Երևանի պետական համալսարանի Իջևանի մասնաճյուղ

ԵՊՀ ԻՄ-ում կայացավ գիտական խորհրդի նիստ

1. գլխավոր

 2019թ. սեպտեմբերի 28-ին «Երևանի պետական համալսարան» հիմնադրամի Իջևանի մասնաճյուղում կայացավ գիտական խորհրդի նիստ՝ Ա. Հ. Մակարյանի նախագահությամբ:

Նիստին Մայր բուհից մասնակցում էր ԵՊՀ բնական և ճշգրիտ մասնագիտությունների գծով պրոռեկտոր Ռաֆայել Բարխուդարյանը:

Գիտխորհրդի նիստում քննարկվեցին ԵՊՀ ԻՄ-ի գիտական խորհրդի՝ 2019-2020 ուստարվա 1-ին կիսամյակի նիստերի ժամանակացույցի և նույն կիսամյակի անվանական կրթաթոշակ ստացող ուսանողների ցուցակի հաստատմանը, ԵՊՀ ԻՄ-ի՝ 2020թ. առկա ուսուցմամբ ընդունելության բակալավրի մասնագիտությունների և կրթական ծրագրերի ցանկին, «Ակունք» գիտական հոդվածների ժողովածուի հետագա գործունեությանը, ԵՊՀ ԻՄ-ի 25-ամյակի հետ կապված միջոցառումների կազմակերպմանը վերաբերող և ընթացիկ հարցեր:

Նիստի ընթացքում հաստատվեցին ԵՊՀ ԻՄ-ի գիտական խորհրդի՝ 2019-2020 ուստարվա 1-ին կիսամյակի նիստերի ժամանակացույցը, 2019-20 ուստարվա 1-ին կիսամյակի անվանական կրթաթոշակ ստացող ուսանողների ցուցակը, մասնաճյուղի՝ 2020թ. առկա ուսուցմամբ ընդունելության բակալավրի մասնագիտությունների և կրթական ծրագրերի ցանկը:

Հնչեցին ԵՊՀ ԻՄ-ում մանկավարժության կամ տնտեսագիտության գծով մագիստրոսական կրթական ծրագիր ունենալու վերաբերյալ առաջարկներ: Ըստ այդմ՝ Մանկավարժության և հոգեբանության ու Ընդհանուր տնտեսագիտության ամբիոններին հանձնարարվեց նշված մագիստրոսական ծրագրերի առաջարկների հայտերը պատրաստել ըստ կրթական ծրագրերի մշակման կարգի:

Գիտական խորհրդի նիստում որոշվեց շարունակել «Ակունք» գիտական հոդվածների ժողովածուի գործունեությանը՝ հստակեցնելով ժողովածուի գիտական ուղղվածությունների շրջանակը, ունենալ անհրաժեշտ հիմքեր՝ առաջիկայում ՀՀ ԲՈԿ-ի ցանկում ընդգրկվելու համար:

ԵՊՀ ԻՄ-ի 25-ամյակի հետ կապված միջոցառումների կազմակերպման վերաբերյալ նշվեց, որ մասնաճյուղում գործում է համապատասխան հանձնախումբ, որը պարբերաբար անցկացնում է նիստեր, արդեն հստակեցվել է միջոցառումների անցկացման ժամանակացույցը, ըստ որի՝ համակարգվում է գործընթացը:

Ընթացիկ հարցերից առաջինի վերաբերյալ նշվեց, որ Նիլոլայ Ալբերտի Ղալթախչյանի և «Երևանի պետական համալսարան» հիմնադրամի միջև 2019թ. հուլիսի 1-ին կնքված պայմանագրի համաձայն՝ Ն.Ղալթախչյանը ստանձնել է ԵՊՀ ԻՄ-ի սոցալապես անապահով ուսանողի նյութական օգնություն (50 հազ. ՀՀ դրամ) ցուցաբերելու պարտավորություն: Գիտխորհրդի նիստում որոշվեց վերոնշյալ ֆինանսական օգնությունը հատկացնել ԵՊՀ ԻՄ-ի հեռակա ուսուցման «Պատմություն» մասնագիտության 5-րդ կուրսի ուսանողուհի Հրածին Սանասարի Ապերյանին:

Երկրորդ ընթացիկ հարցի կապակցությամբ ԵՊՀ ԻՄ-ի գիտական խորհուրդը որոշեց.

  1. Երաշխավորել ԵՊՀ ԻՄ-ի հայոց պատմության և հասարակագիտության ամբիոնի ասիստենտ, քաղաքական գիտությունների թեկնածու Հովսեփ Իսրայելի Մովսեսյանին դոցենտի գիտական կոչում ստանալու համար:
  2. Միջնորդել ԵՊՀ գիտական խորհրդին՝ ԵՊՀ ԻՄ-ի հայոց պատմության և հասարակագիտության ամբիոնի ասիստենտ, քաղաքական գիտությունների թեկնածու Հովսեփ Իսրայելի Մովսեսյանին շնորհել դոցենտի գիտական կոչում և համապատասխան առաջարկով դիմել ՀՀ ԲՈԿ:

Կայացավ Զբոսաշրջության համաշխարհային օրվան նվիրված քննարկում

1. գլխավոր

 2019թ. սեպտեմբերի 28-ին Տուրիզմի կառավարման և մշակութաբանության ամբիոնը Տավուշի տուրիզմի զարգացման և հետազոտության կենտրոնի, «Տավուշի տուրիզմի զարգացման գործակալություն» հասարակական կազմակերպության, Իջևանի տարածաշրջանային քոլեջի հետ համատեղ իրականացրեց քննարկում՝ նվիրված Զբոսաշրջության համաշխարհային օրվան:

Քննարկմանը մասնակցում էին նաև Իջևանի տարածաշրջանային քոլեջի «Զբոսաշրջություն» մասնագիտության 1-ին կուրսի ուսանողները:

Զբոսաշրջության համաշխարհային օրվան նվիրված քննարկման ընթացքում ելույթներով հանդես եկան Տուրիզմի կառավարման և մշակութաբանության ամբիոնի վարիչ Գ.Հովհաննիսյանը («Տավուշի մարզի զբոսաշրջային ռեսուրսները»), «Տավուշի տուրիզմի զարգացման գործակալություն» ՀԿ նախագահ Գ.Ալեքսանյանը («Տավուշի մարզի զբոսաշրջության զարգացման հայեցակարգ»), «Զբոսաշրջություն» մասնագիտության 2-րդ կուրսի ուսանողուհիներ Լաուրա Ուլիխանյանը («Գյուղական զբոսաշրջություն») և Իննա Ենգիբարյանը («Էկոզբոսաշրջություն»):

Նրանք իրենց ելույթներում անդրադարձան աշխարհում զբոսաշրջության զարգացման միտումներին, տարբեր երկրների փորձին, այնուհետև քննարկումը տեղափոխվեց տեղական մակարդակ. անդրադարձ կատարվեց Տավուշի մարզին, մարզում զբոսաշրջության տարբեր տեսակների զարգացմանը, առկա փորձին, հիմնախնդիրներին, լուծման ուղիներին: Քննարկումը բխում  էր Տավուշի զբոսաշրջության զարգացման հայեցակարգից:

Անցկացվեց արդյունավետ քննարկում, և պայմանավորվածություն ձեռք բերվեց հետագայում ևս կազմակերպել նման միջոցառումներ, իրականացնել փորձի փոխանակում:

Համալսարանականների մասնակցությամբ Պառավաքարում իրականացվեց «Պարգևիր ժպիտ երեխաներին» խորագրով միջոցառումը

20190927123055_IMG_3265 2019թ. սեպտեմբերի 27-ին ԵՀԽ հայաստանյան Կլոր սեղան հիմնադրամի «Ձայն խաղաղությանը» ծրագրի շրջանակներում ԵՊՀ ԻՄ-ի արտաքին կապերի բաժնի աշխատակից, շրջանավարտների և արտաքին շահակիցների հետ տարվող աշխատանքների համակարգող Էրինե Ղարայանը սահմանամերձ Պառավաքարում իրականացրեց «Պարգևիր ժպիտ երեխաներին» խորագրով փոքր դրամաշնորհային ծրագիր, որի նպատակն էր Պառավաքարի մանկապարտեզի սաների համար միջոցառում անցկացնելը:

Միջոցառմանը ներկա էր  ԵՀԽ հայաստանյան Կլոր սեղան հիմնադրամի ծրագրերի համակարգող Հարություն Կարապետյանը:

«Պարգևիր ժպիտ երեխաներին» միջոցառման ընթացքում գեղեցիկ կատարումներով հանդես եկան ԵՊՀ ԻՄ-ի ուսանողուհիներ Լիանա և Դիանա Յարալյանները, Կիրառական արվեստի ֆակուլտետի առաջին և երրորդ կուրսի ուսանողները նկարեցին նկարներ, Տնտեսագիտության ֆակուլտետի ուսանող Սևադա Ղազարյանը երեխաներին բացատրեց բասկետբոլի կանոնները, 3 մուլտհերոսները և խաղավարը երեխաների համար կազմակերպեցին հետաքրքիր խաղեր:

Դրամաշնորհային ծրագրի շրջանակներում երեխաները ստացան նվերներ (քաղցրավենիք, բասկետբոլի մանկական հավաքածու, գրենական պիտույքներ, հեքիաթների և հանելուկների ժողովածուներ):

Վերջում ելույթ ունեցավ մանկապարտեզի տնօրենը՝ խորին շնորհակալություն հայտնելով միջոցառման կազմակերպիչներին՝ ԵՀԽ հայաստանյան Կլոր սեղան հիմնադրամի և ԵՊՀ Իջևանի մասնաճյուղի ներկայացուցիչներին:

 

«Զբոսաշրջությունն արդի մասնագիտություն. կրթություն և աշխատատեղ» խորագրով հանդիպման հրավեր

 Եվրոպական համալսարանը սիրով հրավիրում է մասնակցելու 2019թ. հոկտեմբերի 11-ին՝ ժամը 13:00-ին, Եվրոպական համալսարանում կայանալիք «Զբոսաշրջությունն արդի մասնագիտություն. կրթություն և աշխատատեղ» խորագրով հանդիպմանը՝ ոլորտի կրթական և գործարար հատվածների ներկայացուցիչների միջև, Զբոսաշրջության պետական կոմիտեի մասնակցությամբ:

Հանդիպման ընթացքում կդիտարկվի զբոսաշրջության և հյուրընկալման ոլորտի կրթության արդիականության և աշխատաշուկայի պահանջների հիմնախնդիրը: Տեղի կունենան ելույթներ, մտքերի փոխանակում, ոլորտում ձևավորված իրավիճակի քննարկում:

Օրակարգով նախատեսված հարցերն են՝

  1. ՀՀ զբոսաշրջության և հյուրընկալման ոլորտում առկա աշխատատեղերը և գործատուների կողմից ներկայացվող հիմնական պահանջները:
  2. Բուհերում տրվող զբոսաշրջային կրթության առավելությունները և թերությունները. «բուհ – աշխատաշուկա» կապի ներկայիս վիճակը:
  3. Ուսանողների պրակտիկայի կազմակերպման առավել արդյունավետ ձևաչափերը ՀՀ պայմաններում:
  4. Ոլորտի համար պատրաստվող երիտասարդ կադրերի խրախուսումը՝ ստացված բարձրագույն կրթությանը համարժեք աշխատանքի տեղավորվելու հարցում:

Մասնակցելու համար անհրաժեշտ է լրացնել մասնակցության հայտաթերթը և մինչև 02.10.2019  ուղարկել  gor_manasyan@mail.ru  էլեկտրոնային փոստի հասցեին:

Եվրոպական համալսարան, Զբոսաշրջության և սպասարկման ամբիոն

Հասցե՝ Երևան, Դավիթ Անհաղթ, 10

 Հեռ.՝ + 374 99 114359