2019թ. ապրիլի 4-ին՝ ժամը 14:00-ին, ԵՊՀ ԻՄ-ի մարզադահլիճում տեղի կունենա բադմինթոնի բաց առաջնություն:
Մասնակցելու համար մինչև ապրիլի 2-ը կարող եք դիմել Արտակարգ իրավիճակների, մարմնակրթության և սպորտի ամբիոն:
2019թ. մարտի 22-ին ԵՊՀ ԻՄ-ի պատվիրակությունը հյուրընկալվեց Վալանսի քաղաքապետարանում: Հանդիպմանը ներկա էին քաղաքապետ Նիկոլա Դարագոնը, փոխքաղաքապետ Ֆ.Դոման, ավագանու անդամներ, հայկական համայնքի բազմաթիվ ներկայացուցիչներ, «Հայկական մշակութային ժառանգության կենտրոն և ընկերներ» կազմակերպության նախագահ Ն.Քեշիշյանը, Հայ բարեգործական ընդհանուր միության Վալանսի մասնաճյուղի նախագահ Կ.Մարգարյանը, հյուրընկալող ընտանիքները:
Պարոն Ն.Դարագոնը ջերմորեն ողջունեց հայկական պատվիրակությանը: Նա խոսեց ֆրանս-հայկական դարավոր բարեկամության, Իջևան-Վալանս համագործակցության, ԵՊՀ ԻՄ-ի և Վալանսի Մաեստրիս համալսարանի ուսանողների փոխանակման ծրագրերի մասին: Քաղաքապետը հույս հայտնեց, որ փոխանակման ծրագիրը կդառնա ավելի արդյունավետ, շնորհակալություն հայտնեց հայ ուսանողների այցը կազմակերպող բոլոր կազմակերպություններին և անհատ բարերարներին:
Այնուհետև ելույթ ունեցավ հայկական պատվիրակության ղեկավար Ա.Մարդանյանը։ Նա շնորհակալություն հայտնեց ջերմ ընդունելության համար և ԵՊՀ ԻՄ-ի տնօրենի կողմից հանձնեց Տավուշի մարզի մասին զբոսաշրջային ուղեցույցը: Տիկին Մարդանյանը նաև ընդգծեց, որ իրենք հպարտ են, որ ԵՊՀ ԻՄ-ի նախկին դասախոս Գոհար Համզյանը հայրենանվեր գործ է կատարում իր հարազատ կրթօջախին օգնելու համար:
Վերջում տեղի ունեցավ հյուրասիրություն:
Մասնաճյուղի ուսանողները Վալանսի քաղաքապետարանից հեռացան գեղեցիկ նվերներով ու ջերմ տպավորություններով:
2019թ. մարտի 22-ին Ֆրանկոֆոնիային նվիրված միջոցառումների շարքը ԵՊՀ Իջևանի մասնաճյուղում մեկնարկեց «Ամենախելացի ֆրանկոֆոնը» թեմայով ինտելեկտուալ խաղով, որը կազմակերպել էր Ֆրանսերեն լեզվի և գրականության ամբիոնը՝ ի դեմս ամբիոնի դասախոսներ Միրա Կարապետյանի և Անահիտ Հովհաննիսյանի:
Ինտելեկտուալ խաղին ներկա էին ԵՊՀ ԻՄ-ի տնօրենի պաշտոնակատար Ա. Վ. Ցուցուլյանը, Հումանիտար գիտությունների ֆակուլտետի դեկանի պաշտոնակատար Կ.Պողոսյանը, փոխդեկան Վ.Աղաբաբյանը, դասախոսներ և ուսանողներ:
Խաղին մասնակցում էին II, III և IV կուրսերի ուսանողներ, ովքեր ֆրանսերենը սովորում են և՛ որպես առաջին, և՛ որպես երկրորդ օտար լեզու:
Մասնակիցները, ըստ Ֆրանսիայի դրոշի գույների, բաժանվեցին երեք՝ Սպիտակ, Կարմիր և Կապույտ թիմերի, և սկսվեց խաղը:
Հարցաշարը պարունակում էր բազմաբնույթ հարցեր Ֆրանսիայի, ֆրանսիական քաղաքակրթության, արվեստի, սպորտի, ֆրանկոֆոնիայի մասին:
Խաղն անցավ մեծ ոգևորությամբ, և ուսանողները ցուցադրեցին իրենց խորը գիտելիքները ֆրանսերենի և ֆրանսիական քաղաքակրթության մասին:
Հաղթեց Սպիտակ թիմը:
Ինտելեկտուալ խաղի ընթացքում հնչեցին նաև ֆրանսիական երաժշտական կատարումներ:
Խաղի վերջում ելույթ ունեցան Ա. Վ. Ցուցուլյանը, Կ.Պողոսյանը և Վ.Աղաբաբյանը՝ շնորհակալություն հայտնելով ուսանողներին նման պատրաստվածության համար:
Պարոն Ցուցուլյանը ողջունեց ուսանողներին և քաջալերեց նմանատիպ միջոցառումների կազմակերպումը, որոնք խթանում են հետաքրքրասիրությունը Ֆրանսիայի և ֆրանսերեն լեզվի նկատմամբ: Նա հույս հայտնեց, որ նմանատիպ միջոցառումները կլինեն շարունակական և խրախուսական պատվոգրեր ու մրցանակներ հանձնեց հաղթող թիմին ու ակտիվ մասնակիցներին:
Միջոցառումը վերածվեց ֆրանսիական մշակույթի մի մեծ տոնի:
2019թ. մարտի 30-ին՝ ժամը 12:05-ին, №39 լսարանում տեղի կունենա Տնտեսագիտության ֆակուլտետի գիտական խորհրդի նիստ՝ հետևյալ օրակարգով.
2018-2019 ուստարվա II կիսամյակում մասնաճյուղում իրականացվում է ԵՊՀ ԻՄ-ի պրոֆեսորադասախոսական կազմի որակավորման բարձրացման կրթագիտական ծրագրով նախատեսված «Անգլերենը ակադեմիական միջավայրում» դասընթացը, որը վարում են ԵՊՀ ԻՄ-ի անգլերեն լեզվի և գրականության ամբիոնի դոցենտ, բ.գ.թ. Նարինե Գասպարյանը և նույն ամբիոնի ասիստենտ Զարուհի Անտոնյանը:
Սույն դասընթացի նպատակն է զարգացնել սովորողների (ունկնդիր դասախոսների) անգլերեն գրավոր և բանավոր խոսքի հմտությունները, հիմք ստեղծել ակադեմիական և գիտական ասպարեզներում հաղորդակցվելու, որը հնարավորություն կտա, ըստ իրադրության, անգլերենով արտահայտվել նախատեսված թեմաների շուրջ և լեզվական նյութի սահմաններում հասկանալ ընթերցած կամ լսած խոսքը:
«Այսօր անգլերեն սովորելու բազմաթիվ պատճառներ կան: Օրինակ՝ անգլերենը միջազգային լեզու է: Աշխարհի 5 ամենամեծ լրատվական կենտրոնների լեզուն անգլերենն է: Անգլերենի իմացությունը թույլ է տալիս սովորել արտասահմանում և բարձրացնել կրթության որակը: Հայաստանի ռազմավարական ծրագրերից է տուրիզմի զարգացումը, սակայն Հայաստանը, փոքր երկիր լինելով, չի կարող զարգացնել տուրիզմը իր լեզվով (հայերենով). դա հնարավոր է իրականացնել միայն անգլերենի միջոցով… ԵՊՀ ԻՄ-ի դասախոսների մեծ մասը չի տերապետում անգլերենին, քանի որ տարածաշրջանում երկար ժամանակ որպես օտար լեզու լայն տարածում է ունեցել ֆրանսերենը: Հաշվի առնելով վերը նշված և բազմաթիվ այլ հանգամանքներ՝ ԵՊՀ ԻՄ-ն իր դասախոսների համար իրականացնում է «Անգլերենը ակադեմիական միջավայրում» որակավորման բարձրացման դասընթացը», – անդրադառնալով դասընթացի նպատակին՝ ընդգծեց Զ.Անտոնյանը:
Դասընթացը միտված է սովորողների հաղորդակցական կարողությունները զարգացնելու 4 հիմնական ուղղություններով (լսել, խոսել, կարդալ, գրել), քանի որ լեզվական գործունեության այս 4 տեսակների համադրությամբ է հնարավոր դառնում բնական լեզվական միջավայրի մոդելի և շփման համար անհրաժեշտ պայմանների ստեղծումը։
Այն նախատեսված է իրականացնել ուսուցման 6 մակարդակներով (A1, A2, B1, B2, C1, C2), որոնց լիարժեք յուրացման արդյունքում սովորողը հնարավորություն կունենա անգլերենով օգտվել մասնագիտական գրականությունից, ընկալել գրավոր և բանավոր գիտական խոսքը, ինչպես նաև հաղորդակցվել մասնագիտական հարցերի շուրջ:
ԵՊՀ ԻՄ-ի դասախոսական կազմը խմբավորվել է ըստ անգլերենի իմացության մակարդակների, և այժմ իրականացվում է անգլերենի A1 մակարդակի ուսուցման դասընթացը, որում ընդգրկված են մասնաճյուղի 29 դասախոսներ:
Այս դասընթացի շրջանակներում դասախոսներին մատուցվում են սկզբնական գիտելիքներ անգլերենի հնչյունաբանությունից, քերականությունից և բառապաշարից: Ընդհանուր առմամբ անգլերենի A1 մակարդակը նպատակաուղղված է ավանդական և ինտենսիվ մեթոդների զուգակցմամբ հիմք դնել սովորողների լսելու, կարդալու, թարգմանելու, պատմելու կարողությունների ձևավորմանը:
Դասընթացի ընդհանուր տևողությունը 10 շաբաթ է (60 ժամ ժամաքանակով) և կավարտվի հունիսի 28-ին՝ քննությամբ (անգլերենի համապատասխան մակարդակի տիրապետման թեստի հանձնում):
Դասախոսները բավականին ակտիվ են դասերի ժամանակ և մեծ հետաքրքրություն են ցուցաբերում դասընթացի նկատմամբ: