Երևանի պետական համալսարանի Իջևանի մասնաճյուղ

Կայացավ «Նորայր Դանիելյան: Լեգենդար հրամանատարը»  խորագրով բաց դասը

2017թ. հոկտեմբերի 18-ին՝ Մարտակերտի պաշտպանական շրջանի կազմավորման 25-րդ տարեդարձի և «Մարտական խաչ» 1-ին աստիճանի շքանշանակիր Նորայր Դանիելյանի նահատակության օրվա առթիվ, ԵՊՀ Իջևանի մասնաճյուղում կայացավ «Նորայր Դանիելյան: Լեգենդար հրամանատարը»  խորագրով բաց դաս, որը կազմակերպել էին մասնաճյուղի ուսանողական գիտական ընկերությունը (ՈՒԳԸ) և «Տավուշ» ռազմահայրենասիրական ակումբը:

Կայացավ «Նորայր Դանիելյան: Լեգենդար հրամանատարը»  խորագրով բաց դասը

Միջոցառման նպատակն էր ԵՊՀ ԻՄ-ի ուսանողներին և աշխատակիցներին ներկայացնել Արցախյան ազատամարտի հերոս, Արցախի Հանրապետության «Մարտական խաչ» 1-ին աստիճանի շքանշանակիր Նորայր Դանիելյանի կյանքը և հայրենանվեր գործունեությունը:

Բաց դասը վարեց ԵՊՀ Իջևանի մասնաճյուղի ՈՒԳԸ համակարգող, «Լեգենդար հրամանատարը» գրքույկի համահեղինակ Սլավիկ Ալավերդյանը: Նա շնորհանդեսի ուղեկցությամբ նախ ներկայացրեց լեգենդար հրամանատարի կյանքն ու գործունեությունը, ապա ցուցադրեց 1993թ. մարտի վերջին Քարվաճառի ազատագրման ժամանակ նրա տված հարցազրույցներից մեկը:

Կայացավ «Նորայր Դանիելյան: Լեգենդար հրամանատարը»  խորագրով բաց դասը

Կենսագրական տվյալներից ներկայացվեց, որ Նորայր Էդուարդի Դանիելյանը ծնվել է 1967թ. օգոստոսի 1-ին Լեռնային Ղարաբաղի ինքնավար մարզի Մարտակերտի շրջանի Գյուլաթաղ (այժմ՝ Վարդաձոր) գյուղում:

Փայլուն ավարտելով հայրենի գյուղի 8-ամյա, այնուհետև հարևան Ներքին Հոռաթաղ գյուղի միջնակարգ դպրոցը՝ 1984թ. ընդունվում է Ստեփանակերտի պետական մանկավարժական ինստիտուտի ֆիզիկամաթեմատիկական ֆակուլտետ՝ «Ընդհանուր տեխնիկական առարկաներ և ֆիզիկա» բաժինը:

1985-1987թթ. ծառայում է ԽՍՀՄ բանակում:

1990թ. գարնանը կցվում է ընդհատակյա զինված պայքարին, 1990թ. ամռանը Մարտակերտի շրջանի հարթավայրային մասում տեղակայված Ջանյաթաղի (այժմ՝ Ճանկաթաղ) դաշտային կայանը վեր է ածում ռազմականացված բնակավայրի, որը անվանակոչվում է «Քաջավան»: Գյուղի ստեղծման 100-րդ օրը` 1990թ. հոկտեմբերի 24-ին, անձնագրային ռեժիմի ստուգման պատրվակով առավոտյան ժամը 04:30-ի սահմաններում ՊԱԿ-ի հատուկ զորքերը շրջապատում են գյուղը:

Մեկ ամիս հետո Նորայր Դանիելյանին իր ընկերների հետ մեղադրանք է առաջադրվում բանտիտիզմի, իշխանության մարմիններին զինված դիմադրություն ցուցաբերելու և ազգամիջյան կրքերի բորբոքման, անօրեն զենք կրելու համար: Նրանց 4 ամիս պահում են Շուշիի բանտում, այնուհետեւ 1991թ. մարտի 19-ին ուղղաթիռով տեղափոխում են Բաքվի բանտեր: 1991թ. հոկտեմբերին Ադրբեջանի Գերագույն դատարանի կողմից Նորայրը դատապարտվում է 10 տարվա, իսկ ընկերները՝ 6-10 տարվա ազատազրկման:

1992թ. ապրիլի 11-ին խմբի 6 տղաները փոխանակվում են ադրբեջանցի ռազմագերիների հետ և շարունակում Արցախի անկախության համար մղվող զինված պայքարը:

Մեկ ամիս անց՝ Ստեփանակերտից ջոկատի համար զենք տեղափոխելիս, նրա մեքենան պայթում է հակատանկային ականի վրա. նա ծանր վիրավորվում է, բայց ապաքինվելուց հետո կրկին շարունակում զինված պայքարը:

1992թ. հունիս-օգոստոս ամիսներին հակառակորդին հաջողվում է Կիրավոբադում տեղակայված խորհրդային (ռուսական) 4-րդ բանակի զորամասերի օգնությամբ զավթել Շահումյանի շրջանը, այնուհետև Մարտակերտի շրջանի տարածքի 90%-ը: Հաջողվում է հակառակոդի առաջխաղացումը կասեցնել Գանձասարի վանքից ընդամենը մի քանի կմ հեռավորության վրա: Գյուլաթաղի ջոկատի հրամանատարի զոհվելուց հետո Նորայր Դանիելյանը ընտրվում է ջոկատի հրամանատար: Օգոստոսի 29-ին Նորայրը Դանիելյանը կրկին վիրավորվում է Մեհմանա գյուղի մոտ ու ծանր վիճակում տեղափոխվում Երևան:

1992թ. հոկտեմբերին որոշում է կայացվում կազմավորել Մարտակերտի պաշտպանական շրջան և առաջին հրամանատար է նշանակվում Նորայր Դանիելյանը, ով այդ ժամանակ դեռ գտնվում էր բուժման մեջ:

1993թ. փետրվարի 5-25-ը գնդի ստորաբաժանումները օգնության եկած ուժերի հետ միասին ազատագրում են Հաթերքի ենթաշրջանի 15 բնակավայրեր, hսկողության տակ են  վերցվում Մարտակերտ-Քարվաճառ ճանապարհը, Սարսանգ ՀԷԿ-ը:

Նույն թ. մարտի 27-ին սկսվում է պատմական Քարվաճառի շրջանի ազատագրման գործողությունը: Մարտակերտի, Ստեփանակերտի, Մարտունու գնդերի և մի քանի ջոկատների հաջողվում է մի քանի օրվա ընթացքում ազատագրել շրջանը:

Ապրիլի 5-ին զորամասի ստորաբաժանումները արդեն դիրքավորված էին Օմարի լեռնացքում՝ ծովի մակարդակից 3400 մետր բարձրության վրա: Նորայր Դանիելյանի հրամանատարությամբ ստորաբաժանումները մայիս-հուլիս ամիսներին ազատագրում են Մարտակերտի շրջանի հարթավայրային մասը:

Կայացավ «Նորայր Դանիելյան: Լեգենդար հրամանատարը»  խորագրով բաց դասը

1993թ. Նորայր Դանիելյանն ընտրվում է ԼՂՀ Գերագույն խորհրդի պատգամավոր:

Օգոստոսի 1-ին 26-ամյա հրամանատար Նորայր Դանիելյանն արժանանում է փոխգնդապետի կոչման:

1993թ. օգոստոսի 24-ից սեպտեմբերի 6-ը գնդի 150 մարտիկներ Նորայր Դանիելյանի ղեկավարությամբ մասնակցում են նախկին Կուբաթլուի շրջանի ազատագրմանը` օգոստոսի 31-ին՝ կեսօրից հետո, առաջինը մտնելով ք.Կուբաթլու (այժմ՝ Որոտան):

1993թ. հոկտեմբերի 18-ին՝ ժամը 21:30-ի սահմաններում, Ստեփանակերտից Դրմբոն վերադառնալու ճանապարհին՝ Ասկերանի շրջանի Խնձրիստան գյուղի մոտակայքում, մինչ օրս չբացահայտված հանգամանքներում դավադրաբար սպանվում է լեգենդար հրամանատարը:

ԼՂՀ Գերագույն խորհրդի նախագահության հրամանով «Հայրենիքի պաշտպանության գործում ցուցաբերած ակնառու խիզախության և անձնական արիության համար» Նորայր Դանիելյանը հետմահու արժանանում է ԼՂՀ «Մարտական խաչ» 1-ին աստիճանի շքանշանի:

Նրա անունն են կրում ծննդավայր Վարդաձորի և իր կողմից ազատագրված Շահումյանի (Քարվաճառի) շրջանի Զուար գյուղի միջնակարգ դպրոցները, Մարտակերտ քաղաքի փողոցներից մեկը:

Բաց դասը եզրափակվեց 1993թ. մարտի վերջին՝ Քարվաճառի ազատագրման ժամանակ, լեգենդար հրամանատարի տված հարցազրույցներից մեկով:

 

Մասնաճյուղում կայացավ վերապատրաստման դասընթաց անգլերեն լեզու դասավանդողների և ուսանողների համար (Teacher Training Workshop “Empowering Recipes For EL Teachers “)

 2017թ. հոկտեմբերի 17-ին ԵՊՀ Իջևանի մասնաճյուղում կայացավ վերապատրաստման դասընթաց անգլերեն լեզու դասավանդողների և ուսանողների համար (Teacher Training Workshop “Empowering Recipes For EL Teachers”):

Մասնաճյուղում կայացավ վերապատրաստման դասընթաց  անգլերեն լեզու դասավանդողների և ուսանողների համար  (Teacher Training Workshop “Empowering Recipes For EL Teachers “)

Այն իրականացվեց Հայաստանի ԱՄՆ դեսպանատան  շրջանավարտների դրամաշնորհային ծրագրի (US Embassy in Armenia within the US Alumni Outreach Grant Program) ֆինանսավորմամբ, Անգլերեն  դասավանդողների հայկական ասոցիացիայի  (AELTA), ԵՊՀ Իջևանի մասնաճյուղի անգլերեն լեզվի և գրականության ամբիոնի ու Անգլերենի ռեսուրս կենտրոնի համատեղ ջանքերով:

Մասնաճյուղում կայացավ վերապատրաստման դասընթաց  անգլերեն լեզու դասավանդողների և ուսանողների համար  (Teacher Training Workshop “Empowering Recipes For EL Teachers “)

Վերապատրաստման դասընթացի պատասխանատուներն էին Լուսիկ Հովակիմյանը (ԵՊՀ դոցենտ), Նարինե Խոնդկարյանը (ՀՀ ԳԱԱ, թարգմանիչ), ԵՊՀ ԻՄ-ի անգլերեն լեզվի և գրականության ամբիոնի դասախոս, Անգլերենի ռեսուրս կենտրոնի պատասխանատու Էմմա Թեմրազյանը և նույն ամբիոնի դասախոս, ՄԿԾ-ի պատասխանատու Աստղիկ Սիմոնյանը:

Մասնաճյուղում կայացավ վերապատրաստման դասընթաց  անգլերեն լեզու դասավանդողների և ուսանողների համար  (Teacher Training Workshop “Empowering Recipes For EL Teachers “)

Դասընթացավարներն էին ԵՊՀ դոցենտներ Լուսիկ Հովակիմյանը և Լիանա Բարսեղյանը, ՀՀ ԳԱԱ ներկայացուցիչ Նարինե Խոնդկարյանը, Օհանյան կրթահամալիրի ներկայացուցիչ Սոնա Մանուկյանը:

Վերապատրաստման դասընթացն անցկացվեց երկու խմբով՝ Տավուշի մարզի Նոյեմբերյանի, Դիլիջանի և Իջևանի տարածաշրջանների միջնակարգ, հիմնական և ավագ դպրոցների ուսուցիչների և ԵՊՀ ԻՄ-ի «Անգլերեն լեզու և գրականություն» մասնագիտության 3-րդ ու 4-րդ կուրսերի ուսանողների մասնակցությամբ:

Մասնաճյուղում կայացավ վերապատրաստման դասընթաց  անգլերեն լեզու դասավանդողների և ուսանողների համար  (Teacher Training Workshop “Empowering Recipes For EL Teachers “)

Դասընթացը բաղկացած էր ուսուցիչների համար 4 թեմայից, ուսանողների համար` 2 թեմայից:

Բոլոր մասնակիցներին տրվեցին հավաստագրեր, ուսուցիչները ստացան նաև լեզվական խաղերի փաթեթ՝ ԱՄՆ դեսպանատան կողմից:

Մասնաճյուղում կայացավ վերապատրաստման դասընթաց  անգլերեն լեզու դասավանդողների և ուսանողների համար  (Teacher Training Workshop “Empowering Recipes For EL Teachers “)

 

 

ՀՀ արտգործնախարարի խորհրդական Վահագն Աթաբեկյանի հանդիպումը մեր ուսանողների հետ

2017թ. հոկտեմբերի 17-ին ԵՊՀ Իջևանի մասնաճյուղում կայացավ ՀՀ արտգործնախարարի` ֆրանկոֆոնիայի հարցերով խորհրդական Վահագն Աթաբեկյանի հետ հանդիպում, որը կազմակերպել էր ֆրանսերեն լեզվի և գրականության ամբիոնը:

ՀՀ արտգործնախարարի խորհրդական Վահագն Աթաբեկյանի  հանդիպումը մեր ուսանողների հետ

Հանդիպմանը մասնակցում էին «Ֆրանսերեն լեզու և գրականություն», «Անգլերեն լեզու և գրականություն» մասնագիտությունների տարբեր կուրսերի ուսանողներ, ֆրանսերեն լեզվի և գրականության ամբիոնի դասախոսները:

ՀՀ արտգործնախարարի խորհրդական Վահագն Աթաբեկյանի  հանդիպումը մեր ուսանողների հետ

ՀՀ արտգործնախարարի խորհրդականի հետ հանդիպումը նպատակ ուներ մասնաճյուղի ուսանողներին ծանոթացնել Ֆրանսիա-Հայաստան միջազգային կապերին, Վալանս-Իջևան բարեկամության պատմությանը, ուսանողների փոխանակման ծրագրերին, ինչպես նաև քննարկելու 2018թ. Հայաստանում կայանալիք Ֆրանկոֆոնիայի միջազգային կազմակերպության XVII-րդ գագաթնաժողովին վերաբերող հարցեր:

ՀՀ արտգործնախարարի խորհրդական Վահագն Աթաբեկյանի  հանդիպումը մեր ուսանողների հետ

Ս.թ. սեպտեմբերի 30-ին ԵՊՀ Իջևանի մասնաճյուղ կատարած այցի ընթացքում պարոն Աթաբեկյանը պատրաստակամություն էր արտահայտել մասնաճյուղի ուսանողներին ևս ընդգրկել Ֆրանկոֆոնիայի միջազգային գագաթնաժողովի աշխատանքներում:

Այս հանդիպման ընթացքում մեր ուսանողները ցանկություն հայտնեցին որպես կամավորներ աշխատել հաջորդ տարի Երևանում անցկացվելիք գագաթնաժողովի շրջանակներում:

Համագործակցությունը խորացնելու նպատակով որոշվեց ԵՊՀ Իջևանի մասնաճյուղում ստեղծել Ֆրանկոֆոնիայի երիտասարդական կենտրոն:

Կայացավ «Հռոմից ավելի հին մայրաքաղաքը» փաստագրական ֆիլմի ցուցադրություն-քննարկումը

 2017թ. հոկտեմբերի 17-ին Հումանիտար գիտությունների ֆակուլտետում տեղի ունեցավ «Հռոմից ավելի հին մայրաքաղաքը» փաստագրական ֆիլմի ցուցադրություն-քննարկումը, որը կազմակերպել էր ֆակուլտետի ուսանողական գիտական ընկերությունը (ՈՒԳԸ):

Ցուցադրություն-քննարկմանը մասնակցում էին ֆակուլտետի տարբեր մասնագիտությունների ուսանողներ:

Կայացավ «Հռոմից ավելի հին մայրաքաղաքը»  փաստագրական ֆիլմի ցուցադրություն-քննարկումը

«Հռոմից ավելի հին մայրաքաղաքը» փաստագրական ֆիլմը պատմում էր տարբեր երկրների մայրաքաղաքների հնության մասին, ներկայացնում, որ Երևանը 29 տարի ավելի վաղ է հիմնադրվել, քան «Հավերժական քաղաք» Հռոմը:

Ուսանողները ֆիլմի միջոցով ծանոթացան մեր քաղաքամայր Երևանի պատմությանը, քաղաքի հետ կապված կարևոր իրադարձություններին:

Կայացավ «Հռոմից ավելի հին մայրաքաղաքը»  փաստագրական ֆիլմի ցուցադրություն-քննարկումը

Հետաքրքիր քննարկում ծավալվեց ֆիլմում փաստերով հերքվող՝ քաղաքի պատմության վերաբերյալ միջազգային հարթակներում տարածված ադրբեջանական ապատեղեկատվության շուրջ:

Կրթաթոշակային ծրագիր «Հրայր և Աննա Հովնանյան հիմնադրամ»

Կրթաթոշակային ծրագիր  «Հրայր և Աննա Հովնանյան հիմնադրամ»

«Հրայր և Աննա Հովնանյան հիմնադրամ» -ի կրթաթոշակը տրամադրվում է 2018թ. գարնանային կիսամյակի համար միայն Հայաստանում գործող համալսարանների համար:

Դիմել կարող են  բոլոր հետաքրքրված անձինք, ովքեր բավարարում են հետևյալ չափանիշներին.

-Ունեն հայկական ծագում (կարող են լինել ՀՀ կամ  այլ երկրի քաղաքացիներ):

-Կրթություն են ստանում ՀՀ պետական համալսարաննների բակալավրիատում   կամ մագիստրատուրայում:

-Բարձր առաջադիմություն են ցուցաբերել ավագ դպրոցում կամ  համալսարանում եթե արդեն ուսանող են:

-Կրթաթոշակը տրամադրում է ուսման վարձի  մինչև 50% զեղչ, ուստի դիմորդը պետք է ունենա ֆինանսավորման այլ աղբյուրներ և ներկայացնի  մնացած գումարի վճարման բավարար ապացույցներ:

Դիմորդը պետք է ներկայացնի հետևյալ փաստաթղթերը (անգլերեն թարգմանության կարիք չկա):

-Լրացված դիմում:

http://www.hovnanianfoundation.am/wp-content/uploads/2017/10/ApplicationFormArm.pdf

-Անձնագրի պատճեն:

 -Ուսումնական հաստատության  կողմից տրված տեղեկանք, որտեղ նշված կլինի  մասնագիտությունը և տարեկան ուս. վարձի չափը:

– Մինչ օրս ստացած գնահատականների մասին տեղեկանք:

 -Աշխատավայրից տեղեկանք աշխատավարձի չափի վերաբերյալ (դիմողի աշխատելու պարագայում):

– Ծնողների աշխատավայրից տեղեկանք և կամ տեղեկանք համապատասխան մարմիններից գործազրկության կամ անապահովության վերաբերյալ:

– Արական սեռի դիմորդները պետք է ներկայացնեն նաև զինվորական գրքույկի պատճենը, ինչպես նաև այն էջը, որում նշված է ծառայություն իրականացրած վայրը կամ հերթապահության տեսակը:

– Կամավորական աշխատանքի վերաբերյալ փաստաթղթեր, եթե այդպիսիք առկա են:

– Ռեզյումե (պարտադիր չէ):

Կրթաթոշակների տրամադրման համար սահմանված չափորոշիչներից բացի  հիմնադրամի խորհուրդը կարող է հաշվի առնել նաև այլ հատուկ հանգամանքներ:

Դիմումները  պետք է ներկայացնել  2017թ. նոյեմբերի 1-ից 10-ը Հիմնադրամի գրասենյակ (ք.Երևան, Հանրապետության 37):

Մանրամասն՝ http://www.hovnanianfoundation.am/scholarships/