Հայաստանի Հանրապետության մշակույթի նախարարությունը հայտարարում է Անկախության 25-ամյակի խորհրդանիշի (լոգոյի) և կարգախոսի մրցույթ: Հայտերն ընդունվում են էսքիզի տեսքով, որը պետք է լինի գունավոր և սև-սպիտակ տարբերակներով, ներկայացվի` էլեկտրոնային կրիչի, ինչպես նաև 50×60 սմ ստվարաթղթի վրա: Խրախուսվում է նույն խորհրդանիշի տարբերակների ներկայացումը տարբեր ձևաչափերով (ծրար, ձևաթուղթ, գովազդ և այլն)՝ կարգախոսի օգտագործմամբ:

Առաջարկները կքննարկվեն հանձնաժողովի կողմից, և հավանության արժանացած տարբերակը կհամարվի հոբելյանական տարվա միջոցառումների պաշտոնական խորհրդանիշը և կարգախոսը:

Լավագույն աշխատանքների համար սահմանված են մեկ գլխավոր (500.000 դրամ) և մեկ խրախուսական (350.000 դրամ) մրցանակներ:

Աշխատանքներն անհրաժեշտ է ներկայացնել ծածկագրի նշագրումով:

Ներկայացված աշխատանքին կցվում է փակ ծրար` նույն ծածկագրի նշագրումով:

Փակ ծրարի ներսում պետք է նշված լինի հեղինակի անունը, ազգանունը, հայրանունը, հասցեն և հեռախոսահամարը /ները/: Մրցույթի մասնակիցը կամ նրա լիազորված անձը հայտը հանձնելիս ստանում է ստացական՝ հանձնված աշխատանքների քանակի, ձևի, կրիչի և փակ ծրարի մասին տեղեկույթով:

Մրցույթին ներկայացված աշխատանքները վերադարձման ենթակա չեն:

Հայտերն ընդունվում են մինչև 2016 թ. մարտի 10-ը, ՀՀ մշակույթի նախարարության աշխատակազմի ընդհանուր բաժնում (hասցե՝ Կառավարական 2-րդ մասնաշենք, Վ. Սարգսյան 3):

Հեռախոս՝ (011) 52-39-22,

Էլեկտրոնային հասցե՝ general@mincult.am

Աղբյուրը՝ mincult.am

«Աջակցություն համաշխարհային տաղանդների բացահայտմանը 2016թ.» ծրագիրը հայտարարում է մրցույթ 4 անվանակարգերում`

• Նորաձևություն
• Աքսեսուարներ
• Զարդեր
• Գեղարվեստական նյութ

Հայտերի ընդունման վերջնաժամկետն է 2016 թվականի մարտի 21-ը:

Մասնակցությունը կատարվում է առցանց եղանակով:

Տարբեր անվանակարգերով դիմելու համար պետք է օգտվեք հետևյալ հղումներից`

Նորաձևություն` http://www.itsweb.org/jsp/en/contest-fashion/index.jsp

Աքսեսուարներ` http://www.itsweb.org/jsp/en/contest-accessories/index.jsp

Զարդեր` http://www.itsweb.org/jsp/en/contest-jewelry/index.jsp

Գեղարվեստական նյութ՝ http://www.itsweb.org/jsp/en/contest-artwork/index.jsp

Հաղթողի ընտրությունը կկատարվի ապրիլի վերջին:

Մրցույթի եզրափակիչ փուլը տեղի կունենա 2016թ. հուլիսին Իտալիայի Տրիեստե քաղաքում:

Հաղթողները կստանան դրամական պարգևներ և կծանոթանան տվյալ ոլորտի անվանի ներկայացուցիչների հետ:

Ավելի մանրամասն կարող եք ծանոթանալ հետևյալ կայքից`  www.itsweb.org,  www.facebook.com/itsweb.org:

Աղբյուրը՝ www.yafa.am

Սիրելի՛ ուսանողներ և ասպիրանտներ,

ԵՊՀ ՈՒԳԸ-ն  2016 թ. ապրիլի 25-29-ը կազմակերպում է հերթական  տարեկան գիտական նստաշրջանը:

Զեկուցումների թեմատիկան ազատ է: 

Նստաշրջանի ընթացքում գործելու են հետևյալ բաժանմունքները.

• Աշխարհագրություն և երկրաբանություն

• Աստվածաբանություն

• Արևելագիտություն

• Դեղագիտություն և քիմիա

• Ժուռնալիստիկա

• Ինֆորմատիկա և կիրառական մաթեմատիկա

• Իրավագիտություն

• Կենսաբանություն

• Հայ բանասիրություն

• Մաթեմատիկա և մեխանիկա

• Միջազգային հարաբերություններ

• Պատմություն

• Ռադիոֆիզիկա

• Ռոմանագերմանական բանասիրություն

• Ռուս բանասիրություն

• Սոցիոլոգիա

• Տնտեսագիտություն և կառավարում

• Փիլիսոփայություն և հոգեբանություն

• Ֆիզիկա

Գիտական նստաշրջանին մասնակցելու համար անհրաժեշտ է մինչև 2016 թ. փետրվարի 29-ը լրացնել առցանց հայտաձևը:

Նույն ժամկետում անհրաժեշտ է ՈՒԳԸ էլ. փոստի հասցեին (sss@ysu.am) ուղարկել գիտական ղեկավարի կարծիք-երաշխավորագրի սքանավորված տարբերակը, առանց որի հայտը չի ընդունվի: Ըստ ԵՊՀ ՈՒԳԸ գիտաժողովների կազմակերպման կանոնակարգի` նստաշրջանի կազմկոմիտեն հայտերի ներկայացման վերջնաժամկետից հետո 10 օրվա ընթացքում` մինչև 2016 թ. մարտի 9-ը, ներկայացված սեղմագրերի հիման վրա կհրապարակի զեկուցման համար ընտրված հայտատուների անունները: Գիտական նստաշրջանին ներկայացված այն զեկուցումները, որոնք կարժանանան համապատասխան ֆակուլտետի գիտական խորհրդի երաշխավորությանը, կտպագրվեն «ԵՊՀ ՈՒԳԸ գիտական հոդվածների ժողովածու» գիտական պարբերականում: Կից ներկայացնում ենք ՈՒԳԸ ժողովածուում տպագրվող գիտական հոդվածի չափորոշիչները:

Աղբյուրը` ysu.am

Հարգելի՛ համալսարանականներ,  2015-2016 ուսումնական տարվա երկրորդ կիսամյակի դասացուցակները  ըստ ֆակուլտետների տեղադրված են ԵՊՀ ԻՄ-ի պաշտոնական կայքէջում («Ֆակուլտետներ» բաժնի «Դասացուցակ» ենթաբաժիններում):

ԵՊՀ ԻՄ 2015-2016 ուստարվա II կիսամյակի դասացուցակներ

• Բնական գիտությունների ֆակուլտետ

• Կիրառական արվեստի ֆակուլտետ

• Հումանիտար գիտությունների ֆակուլտետ

• Տնտեսագիտության ֆակուլտետ