ԱՄՆ-ում հետազոտական աշխատանքներ իրականացնելու հնարավորություն հասարակագիտության և հումանիտար գիտությունների ոլորտի մասնագետների համար

Քարնեգի հետազոտական կրթաթոշակային ծրագիրը իրականացվում է Եվրասիայի և Արևելյան Եվրոպայի հետազոտությունների ազգային խորհրդի (NCEEER) կողմից` համագործակցելով Միջազգային կրթության ամերիկյան խորհուրդների հետ:

ԾՐԱԳՐԻ ՆԿԱՐԱԳՐՈՒԹՅՈՒՆ

Եվրասիայի և Արևելյան Եվրոպայի հետազոտությունների ազգային խորհուրդը հայտարարում է Քարնեգի հետազոտական կրթաթոշակային ծրագիրը 2014-2015թթ. ուս. տարվա համար: Ծրագիրը հնարավորություն է տալիս հասարակագիտության և հումանիտար գիտությունների ոլորտի մասնագետներին  անհատական, գիտական աստիճան չտվող հետազոտական աշխատանքներ իրականացնել ԱՄՆ-ի համալսարաններում և ինստիտուտներում: Ծրագրի մասնակիցները 4 ամսվա ընթացքում պետք է հետազոտություններ իրականացնեն նախապես ընտրված թեմայով և վերադարձից հետո ներկայացնեն 15-ից 30 էջի սահմաններում ակադեմիական աշխատանք, կարդան դասախոսություններ՝ խթանելու բարձրագույն կրթության զարգացումը:

Ծրագրի մասնակիցները կստանան. 1) իրենց բնակության վայրից մինչև ԱՄՆ-ի հյուրընկալող համալսարան ուղևորության և հետադարձի ճանապարհածախս 2) մեկնումից առաջ, ինչպես նաև Վաշինգթոն քաղաքում կողմնորոշիչ հանդիպում, 3) ամսական թոշակ, 4) առողջական ապահովագրություն և 5) գրադարաններից ու արխիվներից օգտվելու հնարավորություն և մասնակցություն շրջանավարտների համար նախատեսված միջոցառումներին: Ի լրումն, ծրագրի բոլոր մասնակիցները կկարողանան դիմել գիտական զարգացման ֆոնդին՝ գրքեր գնելու, տեխնոլոգիաներ և հետազոտության համար անհրաժեշտ այլ նյութեր ձեռք բերելու կամ ԱՄՆ-ում համապատասխան մասնագիտական խմբերի հետ կապ հաստատելու և գիտաժողովների մասնակցելու համար:

ԾՐԱԳՐԻ ԴԻՄՈՐԴՆԵՐԸ ՊԵՏՔ Է.

• լինեն Հայաստանի, Ադրբեջանի, Բելառուսի, Վրաստանի, Մոլդովայի կամ Ուկրաինայի քաղաքացի
• լինեն ասպիրանտ, դասախոս կամ գիտնական, ովքեր վերջին շրջանում հետազոտական աշխատանքներ չեն իրականացրել ԱՄՆ-ում
• ունենան կամ դիմումի պահին պաշտպանելիս լինեն թեկնածուական աստիճանը
• ունենան հրատարակություններ (ասպիրանտները կարող են նշել գիտաժողովների ժամանակ իրենց ներկայացրած աշխատանքները) համապատասխան ոլորտում
• տիրապետեն անգլերեն լեզվին
• հետազոտությունն իրականացնեն հետևյալ թեմայով՝ «Հարավային Կովկաս.Կյանքն անցումային շրջանում»
• ի վիճակի լինեն ստանալ ԱՄՆ մուտքի «J» տեսակի արտոնագիր
• կարողանան ԱՄՆ-ում հետազոտությունները սկսել 2014թ. սեպտեմբերին կամ 2015թ. հունվարին:

Եվրասիայի և Արևելյան Եվրոպայի հետազոտությունների ազգային խորհուրդը և Ամերիկյան խորհուրդները ռասայական, մաշկի գույնի, սեռի, հաշմանդամության, կրոնական պատկանելիության, ազգության և էթնիկ պատկանելիության խտրականություն չեն դնում:

ԴԻՄՈՒՄՆԵՐԻ ՀԱՆՁՆՄԱՆ ՎԵՐՋՆԱԺԱՄԿԵՏԸ՝

Բոլոր դիմորդները պետք է ուղարկեն դիմումների ամբողջական փաթեթը և փաստաթղթերը apply@nceeer.org էլ. հասցեին մինչև 2014թ.-ի ապրիլի 30-ը: Փաթեթի մեջ պետք է ներառել նաև ձեր երաշխավորագրերը, անձնագրի պատճենը և ծրագրի կանոնների ստորագրված տարբերակը:

Դիմումների հանձնման վերջնաժամկետն է 2014թ. ապրիլի 30-ը (Երևանի ժամանակով ժամը 17:00-ն)

Ծրագրի մասին ավելին իմանալու համար այցելեք՝ http://www.nceeer.org:

Հարցերի դեպքում կարող եք դիմել Ալեքսեյ Խարլամովին՝ alexei@nceeer.org էլ. հասցեով:

CRFP Application

Application Guidelines Privacy Policy of NCEEER

Աղբյուրը` armscoop.com

Դուք անտարբեր չեք Ձեր համայնքի էկոլոգիական խնդիրների հանդեպ
 Դուք ցանկանում եք բարելավել Ձեր շրջակա միջավայրը
Ուրեմն միացե՛ք ԷկոԼաբին հենց հիմա

ԷկոԼաբը հիմնված է Կրթություն կայուն զարգացման համար գաղափարի վրա, որը հնարավորություն է տալիս երիտասարդ ակտիվիստներին ձեռք բերել ծրագրեր իրականացնելու հմտություններ, կյանքի կոչել իրենց սեփական մտքերը և իրենց ներդրումն ունենալ սեփական համայնքների զարգացման գործում: Այս տարի 30 երիտասարդներ հնարավորություն կստատան ծրագրի շրջանակներում մասնակցել Հայաստանի տարբեր շրջաններում իրականացվող 3 սեմինարի և իրագործել սեփական ծրագրերը՝ ուղղված իրենց համայնքների հիմնախնդիրների լուծմանը:

• Եթե Դուք 18-ից 24 տարեկան եք,
• Եթե Դուք բնակվում եք Հայաստանի մարզերում,
• Եթե Դուք ակտիվ եք Ձեր համայնքում,
• Եթե Դուք հետաքրքրված եք էկոլոգիական խնդիրներով,

Բաց մի թողեք Ձեր հնարավորությունը՝

• Իրականացնելու Ձեր իսկ ծրագրերը,
• Զարգացնելու Ձեր կառավարման հմտությունները,
• Ավելի խորը ուսումնասիրելու էկոլոգիայի և կայուն զարգացման խնդիրները,
• Ձևավորելու Ձեր սեփական միջավայրը,
• Կառուցելու համախոհների ցանց:

Դիմումներ ընդունվում են մինչև 2014թ. ապրիլի 1-ը:

2014 թ. ժամանակացույց`
– Գարնանային դպրոց՝ ապրիլի 28 – մայիսի 6,
– Ծրագրային հանդիպում-սեմինար՝ հունիսի 23 – 29,
– Ծրագրերի իրականացման շրջան՝ հուլիս – հոկտեմբեր,
– Անդրադարձ ֆորում՝ նոյեմբերի 17 – 23:

Սեմինարների ընթացքում մասնակիցների կացության և սննդի ծախսերը հոգում է ծրագիրը: Սեփական բնակավայրից սեմինարի վայր հասնելու ճանապարհածխսերը փոխհատուցվում են սեմինարների ժամանակ:

Լրացուցիչ տեղեկությունների համար կապվել Ծրագրի համակարգող Յանա Մկրտչյանի հետ` ecolab@joint-civic-education.net Էլ. հասցեով:

Ներբեռնել դիմում հայտը:
Ներբեռնել դիմում հայտը pdf ձևաչափով:

Առավել մանրամասն` http://www.am.joint-civic-education.net:

Աղբյուրը` youthcanal.do.am

2014թ. մարտի 12-ին` ժամը 15:00-ին, ԵՊՀ Իջևանի մասնաճյուղի գրադարանում տեղի կունենա Տուրիզմի կառավարման և մշակութաբանության ամբիոնի դասախոս Լ.Լաչիկյանի «Խաչվող ճանապարհներ» գրքի  անգլերեն թարգմանության և նրա կազմած «Հայաստան» բանաստեղծական ժողովածուի շնորհանդեսը:

Սիրով հրավիրում ենք:

«Ինտերնետ hանրություն» և «Մեդիակրթության կենտրոն» հասարակական կազմակերպությունները «Ապահով համացանց 2014» ծրագրի շրջանակներում հայտարարում են լավագույն բաց դասի, ծնողական ժողովի և էլեկտրոնային նյութերի մրցույթ:

Ծրագրի նպատակն է խթանել Հայաստանում համացանցի արդյունավետ օգտագործմանը և ստեղծել հիմքեր կրթական էլեկտրոնային բովանդակության զարգացման համար:
Մրցույթի անվանակարգերը`
1. «Ապահով համացանց» լավագույն բաց դաս (ներկայացնել 1-3 լուսանկար և դասի սցենարը) – դասավանդողների մրցույթ,
2. «Ապահով համացանցի» ծնողական ժողով (ներկայացնել 1-3 լուսանկար և միջոցառման սցենար) – դասավանդողների մրցույթ,
3. SCORM ստանդարտներին համապատասխանող լավագույն էլեկտրոնային կրթական նյութերի մրցույթ- դպրոցական թիմերի մրցույթ:
Յուրաքանչյուր անվանակարգում խորհրդի կողմից ընտրված 5 հաղթողները կստանան մրցանակներ:
Մրցույթին մասնակցությունը և անվանակարգերին առաջադրումը բաց է բոլորի համար:

Մրցույթի անվանակարգերում առաջադրվելու համար պետք է լրացնել դիմում-հայտը և ուղարկել safearmenia@gmail.com հասցեով:

Դասավանդողների մրցույթի դիմում-հայտերի ընդունման վերջնաժամկետ` ս.թ. մարտի 17, ժամը 18:00: Արդյունքների ամփոփման վերջնաժամկետ` 2014թ. մարտի 25, ժամը 11:00: 2014թ. ապրիլի 5-25-ին առաջին երկու անվանակարգերի 10 հաղթողների և լավագույն 20 դասավանդողների համար կանցակացվեն SCORM ստանդարտներին համապատասխանող նյութերի ստեղծման դասընթացներ:

SCORM ստանդարտներին համապատասխանող լավագույն էլեկտրոնային կրթական նյութերի մրցույթի հայտերի ընդունման վերջնաժամկետ` 2014թ. հոկտեմբերի 3, ժամը 18:00: Ամփոփման  վերջնաժամկետ` 2014թ հոկտեմբերի 15, ժամը 11:00:

Մրցույթի մանրամասն պայմանները և դիմում-հայտը` safe.am կայքում:

Աղբյուրը` youthcanal.do.am

Ռուսաստանի գիտությունների ակադեմիայի և Գիտության և տեխնոլոգիաների միջտարածաշրջանային  խորհրդի կողմից 2014 թ. սեպտեմբերի 9-11-ը Նեպրյախինոյում  (Չելյաբինսկի մարզ) անցկացվելու է գիտության հիմնարար եւ կիրառական պրոբլեմներին նվիրված 9-րդ միջազգային սիմպոզիումը՝ նվիրված ակադեմիկոս Վ.Պ. Մակեեւի 90-ամյակին:

Սիմպոզիումի ծրագիրն ընդգրկում է գիտության հետեւյալ բնագավառները՝ մաթեմատիկա, ֆիզիկա, նանո- և տեղեկատվական տեխնոլոգիաներ,  էներգետիկա, մեքենաշինություն, մեխանիկա և կառավարման գործընթացներ, քիմիա և նյութագիտություն, կենսաբանություն,  բժշկություն, գիտություն երկրի մասին, ճարտարապետություն և շինարարություն, գյուղատնտեսություն, մանկավարժություն և տնտեսագիտություն:

Գիտաժողովին մասնակցության հայտերը եւ զեկույցներն անհրաժեշտ է ներկայացնել Գիտության և տեխնոլոգիաների միջտարածաշրջանային խորհուրդ:

Գիտաժողովի վերաբերյալ մանրամասներին եւ զեկույցների հեղինակներին ներկայացվող պահանջներին կարող եք ծանոթանալ այստեղ:

Աղբյուրը` scs.am