Երևանի պետական համալսարանի Իջևանի մասնաճյուղ

Ամառային միջազգային դպրոցի մասնակցության հրավեր

Ամառային միջազգային դպրոցի մասնակցության հրավեր

Հարգելի համալսարանականներ,

Սիրով տեղեկացնում ենք, որ ս․թ․ սեպտեմբերի 26-29-ը  ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի Գիտական տեղեկատվության վերլուծության և մոնիթորինգի կենտրոնն անցկացնելու է գիտաչափությանը նվիրված երկրորդ ամառային միջազգային դպրոցը` «Գիտության արդի մոտեցումներ․ գիտաչափություն» խորագրով։
Ամառային դպրոցի ընթացքում դասախոսություններով հանդես կգան գիտաչափության ոլորտի առաջատար մասնագետներ Բելգիայից, Իտալիայից, Ռուսաստանից, Հայաստանից և այլն։ Դպրոցը նախատեսված է  գիտության հետ առնչվող անձանց լայն շրջանակի համար: 

Դպրոցի մասին մանրամասներին կարող եք ծանոթանալ http://csiamconf2018.sci.am/ կայքում։

Հարգանքով
Ամառային դպրոցի կազմկոմիտեի նախագահ
Շուշանիկ Սարգսյան

Արվեստագետների  հրավեր՝ համատեղ արվեստագիտական նախագիծ – 2018, Ճամբարակ, Հայաստան

be3524f4bea71ce0

Վերջնաժամկետ՝  29 հունիսի, 2018

Հետաքրքրության շրջանակներ՝  արվեստներ, մշակույթ,

գրաֆիկական դիզայն, լուսանկարչություն

25 օգոստոսի  –  5 սեպտեմբերի

Արվեստների և ԶԼՄ-ների ոլորտից բակալավրիատում սովորող 12 ուսանողներ Ցյուրիխի Արվեստների համալսարանից (Շվեյցարիա) և 12 արվեստի ոլորտի ուսանողներ Երևանից   (Հայաստան) կընտրվեն՝ մասնակցելու այս համատեղ նախագծին Հայաստանի Ճամբարակ քաղաքում:

2 շաբաթ շարունակ բոլոր մասնակիցները կապրեն և կաշխատեն միասին՝ հայ-շվեցարական խառը խմբերում: Առաջին 2 օրերի ընթացքում Երևանում տեղացի արվեստագետ ուսանողները շվեցարացի ուսանողներին ցույց կտան իրենց համալսարանն ու քաղաքը: Այնուհետև մասնակիցները կմեկնեն Ճամբարակ, ուր բոլորը կապրեն միասին 10 օրվա ընթացքում (25 օգոստոսի – 5 սեպտեմբերի, 2018). բաժանվելով 2 կամ 3 խմբերի՝ կապրեն պարզ ու հասարակ կացարաններում՝ տեղացի ընտանիքների հետ:

Ճամբարակը փոքրիկ քաղաք է Հայաստանի սահմանագծին՝ տեղակայված Ադրբեջանի հետ սահմանին Գեղարքունիքի մարզում: Ունի մոտ 58000 բնակչություն:

Հայաստանի և Ադրբեջանի միջև շարունակվող կոնֆլիկտի պատճառոով Ճամբարակն ունի արտագաղթի, թույլ կառուցվածքների և լճացման խնդիրներ, ինչպես ողջ սահմանային գոտին:

Ճամբարակում կա մի արվեստի դպրոց, ուր հաճախում են երիտասարդները իրենց ազատ ժամանակ: Ահա այդտեղ էլ մասնակիցները կհիմնեն իրենց համատեղ աշխատասենյակները, կաշխատեն հայ-շվեցարական խառը խմբերով տարբեր արվեստագիտական նախագծերի վրա՝ տեղական իրավիճակներում և անհատական դիրքորոշումներով:

Ճամբարակի արվեստագիտական նախագծերի շրջանակներում փորձարարության և ընթացակարգերի հիման վրա հաստատված մոտեցումը կունենա առավելություն վերջնական արդյունքների մշակման ժամանակ:

Արվեստագիտական գործընթացները կկազմակերպվեն ու կղեկավարվեն 4 դոցենտների կողմից (Ցյուրիխից ու Երևանից), և հատուկ կիզակետում կլինեն՝

  • Հայաստանի  սահմանագծին արվեստագիտական աշխատանքների անդրադարձը, առանձնապես Ճամբարակում (ներառյալ ամենօրյա կյանքը, հիմնախնդիրները, բնակիչները),
  • Մշակութային սահմաններից զատ համապատասխան համագործակցությունը արվեստագետների, հյուրընկալող կողմի ու տեղացի բնակիչների միջև,
  • Տարբեր հասկացություններ և ավանդույթներ արվեստի, արվեստագիտական կրթության, արվեստի դերի վերաբերյալ:

Այս նախագիծը համագործակցում է Ճամբարակի Արվեստի դպրոցի և Ցյուրիխի Արվեստների համալսարանի հետ:

Արտաս հիմնադրամն (Artasfoundation) ու Ցյուրիխի Արվեստների համալսարանը կհոգան բոլոր արվեստագետ ուսանողների կացության ու սննդի ծախսերը:

Դիմումների գործընթացը

 Անհրաժեշտ է դիմում-հայտերն ուղարկել մինչև 2018թ. հունիսի 29-ը հետևյալ էլ.հասցեին՝ info@artasfoundation.ch:

(1 էջանոց մոտիվացիոն նամակ անգլերենով և պորտֆոլիո՝ նախկին աշխատանքների, նախագծերի օրինակներ. մաքսիմում 8 էջ):

Անգլերենով հաղորդակցվելու հմտությունները պարտադիր են բոլոր դիմորդների համար:

Արվեստագետ ուսանողները (12 Երևանից, 12 Ցյուրիխից) կընտրվեն Ցյուրիխի Արվեստների համալսարանի մասնագիտական խորհրդի կողմից, և վերջնական մասնակիցները կհայտարարվեն մինչև 2018թ. հուլիսի 10-ը:

Լրացուցիչ տեղեկատվություն

 2012 թվականից ի վեր Արտաս հիմնադրամը (artasfoundation)՝  կոնֆլիկտային շրջաններում արվեստների շվեցարական հիմնադրամը, հավաքագրում  է Ցյուրիխի և Թբիլիսիի (Վրաստան) ուսանողների համատեղ բնակվելու և արվեստագիտական աշխատանքներ կատարելու  փորձ: Այժմ Արտաս հիմնադրամը ցանկանում է շարունակել այդ արվեստագիտական փոխանակումը որպես համատեղ նախագիծ 2018 թվականի ուշ ամռանը Հայաստանում:

Կոնֆլիկտային շրջաններում Արվեստների շվեցարական հիմնադրամը անկախ, անկողմնակալորեն գործող հիմնադրամ է: Ֆինանսավորվելով քաղաքացիական հասարակության բազմատիվ անդամների նվիրատվություններով՝ այն հիմնադրվել է 2011 թ.-ին: Հիմնադրամն առաջադրում է իր սեփական արվեստագիտական նախագծերը և իրագործում է դրանք: Այն ուսումնասիրում է այն ներդրումները, որ անսահման արվեստները կարող են առաջարկել՝ կոնֆլիկտների լուծման միջնորդության և խաղաղության ստեղծման համար:

Հավելյալ տեղեկատվություն՝

Երևան,   Shoghakat Mlke-Galstian

shogakat.mlke@gmail.com, +374 99 88 21 10

 

 

Ուսանողական գիտաժողով ՎՊՀ-ում

կոնֆերանս գիտաժողով

2018թ. նոյեմբերի 6-ին Վանաձորի պետական համալսարանի ուսանողական գիտական ընկերությունը կազմակերպում է գիտական նստաշրջան՝ նվիրված Մայիսյան հերոսամարտերին և Հայաստանի 1-ին հանրապետության հռչակման 100-ամյակին: Զեկուցումների թեմատիկան ազատ է:

            Նստաշրջանի ընթացքում գործելու են հետևյալ բաժանմունքները.

  1. Պատմություն, իրավագիտություն, քաղաքագիտություն
  2. Հայ բանասիրություն
  3. Օտար լեզուներ և գրականություն
  4. Տնտեսագիտություն
  5. Մանկավարժություն
  6. Հոգեբանություն
  7. Սոցիալական աշխատանք
  8. Փիլիսոփայություն
  9. Արվեստագիտություն
  10. Աշխարհագրություն
  11. Կենսաբանություն
  12. Քիմիա
  13. Ֆիզիկա
  14. Մաթեմատիկա
  15. Ինֆորմատիկա

Գիտաժողովի աշխատանքներին մասնակցելու համար անհրաժեշտ է մինչև 2018թ. սեպտեմբերի 12-ը sss.vsu.am@mail.ru էլ.փոստի հասցեին ուղարկել մասնակցության հայտը:

Գիտաժողովի աշխատանքային լեզուներն են` հայերեն, ռուսերեն, անգլերեն:

Գիտական նստաշրջանին ներկայացված լավագույն զեկուցումները տպագրվելու են ՎՊՀ ՈՒԳԸ «Գիտական հոդվածների ժողովածու»-ի հերթական համարում:

Միջազգային գիտաժողովի հայտարարություն

1

«ՀԱՅՈՑ ՊԵՏԱԿԱՆՈՒԹՅԱՆ ԱՆՑՅԱԼԸ, ՆԵՐԿԱՆ ՈՒ ԱՊԱԳԱՆ»

3-րդ միջազգային երիտասարդական գիտաժողով (13-16 սեպտեմբերի 2018թ., ք.Ստեփանակերտ)

Արցախի երիտասարդ գիտնականների և մասնագետների միավորման (ԱԵԳՄՄ) նախաձեռնությամբ, ՀՀ սպորտի և երիտասարդության հարցերի նախարարության ու Ստեփանակերտի Մեսրոպ Մաշտոց համալսարանի աջակցությամբ 2018 թվականի սեպտեմբերի 13-16-ը Ստեփանակերտում տեղի կունենա «Հայոց պետականության անցյալը, ներկան ու ապագան» խորագրով 3-րդ միջազգային երիտասարդական գիտաժողովը` նվիրված Հայաստանի առաջին Հանրապետության 100-ամյակին և արցախյան շարժման 30-ամյակին:

Գիտաժողովին կարող են մասնակցել Արցախի, Հայաստանի և արտասահմանյան բուհերի ու գիտահետազոտական կենտրոնների ասպիրանտները, երիտասարդ գիտնականներն ու մասնագետները (մասնակիցը պետք է լինի մինչև 35 տարեկան, բացառությամբ Կազմակերպության կողմից հրավիրյալ գիտնականների):

Գիտաժողովի ոլորտները՝ հասարակական գիտություններ (իրավագիտություն, քաղաքագիտություն, միջազգային հարաբերություններ, պատմություն, տնտեսագիտություն, հոգեբանություն, լրագրություն և այլն):

Մասնակցության համար անհրաժեշտ է մինչև 2018թ. հուլիսի 31-ը լրացնել մասնակցության հայտը և ուղարկել armstatehoodconf@gmail.com էլեկտրոնային փոստին: Հայտի հետ միաժամանակ պետք է ուղարկել նաև`

  • զեկույցը,
  • գիտական ղեկավարի կարծիքը կամ համապատասխան ամբիոնի երաշխավորագիրը (սկան տարբերակով, միայն գիտական աստիճան չունեցողների համար):

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Զեկույցը պետք է համապատասխանի գիտաժողովի խորագրին:

Գիտաժողովի լավագույն աշխատանքները հրատարակվելու են ՀՀ ԲՈՀի պահանջներինհամապատասխանող առանձին նյութերի ժողովածուի տեսքով:

Աշխատանքներին ներկայացվող պահանջներն են.

Զեկույցի համակարգչային շարվածքը՝ Word 97-2003 ծրագիր:

Ծավալը՝ 4-7 էջ:

Էջի ֆորմատը՝ A5 (148*210 մմ), լուսանցքները. ձախից, վերևից, աջից և ձախից՝ 18 մմ:

Տեքստի տառատեսակը՝ հայերեն՝ Arial AMU (տառատեսակը կարող եք բեռնել այստեղից), ռուսերեն և անգլերեն՝ Times New Roman:

