Կայացավ «Համատեղի՛ր ուսումդ աշխատանքի հետ» խորագրով դաս-քննարկում

1. գլխավոր

 2019թ. նոյեմբերի 13-ին ԵՊՀ Իջևանի մասնաճյուղ այցելեցին «Ռոսգոսստրախ Արմենիա» ԱՓԲԸ Իջևանի մասնաճյուղի ներկայացուցիչները՝ մասնաճյուղի տնօրեն Գրիգոր Թամրազյանը, Անձնակազմի հավաքագրման բաժնի ղեկավար Լուսինե Գևորգյանը, վաճառքների մարզային պատասխանատուներ Դավիթ Ջավախյանը և Հովհաննես Գասպարյանը:

Այցելության նպատակն էր ԵՊՀ ԻՄ-ի ուսանողների համար «Համատեղի՛ր ուսումդ աշխատանքի հետ» խորագրով դաս-քննարկում անցկացնելը:

Քննարկմանը մասնակցում էին ԵՊՀ ԻՄ-ի ուսանողներ, շրջանավարտներ և աշխատակիցեր:

«Ռոսգոսստրախ Արմենիա» ԱՓԲԸ գործունեությունը մարզերում ընդլայնելու ծրագրի շրջանակներում ընկերության ներկայացուցիչները ուսանողներին ծանոթացրին իրենց կողմից առաջարկվող հնարավորություններին, թե ինչպես սովորելուն զուգընթաց աշխատանքային փորձ, համապատասխան գիտելիքներ ձեռք բերել և գումար վաստակել:

Դաս-քննարկման ընթացքում ուսանողներին մասնավորապես ներկայացվեցին ընկերության պատմությունը, առաքելությունը, այժմյան գործունեությունը, երիտասարդական նախագծերը («ՌՈՍԳՈՍՍՏՐԱԽ» անվանական կրթաթոշակ, մրցույթ ուսանողների համար, վարպետաց դասեր, ուսումնական պրակտիկա և ստաժավորում, «Ապագայի գործակալ» նախագիծը):

Ուսանողներին ծանոթացրին ապահովագրական խորհրդատուի գործառույթներին, ներկայացրին կարիերայի աճի հնարավորությունները (գրասենյակային վաճառքի մենեջեր, գործակալական խմբի ղեկավար, մասնաճյուղի տնօրեն, Վաճառքի ստորաբաժանման ղեկավար, այլ հաստիքներ), մարզում իրենց կողմից առաջարկվող թափուր հաստիքները (գործակալական խմբի համակարգող /Նոյեմբերյան, Բերդ/, վթարային մասնագետ /Նոյեմբերյան/, ապահովագրական խորհրդատու /Իջևան, Նոյեմբերյան, Բերդ, Դիլիջան/):

Այնուհետև քննարկման մասնակիցներն ընկերության ներկայացուցիչներից ստացան իրենց հետաքրքրող հարցերի պատասխանները, ուսանողները լրացրին ապահովագրական խորհրդատուի հարցաթերթ:

ՈՒԳԸ-ն հայտարարում է թիմային բանավեճի մրցույթ՝ նվիրված ԵՊՀ ԻՄ-ի հիմնադրման 25-ամյակին

Կամ նկար 2-րդը 

 ԵՊՀ Իջևանի մասնաճյուղի հիմնադրման 25-ամյակին ընդառաջ Ուսանողական գիտական ընկերությունը հայտարարում է թիմային բանավեճի մրցույթ, որը տեղի կունենա 2019թ.  նոյեմբերդեկտեմբեր ամիսներին:

Մասնակցության համար անհրաժեշտ է մինչև 2019թ. հոկտեմբերի 25-ը ներառյալ լրացնել առցանց հայտադիմումը:

Թիմերը պետք է կազմված լինեն ԵՊՀ ԻՄ-ի առկա և հեռակա ուսուցման համակարգերում սովորող 5-ական ուսանողներից: Թիմերի կազմավորումն ազատ է. թիմը կարող է ձևավորվել ինչպես նույն կուրսի, այնպես էլ տարբեր ֆակուլտետների ու մասնագիտությունների ուսանողներից:

Բանավեճի առաջնությունը, կախված գրանցված թիմերի քանակից, կկայանա մի քանի խաղերով:

Թիմերի գրանցումից հետո մասնակիցների և դատավորների համար տեղի կունենա սեմինար, որի ընթացքում ուսանողները կծանոթանան բանավեճի ձևաչափին, կանոններին, իսկ դատավորները՝ թիմերի գնահատման կարգին:

Հարցերի դեպքում կարող եք գրել հաղորդագրություն ԵՊՀ ԻՄ-ի ՈՒԳԸ ֆեյսբուքյան էջին և էլեկտրոնային փոստին (sssysuib@gmail.com)  կամ զանգահարել 094 16 13 93 հեռախոսահամարով:

«Աղետների ռիսկի կառավարման արդիական հարցեր» խորագրով միջազգային գիտաժողովին մասնակցելու հրավեր

Միջ. գիտաժ.-ի հայտ. նկար

 2019թ. նոյեմբերի 12-14-ը Հայաստանի Հանրապետության արտակարգ իրավիճակների նախարարության Ճգնաժամային կառավարման պետական ակադեմիայում կանցկացվի «Աղետների ռիսկի կառավարման արդիական հարցեր» խորագրով միջազգային գիտաժողով:

Գիտաժողովը նպատակաուղղված է արտակարգ իրավիճակներում բնակչության պաշտպանության և քաղաքացիական պաշտպանության ոլոր­տի զարգացման հեռանկարներին, աղետների ռիսկի կառավարման արդիական հարցերին, բնածին, տեխնածին, սոցիածին և այլ վտանգներից պաշտպանության հարցերով բնակչության ուսուց­մանը, բնակչության շրջանում անվտանգության մշակույթի ձևավորմանը, ճգնաժամային կա­ռավարման հիմնախնդիրներին:

Գիտաժողովին ներկայացվող զեկուցումները կներառվեն արտակարգ իրավիճակներից բնակչության պաշտպանությանն ու քաղաքացիական պաշտպանությանն առնչվող մասնագիտական 3 սեկցիայում՝ կառավարում և տնտեսագիտություն, տեխնոլոգիաներ, գիտամեթոդական հիմնախնդիրներ:

Գիտաժողովին մասնակցելու համար անհրաժեշտ է լրացնել մասնակցության հայտ և ուղարկել ակադեմիայի էլեկտրոնային փոստի հասցեին՝ info@cmsa.am: Ներկայացվելիք զեկուցման ամբողջական տարբերակը՝ սկանավորված երաշխավորագրի հետ միասին, անհրաժեշտ է ուղարկել ակադեմիայի էլեկտրոնային փոստի հասցեին՝ info@cmsa.am, կամ ներկայացնել ակադեմիա (Երևան – 40, Աճառյան 1, 2-րդ հարկ, 217 սենյակ) մինչև հոկտեմբերի 15-ը:

Գիտաժողովում ներկայացված զեկուցումները կտպագրվեն ակադեմիայի «Ճգնաժամային կառավարում և տեխնոլոգիաներ» գիտական հանդեսի հերթական համարում: Հանդեսն ընդգրկված է ատենախոսությունների հիմնական արդյունքների և դրույթների հրատարակման ՀՀ ԿԳՄՍՆ բարձրագույն որակավորման կոմիտեի համար ընդունելի պարբերական գիտական հրատարակությունների ցանկում:

Աղբյուրը՝ http://cmsa.am:

ԵՊՀ ԻՄ-ում կայացավ տնօրենության նիստ

1. գլխավոր 2019թ. հոկտեմբերի 1-ին «Երևանի պետական համալսարան» հիմնադրամի Իջևանի մասնաճյուղում կայացավ տնօրենության նիստ, որը նախագահում էր Ա. Հ. Մակարյանը:

Տնօրենության նիստում քննարկվեցին ԵՊՀ ԻՄ-ի առկա և հեռակա ուսուցման՝ 2018-2019 ուսումնական տարվա 2-րդ կիսամյակի քննաշրջանի ամփոփմանը վերաբերող և ընթացիկ հարցեր:

2018-2019 ուստարվա 2-րդ կիսամյակի քննաշրջանն ամփոփեց Ա.Դավթյանը՝ նշելով, որ առկա ուսուցման համակարգի 562 ուսանողներից առարկայական պարտքեր ունի 2 ուսանող, իսկ հեռակա ուսուցման 648 ուսանողներից առարկայական պարտքեր ունի 23 ուսանող, հեռացվել է 13 ուսանող:

Նիստի ընթացքում որոշվեց ԵՊՀ ԻՄ-ի առկա և հեռակա ուսուցման՝ 2018-19 ուսումնական տարվա 2-րդ կիսամյակի քննաշրջանի ամփոփման վերաբերյալ Ա.Դավթյանի զեկուցումը ընդունել ի գիտություն:

Ընթացիկ հարցերից էր Տավուշի թեմի կողմից տրամադրվող դրամական պարգևատրումը ԵՊՀ ԻՄ-ի հումանիտար գիտությունների ֆակուլտետի «ՀԼԳ» մասնագիտության 3-րդ կուրսի ուսանողուհի Գոհար Աշոտի Մխիթարյանին հատկացնելու վերաբերյալ հարցը, որի կապակցությամբ որոշվեց, ելնելով ԵՊՀ ԻՄ-ի ՈՒԽ-ի՝ 2019թ. սեպտեմբերի 13-ի №2 նիստի որոշումից, տվյալ պարգևատրումը հատկացնել Գոհար Մխիթարյանին:

Ուսանողական մրցույթի հրավեր

Հայտ. նկար

 «Սինոփսիս» ընկերությունը “Girls in Tech Armenia”-ի հետ միասին նախաձեռնել են տեխնիկական մասնագիտություններ ընտրած աղջիկների ուսանողական մրցույթ, որի հաղթողները ամբողջական կրթաթոշակ կստանան` մասնակցելու նոյեմբերին Լեհաստանի մայրաքաղաք Վարշավայում կայանալիք “Perspektywy Women in Tech Summit 2019”-ին:

Մրցույթին կարող են մասնակցել տեխնիկական մասնագիտական բաժիններում սովորող ուսանողուհիները, ովքեր տիրապետում են անգլերենին:

Մասնակցության համար անհրաժեշտ է մինչև 2019թ. հոկտեմբերի 7-ը լրացնել հետևյալ դիմումհայտը:

Մրցույթի մանրամասները կարելի է կարդալ այս հղումով: