընդունման աշխատանքներով, այլև կադրային ճիշտ քաղաքականության վարման, մի խոսքով՝ աշխատակազմի հավաքագրման, տեղաբաշխման և գնահատման խնդիրներով:  

Կայացավ մասնաճյուղի վարչական աշխատակիցների հետ տնօրենի հանդիպումը   

Վերհանվեցին նաև մյուս բաժինների գործունեությանը այս կամ այն կերպ խոչընդոտող խնդիրները և  դարձյալ հանձնարարվեց դրանց վերացման ուղղությամբ մշակել և ներկայացնել առաջարկությունների փաթեթ:

 

Մասնաճյուղում դասերը կմեկնարկեն փետրվարի 5-ից

Դասերն սկսվում են

Սիրելի՛ համալսարանականներ, «ԵՊՀ» հիմնադրամի Իջևանի մասնաճյուղի՝ 2017-2018  ուստարվա II կիսամյակի առկա ուսուցման դասերը կսկսվեն 2018թ.  փետրվարի 5-ից, իսկ հեռակա ուսուցման դասերը կմեկնարկեն մարտի 1-ից:

Առկա ուսուցման համակարգի ուսանողների համար քննաշրջանը կտևի հունվարի 8-27-ը:

Լուծարքները կընթանան 2 փուլով. առկա ուսուցման համակարգի ուսանողների համար 1-ին փուլը կանցկացվի փետրվարի 1-17-ը, 2-րդ փուլը՝ փետրվարի 19-28-ը:

Հեռակա ուսուցման համակարգի ուսանողներն իրենց պարտքերը հնարավորություն կունենան մարելու մարտի 1-15-ը (1-ին փուլ) և մարտի 19-30-ը (2-րդ փուլ):

Մաղթում ենք ձեզ հաջող և արդյունավետ ուսումնական գործընթաց:

«ԴԱՍԱՎԱՆԴԻ՛Ր, ՀԱՅԱՍՏԱՆ» ԾՐԱԳԻՐԸ ՀՐԱՎԻՐՈՒՄ Է ՄԱՍՆԱԿԻՑՆԵՐԻ

«Դասավանդի՛ր, Հայաստան» ծրագիրը հրավիրում է մասնակիցների 

«ԴԱՍԱՎԱՆԴԻ՛Ր, ՀԱՅԱՍՏԱՆ» (TEACH FOR ARMENIA) ԾՐԱԳԻՐԸ ՀԱՅՏԱՐԱՐՈՒՄ Է ՄԱՍՆԱԿԻՑՆԵՐԻ ՀԱՎԱՔԱԳՐՄԱՆ ՄԵԿՆԱՐԿԻ ՄԱՍԻՆ:

«Բոլոր այն երիտասարդները, ովքեր տիրապետում են հայերենին եւ ցանկանում են փոխել ոչ միայն իրենց, այլեւ Հայաստանում ապրող երեխաների կյանքը, կարող են դիմել ծրագրին՝ անկախ մասնագիտությունից եւ աշխատանքային փորձից:

Ծրագիրը միտված է բացահայտելու երիտասարդների մասնագիտական եւ առաջնորդական ներուժը՝ միաժամանակ նպաստելով գյուղական համայնքների զարգացմանը», – ասված է կազմակերպության հաղորդագրության մեջ:

Ծրագրին մասնակցելու համար հարկավոր է լրացնել հայտադիմումը www.teachforarmenia.org կայքում:

Ընտրության
չափորոշիչներ

«Դասավանդի՛ր, Հայաստան» ծրագրի շրջանակներում անցկացվող ընտրությանը մասնակցելու համար ապագա մասնակիցը պետք է համապատասխանի հետևյալ պահանջներին.

  • 2018թ․ հուլիս ամսվա դրությամբ ունենա բակալավրի աստիճան,
  • գերազանց տիրապետի հայերենին, ունենա գրավոր և բանավոր հաղորդակցության գերազանց հմտություններ (միայն արևմտահայերենին տիրապետող մասնակիցների համար «Դասավանդի՛ր, Հայաստան»-ը կկազմակերպի արևելահայերենի առցանց դասեր, որոնք մասնակիցը պետք է ավարտի մինչև Ամառային Ինստիտուտի մեկնարկը),
  • ունենա անգլերենի բազային գիտելիք
  • ունենա աշխատանքային թույլտվություն և սոցիալական քարտ (չունենալու դեպքում ձեռք բերել մինչև 2018թ-ի սեպտեմբեր),
  • ստանձնի երկու տարի ժամկետով դասավանդման պարտավորություն՝ սկսած 2018թ-ի հուլիսից մինչև 2020թ-ի հունիսը:
 
 
 

Անձնային
հատկանիշներ

Մենք հավատում ենք, որ հաջողության հասնելու համար մեր մասնակիցները պետք է ունենան հետևյալ հատկանիշները,

  • խորը հավատ առ այն, որ բոլոր երեխաները կարող են հասնել մեծ հաջողությունների և պատրաստակամություն՝ համառորեն դիմակայելու մարտահրավերներին,
  •  առաջնորդության ընդգծված հմտություններ,
  • զգալի ձեռքբերումներ ակադեմիական, մասնագիտական, արտադասարանական ոլորտներում,
  • քննադատական մտածողություն և խնդիրներին համարժեք լուծում տալու ունակություն,
  • փոփոխություններին հարմարվելու ունակություն, սովորելու և աճելու պատրաստակամություն,
  • կազմակերպչական և ժամանակի արդյունավետ կառավարման հմտություններ,
  • անմնացորդ նվիրվածություն Հայաստանին և Հայաստանի բոլոր երեխաների հաջողության նպատակին:
 

Ընտրության գործընթաց

«Դասավանդի՛ր, Հայաստան» ծրագրի ընտրության գործընթացը յուրահատուկ կառուցվածք ունի, որն օգնում է մեզ առանձնացնել այն դիմորդներին, ովքեր օժտված են ծրագրի շրջանակներում հաջողության հասնելու համար պահանջվող բոլոր հատկանիշներով:

 

Առցանց
հայտադիմում

Սա առաջին հնարավորությունն է պատմել մեզ Ձեր մասին: Առցանց դիմումի մեջ հարկավոր է լրացնել Ձեր կոնտակտային տվյալները, տրամադրել տեղեկություններ Ձեր կրթական և արտադասարանային գործունեության, ձեռքբերումների և աշխատանքային փորձի, մեր ծրագրի նկատմամբ հետաքրքրության մասին, ինչպես նաև պատասխանել մի շարք այլ հարցերի։ Դուք կարող եք պահել (save) առցանց դիմումը և շարունակել լրացնել այն ավելի ուշ։ Հաշվի առեք այն հանգամանքը, որ առցանց դիմումը պետք է լրացված լինի ամբողջությամբ մինչև համապատասխան վերջնաժամկետը, որպեսզի մեր մասնագետները կարողանան ընթացք տալ դրա գնահատմանը։

 

Հեռախոսային հարցազրույց

Հեռախոսային հարցազրույցի ընթացքում մենք կգնահատենք Ձեր ունակությունները և համապատասխանելիությունը «Դասավանդի՛ր, Հայաստան» ծրագրին: Մենք նախապես կապ կհաստատենք Ձեզ հետ՝ հնարավորություն տալով ընտրել հարցազրույցի համար առաջարկվող օրերից և ժամերից Ձեզ առավել հարմարը: Նախքան հարցազրույցը վստահ եղեք, որ լիովին պատրաստվել եք։ Հարցազրույցը սովորաբար տևում է 20-30 րոպե։

 

Թեստավորում

Դիմորդները թեստ են անցնելու այն առարկա(ներ)ից, որոնց դասավանդելու համար իրենք դիմել են, ինչպես նաև ունենալու են վերլուծական ընթերցանության թեստ։ Թեստերի օգնությամբ ստուգվելու են տվյալ առարկա(ներ)ի դպրոցական մակարդակի գիտելիքները և հնարավորություն են տալու մեզ գնահատել այդ առարկա(ներ)ը դասավանդելու համար դիմողի կարողությունները։ Թեստի անցկացման վայրի և ժամի մասին մենք նախապես կտեղեկացնենք։

 

Գնահատման
կենտրոն

Գնահատման կենտրոնը մեկ օր տևողությամբ գործընթաց է, որը ներառում է, բայց չի սահմանափակվում հետևյալ փուլերով՝

 
  • բանավեճ
  • խմբային աշխատանք
  • դասընթացի նախագծի օրինակ
  • առարկայական քննություն
  • անհատական հարցազրույց:

Նշում: Արտերկրից դիմող մասնակիցների համար Գնահատման կենտրոնը կանկացվի հեռահար: (Skype-ի և WebEx-ի միջոցով):

 

 

Հաստատվել են գիտական միջոցառումների և երիտասարդ գիտնականների դպրոցների ցանկերը

Հաստավել են գիտական միջոցառումների և երիտասարդ գիտնականների դպրոցների ցանկերը

ՀՀ ԿԳՆ գիտության պետական կոմիտեի նախագահի 2017 թ. դեկտեմբերի 25-ի N 53-Ա հրամանով հաստատվել են ՀՀ 2018 թ. պետական բյուջեից ֆինանսավորման երաշխավորված գիտական միջոցառումների և երիտասարդ գիտնականների դպրոցների ցանկերը:

2018 թ. Գիտության պետական կոմիտեի կողմից ֆինանսավորման երաշխավորված գիտական միջոցառումների ցանկ
http://scs.am/files/gitakan-mijocarumner-2018.pdf

2018 թ. Գիտության պետական կոմիտեի կողմից ֆինանսավորման երաշխավորված երիտասարդ գիտնականների դպրոցների ցանկ
http://scs.am/files/yerit-gitn-dprocner-2018.pdf

ՀՀ ԿԳՆ գիտության պետական կոմիտեի տեղեկատվության և
հասարակայնության հետ կապերի բաժին
210 140 (109)