Առաջին էջի վերին տողում (մեջտեղում) 11 pt տառաչափով, գլխատառերով, թավ (Bold) գրվում է հոդվածի վերնագիրը: Մեկ տող ներքև տողի աջ կողմում 10 pt տառաչափով տրվում են հեղինակ(ներ)ի Անուն Ազգանուն(ներ)ը: Մեկ տող ներքև տողի աջ կողմում 9 pt տառաչափով, շեղատառ (Italic) տրվում է բուհը կամ գիտահետազոտական կենտրոնը, ֆակուլտետը, կարգավիճակը (ասպիրանտ, գիտությունների թեկնածու, դասախոս): Մեկ տող ներքև տողի աջ կողմում 9 pt տառաչափով տրվում է հեղինակի էլեկտրոնային փոստի հասցեն: Մեկ տող ներքև տողի աջ կողմում 9 pt տառաչափով, շեղատառ (Italic) տրվում է գիտական ղեկավարի գիտական աստիճանը, կոչումը, անուն, ազգանունը: Մեկ տող բաց թողնելով անհրաժեշտ է ներկայացնել աշխատանքի հիմնական տեքստը: Հիմնական տեքստի տառաչափը՝ 10 pt, տողերի հեռավորությունը՝ 1: Տեքստը պետք է հավասարեցված լինի երկու կողմերից (Alignment: Justify): Պարբերությունները սկսել 1 սմ խորքից՝ TAB-ի կիրառմամբ:

Հղումները պարտադիր են. տրվում են տողատակում՝ 8 pt տառաչափով, տողերի հեռավորությունը՝ 1: Հղման տեքստը պետք է հավասարեցված լինի երկու կողմից (Alignment: Justify): Հղման մեջ պետք է ներկայացված լինեն օգտագործված աշխատանքի հեղինակի ազգանունը և անվան առաջին տառը (թավ տառերով՝ Bold), այնուհետև՝ աշխատանքի վերնագիրը, հրատարակման վայրը, թվականը, օգտագործած գրականության էջը:

Հայերեն, ռուսերեն և անգլերեն ամփոփագրերը պարտադիր են: Հոդվածի հիմնական տեքստից մեկ տող հետո տողի մեջտեղում 10 pt տառաչափով, գլխատառերով, թավ (Bold) գրվում է հոդվածի վերնագիրը: Մեկ տող հետո 10 pt տառաչափով տրվում է հեղինակ(ներ)ի Անուն Ազգանուն(ներ)ը: Մեկ տող ներքև գրվում է «բանալի բառեր» և նշվում են 4-6 բանալի բառեր: Մեկ տող ներքև 60-80 բառի սահմաններում համառոտ ներկայացվում է զեկույցի ամփոփագիրը (հիմնական էությունը, նպատակը, խնդիրները, արդյունքները):

Անցնելով այս հղմամբ` կարող եք ծանոթանալ զեկույցի ձևավորման օրինակի:

Նշված չափորոշիչներին չհամապատասխանող զեկույցները չեն քննարկվելու:

Գիտաժողովի կազմկոմիտեի նախագահ՝
«Արցախի երիտասարդ գիտնականների և մասնագետների միավորում» ՀԿ հիմնադիր նախագահ, Արցախի պետական և Մեսրոպ Մաշտոց համալսարանների դասախոս, 
ի.գ.թ., դոցենտ Ավետիք Համլետի Հարությունյան
Հեռ. (+374) 97277770, էլ. փոստ. avetik.hh@gmail.com:

«Ամերիա Սերունդ 9» ծրագրին մասնակցելու հրավեր

«Ամերիա Սերունդ» ծրագրին մասնակցելու հրավեր

Հարգելի՛ համալսարանականներ,

մեկնարկում է «Ամերիաբանկ» ՓԲԸ-ում անցկացվելիք «Ամերիա Սերունդ 9» ծրագրիրը:

 Ցանկացողները կարող են ռեզյումեներն ուղարկել ԵՊՀ շրջանավարտների և կարիերայի կենտրոնի acc@ysu.am էլեկտրոնային հասցեին` թեմա (Subject) բաժնում նշելով աշխատանքի անվանումը:

Դիմումների ընդունման վերջնաժամկետն է՝ 25.06.2018թ.:

Պահանջվող որակավորումներ և հմտություններ 

  • Բարձրագույն կրթություն ֆինանսների, տնտեսագիտության, տեխնիկական կամ հումանիտար ոլորտներում
  • Նպատակասլացություն, ճկունություն
  • Թիմի հետ միասին նոր մարտահրավերներ հաղթահարելու պատրաստակամություն
  • Համակարգչային հմտություններ
  • Հայերենի, անգլերենի և ռուսերենի լավ իմացություն
  • Նոր մարտահրավերներ ընդունելու, նորարարական գաղափարներով ու մոտեցումներով հանդես գալու ունակություն 
  • Տարբեր մշակույթների և սոցիալական խմբերի ներկայացուցիչների հետ աշխատելու կարողություն:

Մանրամասներն` այստեղ: