Երևանի պետական համալսարանի Իջևանի մասնաճյուղ

Հանդիպումներ մարզի ավագ և միջնակարգ դպրոցների շրջանավարտների հետ

2015թ. դեկտեմբերի 9-19-ը ԵՊՀ ԻՄ-ի մինչհամալսարանական կրթության և պրակտիկայի կազմակերպման (ՄԿՊԿ) բաժինը հանդիպումներ է կազմակերպել Տավուշի մարզի` շուրջ երեք տասնյակ միջնակարգ և ավագ դպրոցներում:

Հանդիպումներ մարզի ավագ և միջնակարգ դպրոցների շրջանավարտների հետ

Հանդիպումների նպատակն էր աշակերտներին տալ մասնագիտական կողմնորոշում, ԵՊՀ ԻՄ-ում գործող մասնագիտությունների վերաբերյալ տեղեկատվություն, ամրապնդել դպրոց-համալսարան կապը:

Հանդիպումներին, որոնց մասնակցում էին ՄԿՊԿ բաժնի վարիչ Վ.Աղաբաբյանը, դպրոցների տնօրեններ, ուսուցիչներ, Վ.Աղաբաբյանը ներկայացրել է ԵՊՀ Իջևանի մասնաճյուղի ֆակուլտետները, ամբիոնները, մասնագիտությունները, մասնաճյուղում նախատեսվող նոր կրթական ծրագրերը, միասնական քննությունների առանձնահատկությունները:

Հանդիպումներ մարզի ավագ և միջնակարգ դպրոցների շրջանավարտների հետ

 Մասնավորապես նշվել է, որ 2016թ. ԵՊՀ Իջևանի մասնաճյուղը, գործող մասնագիտություններից բացի, ընդունելություն է իրականացնելու 2 նոր` «Տարրական մանկավարժություն և մեթոդիկա», «Համակարգչային գրաֆիկա» մասնագիտություններով: Յուրաքանչյուր մասնագիտության համար ներկայացվել են ընդունելության քննությունների ցանկը, անվճար և վճարովի տեղերը, ուսման վարձաչափերը:

Քննարկվել են ընդունելության քննությունների, շտեմարանների, օլիմպիադաների անցկացման և բաց դռների օրերի հետ կապված մի շարք հարցեր:

Հանդիպումներ մարզի ավագ և միջնակարգ դպրոցների շրջանավարտների հետ

Հանդիպումների ընթացքում աշակերտներին հետաքրքրել են գլխավորապես կրթական գործընթացին, ուսման վարձաչափերին, հատկապես սահմանամերձ բնակավայրերի ուսանողների համար նախատեսված զեղչերին ու արտոնություններին, ընդունելության քննությունների մեկ և երկու աստղանիշով առարկաների ընտրությանը վերաբերող հարցեր:

Տարածաշրջանի աշխատաշուկայի պահանջներին համապատասխան կրթական ծրագրեր իրականացնելու հետ մեկտեղ ապագա դիմորդներին հատկապես գրավել է ուսման համեմատաբար մատչելի վարձաչափերի առկայությունը մասնաճյուղում:

Տնտեսագիտության ֆակուլտետի գիտական խորհրդի նիստում

2015թ. դեկտեմբերի 19-ին տեղի ունեցավ Տնտեսագիտության ֆակուլտետի գիտական խորհրդի նիստ, որը վարում էր խորհրդի նախագահ, ֆակուլտետի դեկան Ն.Խուդավերդյանը:

Նիստին մասնակցում էին խորհրդի անդամները, հրավիրված էր մասնաճյուղի տնօրեն Ս.Առաքելյանը:

Ֆակուլտետի գիտխորհրդի նիստում դեկանը ներկայացրեց հաշվետվություն` ըստ ԵՊՀ ԻՄ-ի` 2011-2015թթ. զարգացման ռազմավարական ծրագրի, և քննարկվեցին մի շարք ընթացիկ հարցեր:

Տնտեսագիտության ֆակուլտետի գիտական խորհրդի նիստում

Մասնավորապես նշվեց, որ ֆակուլտետը,  լինելով տարածաշրջանի  միակ  պետական    տնտեսագիտական  հոսքի  մասնագիտական  կրթօջախը, իր  առաքելությունն  է  համարում աշխատաշուկայում  արդի  պահանջներին  համապատասխան  տնտեսագետ մասնագետների  և  հիմնարար  արժեքների  ապահովումը:

Հաշվետու  ժամանակաշրջանում  ֆակուլտետի  ուսումնական  գործընթացի  կազմակերպումն  իրականացվել  է  ԵՊՀ  Իջևանի  մասնաճյուղի զարգացման` 2011-2015թթ. ռազմավարական  ծրագրին  համահունչ,  իսկ  ֆակուլտետի  ամենամյա  աշխատանքները  պլանավորվել  են  ռազմավարական  ծրագրի  անբաժան  մաս  կազմող  ժամանակացույց-պլանին  համապատասխան:

Ֆակուլտետում գործող  մասնագիտական  ամբիոնների (Ընդհանուր  տնտեսագիտության, Տուրիզմի  կառավարման  և  մշակութաբանության) կողմից   իրականացվել  են  կրթական  ծրագրերի  կառուցվածքային  և  բովանդակային  փոփոխություններ`  ժամանակակից  ծրագրային  չափանիշների  պահանջներին  համապատասխան: Բարձրորակ  կրթություն ապահովելու հետ մեկտեղ ամբիոններն իրականացնում  են  պրոֆեսորադասախոսական  անձնակազմի  արդյունավետ  համալրման  և  մասնագիտական  որակի  հետ  կապված  անհրաժեշտ  քաղաքականության  մշակումն  ու  իրագործումը:

Տնտեսագիտության ֆակուլտետի գիտական խորհրդի նիստում

Հաշվետու  ժամանակահատվածում  ամբիոնների  կողմից վերանայվել և  արդիականացվել   են առարկայական  ծրագրերը,  դասընթացների  բովանդակությունը,  վերջնարդյունքների  գնահատման  չափանիշները, ըստ այդմ` ստեղծվել  են առարկայական   փաթեթներ,  որոնք  առավել  պլանվորված  և  վերահսկելի    են  դարձրել  ուսումնական  գործընթացը:

Ֆակուլտետում  ձևավորվել  է  առցանց  լսարան  և  ժամանակակից  համակարգչային  տեխնիկայով  հագեցած  լաբորատորիա, մեծացել  է  դասավանդման  ընթացքում  նոր տեղեկատվական  տեխնոլոգիաներ   կիրառող  դասախոսների  տեսակարար  կշիռը: Այս  ամենը  նպաստել  է  ուսումնական  գործընթացի  արդյունավետության  բարձրացմանը,  ինչի  մասին են վկայում ուսանողների  շրջանում անցկացված  դասավանդման  որակի  և  արդյունավետության  վերաբերյալ  ուսանողական  հարցման  դինամիկ  աճող  գնահատակաները:

Հաշվետու  ժամանակաշրջանում ֆակուլտետում  գրանցվել  է  նաև  գիտական  կյանքի  զգալի  աշխուժացում: Երկու  ամբիոնների  դասախոսների  կողմից    վերջին  հինգ    տարվա  ընթացքում  զգալիորեն  ավելացել  է  տպագրված  հոդվածների,  զեկուցման  թեզիսների,  մենագրությունների  և  ձեռնարկների  թիվը,  պաշտպանվել  է  մեկ  դոկտորական  և  մեկ  թեկնածուկան  թեզ: 

Ֆակուլտետում  ներքին  համատեղությամբ աշխատող  որոշ  դասախոսներ  պարբերաբար  մասնագիտական  ստաժավորում  են    անցնում  արտասահմանյան բուհերում    ու  գիտահետազոտական  կազմակերպություններում  և  ձեռք  բերած  փորձը  ներդնում են նաև ֆակուլտետի  երկու  մասնագիտությունների  գծով  իրականացվող  ուսումնական  գործընթացներում:

Տիկին Խուդավերդյանը ֆակուլտետում  գիտական  հետազոտությունների  և  նորարարությունների  ակտիվացման  առումով շեշտեց, որ Ընդհանուր  տնտեսագիտության ամբիոնի  երկու  աշխատակիցներ  մասնակցել  են  «Միգրացիայի  և  մարդկային  կապիտալի  վերարտադրության  փոխառնչությունները  ՀՀ-ում»  միջազգային  դրամաշնորհային  ծրագրին, որի շրջանակներում  նախաավարտական պրակտիկա  է  անցել  ֆակուլտետի վեց  ուսանող  ու  ստացել  համապատասխան  վկայագիր: Կոլեկտիվ  հետազոտության  արդյունքներն  ամփոփվել  են  մենագրության  ձևով: Տվյալ  ամբիոնի  նախաձեռնությամբ  ու  անմիջական  մասնակցությամբ  կազմակերպվել  է  «Բուհերի  կառավարման  համակարգի  բարելավման  ժամանակակից  հիմնախնդիրները»  թեմայով հանրապետական գիտագործնական  կոնֆերանս,  որի  նյութերը  հրատարակվել  են  գիտական  հոդվածների  ժողովածուի  ձևաչափով:

Տուրիզմի  կառավարման  և  մշակութաբանության ամբիոնի երեք  աշխատակիցներ (Ա.Պոտոսյան,  Վ.Գրիգորյան,  Ա.Ուլիխանյան)  գիտական  զեկուցումներով  հանդես  են  եկել  ԵՊՀ-ի  սոցիալ-տնտեսական  աշխարհագրության    ամբիոնի, ՀՀ  տարածքային  կառավարման  և  արտակարգ  իրավիճակների նախարարության  կողմից  կազմակերպված  հանրապետական  գիտաժողովում: Ամբիոնի ասիստենտ Պ.Ասիլբեկյանը  2014թ.  մասնակցել  է  Գերմանիայի  Դաշնությունում կազմակերպված «Հարավային  Կովկասի  երկրների  համագործակցություն» ծրագրին:

Հանրային  ներգրավման  խնդրի առնչությամբ նշվեց, որ ֆակուլտետի  աշխատակիցները  մասնաճյուղի  կայքէջի  միջոցով ակտիվորեն  մասնակցել  են  ֆակուլտետի  գովազդային, լրատվական, ինչպես  նաև  ավագ  դպրոցներում մասնագիտական  կողմնորոշման  և  ֆակուլտետի  մասնագիտությունների  ներկայացման  աշխատանքներին:

Ֆակուլտետը որակյալ  կադրային  ներուժով  ապահովելու ուղղությամբ ևս     կատարվել են զգալի  աշխատանքներ: Դասախոսների  որակավորման  բարձրացման, մասնագիտական  մակարդակի  կատարելագործման  նպատակով  կազմակերպվել  են  դասընթացներ,  որոնք  ուղղված  են եղել արդյունավետ  և  որակյալ  ուսումնական  գործընթացի  կազմակերպմանը:  Ֆակուլտետի  դասախոսական  կազմը  համալրվել  և  համալրվում  է մայր բուհից հրավիրված  բարձրորակ  կադրերով: Բարելավվել է նաև ֆակուլտետի նյութատեխնիկական բազան:

Զեկուցողը, հաշվետվությունն ամփոփելով, նշեց, որ ֆակուլտետում  աշխատանքներն իրականացվել  են  բարձր  պատասխանատվությամբ  օժտված  աշխատակիցների  միջոցով`  սերտորեն  համագործակցելով  մասնաճյուղի  մյուս  բոլոր ստորաբաժանումների  հետ:

Տնտեսագիտության ֆակուլտետի գիտխորհրդի նիստում ելույթ ունեցավ Տուրիզմի կառավարման և մշակութաբանության ամբիոնի վարիչ Գ.Հովհաննիսյանը` կատարված աշխատանքի և տրված գնահատականի համար շնորհակալություն հայտնելով ֆակուլտետիի և մասնաճյուղի անձնակազմին:

Տնտեսագիտության ֆակուլտետի գիտական խորհրդի նիստում

 Նիստը եզրափակեց մասնաճյուղի տնօրեն Ս.Առաքելյանը` բարձր գնահատելով ֆակուլտետի ծավալած գործունեությունը, համակողմանի և հանգամանալից հաշվետվության համար շնորհակալություն հայտնելով ֆակուլտետի գիտխորհրդի նախագահին, ֆակուլտետում և ընդհանրապես մասնաճյուղում կադրային ճիշտ քաղաքականության իմաստով շեշտեց ավագ, միջին և կրտսեր սերնդի ներկայացուցիչների ներգրավվածությունը բուհի ուսումնական գործընթացում:  

Տնտեսագիտության ֆակուլտետի գիտական խորհրդի նիստում

ԵՊՀ-ի գիտխորհրդի` 2015թ. տարեվերջյան նիստում տնօրենը ներկայացրեց մասնաճյուղի տարեկան գործունեության վերաբերյալ հաշվետվություն

ԵՊՀ-ի գիտխորհրդի` 2015թ. տարեվերջյան նիստում տնօրենը ներկայացրեց մասնաճյուղի տարեկան գործունեության վերաբերյալ հաշվետվություն

2015թ. դեկտեմբերի 17-ին կայացավ ԵՊՀ գիտխորհրդի` այս տարվա վերջին նիստը:

Օրակարգային ինը հարցերից վերջինը վերաբերում էր ԵՊՀ Իջևանի մասնաճյուղին:
Տնօրեն Սամվել Առաքելյանը ներկայացրեց մասնաճյուղի տարեկան գործունեության վերաբերյալ հաշվետվություն:

Ս.Առաքելյանը մասնավորապես նշեց, որ հաշվետու տարում վերանայվել է մասնաճյուղի մասնագիտությունների ցանկը՝ դրանք ավելի համապատասխանեցնելով աշխատաշուկայի պահանջներին:

Համագործակցության հուշագիր է ստորագրվել մարզում գործող քոլեջների, ավագ և հիմնական դպրոցների ու վարժարանների հետ:

«Այս տարի վերջապես հասանք այն արդյունքին, որ դասախոսների 50 տոկոսից ավելին ունեն գիտական կոչումներ»,- ընդգծել է պարոն Առաքելյանը` ավելացնելով, որ մասնաճյուղի դասախոսները, սակայն, քիչ են ներգրավված միջազգային ծրագրերում, և առաջիկայում պետք է ուշադրությունը կենտրոնացնել նաև այդ խնդրի վրա:

Վերջին 1 տարվա ընթացքում տպագրվել է ԵՊՀ Իջևանի մասնաճյուղի դասախոսների հեղինակած 8 մենագրություն, 15 մեթոդական ձեռնարկ և 113 հոդված:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

2015թ. դեկտեմբերի 16-ին ԵՊՀ Իջևանի մասնաճյուղի շրջանավարտների և կարիերայի կենտրոնի ու Աշխատանքի և սոցիալական հարցերի նախարարության «Մասնագիտական կողմնորոշման մեթոդական կենտրոն» ՊՈԱԿ-ի համագործակցության շրջանակներում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

Նախաձեռնության նպատակն էր ուսանողներին մասնագիտական կողմնորոշման և կարիերայի վերաբերյալ գիտելիքների տրամադրումը, սոցիալ-աշխատանքային տարբեր իրավիճակներում գտնվող անձանց մասնագիտության արդյունավետ ընտրության, փոփոխության և կարիերայի շարունակական զարգացման հնարավորությունների քննարկումը` նկատի ունենալով մարդու անձնային հատկանիշները և աշխատաշուկայի պահանջարկի փոփոխվող իրավիճակը:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

Սեմինար-քննարկումն անցկացվեց երկու` «Անգլերեն լեզու և գրականություն», «Հոգեբանություն և մանկավարժություն» մասնագիտությունների` շուրջ 40 ուսանողների հետ:

Սեմինարի ընթացքում ուսանողներին ներկայացվեցին մասնագիտական կողմորոշման համակարգի ներդրման քաղաքականությունը, ՀՀ կառավարության` 2012թ. հոկտեմբերի 4-ի որոշմամբ հավանության արժանացած ՀՀ մասնագիտական կողմորոշման համակարգի զարգացման հայեցակարգը, դրանից բխող միջոցառումների ծրագիրը, համակարգի հիմնական նպատակը, այն է` անձի հետաքրքրություններին, կարիքներին և առանձնահատկություններին, ինչպես նաև աշխատաշուկայում որակավորված և մրցունակ կադրերի պահանջարկին առավելապես համապատասխանող մասնագիտական գործունեության ազատ և գիտակից ընտրության հնարավորության ստեղծումը ողջ կյանքի ընթացքում:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

Քննարկվեց մասնագիտական կողմնորոշման գործընթացի բովանդակությունը` անձի բացահայտում և զարգացում, աշխատանքի դերերի և աշխատանքային հարաբերությունների մասին գիտակցության բարձրացում, կարիերայի կառավարման հմտությունների զարգացում, ձեռնարկատիրական հմտությունների զարգացում:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

Տարբերակվեցին մասնագիտական կողմնորոշման աշխատանքները հանրակրթական դպրոցներում, նախնական արհեստագործական, միջին մասնագիտական և բարձրագույն ուսումնական հաստատություններում:

Հետաքրքիր և ուսանելի սեմինար-քննարկման շնորհիվ ուսանողները նոր գիտելիքներ ստացան աշխատանքի և կարիերայի զարգացման, մասնագիտական առանձնահատկությունների վերաբերյալ:

Մասնաճյուղում իրականացվեց «Մասնագիտական կողմնորոշման նոր քաղաքականություն» թեմայով սեմինար-քննարկում

 

 

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

2015թ. դեկտեմբերի 11-ին «Քարտեզագրություն» թեմայով զեկուցում կարդաց Բնական գիտությունների ֆակուլտետի «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը, ում օժանդակել է Տուրիզմի կառավարման և մշակութաբանության ամբիոնի ասիստենտ Պ.Ասիլբեկյանը:

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

Զեկուցողը ներկայացրեց աշխարհագրական քարտեզների, դրանց կազմելու և օգտագործելու մեթոդների, քարտեզագրական պատկերներով տարածության արտացոլման և ուսումնասիրման, բնության ու հասարակական երևույթների զուգակցման և ժամանակի ընթացքում դրանց փոփոխությունների մասին տեղեկատվություն։

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

Նա անդրադարձավ երկնային մարմինների քարտեզներին, գլոբուսներին, ռելիեֆ քարտեզներին, քարտեզագրության մյուս տարածական մոդելներին, նրա բաժիններին (մաթեմատիկական քարտեզագրություն, քարտեզաչափություն, քարտեզագիտություն, քարտեզների կազմում և խմբագրում, քարտեզների ձևավորում և հրատարակում), ժամանակակից քարտեզագրության ճյուղերին (գիտության տեսական հիմունքները, քարտեզագրական գիտության և արտադրության պատմությունը, քարտեզագրական աղբյուրագիտությունը, քարտեզների նախագծման և կազմման տեխնոլոգիան և տեսությունը, քարտեզների օգտագործման տեսությունը և մեթոդները)։

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

Հակոբ Դավթյանը խոսեց հիմնական գրաֆիկական բարդ օբյեկտների գծագրման համար կիրառվող AutoCAD ծրագրի մասին, որի առաջին տարբերակը համակարգի շուկա է հանվել 1982թ. և լայնորեն օգտագործվում է ինժեներական, շինարարական, ճարտարապետական ոլորտներում:

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

Զեկուցողը ներկայացրեց նաև ArcGIS աշխարհագրական տեղեկատվական համակարգի մասին, որն օգտագործվում է ընդերքի և այլ տարածքների հեշտ քարտեզագրման համար, կիրառվում է կադաստրային համակարգում, հողերի գրանցման, անշարժ գույքի հաշվառման, ինժեներական ծառայությունների, գեոդեզիական չափագրումների համար:

Զեկուցում կարդաց «Քարտեզագրություն և կադաստրային գործ» մասնագիտության II կուրսի ուսանող Հակոբ Դավթյանը

Զեկուցումից հետո ծավալվեց հետաքրքիր քննարկում: