ԵՊՀ ԻՄ-ի՝ 2021-2022 ուստարվա I կիսամյակի առկա ուսուցման դասերը կմեկնարկեն սեպտեմբերի 1-ից

Հ. նկ.

Սիրելի՛ համալսարանականներ, ԵՊՀ Իջևանի մասնաճյուղի՝ 2021-2022 ուստարվա առկա ուսուցման առաջին կիսամյակի ուսումնական պարապմունքները կսկսվեն սեպտեմբերի 1-ից առկա եղանակով:

Մաղթում ենք հաջող և արդյունավետ ուսումնական գործընթաց:

 

Ի գիտություն

Հայտ. նկ.

ԵՊՀ ԻՄ-ի հարգելի՛ աշխատակիցներ, ուսանողներ, արտաքին շահակիցներ, կորոնավիրուսի տարածումը կանխարգելելու նպատակով հորդորում ենք ԵՊՀ ԻՄ-ի տարածքում և հատկապես ներսում լինել զգոն ու հետևել հակահամաճարակային կանոններին.

 

  • կրել բժշկական դիմակ,
  • պահպանել սոցիալական հեռավորություն,
  • հաճախակի լվանալ ձեռքերը:

Համալսարանականներին տեղեկացնում ենք, որ 2021թ. օգոստոսի 26-ից Մայր բուհի գիտական խորհրդի նիստերի դահլիճում կարող են պատվաստվել (COVID-19-ի) դեմ: Առկա են «Sinopharm», «CoronaVak», «Astrazeneca» պատվաստանյութերը: Ցանկացողները մոտենան անձը հաստատող փաստաթղթով:

ԵՊՀ ԻՄ-ի և ՀՀ կենտրոնական բանկի միջև կնքվեց համագործակցության հուշագիր

1․ գլխավոր -  image8

2021թ. օգոստոսի 13-ին «Երևանի պետական համալսարան» հիմնադրամի Իջևանի մասնաճյուղը՝ ի դեմս տնօրենի պաշտոնակատար ԱՄակարյանի, և Հայաստանի Հանրապետության կենտրոնական բանկը՝ ի դեմս գլխավոր քարտուղար ՎՊետրոսյանի, կնքեցին համագործակցության հուշագիր։

Հուշագրի կնքմանը, որը տեղի ունեցավ ԿԲ Դիլիջանի ուսումնահետազոտական կենտրոնում, մասնակցում էին ՀՀ ԿԲ-ի և ԵՊՀ ԻՄ-ի ներկայացուցիչներ, մասնավորապես՝ ԿԲ նախագահ Մարտին Գալստյանը, ԿԲ նախագահի գլխավոր խորհրդական Վահագն Գրիգորյանը, Կորպորատիվ ծառայությունների և զարգացման դեպարտամենտի տնօրեն Արա Չալաբյանը, Մակրոտնտեսական դեպարտամենտի տնօրեն, Դիլիջանի ուսումնահետազոտական կենտրոնի ղեկավար Արմեն Նուրբեկյանը, Կորպորատիվ ծառայությունների և զարգացման դեպարտամենտի անձնակազմի և կորպորատիվ մշակույթի վարչության պետ Նարինե Մալաքյանը, Դիլիջանի ուսումնահետազոտական կենտրոնի ղեկավարի օգնական Սյուզան Մկրտչյանը։ Ներկա էին նաև մասնաճյուղում դասավանդող Մակրոտնտեսական դեպարտամենտի տնտեսական հետազոտությունների վարչության ֆինանսական կայունության հետազոտությունների բաժնի պետ Ալեքսանդր Շիրխանյանը, Մակրոտնտեսական դեպարտամենտի վիճակագրության վարչության դրամավարկային և ֆինանսական վիճակագրության բաժնի պետ Արթուր Ղալթախչյանը, Մակրոտնտեսական դեպարտամենտի վիճակագրության վարչության տնտեսագետ, վիճակագիր Կարեն Պողոսյանը, Մակրոտնտեսական դեպարտամենտի վիճակագրության վարչության դրամավարկային և ֆինանսական վիճակագրության բաժնի տնտեսագետ, վիճակագիր Շաքե Տիտանյանը, Մակրոտնտեսական դեպարտամենտի վիճակագրության վարչության հաշվետվությունների ընդունման և ամփոփման բաժնի ֆինանսական վիճակագիր Արմինե Հարությունյանը։ ԵՊՀ ԻՄ-ը ներկայացնում էին տնօրենի պաշտոնակատար Անուշավան Մակարյանը, Ուսումնամեթոդական վարչության պետ Արկադի Դավթյանը, Տնտեսագիտության ֆակուլտետի դեկանի պաշտոնակատար Գայանե Ավետիսյանը, «Ֆինանսներ» կրթական ծրագրի ղեկավար Անուշ Սարիբեկյանը։

Բացման խոսքով հանդես եկավ ՀՀ ԿԲ մակրոտնտեսական դեպարտամենտի տնօրեն, Դիլիջանի ուսումնահետազոտական կենտրոնի ղեկավար Արմեն Նուրբեկյանը՝ նշելով, որ արդեն մի քանի տարի է, ինչ համատեղ աշխատանքներն ընթանում են։ Փաստաթղթավորումն իրականացվում է հիմա, երբ վստահություն է ձեռք բերվել, որ մասնաճյուղն էլ նույն մոտեցումներն ունի կրթության բովանդակության, կազմակերպման և ակադեմիական ազնվության սկզբունքների պահպանման հարցերում։

Կենտրոնական բանկի նախագահ Մարտին Գալստյանն իր ելույթի խոսքում կարևորեց երկկողմ համագործակցությունը՝ ընդգծելով, որ ունի մեծ սպասելիքներ․ քանի որ ծրագիրը կազմված է առաջավոր բուհերի օրինակով, ակնկալում է նոր որակի մասնագետների ձևավորում՝ մասնագիտական խորը գիտելիքներով և լայն աշխարհայացքով։ Կենտրոնական բանկի նախագահը նաև հավելեց, որ այն շրջանավարտները, ովքեր կհաղթահարեն ծրագիրը, պահանջված մասնագետներ կլինեն ոչ միայն բանկային համակարգի, այլև ցանկացած ֆինանսական կառույցի համար։

Ապա ելույթ ունեցավ ԵՊՀ ԻՄ-ի տնօրենի պաշտոնակատար Անուշավան Մակարյանը՝ կարևորելով մասնաճյուղի նախկին տնօրենի՝ երջանկահիշատակ ԱՑուցուլյանի ներդրումը, ով հիմք է դրել այս ծրագրի փոփոխությանը, և հիմա այն շարունակվում է։ Նա նշեց, որ ուսանողներն առանձնահատուկ բավարարված են ուսումնահետազոտական կենտրոնի աշխատակիցների կողմից վարվող դասընթացների որակով և կիրառվող նորարարական մեթոդներով՝ ընդգծելով տրամադրվող պրակտիկ գիտելիքների կարևորությունը։ Պարոն Մակարյանը հավաստիացրեց, որ ԵՊՀ Իջևանի մասնաճյուղն ամեն ինչ կանի ծրագրի իրականացման համար անհրաժեշտ պայմաններն ապահովելու և նախատեսված պարտականությունները կատարելու համար։

Այնուհետև կնքվեց համագործակցության հուշագիրը՝

  • կարևորելով ՀՀ-ում որակյալ, մրցունակ և միջազգային չափանիշներին համապատասխան տնտեսագիտական կրթության ապահովումը,
  • հաշվի առնելով ուսումնական գործընթացում դասավանդման ժամանակակից մեթոդների, գործիքների և գրականության ներդրման անհրաժեշտությունը,
  • համոզված լինելով, որ նախաձեռնությունը կնպաստի ԵՊՀ ԻՄ-ի կողմից տրամադրվող կրթության և աշխատաշուկայի պահանջների միջև կապի ամրապնդմանը,
  • բարձր գնահատելով ՀՀ ԿԲ-ի մասնագիտական ներուժը և սոցիալական պատասխանատվությունը հասարակության շրջանում ֆինանսական գրագիտության բարձրացման գործում։

Համագործակցության հուշագրով նախատեսվում է․

  • աջակցել ԵՊՀ ԻՄ-ի տնտեսագիտության ֆակուլտետի կրթական ծրագրերի բարելավմանը և համապատասխանեցմանը աշխարհում առաջատար կրթական հաստատությունների ծրագրերին,
  • նպաստել ԵՊՀ ԻՄ-ի գիտական ներուժի բարձրացմանը և ներառականության ապահովմանը,
  • հնարավորության դեպքում օգտագործել ՀՀ ԿԲ-ի աշխատակիցների կարողությունները և փորձը ԵՊՀ ԻՄ-ի տնտեսագիտության ֆակուլտետի ուսումնական գործընթացում, այդ թվում՝ մասնագիտական դասընթացների վարման և ավարտական աշխատանքների ղեկավարման ձևով,
  • խրախուսել ուսանողների շրջանում գիտական նախագծերի մշակման և իրականացման հնարավորությունները,
  • ԵՊՀ ԻՄ-ի տնտեսագիտության ֆակուլտետում պարբերաբար կազմակերպել սեմինար-քնարկումներ արդի տնտեսական հիմնախնդիրների վերաբերյալ,
  • աջակցել ԵՊՀ ԻՄ-ի տնտեսագիտության ֆակուլտետի ուսանողների մասնագիտական և լրացուցիչ պրակտիկաների կազմակերպանը,
  • հնարավորություն ընձեռել ԵՊՀ ԻՄ-ի ուսանողներին մասնակցել ՀՀ ԿԲ Դիլիջանի ուսումնահետազոտական կենտրոնում պարբերաբար կազմակերպվող բաց դասերին և գիտաժողովներին։

Վերջում հյուրասիրության սեղանի շուրջ քննարկվեցին, ուսումնական ոլորտից բացի, համագործակցության այլ հնարավորություններ։

ԵՊՀ ԻՄ-ի՝ 2021-2022 ուստարվա բակալավրի հեռակա ուսուցման ընդունելություն

2․ Հայտ․ նկար

ԵՊՀ Իջևանի մասնաճյուղը հայտարարում է 2021-2022 ուստարվա հեռակա ուսուցման ընդունելություն՝ բակալավրի հետևյալ կրթական ծրագրերով.

  • Տարրական մանկավարժություն և մեթոդիկա,
  • Պատմություն,
  • Հայոց լեզու և գրականություն,
  • Ֆինանսներ (ըստ ոլորտի),
  • Հոգեբանություն,
  • Զբոսաշրջություն:

Ընդունելության մրցույթին մասնակցելու համար դիմում-հայտերն ընդունվում են 2021թ. օգոստոսի 25-ից մինչև սեպտեմբերի 24ը (մինչև ժամը 18:00-ն): Դիմում-հայտը և փաստաթղթերը կարելի է ներկայացնել ԵՊՀ ԻՄ-ի ընդունող հանձնաժողով (հասցե՝ ՀՀ Տավուշի մարզ, ք. Իջևան, Ուսանողական-1) կամ ուղարկել ephimmkpk@gmail.com էլեկտրոնային հասցեին։  Ընդունող հանձնաժողովը կաշխատի ս.թ. օգոստոսի 25-ից՝ ժամը 10։0-ից 16։00-ն։

Լրացուցիչ տեղեկություններ կտեղադրվեն ԵՊՀ իՄ-ի պաշտոնական կայքէջի (ijevan.ysu.am) «Դիմորդ» բաժնում:

 

ՈՒՇԱԴՐՈՒԹՅՈՒՆ.

Դիմում-հայտն առցանց ներկայացնելուց առաջ պետք է նախօրոք ունենալ ներքոնշյալ փաստաթղթերի բնօրինակների էլեկտրոնային տարբերակները։ Փաստաթղթերի էլեկտրոնային տարբերակները առցանց կցվում են դիմում-հայտին, իսկ բնօրինակները ընդունվելուց հետո ներկայացվում են ընդունող հանձնաժողովին։

 

2021-2022 ՈՒՍՏԱՐՎԱ ՀԵՌԱԿԱ ՈՒՍՈՒՑՄԱՆ ԸՆԴՈՒՆԵԼՈՒԹՅԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ

 

  1. Ավարտական փաստաթուղթ (ատեստատ կամ դիպլոմ` միջուկի հետ),
  2. 4 լուսանկար (3×4 սմ չափսի),
  3. Անձը հաստատող փաստաթուղթ (անձնագիր, նույնականացման քարտ, ծննդյան վկայական, փախստականի վկայական, ՀՀ հատուկ անձնագիր, կացության վկայական),
  4. Զինվորական գրքույկ (առկայության դեպքում) (1-4-րդ էջերը) կամ զինվորական կոմիսարիատից տեղեկանք ժամկետային զինվորական ծառայությունը անցնելու մասին,
  5. 2021թ․ հեռակա ընդունելության կարգի կանոնների 30-32-րդ կետերով սահմանված արտոնություններից օգտվող դիմորդները ներկայացնում ենհամապատասխան փաստաթղթեր (1-ին կամ 2-րդ խմբի և մինչև 18 տարեկան մանկուց հաշմանդամության, առանց ծնողական խնամքի մնացած լինելու մասին, ինչպես նաև Հայաստանի Հանրապետության պաշտպանության նախարարության, Հայաստանի Հանրապետության ոստիկանության և Հայաստանի Հանրապետության ազգային անվտանգության ծառայության տված տեղեկանքներ),
  1. Միջազգային և հանրապետական մրցույթների (օլիմպիադաներ, փառատոներ) դիպլոմները (առկայության դեպքում),
  2. Տեղեկանք տվյալ տարվա ներբուհական ընդունելության քննությունների գնահատականների վերաբերյալ,
  3. «Գնահատման և թեստավորման կենտրոն» ՊՈԱԿ-ի կողմից տրված միասնական քննությունների վկայագիր (Միասնական քննության դրական գնահատականը պահպանելու դեպքում),
  4. Առկա ուսուցման համակարգում սովորող անձինք, հեռակա ուսուցման ընդունելության մրցույթին մասնակցելու համար կարող են ներկայացնել միջնակարգ կրթության ատեստատի կրկնօրինակը` այն բուհի նշագրումով և կնիքով, որտեղ գտնվում է բնօրինակը,
  5. Ընտանիքի անապահովության միավորի վերաբերյալ սոցիալական ծառայություններ տրամադրող տարածքային մարմնի տրամադրած տեղեկանք, Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշման N 1 հավելվածում ներառված սոցիալական աջակցություն ստացող համայնքներում հաշվառված և վերջին հինգ տարում մշտապես բնակվելու վերաբերյալ տեղեկանք (առկայության դեպքում),
  6. Վճարելու վերաբերյալ անդորրագիր։ Քննությունների կազմակերպման և անցկացման նպատակով յուրաքանչյուր քննության համար դիմորդը վճարում է 1500 դրամ։ Վճարումը պետք է կատարել ըստ ստորև ներկայացվող աղյուսակի։ Անկախ քննության արդյունքից վճարված գումարը չի վերադարձվում։

 

Կազմակերպություն

«Երևանի պետական համալսարան» հիմնադրամի Իջևանի մասնաճյուղ

Բանկ

«Արդշինբանկ» ՓԲԸ

Հաշվեհամար (ՀՀ դրամ)

247610017094

 

Նպատակ

«Հեռակա ընդունելության քննության վճար»

 ՊԱՐՏԱԴԻՐ ՆՇԵԼ ՆԱԵՎ

դիմորդի անուն, ազգանուն, հայրանունը

ՈՒՇԱԴՐՈՒԹՅՈՒՆ.

Վերոնշյալ տվյալների, ինչպես նաև դիմորդի անունի, ազգանունի կամ հայրանունի բացակայության դեպքում վճարման կտրոնը կհամարվի անվավեր:

 

ՀՀ պետական բուհերում բակալավրի կրթական ծրագրով հեռակա ուսուցման ընդունելության կանոնները տե՛ս այստեղ։

 

ԵՊՀ ԻՄի՝ 2021-2022 ուստարվա բակալավրի հեռակա ուսուցման ընդունելության մասնագիտությունները, քննությունները, տեղերը և վարձաչափերը տե՛ս այստեղ։

 

Դիմում-հայտի ձևը տե՛ս՝

1․ այստեղ:

2․ այստեղ։

 

Ուսման տևողությունը 5 տարի է:

 

Հասցեն` Տավուշի մարզքաղաք ԻջևանՈւսանողական 1:

Կայքէջ՝   http://ijevan.ysu.am

 

Մանրամասն տեղեկությունների համար կարող եք զանգահարել ԵՊՀ ԻՄ-ի ՄԿՊԿ բաժնի վարիչ Լ.Բեգինյանին (094 032 112) կամ ընդունող հանձնաժողովի պատասխանատու քարտուղար  Վ. Աղաբաբյանին (096 987 654 /Viva Cell/, 096 557 556 /Beeline/):

 

ԵՊՀ ԻՄ-ի և Հայաստանի հաշվապահների ասոցիացիայի միջև կնքվեց համագործակցության հուշագիր

1 - գլխավոր․ 312

2021թ. օգոստոսի 6-ին «Երևանի պետական համալսարան» հիմնադրամի Իջևանի մասնաճյուղը՝ ի դեմս տնօրենի պաշտոնակատար Անուշավան Մակարյանի, և «Հայաստանի հաշվապահների ասոցիացիա» հասարակական կազմակերպությունը՝ ի դեմս նախագահ Վահագն Համբարձումյանի, կնքեցին համագործակցության հուշագիր։

Կնքված հուշագրով կողմերն ամրագրեցին իրենց պատրաստակամությունը համագործակցելու ուսանողների կրթության, մասնագիտացման ոլորտում և գործարար մակարդակում դրանց կիրառման գործընթացներում, մասնավորապես՝

  • Կրթական ծրագրերի մշակման և իրականացման գործընթացում Մասնաճյուղը ըստ նպատակահարմարության իր մասնագետների հետ համատեղ ներգրավում է նաև Կազմակերպության փորձառու աշխատողների և անդամների։
  • Մասնաճյուղի կողմից ուղեգրման դեպքում կրթական ծրագրով ուսանողների ուսումնաարտադրական և գիտահետազոտական պրակտիկաները կազմակերպվում և անցկացվում են Կազմակերպությունում։
  • Մասնաճյուղը ամփոփիչ ատեստավորման հանձնաժողովների կազմում ներգրավում է Կազմակերպության կողմից առաջադրված համապատասխան մասնագետների։
  • Մասնաճյուղը Կազմակերպության աշխատակիցներին և անդամներին հրավիրում է իր կողմից տարբեր հարթակներում և ակումբներում կազմակերպվող բաց դասերին, սեմինարներին և քննարկումներին։
  • Կազմակերպությունը Մասնաճյուղի ուսանողներին և պրոֆեսորադասախոսական կազմին հրավիրում է իր կողմից տարբեր հարթակներում և ակումբներում կազմակերպվող բաց դասերին, սեմինարներին և քննարկումներին։
  • Համատեղ կազմակերպում և անցկացնում են բաց դասեր, սեմինարներ և մասնագիտական քննարկումներ։
  • Համատեղ հրատարակում են ուսումնամեթոդական նյութեր։
  • Կազմակերպությունը ուսանողների համար կազմակերպում է հանդիպումներ բիզնեսի տարբեր ոլորտներում կայացած հաջողակ գործարարների հետ, իրենց անձնական փորձը ուսանողներին ներկայացնելու նպատակով։
  • Կազմակերպությունը թեստավորման և հարցազրույցների արդյունքում լավագույն ուսանողներին ապահովում է աշխատանքով՝ իր մոտ կամ իր աջակցությամբ՝ գործընկերների մոտ։
  • Կազմակերպությունը կարող է իր կամ գործընկերների միջոցով աջակցություն ցուցաբերել ուսանողներին` ուսման վարձի փոխհատուցման, կրթաթոշակների և այլ ձևերով։