Երևանի պետական համալսարանի Իջևանի մասնաճյուղ

Ինտելեկտուալ խաղ Տնտեսագիտության ֆակուլտետում

2018թ. մարտի 23-ին Տնտեսագիտության ֆակուլտետում կայացավ ինտելեկտուալ խաղ, որը նախաձեռնել էր ֆակուլտետի ուսանողական գիտական ընկերությունը:

Ինտելեկտուալ խաղ Տնտեսագիտության ֆակուլտետում

Խաղին մասնակցում էին երեք թիմ («Կոնվերս», «Մոնոպոլիա» և «Օլիգոպոլիա»), որոնցում ներգրավված էին «Ֆինանսներ» և «Տնտեսագիտություն» մասնագիտությունների տարբեր կուրսերի ուսանողներ:

Ինտելեկտուալ խաղ Տնտեսագիտության ֆակուլտետում

Այս ձևաչափը, որը դեռևս նախորդ` 2017թ. դեկտեմբերի 6-ին կայացած խաղում ապացուցել էր իր արդյունավետությունը, հետապնդում էր մեկ նպատակ` ավագ կուրսերի ուսանողների փորձը և գիտելիքները փոխանցել առաջին կուրսեցիներին։

Ինտելեկտուալ խաղ Տնտեսագիտության ֆակուլտետում

Ուսանողներին տրվեցին տնտեսագիտական տերմիններով աղյուսակներ ու խաչբառեր։ Աղյուսակների մեջ նրանք պետք է գտնեին տնտեսագիտական բնագավառի` խառը տեղաբաշխված բառերը («Թաքնված բառեր») և պատասխանեին մասնագիտական հարցերին («Խաչբառ»)։

6

Խաղն ընթացավ բավականին լարված և միևնույն ժամանակ ջերմ մթնոլորտում։

Ինտելեկտուալ խաղ Տնտեսագիտության ֆակուլտետում

 

2 միավորի առավելությամբ հաղթող ճանաչվեց «Օլիգոպոլիա» թիմը (Արփինե Վերանյան, Լուիզա Մադաթյան, Անուշ Նազինյան)` ստանալով պատվոգիր։

Ինտելեկտուալ խաղ Տնտեսագիտության ֆակուլտետում

Ուսանողական գիտական ընկերությունը շնորհավորում է հաղթողներին և մաղթում նորանոր հաջողություններ։

 

 

 

 

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

2018թ. մարտի 23-ին Երևանի պետական համալսարանում տեղի ունեցավ միջբուհական մրցույթ՝ «Ամենախելացի ֆրանկոֆոն 2018» ինտելեկտուալ խաղը, որը նախաձեռնել էր Մայր բուհը:

1

Ինտելեկտուալ խաղին մասնակցում էին ԵՊՀ-ի և ԵՊՀ Իջևանի մասնաճյուղի, Վալերի Բրյուսովի անվան լեզվաբանական, Ֆրանսիական, Մանկավարժական համալսարանների ուսանողները:

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

Խաղն անցկացվեց երեք փուլով. առաջին փուլում տրվեցին ֆրանսիական քաղաքակրթությանը, երկրորդ փուլում` Ֆրանկոֆոնիայի միջազգային կազմակերպությանը, ֆրանկոֆոն գործիչներին վերաբերող, իսկ երրորդ փուլում` տրամաբանական հարցեր:

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

ԵՊՀ ԻՄ-ից միջբուհական մրցույթին մասնակցում էին «Ֆրանսերեն լեզու և գրականություն» մասնագիտության 3-րդ կուրսի ուսանողուհիներ Լուսյա Ղալթախչյանը, էմմա Շահնազարյանը և նույն մասնագիտության 4-րդ կուրսի ուսանողուհի Անուշ Փաշինյանը:

Մեր մասնակիցները փայլուն ներկայացան խաղին՝ լինելով առաջատար առաջին և երկրորդ փուլերում, փոքր-ինչ զիջելով երրորդում:

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

Անուշ Փաշինյանը և Լուսյա Ղալթախչյանը  անցան եզրափակիչ` գրավելով համապատասխանաբար 3-րդ և 4-րդ հորիզոնականները:

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

Մասնակիցները պարգևատրվեցին հավաստագրերով և լրագրերով, իսկ եզրափակիչ անցած մասնակիցները նաև գրքերով:

Մեր ուսանողները «Ամենախելացի ֆրանկոֆոն 2018» ինտելեկտուալ խաղում

 

Կայացավ «Պեպո» ֆիլմի դիտում-քննարկումը

2018թ. մարտի 23-ին «Հայոց լեզու և գրականություն» մասնագիտության երկրորդ կուրսի ուսանողները, ուսումնասիրության նյութ առնելով Գաբրիել Սունդուկյանի դրամատիկական ստեղծագործությունները, իրենց դասախոսի՝ բ.գ.թ., դոցենտ Վ.Ավագյանի հետ միասին դասերից հետո կազմակերպեցին «Պեպո» ֆիլմի դիտում-քննարկումը:

Կայացավ «Պեպո» ֆիլմի դիտում-քննարկումը

Նախ ուսանողները դիտեցին 1935 թվականին նկարահանված «Պեպո» առաջին հայկական հնչյունային ֆիլմը:

Ապա նրանք, զուգահեռներ անցկացնելով ֆիլմի և կատակերգության միջև, փորձեցին տեսանելի դարձնել դրանց միջև առկա տարբերությունները:

Նկատվեց, որ ֆիլմում ընդգրկված են նաև հատվածներ Սունդուկյանի այլ պիեսներից, ինչպես նաև պիեսում հանդես չեկող, այլ միայն հերոսների խոսքում հիշատակվող մի շարք կերպարներ ֆիլմում մասնակցում են գործողություններին:

Կայացավ «Պեպո» ֆիլմի դիտում-քննարկումը

«Պեպո» ֆիլմի դիտում-քննարկումը նպաստեց, որ ուսանողներն ավելի լավ յուրացնեն Գ.Սունդուկյանի համանուն պիեսը և ծանոթանան թիֆլիսահայ միջավայրի կենցաղի մանրամասներին:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

2018թ. մարտի 23-ին Հումանիտար գիտությունների ֆակուլտետում Անգլերեն լեզվի և գրականության  ամբիոնի կողմից կազմակերպվել էր «Գույներն ու գունանվանումները լեզվամշակույթում» թեմայով գիտագործնական սեմինար, որը վարում էր ամբիոնի վարիչ բ.գ.թ., դոցենտ Ք.Հարությունյանը:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Ներկա էին պրոֆեսորադասախոսական անձնակազմի ներկայացուցիչներ և ուսանողներ:

Թեմայի շրջանակներում Ք.Հարությունյանը մասնակիցներին ներկայացրեց գույներն  ու գունաճանաչողությունը ժամանակակից անգլերենում և առհասարակ մշակույթում՝ մինչ այդ կատարելով պատմական անդրադարձ:

Գունաճանաչողության մասին խոսելիս բանախոսը նշեց, որ չնայած գույների նյութեղեն ուսումնասիրությամբ զբաղվում են այնպիսի գիտություններ, ինչպիսիք են քիմիան և ֆիզիկան, այդուհանդերձ տարբեր մշակույթներ կրող անհատների և հասարակության դեպքում դրա ընկալումը տարբեր է: Ընդգծվեց, որ այդ ուղղությամբ ուումնասիրություններ են իրականացնում հոգեբանությունը, արվեստաբանությունը, գրականագիտությունը, ոճագիտությունը և այլն:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Բանախոսը անցկացրեց զուգահեռներ հայերենի, ռուսերենի և անգլերենի միջև՝ ցույց տալով միևնույն գույնի կիրառման և ըմբռնման նմանություններն ու տարբերությունները տարբեր լեզուներում՝ որպես լեզվի համեմատական ուսումնասիրման կարևորագույն աղբյուր:

Այնուհետև հանգամանորեն ներկայացվեցին տարբեր լեզուներով դարձվածքներում գույնի իմաստային կիրառման, տարբեր մասնագիտություն ունեցող մարդկանց գունաճանաչման առանձնահատկությունները, միջբերվեցին կոնկրետ օրինակներ:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Ք.Հարությունյանը միևնույն ժամանակ փաստեց մի խումբ տեսաբանների ուսումնասիրություններն այն մասին, որ միևնույն գույնը կարող է տարբեր զգացողություններ առաջացնել տարբեր մարդկանց մեջ, և հակառակը, տարբեր տարիքի և սեռի ներկայացուցիչներ կարող են ունենալ տվյալ գույնի ընկալման տարբեր մակարդակներ:

Բովանդակալից տեղեկատվությամբ հագեցած գիտագործնական սեմինարն ուղեկցվեց մասնակիցների բուռն քննարկումներով, որը ևս մեկ անգամ ընդգծեց թեմայի արդիականությունն ու հետաքրքրությունը:

Սեմինարի վերջում Ք.Հարությունյանը ներկաներին նվիրեց համանուն թեմայով իր հեղինակային գիրքը:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Կայացավ «Ամենաարդյունավետ մարդկանց 7 սովորույթները» թեմայով սեմինարը

2018թ. մարտի 22-ին ԵՊՀ Իջևանի մասնաճյուղում կայացավ «Ամենաարդյունավետ մարդկանց 7 սովորույթները» խորագրով մոտիվացիոն բնույթի սեմինարը, որը կազմակերպել էին մասնաճյուղի ուսանողական գիտական ընկերությունը և ուսանողական խորհուրդը:

Կայացավ «Ամենաարդյունավետ մարդկանց 7 սովորույթները» թեմայով սեմինարը

Ներկա էին բուհի դասախոսներ, աշխատակիցներ, ուսանողներ:

Սեմինարը վարեց ԵՊՀ ԻՄ ՈՒԳԸ համակարգող Սլավիկ Ալավերդյանը, իսկ տուրիզմի կառավարման և մշակութաբանության ամբիոնի ասիստենտ, քաղ. գիտ. թեկնածու Հովսեփ Մովսեսյանը հանդես եկավ պարզաբանումներով և ներկայացրեց օրինակներ:

Կայացավ «Ամենաարդյունավետ մարդկանց 7 սովորույթները» թեմայով սեմինարը

Սեմինարի ընթացքում ներկայացվեց 1989թ. լույս տեսած Սթիվեն Ռ. Քովիի «Ամենաարդյունավետ մարդկանց 7 սովորույթները» գիրքը, որը հայերեն հրատարակվել է 2018թ. մարտին «Էդիթ Պրինտ» հրատարակչության կողմից:

Գիրքը 1990 թվականից շարունակում է մնալ բեսթսելլեր բիզնես ոլորտում՝ 40 լեզուներով ավելի քան 30 միլիոն վաճառված օրինակով: Գիրքը 2011թ. “Time” ամսագրի կողմից ընդգրկել է «Բիզնեսի կառավարման վրա ամենամեծ ներգործությունն ունեցող 25 գրքեր»-ի ցանկում: 

Կայացավ «Ամենաարդյունավետ մարդկանց 7 սովորույթները» թեմայով սեմինարը

Ս.Ալավերդյանը նախ ներկայացրեց, որ մարդիկ աշխարհին նայում են՝ ելնելով իրենց հարացույցներից (հուն.՝ պարադիգմա), և հարացույցի փոփոխությունն ունի մեծ ուժ: Այդ նպատակով նա իրականացրեց սոցիալական փորձ. ներկաներին բաժանեց 2 խմբի և ցուցադրեց տարբեր նկարներ: Այնուհետև նրանց ցույց տվեց այլ նկար, որը համադրում էր նախորդ երկու նկարները, և նույն հարցն ուղղեց բոլորին: Ներկաները տվեցին իրար հակասող պատասխաններ՝ ելնելով նրանից, թե որ նկարն էին տեսել մինչ այդ:

Կայացավ «Ամենաարդյունավետ մարդկանց 7 սովորույթները» թեմայով սեմինարը

Ապա ներկայացվեց գրքում տեղ գտած ամենահուզիչ պատմություններից երկուսը («Մի կիրակի առավոտ Նյու Յորքի մետրոյում», «Երկու գծանավ փոթորկուն ծովում»): Նշվեց, որ ամեն մի քայլ կարևոր է, և ամեն մի քայլի համար ժամանակ է պահանջվում: Ոչ մի քայլ բաց թողնել չի կարելի, և հանրային հաղթանակներին պետք է նախորդեն անձնական հաղթանակները:

Կայացավ «Ամենաարդյունավետ մարդկանց 7 սովորույթները» թեմայով սեմինարը

Սեմինարավարը սովորույթը սահմանեց որպես գիտելիքի, հմտության և ցանկության տրամախաչում, տվեց 7 սովորույթների դասակարգումը և հիմնական մտքերից մեկը՝ «Արդյունավետությունը հավասարակշռության մեջ է»: Ներկայացվեց «Ոսկե ձվերի և սագի» առակը, ձևակերպվեց «Արտադրություն (Ա) /Արտադրական կարողություն (ԱԿ)» հավասարակշռությունը:

Այնուհետև ներկայացվեցին 7 սովորույթները.

  1. Պրոակտիվ եղիր:
  2. Մտովի վերջի՛ց սկսիր (սկսիր՝ պատկերացնելով վերջը):
  3. Առաջնային հերթին առաջնայի՛նը դասիր:
  4. Փոխշահավետ մտածիր (Հաղթանակ-Հաղթանակ կամ Շահ-Շահ սկզբունք):
  5. Նախ ձգտիր հասկանալ, ապա նոր միայն հասկացվել:
  6. Սիներգիա ստեղծիր:
  7. Սրիր սղոցը:

Կայացավ «Ամենաարդյունավետ մարդկանց 7 սովորույթները» թեմայով սեմինարը

Նշվեց, որ գրքի հրատարակությունից հետո Ս.Քովին տարբերակել և առանձին գրքով հրատարկել է 8-րդ սովորույթը, այն է՝ «Արդյունավետությունից դեպի մեծություն» (սովորույթների մասին առավել մանրամասն տե՛ս հետևյալ հղումով:

Վերջում ելույթ ունեցավ քաղ. գիտ. թեկնածու, ասիստենտ Հ.Մովսեսյանը, շնորհակալություն հայտնեց ուսանողական կառույցներին նմանատիպ սեմինարներ կազմակերպելու և իրեն ներգրավելու համար, նշեց, որ շատ կարևոր է մոտիվացիոն բնույթի գրքեր կարդալը և հատկապես խորհուրդները կիրառելը:

Կայացավ «Ամենաարդյունավետ մարդկանց 7 սովորույթները» թեմայով սեմինարը