Երևանի պետական համալսարանի Իջևանի մասնաճյուղ

Կանանց տոնին նվիրված ուսանողական զեկուցումների շարք

2016թ. մարտի 11-ին ԵՊՀ Իջևանի մասնաճյուղում ներկայացվեց Կանանց տոնին նվիրված ուսանողական զեկուցումների շարք, որը նախաձեռնել և կազմակերպել էր Մանկավարժության և հոգեբանության ամբիոնը:

Կանանց տոնին նվիրված ուսանողական զեկուցումների շարք

Միջոցառմանը ներկա էին մասնաճյուղի պրոֆեսորադասախոսական և վարչական անձնակազմի ներկայացուցիչներ, «Տավուշի ազգային-հայրենասիրական գիտակցության ձևավորում» ՀԿ-ի նախագահ  Արթուր Միրզոյանը, առկա և հեռակա ուսուցման համակարգերի «Մանկավարժություն և հոգեբանություն» մասնագիտության տարբեր կուրսերի ուսանողներ, հյուրեր:

Կանանց տոնին նվիրված ուսանողական զեկուցումների շարք

Բացման խոսքով հանդես եկավ Մանկավարժության և հոգեբանության ամբիոնի վարիչ Վ.Բրուտյանը՝ շնորհավորելով կանանց, մայրերի և աղջիկների տոնը, նրանց հղելով գեղեցիկ բարեմաղթանքներ, երջանկություն, պտղաբերություն, ամենայն բարիք:

Ապա ելույթ ունեցավ Մանկավարժության  և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը՝ ողջունելով միջոցառման կազմակերպիչներին, մասնակիցներին, ներկաներին՝ շնորհավորելով կանանց տոնը:

Կանանց տոնին նվիրված ուսանողական զեկուցումների շարք

Այնուհետև  զեկուցումներով հանդես եկան «Մանկավարժություն և հոգեբանություն» մասնագիտության ուսանողները:

«Մանկական վախերի բնութագիրն ու առանձնահատկությունները» թեմայով զեկուցում կարդաց Մերի Արամյանը, «Բարձրագույն մարդկային զգացմունքներ» թեմայով՝  Նարե Ամյանը:

«Անբարենպաստ ընտանիքի ազդեցությունը հանցածին վարքագծի ձևավորման վրա» թեմայով զեկուցում ներկայացրեց Մերի Գևորգյանը, «Անձի հոգեբական անվտանգություն» թեմայով՝ Արուսյակ  Գասպարյանը:

Զեկուցումների շարքն ընդմիջվեց Մանկավարժության և հոգեբանության ամբիոնի դասախոս, ուսումնական խորհրդատու Վիկտորյա Մելիքսեթյանի գեղեցիկ շնորհավորական խոսքով:

Կանանց տոնին նվիրված ուսանողական զեկուցումների շարք

Այնուհետև զեկուցումներով հանդես եկան Արմինե Բաբայանը («Սիրո ֆենոմեն»), Անի Հարությունյանը («Սթրես»), Լիլիթ Հայրապետյանը («Աֆեկտ») և Մինավարդ Մելիքբեկյանը («Ընտանիք»):

Վերջում շնորհավորական խոսք ասաց «Տավուշի ազգային-հայրենասիրական գիտակցության ձևավորում» հասարակական կազմակերպության նախագահ  Արթուր Միրզոյանը:

Կայացավ Մայրության և գեղեցկության միամսյակին նվիրված ցուցադրությունը

2016թ. մարտի 11-ին ԵՊՀ Իջևանի մասնաճյուղում տեղի ունեցավ Կիրառական արվեստի ֆակուլտետի ուսանողների կիսամյակային աշխատանքների ցուցադրությունը՝ նվիրված Մայրության և գեղեցկության միամսյակին:

Կայացավ Մայրության և գեղեցկության միամսյակին նվիրված ցուցադրությունը

Ցուցադրությանը ներկա էին մասնաճյսուղի վարչական և պրոֆեսորադասախոսական անձնակազմի ներկայացուցիչներ, առկա և հեռակա ուսուցման համակարգերի ուսանողներ, հյուրեր, արվեստի սիրահարներ:

Կայացավ Մայրության և գեղեցկության միամսյակին նվիրված ցուցադրությունը

Բացման խոսքով հանդես եկավ Կիրառական արվեստի ֆակուլտետի դեկան Ա.Մարգարյանը՝ շնորհավորելով գեղեցիկ սեռի ներկայացուցիչների տոնը, նրանց մաղթելով կանացի երջանկություն, մայրանալու բերկրանք, գարնանային թարմ ու պայծառ տրամադրություն:

Կայացավ Մայրության և գեղեցկության միամսյակին նվիրված ցուցադրությունը

Պարոն Մարգարյանն իր խոսքում կարևորեց նման միջոցառումների կազմակերպումը և դրանցում շեշտեց ֆակուլտետի ուսանողների մասնակցության գործոնը՝ մասնավորապես նշելով. «Սիրելի՛ ուսանողներ, դուք՝ որպես ապագա արվեստագետներ, կյանքում դեռ բազմիցս ցուցադրվելու հնարավորություն կունենաք, սակայն ձեզնից յուրաքանչյուրին պատիվ է բերում հարազատ կրթօջախի ներսում ցուցադրել ձեր իսկ ձեռքերով պատրաստած աշխատանքները»: 

 Ցուցադրության բացումն ուղեկցվեց «Կիրառական ավեստ» մասնագիտության առաջին կուրսի ուսանող Հովհաննես Չոբանյանի կողմից հնչեցված հոգեպարար երաժշտությամբ:

Կայացավ Մայրության և գեղեցկության միամսյակին նվիրված ցուցադրությունը

Մայրության և գեղեցկության միամսյակին նվիրված ցուցադրությունն առանձնահատուկ էր իր ձևաչափով, ընդգրկում էր բազմաթիվ ու բազմաժանր ստեղծագործություններ՝ գոբելեն, բատիկա, գեղանկար, քանդակ, հագուստ, խեցի, փայտի գեղարվեստական մշակում և այլն:

Կայացավ Մայրության և գեղեցկության միամսյակին նվիրված ցուցադրությունը

Ցուցադրությունը գեղագիտական մեծ հաճույք պատճառեց բոլոր այցելուներին՝ նրանց հոգիները համակելով գեղեցկության շնչով ու գարնանային խանդավառ տրամադրությամբ:

Կայացավ Մայրության և գեղեցկության միամսյակին նվիրված ցուցադրությունը

 

 

 

Հանդիպում «Կոնվերս բանկ» ՓԲԸ-ի աշխատակիցների հետ

2016թ. մարտի  11-ին ԵՊՀ Իջևանի մասնաճյուղում տեղի ունեցավ «Կոնվերս բանկ» ՓԲԸ-ի աշխատակիցների հետ հանդիպում, որը նախաձեռնել էլ մասնաճյուղի ՈՒԽ-ն՝ ուսանողների խնդրանքով:

Հանդիպում «Կոնվերս բանկ» ՓԲԸ-ի աշխատակիցների հետ

Ներկա էին բանկի Իջևանի մասնաճյուղի տնօրեն Ն.Ճաղարյանը, ֆինանսական խորհրդատու Մ.Սիմոնյանը, գանձապահ Ա.Դավթյանը, մասնաճյուղի ուսանողական խորհրդի անդամներ, ուսանողներ:

Հանդիպում «Կոնվերս բանկ» ՓԲԸ-ի աշխատակիցների հետ

Հանդիպման ընթացքում ուսանողները տեղեկացվեցին  բանկի կողմից ուսանող հաճախորդներին տրված արտոնությունների մասին:

Ներկայացվեց  “Visa ISIC” քարտերի մասին, որոնք նախատեսված են բացառապես ուսանողների համար` աշխարհի ցանկացած մասում օգտագործման համար և որոնց ձեռքբերման համար ս.թ. փետրվարի 15-ից մինչև ապրիլի 15-ը գործում է ակցիա: Այդ ակցիայի ընթացքում տրամադրվող “Visa ISIC” դեբետ քարտերի սպասարկման վճարը կկազմի 2000 դրամ (5000 դրամի փոխարեն):

Հանդիպում «Կոնվերս բանկ» ՓԲԸ-ի աշխատակիցների հետ

Հանդիպման ժամանակ մանրամասն բացատրվեցին, թե ինչպիսին են  վարկային քարտերի տրամադրման և վարկային սահմանաչափի սահմանման պայմանները ուսանողների համար: 

Նշվեց, որ ուսանողների համար գործում են հատուկ շահավետ փաթեթներ, որոնց մասին ուսանողները կարող են տեղեկանալ՝ հետևելով բանկի պաշտոնական կայքէջին՝ https://www.conversebank.am/hy/for-students/ :

 

Կանանց տոնին նվիրված միջոցառում Տնտեսագիտության ֆակուլտետում

2016թ. մարտի 9-ին ԵՊՀ Իջևանի մասնաճյուղի տնտեսագիտության ֆակուլտետում կայացավ Կանանց միջազգային օրվան նվիրված միջոցառում, նախաձեռնել և կազմակերպել էր ֆակուլտետի ուսանողական խորհուրդը:

Կանանց տոնին նվիրված միջոցառում Տնտեսագիտության ֆակուլտետում

Ներկա էին ֆակուլտետի պրոֆեսորադասախոսական անձնակազմի ներկայացուցիչներ, մասնաճյուղի աշխատակիցներ, ուսանողներ, ՈՒԽ-ի անդամներ:

Միջոցառումը բացվեց մասնակիցների ողջույնի ու բարեմաղթանքի խոսքերով:

Կանանց տոնին նվիրված միջոցառում Տնտեսագիտության ֆակուլտետում

Այնուհետև շնորհանդեսի ուղեկցությամբ ներկայացվեց տեղեկատվություն տոնի նախապատմության վերաբերյալ:

Կանանց տոնին նվիրված միջոցառում Տնտեսագիտության ֆակուլտետում

Ուսանողները հետաքրքիր կերպով ներկայացրին ու մեկնաբանեցին, թե տարբեր երկրներում ինչպես  է նշվում Կանանց միջազգային օրը, որն է նրա խորհուրդը, ինչ է ցանկալի նվիրել այդ օրը:

Կանանց տոնին նվիրված միջոցառում Տնտեսագիտության ֆակուլտետում

Ուշագրավ է, որ, օրինակ, Վիետնամում կանանց տոնը նշում են արդեն երկու հազար տարի: Միայն թե նախկինում այդ տոնը կոչվում էր Չինգ քույրերի հիշատակի օր: Չինգ քույրերը խիզախ աղջիկներ էին, որոնք գլխավորել են վիետնամական ժողովրդի պայքարը չինացիների դեմ: 

Լիտվայում այդ օրը նշում են թե՛ որպես գարուն մուտք գործելու, թե՛ որպես կանանց հանդեպ սիրո և հարգանքի տոն: Այս տոնը Լիտվայում պաշտոնապես կոչվում է Կանանց հանդեպ համերաշխության օր:

Լեհաստանում տղամարդիկ նվիրում են կանանց և աղջիկներին գարնանային ծաղիկներ` հիմնականում վարդակակաչներ և նարցիսներ:

Ֆրանսիայում և Գերմանիայում Մարտի 8-ը այդքան էլ մեծ շուքով չի նշվում, որքան մայիսին նշվող Մայրերի օրը, երբ կանայք ազատվում են տնային բոլոր գործերից և հոգսերից:

Իտալիայում Կանանց միջազգային օրվա խորհրդանիշն է դարձել դեղին միմոզան: Իտալուհիները նախընտրում են այդ օրն անցկացնել առանց ամուսինների, ռեստորանում, սրճարանում կամ այլ վայրում:

Առանձնակի շուքով են նշում Կանանց միջազգային օրը Ռուսաստանում: Այստեղ կանանց նվիրում են ամենատարբեր նվերներ` սկսած ծաղիկներից ու քաղցրավենիքից մինչև հագուստ և կենցաղային տեխնիկա: Կանայք մեծ ոգևորությամբ են սպասում այս տոնին, և մարտի 8-ին ստացած նվերները առանձնակի նշանակություն ունեն նրանց համար:

Վերջում միջոցառման կազմակերպիչները վարդեր նվիրեցին բոլոր ներկաներին:

Կանանց տոնին նվիրված միջոցառում Տնտեսագիտության ֆակուլտետում

Դասախոսները և ուսանողները շնորհակալություն հայտնեցին գեղեցիկ միջոցառման կազմակերպիչներին՝ ևս մեկ անգամ շնորհավորելով կանանց, մայրերի, աղջիկների տոնը:

Կանանց տոնին նվիրված միջոցառում Տնտեսագիտության ֆակուլտետում

 

Կանանց տոնին նվիրված միջոցառում Տնտեսագիտության ֆակուլտետում

 

Իջևանի զորամասի զինվորները Կանանց տոնին անակնկալ մատուցեցին համալսարանականներին

2016թ. մարտի 9-ի առավոտյան ԵՊՀ Իջևանի մասնաճյուղի բակում տոնական տրամադրություն էր. համալսարանական աղջիկների ու կանանց տոնը շնորհավորելու էին եկել Իջևանում տեղակայված զորամասի մի խումբ զինվորներ՝ իրենց վերադասի գլխավորությամբ:  

Իջևանի զորամասի զինվորները Կանանց տոնին անակնկալ մատուցեցին համալսարանականներին

Զորամասի նվագախմբի տղաները մասնաճյուղի բակում ուսանողուհիների ու աշխատակցուհիների տոնը շնորհավորեցին ոգեշնչող ռազմահայրենասիրական երաժշտական հատվածներ կատարելով:

Իջևանի զորամասի զինվորները Կանանց տոնին անակնկալ մատուցեցին համալսարանականներին

Ապա զորամասի` մարտական ծառայություն իրականացնող և արիությամբ ու նվիրումով իրենց պարտքը կատարող մի խումբ  զինվորներ՝ դասակի հրամանատար, լեյտենանտ Թամրազյանի գլխավորությամբ, իրենց բարեմաղթանքները հղեցին և ծաղիկներ նվիրեցին մասնաճյուղի ուսանողուհիներին, խոստացան ամուր ու անսասան պահել հայրենի սահմանները:

Իջևանի զորամասի զինվորները Կանանց տոնին անակնկալ մատուցեցին համալսարանականներին

Զինվորների բարեմաղթանքներին միացան մասնաճյուղի տնօրեն Ս. Առաքելյանը, զորամասի` անձնակազմի հետ տարվող աշխատանքների գծով տեղակալ, փոխգնդապետ Հ. Սահակյանը:

Իջևանի զորամասի զինվորները Կանանց տոնին անակնկալ մատուցեցին համալսարանականներին

Հերթական անգամ Կանանց տոնին Իջևանի զորամասի զինվորների մատուցած անակնկալը բավականին  գեղեցիկ էր, հաճելի ու հուզիչ. համալսարանականներից շատերի եղբայրները, սիրած տղաները կամ զավակները ծառայում են Հայոց հզոր բանակում:

Իջևանի զորամասի զինվորները Կանանց տոնին անակնկալ մատուցեցին համալսարանականներին

Տոնի «մեղավորները», խորին շնորհակալություն հայտնելով մեր քաջարի զինվորներին, ովքեր գիշեր-ցերեկ արթմնի հսկում են մեր երկրի սահմանները, պահպանում մեր երկրի խաղաղությունը, մեր  անվտանգությունը, նրանց մաղթեցին  խաղաղ երկինք, ոգու կորով, անփորձանք ծառայություն:

Իջևանի զորամասի զինվորները Կանանց տոնին անակնկալ մատուցեցին համալսարանականներին