Երևանի պետական համալսարանի Իջևանի մասնաճյուղ

Մեր ուսանողների ճանաչողական այցը Աշոտ Երկաթի բերդ

2017թ. ապրիլի 29-ին ԵՊՀ ԻՄ-ի «Քարտեզագրություն և կադաստրային գործ» մասնագիտության I-III կուրսերի ուսանողները “Ijevan Tour”-ի կազմակերպիչների և իրենց դասախոսների ուղեկցությամբ ճանաչողական այց կատարեցին Աշոտ Երկաթի բերդ, ուսումնասիրեցին տեղանքը և ծանոթացան ամրոցի անչափ հետաքրքիր պատմությանը:

Մեր ուսանողների ճանաչողական այցը Աշոտ Երկաթի բերդ

Մասնավորապես ներկայացվեց, որ Տավուշի բերդը IX-X-րդ դարերում հռչակված վայր էր։ Այստեղ նստող իշխանները մի քանի անգամ ապստամբություն են բարձրացրել Բագրատունի թագավորների դեմ։ Աշոտ Բ-ն (914-928) զենքի ուժով կոտրել է նրանց դիմադրությունը և գրավել Տավուշի բերդը։

Գրավոր աղբյուրներում բերդն առաջին անգամ հիշատակվել է X դարի սկզբից որպես Աշոտ Երկաթի փոխարքաների նստավայր (հիմնականում Ցլիկ Ամրամի)։ X-XI դդ. պատկանել է Բագրատունիների Կյուրիկյան ճյուղին, XII-XIII դդ.՝ Զաքարյաններին։ XIV դ. վերջից անտերունչ մնացած Տավուշը աստիճանաբար ավերվել ու քայքայվել է։

Այժմ այն գտնվում է ոչ լավ վիճակում։ Մարդիկ չեն կարողանում ներս մտնել, որովհետև նրա մուտքի և ելքի տեղերն անհայտ են։

Մեր ուսանողների ճանաչողական այցը Աշոտ Երկաթի բերդ

 

Տավուշը բաղկացած էր միջնաբերդից և ստորին բերդից։ Միջնաբերդը գրավում էր բարձրադիր, զառիթափ ժայռերով եզերված բլրի գագաթի նեղ (առավելագույն լայնությունը 25մ), լեզվականման տարածքը։ Կիսագլանաձև բուրգերով ամրացված պարսպի մնացորդները (մինչև 12մ բարձրությամբ, կառուցված ոչ խոշոր գետաքարերով և ճեղքված անդեզիտի քարերով) պահպանվել են արևելյան և հյուսիսարևմտյան մասերում։ Մուտքը եղել է հարավային կողմից։ Տարածքում շինությունների հետքեր չեն պահպանվել: Փոխարենը ամրոցի տարածքում այսօր էլ գտնում են կավից սպասք և ուրիշ իրեղեն։

Ճանաչողական այցի ընթացքում մեր ուսանողները ձեռք բերեցին բերդի պատմական աղբյուրներին, ամրոցի շինությանը վերաբերող գիտելիքներ, տեղանքի ուսումնասիրման հմտությունններ:

 

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

2017թ. ապրիլի 28-ին «Գյուղական Զբոսաշրջության Ինտեգրված Զարգացում» ծրագրի շրջանակներում ԵՊՀ ԻՄ-ում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը, որն իրականացվում է ՄԱԿ-ի Զարգացման ծրագրի կողմից, ՌԴ ֆինանսավորմամբ:

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Սեմինար-քննարկմանը մասնակցում էին ԵՊՀ ԻՄ-ի շրջանավարտներ և բարձր կուրսերի ուսանողներ, ովքեր հետաքրքրված էին մարզում զբոսաշրջության զարգացմամբ:

Ուսուցում-քննարկումը վարում էին Հայաստանի ամերիկյան համալսարանի դասախոս Ֆրունզիկ Ոսկանյանը և էկոնոմետրիկայի մասնագետ, գույքագրման տվյալների վերլուծության խորհրդատու Իսկուհի Մկրտչյանը:

Ծրագրի օգնական Ռուզաննա Հայրապետյանը  և Ծրագրի «Երիտասարդների առաջխաղացման արահետ» բաղադրիչի ղեկավար Լիանա Դոյդոյանը նախ ներկայացրին ծրագիրը, ուսուցում-քննարկման նպատակը, այն է` երիտասարդներին ներգրավել ծրագրում, նպաստել նրանց կողմից առաջարկվող Start-up–երի  մշակմանը և իրականացնել դրանց  ֆինանսական օժանդակություն:

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Այնուհետև Ֆրունզիկ Ոսկանյանը խոսեց մտքի ձևավորման փուլերի մասին, թե ինչպես ձևավորել և հստակեցնել մտքերը մրցունակ բիզնես ծրագրերի համար:

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Իսկուհի Մկրտչյանը ուսանողներին ներկայացրեց  ծրագրի մշակման փուլերը, ՀՀ գյուղական համայնքների վերաբերյալ տեղեկատվության հավաքագրման և գնահատման  չափանիշների իրենց մեթոդաբանությունը, խոսեց խմբում տարբեր մասնագետների  աշխատանքների մասին և մասնակիցներին առաջարկեց մշակել Տավուշի մարզի գյուղերի վերաբերյալ տեղեկատվությունը՝ առանձնացնելով դրանցից մեկը:

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Մասնակիցները ստացան հանձնարարություն խմբային քննարկման միջոցով   մշակել  գյուղի համար զբոսաշրջության ծրագիր՝  հաշվի առնելով տվյալ գյուղի բնական հուշարձանները, մարդու կողմից ստեղծված օբյեկտները կամ բնակչության ապրելակերպը: 

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Քննարկումը տեղի ունեցավ բավականին աշխույժ, հետաքրքիր առաջարկություններով. յուրաքանչյուր խումբ առանձնացրեց նպաստավոր գործոններ ունեցող մեկ գյուղ և  ուրվագծեց այդտեղ զբոսաշրջության բիզնես ծրագրի իրականացման իր գաղափարները: Քննարկման մասնակիցներից ոմանք առանձնացան իրենց ուրույն մտքերով` ներկաներին  հուշելով նոր գաղափարներ ու մոտեցումներ:  

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Ամփոփելով խմբային քննարկումը՝ Ֆ.Ոսկանյանը  խոսեց շուկային ապրանքի համապատասխանության մասին՝ զգուշացնելով, որ պահանջարկի բացակայությունը բիզնես պլանների ձախողման կարևորագույն գործոն է, և հորդորեց  խմբերին  հստակ տեսնել իրենց գաղափարների թերությունները:

Մասնաճյուղում կայացավ «Քայլ առաջին. Start up-ի համար մտքի ձևավորման փուլ» ուսուցում-քննարկումը

Դասախոսներն առանձնացրին 4 Start-up, մասնակիցներին տրվեց հանձնարարություն մշակել իրենց գաղափարները և հաջորդ հանդիպմանը ներկայանալ արդեն մշակված բիզնես պլաններով: Կազմակերպիչները խոստացան, որ լավագույն ծրագրերը կխրախուսվեն:

 

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

2017թ. ապրիլի 25-30-ը ԵՊՀ ռեկտոր Ա. Հ. Սիմոնյանի հրավերով Հայաստան է ժամանել Իսրայելի (ք. Թել-Ավիվ) «Շարլոտտա» երգչախումբը և Ծիծեռնակաբերդի հուշահամալիրում ու ՀՀ այլ վայրերում հանդես է գալիս ելույթներով` ի հիշատակ Հայոց ցեղասպանության անմեղ զոհերի:

Ապրիլի 26-ին հռչակավոր երգչախումբն իր համերգային ծրագիրը ներկայացրեց  ԵՊՀ-ում, ապրիլի 27-ին՝ Կամերային երաժշտության տանը, իսկ ապրիլի 28-ին` Տավուշի մարզպետարանի դահլիճում:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Համերգային ծրագրից առաջ  «Շարլոտտա» երգչախումբը հյուրընկալվել էր ԵՊՀ Իջևանի մասնաճյուղում, որտեղ ջերմ ընդունելության արժանացավ մասնաճյուղի տնօրենության, վարչական և պրոֆեսորադասախոսական անձնակազմի կողմից:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Երգչախմբի անդամների հետ հանդիպման ընթացքում քննարկվեցին հայ և հրեա ժողովուրդների պատմական ճակատագրերի ընդհանրությանը (Հայոց ցեղասպանություն և Հոլոքոստ), նրանց փոխհամագործակցմանը, զարգացման հեռանկարներին վերաբերող հարցեր:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

ԵՊՀ ԻՄ-ի տնօրեն Ս. Ա. Առաքելյանը ընդհանուր գծերով հյուրերին ներկայացրեց ՀՀ հյուսիսարևելյան տարածաշրջանում կրթական և գիտամշակութային գործունեություն իրականացնող ԵՊՀ Իջևանի մասնաճյուղի առաքելությունը, նրա ֆակուլտետներն ու գործող մասնագիտությունները, խորին շնորհակալություն հայտնեց «Շարլոտտա» երգչախմբին` Հայաստանում, ի հիշատակ Հայոց ցեղասպանության անմեղ զոհերի, հյուրախաղերով հանդես գալու համար և, ի նշան երախտագիտության, երգչախմբի ղեկավար Էլի Գեֆենին նվիրեց Կիրառական արվեստի ֆակուլտետի ուսանողների աշխատանքներից մեկը:  

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Տավուշի մարզպետարանում համերգային ծրագիրը մեկնարկեց կոմիտասյան «Դլե յաման»-ի հոգեցունց կատարմամբ:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Ապա ներկայացվեց համառոտ տեղեկատվություն` «Շարլոտտա» երգչախմբի ստեղծման և նրա ձեռք բերած համաշխարհային հռչակի մասին:

Նշվեց, որ Իսրայելի «Շարլոտտա» երգչախումբը ստեղծվել է 1990թ. Էլի Գեֆենի կողմից, ով մինչև օրս ղեկավարում է երգչախումբը: Հայտնի երգչախումբը հեղինակություն է ձեռք բերել իր լայն երգացանկի շնորհիվ, որն ընդգրկում է դասական և հոգևոր ստեղծագործություններ:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Երգչախումբը  ելույթներ է ունեցել Իսրայելի, ինչպես նաև արտերկրի ամենահայտնի համերգային սրահներում: Մասնավորապես համերգներով հանդես է եկել այնպիսի հայտնի բեմերում, ինչպիսիք են Լոնդոնի թագավորական Ալբերտ-հոլլը, որտեղ ներկա է գտնվել նաև Մեծ Բրիտանիայի արքայադուստրը (Բրիթթեն՝ զինվորական ռեքվիեմ), Քովենթ-Գարդեն փառատոնը (Ռոսսինիի՝ Մովսեսը Եգիպտոսից):

Իսրայելական երգչախումբն իր երգացանկն է ներկայացրել եվրոպական ամենահայտնի փառատոներում՝ Մալթայում, Մադրիդում, Պրահայում, Հռոմում, Լիսաբոնում և այլուր:  Նրանք ելույթ են ունեցել իսպանական Սևիլյայի Ալկասար թագավորական պալատում և Սան Խուան դը Դիոս Գրանադում (2007), ինչպես նաև 2008 թ.-ին Վիեննայում:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Բրատիսլավում «Սուրբ երգերի արարողությանը» նվիրված համերգի ընթացքում Բրատիսլավի Կոմենսկու անվան համալսարանի ռեկտորը երգչախմբի ղեկավար Էլի Գեֆենին պարգևատրել է «Միասնական Եվրոպայի հռչակում-Զանգերի տոն» մեդալով:

Երգչախումբը հատուկ համերգներ է կազմակերպել Հունգարիայի հայ ավետարանչական, ինչպես նաև հրեական համայնքների համար: Երգչախմբի անդամները չեն վճարվում. բոլորն էլ կամավոր են:

«Շարլոտտա»-ն Տավուշում ներկայացրեց հայ և համաշխարհային կոմպոզիտորների դասական ու հոգևոր երգեր:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Համերգային ծրագիրն ինչպես սկսվել էր, այնպես էլ եզրափակվեց Կոմիտասի ստեղծագործությամբ` «Տէր ողորմեա» երգով, որի կատարմանը, երգչախմբի ղեկավար Էլի Գեֆենի խնդրանքով, ձայնակցեց ամբողջ դահլիճը:   

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

Վերջում փոխադարձաբար իրենց շնորհակալությունը հայտնեցին Տավուշի մարզային իշխանությունների անունից` փոխմարզպետ Լ.Սարգսյանը` Հայոց ցեղասպանության անմեղ զոհերի հիշատակին մշակութային այդչափ բարձր մակարդակով մատուցված հարգանքի տուրքի, իսկ ամբողջ երգչախմբի անունից` նրա անդամ տիկին Սիլվի Գեֆենը` ջերմ ընդունելության, երկու (հայ և հրեա) ժողովուրդների ճակատագրերի ընդհանրության խորը գիտակցության համար:

Իսրայելի «Շարլոտտա» երգչախումբը հյուրընկալվեց ԵՊՀ Իջևանի մասնաճյուղում և իր համերգային ծրագիրը ներկայացրեց Տավուշի մարզպետարանում

 

 

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

2017թ. ապրիլի 26-ին ԵՊՀ Իջևանի մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը, որը կազմակերպվել էր «Տավուշ» ռազմահայրենասիրական ակումբի ու Հայոց լեզվի և գրականության ամբիոնի ասիստենտ, բ.գ.թ. Ա.Հասանյանի համատեղ ջանքերով:

Գրական-երաժշտական մի գեղեցիկ հուշ-ցերեկույթ էր միջոցառումը, մեր անմահացած հերոսների սուրբ հիշատակին մատուցված մի յուրօրինակ հարգանքի տուրք` մասնաճյուղի երկու շնորհաշատ ուսանողուհիների` հեռակա ուսուցման «Հոգեբանություն» մասնագիտության երկրորդ կուրսի ուսանողուհի Լիլիա Մնացականյանի և առկա ուսուցման «Ֆրանսերեն լեզու և գրականություն» մասնագիտության երրորդ կուրսի ուսանողուհի Մերի Գասպարյանի մասնակցությամբ:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Նախ ներկաները մեկ րոպե լռությամբ հարգեցին մեր քաջարի հերոսների հիշատակը:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Ապա Հայոց լեզվի և գրականության ամբիոնի դոցենտ, բ.գ.թ. Ա.Սարհատյանի կողմից ընթերցվեց ամբիոնի հայտարարած էսսեի համահամալսարանական մրցույթում օրերս առաջին տեղ գրաված «ԱԼԳ» մասնագիտության առաջին կուրսի ուսանող Մհեր Մկրտումյանի «Նամակ զինվորին» թեմայով էսսեն (մանրամասն տե՛ս http://ijevan.ysu.am/20-04-2017-2/), որը ևս մեկ անգամ հուզեց ներկաներին ու հայրենասիրության շնչով ողողեց ամբողջ դահլիճը:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Այնուհետև Լիլիա Մնացականյանը` արդեն ճանաչված ու սիրված կատարող, ով հասցրել է գերել շատ ունկնդիրների սրտերը, հանդես եկավ Հայոց բանակին, մեր հերոս տղաներին նվիրված համերգային ծրագրով, որի մեջ հիմնականում ընդգրկված էին հետևյալ երգերը.

  • «Թռչեի մտքով տուն»,
  • «Կարմիր կակաչներ»,
  • «Այս հողից ծնված»,
  • «Տուն իմ հայրենի»,
  • «Հենց երկու տարի»,
  • «Պարոնա՛յք սպաներ»,
  • «Բալլադ զինվորի մասին,
  • «Խաչքար»,
  • «Ես չեմ ուզում պատերազմ լինի»,
  • «Քես կսպասեմ, զինվո՛ր»,
  • «Զինվորի կարոտը»,
  • «Իմ անունը հայ է»,
  • «Հայրիկ»,
  • «Մարտում»,
  • «Ճերմակ աղավնի»:

Նաիրյան հեզաճկուն պարով հանդես եկավ«Սերվիս» մասնագիտության առաջին կուրսի ուսանողուհի Լուսինե Չոբանյանը:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Հատկանշական է, որ ներկայացված ռազմահայրենասիրական խրոխտ ու ոգեշունչ երգերի մեջ կային և Լիլիա Մնացականյանի ու Մերի Գասպարյանի հեղինակային գողտրիկ ստեղծագործություններից:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Հանդիսատեսի կողմից մեծ ոգևորությամբ ընդունվեց, օրինակ, նրանց համատեղ` «Խաչքարը» երգը (խոսքերի հեղինակ՝ Մերի Գասպարյան,
երաժշտության հեղինակ՝ Լիլիա Մնացականյան).

Զառամյալ, ինչպես բարի ծերունի,

Թեքվել է խաչքարն այս գյուղի ճամփին,

Թաշկինակներ են կից ծառից կապել,

Օ՜, մարդկային ցավ, էս ու՞ր ես հասել:

 

Կրկ. Ու այս հոգնած խաչքարը

Ի՛նչ ցավ ասես, որ չի տեսել,

Ի՜նչ աղերսներ, ի՜նչ խնդրանքներ

Թաշկինակի պես մաշել:

Օ՜, հինավու՛րց, դու ծե՛ր խաչքար,

Ինչե՜ր ասես, որ չես տեսել,

Ժանյակ ու նկարներ թոռան,

Որ ծեր տատին է կապել:

 

Դու՛,  մարդկայի՛ն ցավ, տանջո՛ղ, բազմաբյու՛ր,

Խաչին են փարվել թախիծ, լուռ համբույր,

Օ՜, զառամյա՛լ, լուսե՛ դու խաչքար,

Հայ հավատի մասու՛նք, սու՛րբ նշխար:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Միջոցառման վերջում ելույթ ունեցան ԵՊՀ Իջևանի մասնաճյուղի տնօրեն Սամվել Առաքելյանը և Իջևանի զորամասի հրամանատարի` անձնակազմի հետ տարվող աշխատանքների գծով տեղակալ, փոխգնդապետ Նվեր Մանգասարյանը:

Ս.Առաքելյանն իր գոհունակությունն արտահայտեց միջոցառման կազմակերպիչներին ու մասնակիցներին, ևս մեկ անգամ շեշտեց, որ, ի դեմս նրանց` երիտասարդ սերնդի, ունենք արժանի սերնդափոխություն, ներկայիս երիտասարդությունն ապացուցեց, որ ավագ սերնդի արժանավոր հետնորդն է, նրա հայրենանվեր գործը պատվով շարունակողը, ով պատրաստ է սաստելու չարկամ թշնամու ամեն  մի ոտնձգություն, անվարան պաշտպանելու հայրենի հողը և իր հուսալի ձեռքերով կերտելու երկրի ապագան:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Ն.Մանգասարյանը շնորհակալություն հայտնեց ԵՊՀ ԻՄ-ի ղեկավարությանը և ուսանողներին` բարձր մակարդակով կազմակերպված միջոցառման, բուհ-բանակ կապն ամուր պահելու համար, մարզի երիտասարդների ռազմահայրենասիրական դաստիարակության և զինվորներին քաջալերելու, իրենց սրտակցությունը հայտնելու առումով ընդգծեց նման նախաձեռնությունների կարևորությունը և համոզմունք արտահայտեց, որ երկկողմ համագործակցությունը կլինի շարունակական:

Մասնաճյուղում կայացավ ապրիլյան քառօրյա պատերազմի զոհերի հիշատակին նվիրված միջոցառումը

Եվ, որպես ասվածի հաստատում, մասնաճյուղի շնորհալի ուսանողներ Մհեր Մկրտումյանը, Լիլիա Մնացականյանն ու Մերի Գասպարյանը Իջևանի զորամասի հրամանատարության կողմից արժանացան պատվոգրերի:

 

 

Դասախոսությունների շարք՝ նվիրված Վիլյամ Շեքսպիրի մահվան 401-ամյակին

2017թ. ապրիլի 26-ին ԵՊՀ Իջևանի մասնաճյուղում կայացավ Վիլյամ Շեքսպիրի մահվան 401-ամյակին նվիրված դասախոսությունների շարք, որը կազմակերպվել էր «Անգլերեն լեզու և գրականություն» մասնագիտության կրթական ծրագրի պատասխանատու Ա. Սիմոնյանի կողմից:

Դասախոսությունների շարք՝ նվիրված Վիլյամ Շեքսպիրի մահվան 401-ամյակին

Դասախոսությունների ընթացքում անգլերենով և հայերենով անդրադարձ կատարվեց այնպիսի թեմաների, ինչպիսիք են Շեքսպիրին վերագրվող ստեղծագործությունների հեղինակային իրավունքների հարցը, նրա երկերի լեզվական և գործաբանական արժեքը, սիրո թեման, Շեքսպիրն ու իր ստեղծագործությունները հայ ժողովրդի ընկալմամբ, շեքսպիրյան թեմաների արդիականության հարցը:

Դասախոսությունների շարք՝ նվիրված Վիլյամ Շեքսպիրի մահվան 401-ամյակին

Անգլերեն դասախոսություն կարդացին՝

  1. Աստղիկ Սիմոնյանը («Շեքսպիրի հեղինակային իրավունքների հարցը» / “Shakespeare Authorship Question”),

    Դասախոսությունների շարք՝ նվիրված Վիլյամ Շեքսպիրի մահվան 401-ամյակին

  2. Շուշանիկ Գրիգորյանը («Ազատ բառակապակցությունների գործաբանական կիրառությունը Վ.Շեքսպիրի «Համլետ» ողբերգության մեջ» / “The Pragmatic Effect of the Collocations in W. Shakespeare’s Hamlet”),

    Դասախոսությունների շարք՝ նվիրված Վիլյամ Շեքսպիրի մահվան 401-ամյակին

  3. Ջեմմա Միլիտոնյանը («Սերը Շեքսպիրի ստեղծագործություններում» / “Love in Shakespeare”): 

Դասախոսությունների շարք՝ նվիրված Վիլյամ Շեքսպիրի մահվան 401-ամյակին

Հայերեն դասախոսությամբ հանդես եկան՝

  1. Էմմա Թեմրազյանը («Հայերի Շեքսպիրը»),

    Դասախոսությունների շարք՝ նվիրված Վիլյամ Շեքսպիրի մահվան 401-ամյակին

  2. Նունե Դավթյանը («Շեքսպիրի այժմեականությունը»):

Դասախոսությունների շարք՝ նվիրված Վիլյամ Շեքսպիրի մահվան 401-ամյակին

Ներկայացված դասախոսություններում ընդգծվեց այն գաղափարը, որ նույնիսկ չորս դար անց անգլիացի հայտնի բանաստեղծ, դրամատուրգ Վ.Շեքսպիրն ապրում է իր անմահ ստեղծագործություններով: