Երևանի պետական համալսարանի Իջևանի մասնաճյուղ

Կոմիտասի ծննդյան 150-ամյակին նվիրված գրական-երաժշտական միջոցառման հրավեր

Layout 1

 2019թ. ապրիլի 25-ին՝ ժամը 14:00-ին, ԵՊՀ ԻՄ-ի կիրառական արվեստի ֆակուլտետի դահլիճում տեղի կունենա Կոմիտասի ծննդյան 150-ամյակին նվիրված գրական-երաժշտական ցերեկույթ, որը կազմակերպել է Հայոց լեզվի և գրականության ամբիոնի դոցենտ, բ.գ.թ. Աիդա Սարհատյանը:

Սիրով հրավիրում ենք:

«Մաթեմատիկական մեթոդների կիրառումը տնտեսագիտության մեջ» թեմայով դաս-քննարկման հրավեր

45209161_1941500952594829_2054352131204317184_o 2019թ. ապրիլի 26-ին՝ ժամը 12:30-ին, ԵՊՀ ԻՄ-ի տնտեսագիտության ֆակուլտետի №39 լսարանում տեղի կունենա ՌԴ Պլեխանովի անվան տնտեսագիտական համալսարանի պրոֆեսորադասախոսական անձնակազմի ներկայացուցիչների հետ հանդիպում, և կանցկացվի «Մաթեմատիկական մեթոդների կիրառումը տնտեսագիտության մեջ» թեմայով դաս-քննարկում:

 

«Կրթությունը ԱՄՆ-ում» թեմայով դաս-քննարկմանը մասնակցելու հրավեր

        IMG_6366-6-1024x960

 2019թ. ապրիլի  26-ին՝ ժամը 14:00-ին, ԵՊՀ ԻՄ-ի խորհրդակցությունների սենյակում տեղի կունենա «Կրթությունը ԱՄՆում» թեմայով դաս-քննարկումը, որը անգլերենով (սինխրոն թարգմանությամբ) կվարի ԱՄՆ-ի Խաղաղության կորպուսի «Համայնքի և երիտասարդության զարգացում» ծրագրի աշխատակից, ուսուցիչ, մարզիչ և դասընթացավար Ուիլյամ Ջոզեֆ (Ջոդի) Դոշերը:

Սիրով հրավիրում ենք:

Վոլեյբոլի մարզային առաջնության հրավեր

vol.

2019թ. ապրիլի 30-ին՝ ժամը 12:00-ին, ԵՊՀ ԻՄ-ի մարզադահլիճում տեղի կունենա վոլեյբոլի մարզային առաջնություն:

Մասնակցելու համար մինչև ապրիլի 29-ը կարող եք դիմել Արտակարգ իրավիճակների, մարմնակրթության և սպորտի ամբիոն:

 

 

«Անկախության սերնդի ձայնը» միջազգային ստեղծագործական մրցույթի հրավեր

????????????????????????????????????2019 թ. Հայաստանում առաջին անգամ կանցկացվի «Անկախության սերնդի ձայնը» խորագիրը կրող երիտասարդ ստեղծագործողների և կատարողների միջազգային ուսանողական բիենալե, որը նվիրվում է ԵՊՀ հիմնադրման 100-ամյակին:  Բիենալեն կանցկացվի հետևյալ ուղղություններով՝

Ստեղծագործական մրցույթ 

  1. Կոմպոզիտորական մրցույթ,
  2. Գրական  մրցույթ ( միայն էսսեի դեպքում պարտադիր են «Գիտելիքը լույս է» կամ «Ես սիրում եմ համալսարանը» թեմաները),
  3. Կերպարվեստիլուսանկարչության և կիրառական արվեստի մրցույթ:

 Կատարողական մրցույթ 

  1. Երգի մրցույթ  (անհատական կատարում, զուգերգ, խմբերգ),
  2. Ասմունքի և թատերական մրցույթ (ներկայացման տևողությունը պետք է լինի մինչև 15 րոպե),
  3. Պարային մրցույթ (անհատական կատարում, զուգապար, խմբակային կատարում),
  4. Գործիքային մրցույթ (անհատական  և  նվագախմբային կատարումներ):

Ներկայացված ստեղծագործությունները գնահատվելու են պրոֆեսիոնալ ժյուրիի կողմից: Յուրաքանչյուր ուղղության համար նախատեսված մրցանակային տեղերից և պարգևատրումներից բացի՝ փառատոնի մասնակիցները կստանան նաև պատվոգրեր և հուշանվերներ: 

Հաղթող մասնակիցները հնարավորություն կստանան մասնակցելու ԵՊՀ 100-ամյակին նվիրված միջոցառումներին, այդ թվում՝ գալա համերգին:

Բիենալեի ընթացքում անցկացվելու են հայ արվեստի և մշակույթի վերաբերյալ դասախոսություններ, քննարկումներ, կլոր-սեղաններ, ՀՀ անվանի մասնագետների կողմից վարպետության դասընթացներ: 

Բիենալեին կարող են մասնակցել Հայաստանի Հանրապետության, Արցախի Հանրապետության, ինչպես նաև օտարերկրյա բուհերի ուսանողները:

Մասնակցության համար անհրաժեշտ է լրացնել հայտը, որին պետք է կցել նաև ինքնակենսագրությունը, անձնագրի պատճենը, բուհից տրված տեղեկանքը, ներկայացվող աշխատանքի էլեկտրոնային տարբերակը:

Հայտերի ընդունման վերջնաժամկետն ապրիլի 30-ն է:

Հայտաձևը կարող եք գտնել  այստեղ

Լրացուցիչ տեղեկությունների համար դիմել ԵՊՀ մշակույթի կենտրոն (ԵՊՀ կենտրոնական մասնաշենք, 6-րդ հարկ),

Հեռ.՝ (060) 710-183, (060) 710-184, ներքին՝ 11-83, 11-84

Կայքէջ՝ www.ysu.am/culture

Ֆեյսբուքյան էջ՝ https://www.facebook.com/ephculturecenter/

էլ. հասցե՝ culturecenter@ysu.am:

ԵՊՀ Իջևանի մասնաճյուղի ուսանողները կարող են նաև դիմել ԵՊՀ ԻՄ-ի արտաքին կապերի բաժնի վարիչ Արման Եգանյանին (հեռ.՝ 094 55 52 12, էլ. հասցե՝ armani-55-85@mail.ru):