Երևանի պետական համալսարանի Իջևանի մասնաճյուղ

Ճանապարհորդական դրամաշնորհներ երիտասարդ գիտնականներին | Մաքս Վեբեր հիմնադրամ

Ճանապարհորդական դրամաշնորհներ երիտասարդ գիտնականներին | Մաքս Վեբեր հիմնադրամ

Մաքս Վեբեր հիմնադրամը (Գերմանիա) հումանիտար և սոցիալական գիտությունների երիտասարդ հետազոտողներին առաջարկում է Ջերալդ Դ. Ֆելդմանի անվան ճանապարհորդական դրամաշնորհներ: 

Դրամաշնորհային ծրագրի նպատակն է բարելավել միջազգային ուղղվածության հումանիտար և սոցիալական հետազոտություններ իրականացնող լավագույն երիտասարդ գիտնականների մասնագիտական հնարավորությունները:  

Ծրագրին դիմելու վերջնաժամկետը հոկտեմբերի 10-ն է։

Դրամաշնորհային ծրագիրը նախատեսված է այն հետազոտողների համար, որոնք իրենց ընտրությամբ հետազոտական նախագծեր են իրականացնում ծրագրին մասնակցող՝ երկու կամ երեք հյուրընկալող երկրներում, որտեղ գործում են Մաքս Վեբեր հիմնադրամի մասնաճյուղերն ու ինստիտուտները։ Դրամաշնորհային աջակցությունը տրվում է առավելագույնը 3 ամիս ժամկետով և հնարավորություն է ընձեռում հետազոտություններ անցկացնել գրադարաններում և արխիվներում

Դրամաշնորհի պայմաններին ավելի մանրամասն կարող եք ծանոթանալ այստեղ:


Դրամաշնորհը. մեկանգամյա ճանապարհածախսի միանվագ վճարում դեպի ընդունող ինստիտուտներ և հակառակ ուղղությամբ, ամենօրյա ծախսերի համար հատկացվող գումար (26-66 եվրո՝ կախված հյուրընկալող երկրից), հյուրընկալող ինստիտուտի կողմից սենյակի տրամադրում: Դրամաշնորհը տրվում է մեկ ամսվա համար՝ յուրաքանչյուր հյուրընկալող երկիր այցելելիս:

Ովքե՞ր կարող են դիմել. նախատեսված է բարձր որակավորում ունեցող, հետազոտական աշխատանքի կատարման փուլում գտնվող՝ ցանկացած ազգային պատկանելության երիտասարդ հետազոտողները (ասպիրանտները), որոնք ունեն առնվազն մագիստրոսի կոչում: Դիմորդները պետք է ունենան ճանաչված գիտական հանդեսներում տպված հոդվածներ, ինչպես նաև կարողանան ներկայացնել հետազոտական նախագիծ։ Նախապատվություն կտրվի այն դիմումներին, որոնք կհամապատասխանեն Մաքս Վեբեր հիմնադրամի ինստիտուտների/մասնաճյուղերի հետազոտական պրոֆիլին: Կարևոր է նաև ընտրված երկրների լեզուների բավարար իմացությունը՝ նախագիծը հաջողությամբ հանձնելու համար: 

Ինչպե՞ս դիմել.  անհրաժեշտ է ներկայացնել լրացված հայտադիմումը, 3-5 էջի սահմաններում նախագծի մանրամասն նկարագրություն, վկայականների պատճեններ,  գիտական հոդվածների հրապարակումների ցանկ: Առավել մանրամասն ծանոթացեք այստեղ։

Ե՞րբ դիմել.  հայտերի ընդունման վերջնաժամկետը հոկտեմբերի 10-ն է:

Աղբյուրը՝ http://armscoop.com

ԵՊՀ ԻՄ-ում կայացավ մասնագիտական ֆիլմի դիտում և քննարկում

2016թ. սեպտեմբերի 30-ին ԵՊՀ Իջևանի մասնաճյուղում կայացավ մասնագիտական ֆիլմի դիտում և քննարկում, որը կազմակերպվել էր Մանկավարժության և հոգեբանության ամբիոնի կողմից:

Ներկա էին ամբիոնի դասախոսներ, «Հոգեբանություն» և «Տարրական մանկավարժություն» մասնագիտությունների ուսանողներ:

ԵՊՀ ԻՄ-ում կայացավ մասնագիտական ֆիլմի դիտում և քննարկում

Ֆիլմը՝ «Անիծվածների կացարանը», հոգեբուժարանում գործող մեթոդների, դրանց հոգեբանական ազդեցության և հոգեկան անառողջություն ունեցող անձանց նկատմամբ հոգեբանական վերաբերմունքի մասին էր:

Ֆիլմում ներկայացված էին հոգեբանական թերապևտիկ միջոցների արդյունավետությունը, հոգեբանական զրույցի դերը տարբեր հոգեկան ախտանիշների բուժման համար, ինչպես նաև հոգեկան անառողջություն ունեցող անձի հանդեպ հոգեբանական վերաբերմունքի փոփոխության և անկանխակալ վերաբերմունքի ձևավորման, սիրո և ջերմության, մարդկային արարքների հասկացման միջոցով արդյունքների հասնելը:

ԵՊՀ ԻՄ-ում կայացավ մասնագիտական ֆիլմի դիտում և քննարկում

«Անիծվածների կացարանը» ֆիլմում ցուցադրված էր նաև հոգեբանության  և հոգեբուժության պատմական զարգացումը՝ սկսած 1900-ական թվականներից:

Ֆիլմի դիտումից հետո տեղի ունեցավ քննարկում, ելույթ ունեցան Մանկավարժության և հոգեբանության ամբիոնի վարիչ, մ.գ.թ., ասիստենտ Լ. Հարությունյանը, ամբիոնի ասիստենտներ, հոգեբ. գիտ. թեկնածուներ Լ. Սարգսյանը և Դ. Սարգսյանը:

30-09-2016-1

Նրանք իրենց խոսքում կարևորեցին նման միջոցառումների իրականացումը՝ նշելով, որ մասնագիտական ֆիլմերը նպաստում են հատկապես առողջական խնդիրներ ունեցող անձի նկատմամբ անկախակալ  և հումանիստական վերաբերմունքի ձևավորմանը, ինչն առաջնային պայման է հոգեբանության և մանկավարժության ոլորտի մասնագետների համար:

Մասնաճյուղում կայացավ հանդիպում ավագ դպրոցի աշակերտների հետ

2016թ. սեպտեմբերի 27-ին ԵՊՀ Իջևանի մասնաճյուղի տնօրեն Ս. Ա. Առաքելյանը հանդիպեց Իջևանի ավագ դպրոցի 12-րդ դասարանի աշակերտների հետ:

Մասնաճյուղում կայացավ հանդիպում ավագ դպրոցի աշակերտների հետ

Հանդիպմանը մասնակցում էին Իջևանի ավագ դպրոցի տնօրեն Ա.Խոջայանը,  ուսուցիչներ, մասնաճյուղի մասնագիտական կրթության և պրակտիկայի կազմակերպման բաժնի վարիչ Վ.Աղաբաբյանը, վարչական անձնակազմի ներկայացուցիչներ:

Հանդիպման նպատակն էր աշակերտներին տալ մասնագիտական կողմնորոշում և ԵՊՀ ԻՄ-ի՝ 2017թ. մասնագիտությունների վերաբերյալ տեղեկատվություն:

Մասնաճյուղի տնօրեն Ս.Առաքելյանը նախ ողջունեց աշակերտներին, շնորհավորեց ՀՀ անկախության 25-ամյակի կապակցությամբ, համոզմունք արտահայտեց, որ նրանք անկախությունը  կերտած սերնդի  սուրբ գործի շարունակողն ու արժանի հետնորդն են լինելու, շնորհակալություն հայտնեց ավագ դպրոցի ղեկավարությանը՝ համալսարանի հետ սերտ համագործակցելու համար:

Մասնաճյուղում կայացավ հանդիպում ավագ դպրոցի աշակերտների հետ

Այնուհետև տնօրենը ներկայացրեց ԵՊՀ ԻՄ-ի՝ 2017թ. բակալավրի կրթական ծրագրով մասնագիտությունները, կատարված փոփոխությունները, անդրադարձավ դրանց առանձնահատկությունններին, աշխատաշուկայում ունեցած պահանջարկին:

2017թ. մասնագիտությունների հետ կապված՝ մասնավորապես նշվեց, որ փոփոխություններ են կատարվել ընդունելության քննություններում. «Պատմություն» մասնագիտության մեջ Ընդհանուր պատմության (գր.) կամ Օտար լեզվի (գր.)  քննությունները մրցութայինից դարձել են ոչ մրցութային, «Անգլերեն լեզու և գրականություն», «Ֆրանսերեն լեզու և գրականություն» մասնագիտություններում ոչ մրցութային է դարձել «Հայոց լեզու և գրականություն» (գր.) մրցութային առարկան: «Դիզայն» մասնագիտության ընդունելության քննություններից հանվել է «Գունանկար» առարկան:

Հանվել են «Համակարգչային գրաֆիկա», «Տնտեսագիտություն», «Հոգեբանություն» մասնագիտությունների կրթական ծրագրերը:

Հաշվի առնելով մասնագետների, արտաքին շահակիցների, մարզի կրթության ոլորտի պատասխանատուների կարծիքները տարածաշրջանի աշխատաշուկայում դրանց ունեցած պահանջարկի վերաբերյալ՝ ավելացվել են «Տարրական մանկավարժություն և մեթոդիկա», «Ֆինանսներ», «Սոցիալական աշխատանք», «Զբոսաշրջություն» մասնագիտությունները:

Մասնաճյուղում կայացավ հանդիպում ավագ դպրոցի աշակերտների հետ

Հատկանշվեցին 2016-2017 ուստարում ԵՊՀ Իջևանի մասնաճյուղում օտար լեզուների հետ կապված փոփոխությունները («Անգլերեն լեզու և գրականություն» մասնագիտության ուսանողները հավասար ժամաքանակով անցնում են ֆրանսերեն և հակառակը), որոնց արդյունքում մասնաճյուղը կտա 2 օտար լեզվի համահավասար իմացությամբ շրջանավարտներ:

Վերջում դպրոցի տնօրենն իր գոհունակությունն արտահայտեց մասնաճյուղի ղեկավարությանը ջերմ ընդունելության համար, և նշվեց, որ երկկողմ համագործակցությունը կլինի շարունակական:

Մասնաճյուղում կայացավ «Միսս օտար լեզու» մրցույթը

2016թ. սեպտեմբերի 26-ին` Եվրոպական լեզուների միջազգային օրվա կապակցությամբ, ԵՊՀ Իջևանի մասնաճյուղի օնլայն լսարանում տեղի ունեցավ «Միսս օտար լեզու» լեզվի գեղեցկության մրցույթը, որը կազմակերպվել էր Օտար լեզուների ամբիոնի դասախոս Շուշանիկ Գրիգորյանի և Հումանիտար գիտությունների ֆակուլտետի ուսանողական խորհրդի կողմից:

«Միսս օտար լեզու» լեզվի գեղեցկության մրցույթը

Հրավիրված էին Հումանիտար գիտությունների ֆակուլտետի դեկանի ԺՊ Ա. Ա. Ներսիսյանը, Օտար լեզուների ամբիոնի դասախոսները, մասնաճյուղի տարբեր ֆակուլտետների ուսանողներ:

«Միսս օտար լեզու» լեզվի գեղեցկության մրցույթը

«Միսս օտար լեզու» մրցույթին մասնակցում էին Հումանիտար գիտությունների ֆակուլտետի «Անգլերեն լեզու և գրականություն», «Ֆրանսերեն լեզու և գրականություն», «Պատմություն» մասնագիտությունների, Տնտեսագիտության ֆակուլտետի «Սերվիս» մասնագիտության ուսանողներ:

«Միսս օտար լեզու» լեզվի գեղեցկության մրցույթը

Մրցույթի կարգախոսն էր «Փոխենք աշխարհի քարտեզը մեկ օրով»:

Աշխարհի քարտեզը ներկայացվեց ծառի տեսքով, որի արմատները սնվում էին խաղաղությամբ, սիրով, բարությամբ և գեղեցկությամբ, իսկ տերևների փոխարեն աշխարհիի լեզուներն էին, որոնք պետք է արտացոլեին միայն դրականը:  Խրախուսվեց  բազմալեզվությունը՝ որպես անձի բազմակողմանի զարգացման բանալի:

«Միսս օտար լեզու» լեզվի գեղեցկության մրցույթը

Լեզվակիր դասականների ստեղծագործությունների միջոցով մրցույթի 32 մասնակիցները ցույց տվեցին եվրոպական 12 լեզուների (հայերեն, ռուսերեն, ուկրաիներեն, վրացերեն, ֆրանսերեն, իտալերեն, իսպաներեն, անգլերեն, գերմաներեն, հնդկերեն, կորեերեն, չինարեն) գեղեցկությունը:

Ուսանողները համապատասխան շնորհանդեսների ուղեկցությամբ ներկայացրին տարբեր լեզվամշակութային խորհրդանիշներ, որոնք ամփոփված էին այդ երկրների օրհներգերում ու դասական երկերում:

«Միսս օտար լեզու» լեզվի գեղեցկության մրցույթը

Միջոցառումը բավականին հետաքրքիր էր և ուսանելի. արժանացավ Հումանիտար գիտությունների ֆակուլտետի դեկան Ա.Ներսիսյանի և դասախոսների խրախուսանքին ու գոհունակությանը:

«Միսս օտար լեզու» լեզվի գեղեցկության մրցույթը

«Միսս օտար լեզու» լեզվի գեղեցկության մրցույթը

Միջոցառման բոլոր լուսանկարները տե՛ս Պատկերասրահում:

 

Վոլեյբոլի մասնաճյուղային առաջնություն` նվիրված ՀՀ անկախության 25-ամյակին  

2016թ. սեպտեմբերի 22-ին ԵՊՀ Իջևանի մասնաճյուղի մարզադահլիճում տեղի ունեցավ վոլեյբոլի մասնաճյուղային առաջնություն` նվիրված Հայաստանի Հանրապետության անկախության 25-ամյակին:

Վոլեյբոլի մասնաճյուղային առաջնություն` նվիրված ՀՀ անկախության 25-ամյակին   

Առաջնությանը մասնակցում էին մասնաճյուղի հավաքական և Բնական գիտությունների ֆակուլտետի («ՔԿԳ-1», «ՔԿԳ-2», «ԻԿՄ-2») թիմերը:

Խաղերն անցկացվեցին օլիմպիական կարգով (պարտվողը դուրս էր մնում հետագա պայքարից):

Վոլեյբոլի մասնաճյուղային առաջնություն` նվիրված ՀՀ անկախության 25-ամյակին   

Նախ հանդիպեցին «ՔԿԳ-1» և «ՔԿԳ-2» կուրսերի թիմերը:

2:0 հաշվով հաղթեց «ՔԿԳ-2» թիմը:

Մասնաճյուղի վոլեյբոլի հավաքական թիմը հանդիպեց «ԻԿՄ-2» թիմի հետ և հաղթեց 2:0 հաշվով:

Եզրափակիչում հանդիպեցին մասնաճյուղի հավաքականը և «ՔԿԳ-2» թիմը:

2:0 հաշվով հաղթեց  մասնաճյուղի հավաքական թիմը և տնօրենության կողմից պարգևատրվեց հուշանվերով:

Վոլեյբոլի մասնաճյուղային առաջնություն` նվիրված ՀՀ անկախության 25-ամյակին   

 

Վոլեյբոլի մասնաճյուղային առաջնություն` նվիրված ՀՀ անկախության 25-ամյակին