Երևանի պետական համալսարանի Իջևանի մասնաճյուղ

Մասնաճյուղային գիտաժողովի հրավեր

 ԵՊՀ ԻՄ

Սիրելի՛ ուսանողներ, ԵՊՀ Իջևանի մասնաճյուղի ուսանողական գիտական ընկերությունը (ՈՒԳԸ) 2017թ. նոյեմբերի 28-29-ը կազմակերպում է գիտաժողով՝ նվիրված մասնաճյուղի ՈՒԳԸ-ի հիմնադրման 15-ամյակին:

Գիտաժողովն անց է կացվելու բոլոր ֆակուլտետներում՝ համապատասխան մասնագիտական բաժանմունքներով:

Գիտաժողովին կարող են մասնակցել մասնաճյուղի բոլոր ուսանողները:

Անհրաժեշտ է մինչև ս.թ. նոյեմբերի 20-ը լրացնել մասնակցության հայտը (կարող եք վերցնել Ձեր ֆակուլտետի ՈՒԳԸ նախագահից կամ մասնաճյուղի ՈՒԳԸ աշխատասենյակից) և գիտաժողովի կազմակերպիչներին ներկայացնել գիտական զեկուցման նախնական տարբերակը:

Մասնագիտական հանձնաժողովները կքննարկեն ներկայացված աշխատանքները, որից հետո բավարար ձևակերպման որակ, ինքնուրույնություն և արդիականություն ունեցող զեկուցումները կթույլատրվեն ընթերցման:

Գիտաժողովի ծրագիրը կհրապարակվի մինչև ս.թ. նոյեմբերի 24-ը:

Բոլոր զեկուցողներին կտրվեն մասնակցության վկայականներ:

Աշխատանքի հրավեր ծրագրավորողների համար

Աշխատանքի հրավեր ծրագրավորողների համար

«Վեկտր» ընկերությունը աշխատանքի է հրավիրում ծրագրավորողների։

Աշխատանքային փորձը ցանկալի է։

Ցանկացողները կարող են լրացնել հայտը:

Հարցերի դեպքում գրեք մեզ կամ զանգահարեք հետևյալ հեռախոսահամարներով՝ 094033266, 099033266։

Հայտերն ընդունվում են մինչև դեկտեմբերի 25-ը ներառյալ։

Վոլեյբոլի ընկերական խաղում հաղթեց  «ԻԿՄ» մասնագիտության 1-ին կուրսի թիմը

2017թ. նոյեմբերի 11-ին՝ երիտասարդության և ուսանողության տոների (նոյեմբերի 10-ին նշվում է Երիտասարդության համաշխարհային օրը, իսկ նոյեմբերի 17-ին՝ Ուսանողության միջազգային տոնը) կապակցությամբ, ԵՊՀ Իջևանի մասնաճյուղում տեղի ունեցավ վոլեյբոլի ընկերական խաղ:

Վոլեյբոլի ընկերական խաղում հաղթեց  «ԻԿՄ» մասնագիտության 1-ին կուրսի թիմը

Խաղը կազմակերպել էր ԵՊՀ ԻՄ-ի արտակարգ իրավիճակների, մարմնակրթության և սպորտի ամբիոնը (ամբիոնի վարիչի ԺՊ Ա.Վանեսյանը, դասախոսներ Ն.Ղարիբյանը և Պ.Կարապետյանը):

Վոլեյբոլի ընկերական խաղում հաղթեց  «ԻԿՄ» մասնագիտության 1-ին կուրսի թիմը

Վոլեյբոլի ընկերական խաղը կայացավ Բնական գիտությունների ֆակուլտետի «Ինֆորմատիկա և կիրառական մաթեմատիկա» 1-ին և Կիրառական արվեստի ֆակուլտետի «Դիզայն» 2-րդ կուրսի ուսանողների միջև:  

Ընթացավ թեժ խաղ, որի 4 խաղափուլերն ավարտվեցին 2:2 հաշվով:

Վոլեյբոլի ընկերական խաղում հաղթեց  «ԻԿՄ» մասնագիտության 1-ին կուրսի թիմը

Խաղարկվեց 5-րդ խաղափուլ՝ հաղթող թիմ որոշելու համար:

Հաղթեց  «Ինֆորմատիկա և կիրառական մաթեմատիկա» մասնագիտության      1-ին կուրսի թիմը:

Վոլեյբոլի ընկերական խաղում հաղթեց  «ԻԿՄ» մասնագիտության 1-ին կուրսի թիմը

 

«ԿՐԹԱՄՇԱԿՈՒԹԱՅԻՆ ԿՅԱՆՔԸ ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ ՏԱՐԻՆԵՐԻՆ» միջազգ. գիտաժողովի մասնակցության հրավեր

 «ԿՐԹԱՄՇԱԿՈՒԹԱՅԻՆ ԿՅԱՆՔԸ ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ ՏԱՐԻՆԵՐԻՆ» միջազգ. գիտաժողովի մասնակցության հրավեր 

2018 թ. մայիսի 15-16-ին  ԵՊՀ գիտական խորհրդի նիստերի դահլիճում տեղի է ունենալու «Կրթամշակութային կյանքը Հայաստանի առաջին Հանրապետության տարիներին» խորագրով գիտաժողով` նվիրված Հայաստանի առաջին Հանրապետության 100-ամյակին և Համազգային հայ կրթական և մշակութային միության հիմնադրման 90-ամյակին: Գիտաժողովը կազմակերպվում է Երևանի պետական համալսարանի, Համազգային հայ կրթական և մշակութային միության և ՀՀ գիտությունների ազգային ակադեմիայի համատեղ ջանքերով:

Գիտաժողովը նպատակ ունի համակողմանիորեն, գիտական արդիական  չափանիշներով  քննելու  Առաջին Հանրապետության տարիներին ձևավորված  գրական-մշակութային  կյանքը և դրա առանձնահատկությունները, անդրադառնալու գիտության և կրթության ոլորտում պետական քաղաքականության հիմքերին, այդ թվում՝ ձևավորվող հանրակրթական համակարգին, բարձրագույն կրթական  օջախների  կազմակերպմանը և դրանց  կրթական գործունեությանը, գիտության տարբեր ճյուղերի զարգացմանն ու հիմնական գիտական նվաճումներին, պարբերական մամուլին և հրատարակչական գործին, նոր հայացքով արժևորելու Առաջին Հանրապետության հոգևոր-մշակութային գործիչների, լուսավորիչ մանկավարժների ծավալած գործունեությունը և  ձևավորված կրթամշակութային կյանքի ազդեցություններին Սփյուռքի հետագա կրթական և մշակութային կյանքի ձևավորման վրա:

Գիտաժողովին հրավիրվում են գիտնականներ Հայաստանից, Արցախից և Սփյուռքից։

Գիտաժողովի ծրագրային հանձնախմբի կազմն է.

Արամ Սիմոնյան  – ԵՊՀ ռեկտոր

Աշոտ Մելքոնյան  – ՀՀ ԳԱԱ պատմության ինստիտուտի տնօրեն

Արմեն Քլոտ Մութաֆյան – ՀՀ ԳԱԱ արտասահմանյան անդամ, պատմության դոկտոր

Անահիտ Տեր-Մինասյան – Սորբոն – Փարիզ 1 համալսարանի պրոֆեսոր, պատմաբան

Կարեն Խաչատրյան  – ՀՀ ԳԱԱ պատմության ինստիտուտի փոխտնօրեն

Մենուա Սողոմոնյան  – ԵՊՀ գիտական քարտուղար

Մհեր Հովհաննիսյան – ԵՊՀ հայագիտական հետազոտությունների ինստիտուտի փոխտնօրեն

Գուրգեն Վարդանյան  – ՀՀ ԳԱԱ պատմության ինստիտուտի գիտաշխատող 

Գիտաժողովին զեկուցումներով հանդես գալու հայտերի և զեկուցումների թեզիսների ընդունման վերջնաժամկետն է`2018 թ. մարտի 15-ը:

Գիտաժողովի անցկացման վայրն է՝

ք. Երևան, Ալեք-Մանուկյան 1, Երևանի պետական համալսարանի կենտրոնական մասնաշենքի 5-րդ հարկ, ԵՊՀ գիտական խորհրդի նիստերի դահլիճ:   

Չափորոշիչներ՝

Զեկուցումները ուղարկել հետևյալ է հասցեներով` hayastan@hamazkayin.com, instarmstud@gmail.com,  (տեքստը` Word, նկարները` TIFF կամ բարձրորակ JPG): Զեկուցումների պատրաստման և ներկայացման լեզուն հայերենն է: Զեկուցումները պետք է ունենան ամփոփում (անգլերեն, շուրջ 300 բառ):

  1. Տառատեսակը հայերեն` Sylfaen, անգլերենը` Times New Roman:

  2. Տառաչափը` 12, միջտողային բացատը` 1.5:

  3. Զեկուցման սկզբում դրվում են հեղինակի անունը, ազգանունը (գլխատառերով), վերնագիրը (գլխատառերով), զեկուցման վերջում նշվում են հեղինակի գիտական աստիճանն ու կոչումը, աշխատանքի վայրը, պաշտոնը, էլեկտրոնային հասցեի անվանումը:

  4. Հղումները տրվում են տողատակում` աճման կարգով, տառաչափը` 10, նշվում են աղբյուրի հեղինակը, վերնագիրը, հատորը, հրատարակության տեղը, տարեթիվը (մամուլի դեպքում` նաև համարը) և էջը:

  5. Տալ հայերեն և անգլերեն 10-ական բանալի բառ:

Անհրաժեշտ է հայտերը և թեզիսները լրացնել համացանցով`  մուտք գործելով ` https://goo.gl/RgnaaD

Հարցերի պարագայում դիմել`

«Համազգայինի» Հայաստանի գրասենյակ,                                                                            

ք. Երևան, Մաշտոց 37/14                                                            

Հեռ. (+374 10) 53 39 49 ընդունարան     
էլ. հասցե` hayastan@hamazkayin.com    

 ԵՊՀ, Հայագիտական հետազոտությունների ինստիտուտ`

ք. Երևան, Ալեք-Մանուկյան 1, ԵՊՀ 2-րդ մասնաշենք,
5-րդ հարկ, ընդունարան  
Հեռ.՝(+374 60) 710092  
Էլ  հասցե` instarmstud@gmail.com

ԳԻՏԱԺՈՂՈՎԻ ԿԱԶՄԿՈՄԻՏԵ

Մհեր Հովհաննիսյան – ԵՊՀ հայագիտական հետազոտությունների ինստիտուտի  փոխտնօրեն  (կոմիտեի նախագահ)

Վիգէն Թիւֆէնքճեան – Համազգային հայ կրթական և մշակութային միության ԿՎ անդամ,  դոկտոր, գրականագետ

Նարե Միքայելյան – Համազգային հայ կրթական և մշակութային հիմնադրամի տնօրեն

Հակոբ Մուրադյան – ՀՀ ԳԱԱ պատմության ինստիտուտի գիտական քարտուղար

Նարինե Նուշերվանյան – ՀՀԻ սփյուռքագիտական հետազոտությունների բաժնի լաբորանտ, ասպիրանտ

Ռոբերտ Սուքիասյան -ՀՀԻ ցեղասպանագիտության բաժնի լաբորանտ, ասպիրանտ

Աւետիս Ափոշեան – ՀՀԻ վիրտուալ հայագիտության և տեղեկատվությանի բաժնի լաբորանտ

Աղբյուրը՝ https://armacad.info

Տնօրենը խորհրդակցություն անցկացրեց մասնաճյուղի վարչական աշխատակիցների հետ

2017թ. նոյեմբերի 10-ին  ԵՊՀ ԻՄ-ի տնօրեն Ս. Ա. Առաքելյանը խորհրդակցություն անցկացրեց մասնաճյուղի մի խումբ վարչական աշխատակիցների հետ:

Խորհրդակցության ընթացքում քննարկվեցին մասնաճյուղի պրոֆեսորադասախոսական անձնակազմի ուսումնական բեռնվածության կատարման ընթացքին, ԵՊՀ ԻՄ-ի՝ 2017-2018 ուսումնական տարվա I կիսամյակի  1-ին ընթացիկ քննություններին և ստուգումներին վերաբերող հարցեր:

Տնօրենը խորհրդակցություն անցկացրեց  մասնաճյուղի վարչական աշխատակիցների հետ

Հաշվի առնելով Ուսումնամեթոդական վարչության ուսումնասիրությունը ԵՊՀ ԻՄ-ի պրոֆեսորադասախոսական անձնակազմի ուսումնական բեռնվածության վերաբերյալ, Երևանից հրավիրված դասախոսների հաճախումների գրաֆիկն ըստ շաբաթների (համարիչ, հայտարար) և ընթացիկ քննությունների ու ստուգումների անցկացումը հայտարար շաբաթում (համաձայն ժամանակացույցի)՝ ֆակուլտետների դեկաններին հաձնարարվեց համապատասխան դասախոսների հետ քննարկել և նշանակել լրացուցիչ ուսումնական պարապմունքներ՝ նախատեսված ժամաքանակները մինչև կիսամյակի ավարտը լրացնելու նպատակով:

2017-18 ուսումնական տարվա I կիսամյակի 1-ին ընթացիկ քննություններին և ստուգումներին վերաբերող հարցի կապակցությամբ ֆակուլտետների դեկաններին հանձնարարվեց ֆակուլտետների գիտական խորհուրդների նիստերում ամփոփել քննությունների և ստուգումների արդյունքները: