Ս.թ. հոկտեմբերի 8-ին ԵՊՀ Իջևանի մասնաճյուղում «Կենսափորձ» ծրագրի շրջանակներում կայացավ առաջին հանդիպումը՝ տնօրեն Ս.Առաքելյանի հետ: Տնօրենը ողջունեց Ուսանողական գիտական ընկերության այս նախաձեռնությունը՝ որպես փորձի փոխանցման արդյունավետ միջոց:
Իրադարձություններ
Հանդիպում ՀՀ վաստակավոր նկարիչ Անատոլի Ավետյանի հետ
2012թ. հոկտեմբերի 9-ին ԵՊՀ Իջևանի մասնաճյուղում կայացավ հանդիպում ՀՀ վաստակավոր նկարիչ Անատոլի Ավետյանի հետ, որը նախաձեռնել էր ԵՊՀ ԻՄ տուրիզմի կառավարման և մշակութաբանության ամբիոնի դասախոս, արվեստաբան Լ. Լաճիկյանը:
Հանդիպմանը մասնակցում էին Կիրառական արվեստի ֆակուլտետի դեկան Կ. Այվազյանը, դասախոսներ, ուսանողներ:
Վոլեյբոլի և փետրագնդակի մասնաճյուղային առաջնություն
2012թ. սեպտեմբերի 17-27-ը ԵՊՀ Իջևանի մասնաճյուղում կայացան անկախության 21-րդ տարելիցին նվիրված վոլեյբոլի և փետրագնդակի մասնաճյուղային առաջնություններ, որոնց մասնակցում էր 6 թիմ:
ԳԻՏԱԿԱՆ ԽՈՐՀՐԴԻ ՆԻՍՏՈՒՄ
2012 թ. սեպտեմբերի 17-ին տնօրեն Ս. Ա. Առաքելյանի գլխավորությամբ տեղի ունեցավ ԵՊՀ Իջևանի մասնաճյուղի գիտական խորհրդի հերթական նիստը, որին Երևանի պետական համալսարանից մասնակցում էին ԵՊՀ ուսումնական աշխատանքների գծով պրոռեկտոր Ա. Գրիգորյանը և ուսումնամեթոդական վարչության պետ Հ. Ժամհարյանը: Նիստում քննարկվեցին հետևյալ հարցերը:
Նախ հաստատվեց ԵՊՀ ԻՄ գիտական խորհրդի 2012-2013 ուստարվա առաջին կիսամյակի ժամանակացույցը:
Ապա քննարկվեց մասնաճյուղում կառուցվածքային փոփոխություններ կատարելու հարցը, առկա և հեռակա ուսուցման բակալավրի կրթական ծրագրով մասնագիտությունների ցանկը:
Տեղեկացվեց 2011-2012 ուստարվա արդյունքներով ուսանողների փոխատեղման (ռոտացիայի), առկա ուսուցման բակալավրիատի և «Կիրառական արվեստ» մասնագիտության մագիստրատուրայի 2012-2013 ուստարվա ընդունելության մասին:
Հաստատվեցին 2012-2013 ուստարվա առաջին կիսամյակի անվանական կրթաթոշակները:
Կատարվեց համամասնաճյուղային արտակարգ իրավիճակների, մարմնակրթության և սպորտի ամբիոնի վարիչի ընտրություն:
Քննարկվեցին ընթացիկ այլ հարցեր: