ԵՊՀ Իջևանի մասնաճյուղը լրացուցիչ զեղչ կտրամադրի 2016թ. Ապրիլյան պատերազմի մասնակիցներին

kfdjghdfjhgjrfgt

«Երևանի պետական համալսարանի Իջևանի մասնաճյուղի ուսանողական նպաստների, պետական և ներբուհական կրթաթոշակների հատկացման կանոնակարգ»-ի համաձայն՝ նախորդ ուսումնական տարիների ընթացքում 2016թ. Ապրիլյան պատերազմի ժամանակ մարտական հերթապահություն իրականացրած և ՄՈԳ-ի համապատասխան շեմ ապահոված (բակալավր՝ 10 միավոր) ուսանողների վարձը զեղչվում էր 30%-ով, իսկ Հայաստանի երիտասարդական հիմնադրամը տրամադրում էր ուսումնական վարձի մասնակի փոխհատուցում՝ 20%-ի չափով:
Հիմք ընդունելով Երևանի պետական համալսարանի համապատասխան որոշումը՝ ԵՊՀ Իջևանի մասնաճյուղն այսուհետև Ապրիլյան պատերազմի ընթացքում մարտական հերթապահություն իրականացրած այն ուսանողներին, որոնց ՄՈԳ-ը համապատասխանում է սահմանված շեմին (բակալավր՝ 10 միավոր), 30%-ից բացի կտրամադրի նաև  լրացուցիչ 20% զեղչ, որը նախկինում տրամադրվում էր ՀԵՀ-ի կողմից:

 

Ի գիտություն ԵՊՀ ԻՄ-ի բոլոր շրջանավարտների

sdfsrgeryrtyrtutyu

 ԵՊՀ Իջևանի մասնաճյուղի սիրելի՛ շրջանավարտներ, 2019 թվականը մասնաճյուղի համար լինելու է հոբելյանական տարի. կլրանա մեր բուհի հիմնադրման 25-ամյակը (ՀՀ կառավարության՝ 1994թ. սեպտեմբերի 19-ի թիվ 440 որոշմամբ՝ Իջևանի տարածաշրջանային քոլեջը վերակազմավորվել է որպես Երևանի պետական համալսարանի Իջևանի մասնաճյուղ):
Այդ կապակցությամբ ԵՊՀ Իջևանի մասնաճյուղը պատրաստվում է իր բոլոր շրջանավարտներին հավաքել մեկ տանիքի տակ. ԵՊՀ ԻՄ-ի ղեկավարությունը նախատեսում է հոբելյանական միջոցառումների շարք՝ ակնկալելով ձեր ակտիվ համագործակցությունը:
Այդ նպատակով մասնաճյուղի բոլոր շրջանավարտներին խնդրում ենք մեզ հետ կապ հաստատել հետևյալ էլեկտրոնային հասցեի (shrjanavartysuib@gmail.com) միջոցով, թողնել կոնտակտային տվյալներ՝ միջոցառումներին ներկա գտնվելու և մասնակցելու համար:

Կայացավ «Նախագծերի կառավարում» թեմայով ներածական դասընթացը

2018թ. հոկտեմբերի 25-ին ԵՊՀ Իջևանի մասնաճյուղում կայացավ «Նախագծերի կառավարում» թեմայով ներածական դասընթացը, որը վարեց տնտեսագիտության թեկնածու (2008թ․), կառավարման որակավորված խորհրդատու, CMCE (2013թ․), Project Management Professional (2016թ․), վեց սիգմա դեղին գոտի (2016թ․), Papka.am պորտալի հիմնադիր Դավիթ Իսկանդարյանը:

1.DSCN4237

Դասընթացին մասնակցում էին ԵՊՀ Իջևանի մասնաճյուղի 2 աշխատակիցներ և 40-ից ավելի ուսանողներ:

2.DSCN4230

«Նախագծերի կառավարում» ներածական դասընթացի ժամանակ ներկայացվեց, թե ինչ է նախագիծը, որոնք են դրա տեսակները, ինչպես պետք է նախագծել, որպեսզի տվյալ նախագիծն ընդունելի լինի հաճախորդի կողմից:

Ցուցադրվեցին նախագծերի և արդյունքների վերաբերյալ լուսանկարներ, որոնցում սկզբում ներկայացված էին, թե ինչպես բացատրեց իր պահանջը հաճախորդը և վերջում, թե ինչ էր ուզում ստանալ հաճախորդը:  

3.DSCN4245

Դասընթացավար Դավիթ Իսկանդարյանը, նշելով, որ նախագծերում լինում են ինչպես հաջողություններ, այնպես էլ ձախողումներ, ներկայացրեց նախագծերի կառավարման մեթոդները: Նա շեշտեց, որ նախագծերի կառավարումը կանխատեսում և կանխարգելում է, ոչ թե գիտակցում և արձագանքում:

4.DSCN4238

Այնուհետև դասընթացավարը ներկայացրեց նախագծերի կառավարման հիմնական ոլորտները.

  • Ծավալների կառավարում / Scope Management
  • Ծախսերի կառավարում / Cost Management
  • Որակի կառավարում / Quality Management
  • Ռիսկերի կառավարում / Risk Management
  • Ժամանակի կառավարում / Time Management
  • Մարդկային ռեսուրսների կառավարում / Human Resources Management
  • Հաղորդակցությունների կառավարում / Communications Management
  • Գնումների կառավարում / Procurement Management
  • Ինտեգրացիայի կառավարում / Integration Management
  • Շահառուների կառավարում / Stakeholders Management:

Յուրաքանչյուր ոլորտի համար տրվեց համապատասխան սահմանում, բերվեցին օրինակներ:

«Նախագծերի կառավարում» ներածական դասընթացն անցավ ակտիվ քննարկման մթնոլորտում:

5.DSCN4225

Ուսանողների հավանությանն արժանացավ և՛ դասընթացի թեման, և՛ դրա անցկացման ձևը:

Դասընթացի վերջում մասնակիցները ստացան հավաստագրեր:

IMG_9380-29-10-18-11-23

Մասնակցության հավաստագրերի հանձնման լուսանկարներից տե՛ս այստեղ:

«Փրկության հրեշտակ» Մարիա Յակոբսենի ծննդյան 136-ամյակին ընդառաջ

Արդեն երկու տասնամյակից ավելի ԵՊՀ Իջևանի մասնաճյուղի բակում է գտնվում Հայաստանում Մարիա Յակոբսենին՝ Հայոց ցեղասպանությունից 110.000 հայ որբերին փրկած դանիացի միսիոներուհուն նվիրված միակ հուշարձանը, որի հեղինակն է Արա Շիրազը (նախկինում Մարիա Յակոբսենի անունով էր կոչվում նույն վայրում գտնվող մանկապարտեզը):

1jfhfgfgfggf

2016թ. ապրիլի 23-ին՝ Մարիա Յակոբսենի մահվան 55-րդ տարելիցի և Հայոց ցեղասպանության 100-րդ տարելիցի եզրափակմանն ընդառաջ, ԵՊՀ Իջևանի մասնաճյուղում կազմակերպվել էր Մարիա Յակոբսենին նվիրված հանդիսավոր միջոցառում, որը նախաձեռնել և կազմակերպել էին Դանիայի Թագավորության հյուպատոսությունը Հայաստանում, Հայոց ցեղասպանության թանգարանը, Հայ Առաքելական Սուրբ Եկեղեցու Տավուշի թեմը, Դանիական-հայկական բարեգործական առաքելությունը, ԵՊՀ Իջևանի մասնաճյուղը:

2sdfgdsgedryrty

Այս տարի՝ 2018թ. նոյեմբերի 6-ին, լրանում է Մարիա Յակոբսենի (1882-1960)  ծննդյան 136-ամյակը: Մարիա Յակոբսենը  Օսմանյան կայսրության տարածքում 1890-ականներին իրագործված համիդյան ջարդերի մասին տեղեկանում է պատանի տարիքում, ինչից հետո բուժքույրության դասընթացներ ավարտելով՝ համալրում «Կանանց առաքելության աշխատողներ» (Kvindelige Missions Arbejdere (KMA)) կազմակերպության շարքերը և ուղևորվում Թուրքիա։ Նա առաջինն էր գթության քույրերից, ով հասավ Խարբերդ. դա համընկավ իր 24-ամյակի հետ։ Դեռ նոր էր անցել գործի, երբ տեղի բժիշկները նրան արդեն անվանում էին «փրկության հրեշտակ»։ Թեև նրա համար ծանր էր բարձրադիր վայրերում աշխատելն ու երկար ճանապարհ կտրելը, դա ոչինչ էր 1915-ին սկսվածի համեմատ։

3sdgedrgtrry

Ցեղասպանության ալիքը հազարավոր երեխաների բերեց նրա մոտ։ Նա միանձնյա ստանձնեց հիվանդանոցում տեղավորված հազարավոր որբերի խնամքը, երբ պատերազմին Միացյալ Նահանգների ներգարվման հետևանքով ամերիկյան անձնակազմն ստիպված եղավ լքել կայսրության տարածքը: Ինչ-որ մի պահի Յակոբսենը կերակուր էր տալիս օրական 4500 երեխայի։ Չափազանց դժվար է կարդալ այդ օրերի մասին նրա հուշերը. «Ես կարծում էի՝ այլևս երբեք չեմ ժպտա»,- գրում է Մարիան՝ պատմելով տեղի պակասի պատճառով մի տղայի մերժելու մասին, որին հետո գտան սովից մեռած։ «Սիրտս կտոր-կտոր էր եղել»,- պատմում է նա՝ նկարագրելով մի դեպք, երբ ոստիկանները, որոնք նաև մասնակցում էին հայերի հետապնդումներին, իր դուռն են բերում պատառոտված ոտքերով ու մերկ մի փոքրիկ աղջնակի։ Տեղեկանալով, որ Մերձավոր Արևելքի Նպաստամատույցը (Near East Relief) ձեռնարկել է 110.000 երեխաների Թուրքիայից տարհանելու գործը՝ Մարիան, վտանգը մի կողմ թողած, շտապ վերադառնում է Մերձավոր Արևելք և սկսում զբաղվել որբահավաքությամբ։ Թուրքիա մուտքի արտոնագիր չստանալով՝ նա ուղևորվում է Լիբանան և շուտով հիմնում հետագայում մոտ 200 հայ երեխա պատսպարած «Թռչնոց բույն» որբանոցը. Մարիայից մշտապես քաղցրավենիք խնդրող երեխաները նրան հիշեցնում են ձվից նոր դուրս եկած քաղցած թռչնակների։

4sdfedsrgteyrrtgh

«Թռչնոց բույնն» ավելի շատ դպրոց էր, քան որբանոց, անթերի մաքուր էր ու կարգապահ, երեխաները դաս էին սովորում, իսկ աղջիկները՝ նաև հմտանում ասեղնագործության նրբություններում։ Զարմանալի է, բայց հաստատությունը գործել է նաև Երկրորդ համաշխարհային պատերազմի տարիներին: 1950թ. Յակոբսենը դարձավ առաջին կինը, ով մարդասիրական աշխատանքի համար պարգևատրեց Դանիայի թագավորության ոսկե մեդալով։ Մարիան վերջին անգամ հայրենիք է այցելել 1957 թ., իսկ մահացել է 1960 թ., «Թռչնոց բույն» որբանոցում։ Իր ցանկությամբ՝ աճյունն ամփոփվել է որբանոցի բակում (մանրամասն տե՛ս https://auroraprize.com/hy/stories/detail/regular/5986/-):

CREATOR: gd-jpeg v1.0 (using IJG JPEG v62), quality = 100