2017թ. փետրվարի 22-ին՝ ժամը 12:00-ին, Տնտեսագիտության ֆակուլտետի օնլայն լսարանում տեղի կունենա ավարտական կուրսերի ուսանողների և Զբաղվածության պետական գործակալության տարածքային ստորաբաժանման աշխատակցուհի Անահիտ Ալիխանյանի հետ հանդիպում, որին կարող են մասնակցել ԵՊՀ ԻՄ-ի բոլոր ուսանողները:
Այն կազմակերպել է ԵՊՀ ԻՄ-ի շրջանավարտների և կարիերայի կենտրոնը՝ կարևորելով մասնաճյուղի շրջանավարտների՝ աշխատաշուկայում ուղղորդված գործելու դերը:
Հանդիպման ընթացքում կքննարկվեն Զբաղվածության պետական գործակալության գործառույթները, զբաղվածության պետական ծրագրերը, աշխատանքի տոնավաճառի կազմակերպման և մասնակցության կարգը:
