Երևանի պետական համալսարանի Իջևանի մասնաճյուղ

Monthly Archives: March 2021

«Նեոպանթյուրքիզմը Թուրքիայի արտաքին քաղաքականության համատեքստում» թեմայով առցանց քննարկման հրավեր

Հայտ. նկ.

Հարգելի´ համալսարանականներ, 2021թ. ապրիլի 2-ին՝ ժամը 18:00-ին, ԵՊՀ ԻՄ-ի կրթական բարեփոխումների և դասախոսների վերապատրաստման բաժինը կազմակերպում է «Նեոպանթյուրքիզմը Թուրքիայի արտաքին քաղաքականության համատեքստում» թեմայով առցանց հանդիպում-քննարկումը:

 

Հանդիպումը կվարի Հայոց պատմության և հասարակագիտության ամբիոնի դոցենտ, պ.գ.թ. Նելլի Մինասյանը:

 

Քննարկման ընթացքում կներկայացվեն պանթյուրքիզմի գաղափարախոսության առաջացումը, նորովի մեկնությունը՝ նեոպանթյուրքիզմը, նրա նպատակները և դերը Թուրքիայի արդի արտաքին քաղաքականության համատեքստում:

 

Հանդիպմանը մասնակցելու համար կարող եք գրանցվել հետևյալ հղումով՝ https://forms.gle/xVmMVd7SunZJVHcf9:

Սիրով շնորհավորում ենք…

Շնորհավորանքի նկար

ԵՊՀ Իջևանի մասնաճյուղի ղեկավարության և անձնակազմի անունից սիրով շնորհավորում ենք Հայոց պատմության և հասարակագիտության ամբիոնի դասախոս Գագիկ Շուրիկի Գյոզալյանին՝ ծննդյան 70-ամյակի կապակցությամբ, մաղթում ենք քաջառողջություն, երջանկություն, անսպառ եռանդ, շարունակական վերելքներով լի երկար տարիների բովանդակալից կյանք:

Տեղեկատվական հանդիպում ԱՄՆ դեսպանատան կողմից ընձեռվող դրամաշնորհային հնարավորությունների մասին

White American Flag Photo Sale Promo Fourth of July Facebook Post

Հայաստանում ԱՄՆ դեսպանատունը սիրով հրավիրում է տեղական ՀԿ-ներին, ԶԼՄ-ների ներկայացուցիչներին և ԱՄՆ կառավարության փոխանակման ծրագրերի շրջանավարտներին ներկա գտնվել վերջերս ԱՄՆ դեսպանատան կողմից հայտարարված Ժողովրդավարության հանձնաժողովի, ԱՄՆ շրջանավարտների, ինչպես նաև Շրջանավարտների ներգրավման նորարարական հիմնադրամի  դրամաշնորհային ծրագրերի վերաբերյալ տեղեկատվական հանդիպմանը, որը տեղի կունենա 2021թ. մարտի 24-ին՝ ժամը 11:00-ին, Իջևանի Ամերիկյան դասընթացների կենտրոնում (հասցե՝ Ուսանողական 3, ք. Իջևան, Տավուշ):

 

Հիշյալ ծրագրերի մանրամասներին կարող եք ծանոթանալ դեսպանատան կայքում:

 

Գրանցման հղումը՝ այստեղ:

 

Announcement

 

Presentation on the U.S. Embassy Yerevan grant opportunities

 

The U.S. Embassy cordially invites local NGO, media representatives, and USG exchange program alumni to attend a presentation on the recently announced Democracy Commission, U.S. Alumni Outreach and Alumni Engagement Innovation Fund Grant Programs.

 

Where: American Library and Training Center in Ijevan (Address։ Usanoghakan 3, Ijevan) When: March 24, 11:00

 

For more information about the grant opportunities please visit: http://www.usa.am/cms/announcements.php

Առողջության ապահովագրության շրջանակներում ԵՊՀ ԻՄ-ի աշխատակիցները կարող են օգտվել մի շարք անվճար բժշկական ծառայություններից

Առողջութ. ապահովագր. նորութ. նկար

«Երևանի պետական համալսարան» հիմնադրամի Իջևանի մասնաճյուղի (ի դեմս տնօրենի պաշտոնակատար Անուշավան Մակարյանի) և «Նաիրի ինշուրանս» ապահովագրական ընկերության (ի դեմս տնօրեն Մանե Մարտիրոսյանի) միջև 2021թ. մարտի 11-ին կնքված պայմանագրի համաձայն՝ ԵՊՀ ԻՄ–ի հիմնական աշխատակիցները կարող են օգտվել առողջության ապահովագրությունից: 

Պայմանագիրը գործում է մինչև 2021թ. դեկտեմբերի 30-ը, և այդ ժամանակահատվածում մասնաճյուղի աշխատակիցները կարող են օգտվել մի շարք անվճար բժշկական ծառայություններից: 

Նախօրոք զանգահարելով «Նաիրի ինշուրանս» ընկերություն (հեռ. 098 277 277, 098 277 288, 060 50 00 60)՝ ընկերության աշխատակցի կողմից նրանք կստանան անհրաժեշտ ուղղորդում, թե որ բուժհաստատություն կարելի է դիմել համապատասխան բժշկական ծառայությունից օգտվելու համար: Որոշ ծառայությունների իրականացումը կհամակարգվի ԵՊՀ ԻՄ-ի տնօրենության կողմից, որոնց մասին աշխատակիցները կտեղեկացվեն առանձին:

Պայմանագրով նախատեսված են հետևյալ բժշկական ծառայությունները.

  1. Տարեկան պարտադիր հետազոտություններ՝մասնաճյուղի կողմից ընտրված բժշկական հաստատությունում մեկանգամյա ֆլյուրոգրաֆիա և թերապևտիկ զննում:
  2. Տարեկան կանխարգելիչ հետազոտություն՝մասնաճյուղի կողմից ընտրված բժշկական հաստատությունում (առնվազն 4 բժշկական կենտրոններում)՝
  • PAP թեստ 35-ից բարձր տարիքի կանանց համար,
  • Կրծքագեղձի ուլտրաձայնային հետազոտություն, բժշկի նշանակման դեպքում մամոգրաֆիական հետազոտություն 35-ից բարձր տարիքի կանանց համար,
  • PSA թեստ 45-ից բարձր տարիքի տղամարդկանց համար,
  • Որովայնի խոռոչի, փոքր կոնքի օրգանների և վահանաձև գեղձի ուլտրաձայնային հետազոտություն,
  • Էլեկտրասրտագրություն (ԷՍԳ),
  • Տեսողության ստուգում,
  • Արյան ընդհանուր քննություն լեյկոբանաձևով,
  • Կանանց համար գինեկոլոգի խորհրդատվություն կամ տղամարդկանց համար ուռոլոգի խորհրդատվություն:
  1. Շտապ և անհետաձգելի բուժօգնություն.
  • Շտապօգնության խմբի այց, այդ թվում՝ մասնագիտացված,
  • Անհետաձգելի ախտորոշիչ-բուժական միջոցառումների իրականացում,
  • Անհետաձգելի բուժման դեղորայքի ապահովում:
  1. Ամբուլատոր բուժօգնություն.
  • Թերապևտի և նեղ-մասնագետների խորհրդատվություն, բուժման նշանակում,
  • Թերապևտիկ և վիրաբուժական հիվանդությունների բուժում ամբուլատոր պայմաններում,
  • Լաբորատոր ախտորոշում՝ ըստ բժշկի նշանակման,
  • Գործիքային ախտորոշում՝ ըստ բժշկի նշանակման:
  1. Ստացիոնար բժշկական օգնություն.
  • Դժբախտ պատահարների հետևանքով հոսպիտալացում և բուժում,
  • Թերապևտիկ և վիրաբուժական հիվանդությունների բուժում,
  • Ստացիոնար պայմաններում բուժում պահանջող հիվանդությունների բուժում (այրվածք, վնասվածք, թունավորու մ և այլն),
  • Ինտենսիվ թերապիա և ռեանիմացիոն միջոցառումներ պահանջող անհետաձգելի վիճակների բուժում,
  • Լաբորատոր և գործիքային ախտորոշիչ հետազոտությունների իրականացում: Անգիոգրաֆիկ հետազոտությունները, այդ թվում` կորոնարոգրաֆիա հետազոտության, հատուցում նույնիսկ այն դեպքում, երբ այդ հետազոտությանը չի հաջորդում ծրագրով նախատեսված վիրահատական միջամտություն,
  • Վիրահատությունների ժամանակ կիրառվող մետաղական կոնստրուկցիաների հատուցում,
  • Սրտանոթային վիրահատություններ և միջամտություններ,
  • Անոթային և նյարդավիրաբուժական վիրահատություններ և միջամտություններ,
  • Չարորակ ուռուցքային հիվանդությունների վիրահատական բուժում,
  • Անհատական հիվանդասենյակի արժեքի հատուցում օրական 10,000 (տասը հազար) ՀՀ դրամ՝ անկախ օրերի քանակից:
  1. Քրոնիկ հիվանդությունների բուժում.
  • Ամբուլատոր բուժում պահանջող յուրաքանչյուր քրոնիկ հիվանդության սրացման անսահմանափակ քանակի բուժում,
  • Ստացիոնար բուժում պահանջող յուրաքանչյուր քրոնիկ հիվանդության սրացման սահմանակ բուժում,
  • Պլանային բուժում պահանջող հիվանդությունների վիրաբուժություն և/կամ միջամտություն:
  1. Հղիության հսկողություն:
  2. Ակնաբուժություն.
  • Ախտորոշում,
  • Աչքի տարատեսակ վնասվածքների և հիվանդությունների բուժում թերապևտիկ և վիրաբուժական եղանակներով:
  1. Դեղորայք.
  • Նշանակված ղեղորայքի ձեռքբերման ծախսերի հատուցում,
  • Համագործակցող դեղատներից նշանակված դեղորայքը անվճար/ուղեգրով ձեռք բերելու հնարավորություն:
  1. Պլանային վիրաբուժություն՝ պլանային բուժում պահանջող հիվանդությունների վիրաբուժություն և/կամ միջամտություն:

Պայմանագրի ներքո կարող են ապահովագրվել միայն ԵՊՀ ԻՄ-ի հիմնական աշխատողները և պայմանագրով ապահովագրված աշխատողների ընտանիքի անմիջական անդամները` մինչև 65 տարեկան ամուսին/կին, մինչև 18 տարեկան զավակ: Ընտանիքի անդամների համար, ըստ տարիքային խմբերի (0-17, 18-40, 41-65), սահմանված են ապահովագրավճարներ:

Յուրաքանչյուր ապահովագրված անձի համար որպես ապահովագրական գումար է սահմանվում 6,000,000 (վեց միլիոն) ՀՀ դրամը:

Ոչ պայմանական չփոխհատուցվող գումար չի կիրառվում:

Ապահովագրված անձ-աշխատողների նկատմամբ տարիքային սահմանափակում չի կիրառվում:

Ապահովագրությունը գործում է Հայաստանի Հանրապետության և Լեռնային Ղարաբաղի Հանրապետության տարածքում:

Նշանակված դեղորայքը կամ ախտորոշիչ հետազոտությունները հատուցվում են միայն այն հիվանդությունների կապակցությամբ, որոնք ներառված են ծրագրում:

Այլ մանրամասներ կարող եք ձեռք բերել «Նաիրի ինշուրանս» ընկերության աշխատակիցներից:

12345

Հայտարարություն

Նորություններ