Երևանի պետական համալսարանի Իջևանի մասնաճյուղ

Մայր բուհը 96 տարեկան է

Մասնաճյուղը սիրով շնորհավորում է Մայր բուհի հիմնադրման 96-ամյակը, Ուսանողների և երիտասարդների օրը

1919թ. մայիսի 16-ին ՀՀ նախարարների խորհուրդը Երևանում համալսարան հիմնելու վերաբերյալ որոշում է ընդունում: 1920թ. հունվարի 31-ին Ալեքսանդրապոլի (այժմ` Գյումրի) առևտրային դպրոցի շենքում մեծ շուքով կատարվում է Հայաստանի համալսարանի բացման հանդիսավոր արարողությունը:

Stepan_MalkhasyantsՀամալսարանում դասերի մեկնարկը տրվեց նշանավոր հայագետ Ստեփան Մալխասյանցի` 1920 թ. փետրվարի մեկին կարդացած դասախոսությամբ:

Առաջին ուսումնական տարում համալսարանն ուներ մեկ` պատմալեզվաբանական ֆակուլտետ, 262 ուսանող և 32 դասախոս: Ի պատիվ համալսարանի առաջին ռեկտոր Յուրի Ղամբարյանի՝ պետք է նշել, որ հիմնադրման առաջին իսկ տարում համալսարանում դասախոսելու հրավիրվեցին արտասահմանյան բուհեր ավարտած, մանկավարժական ու գիտական աշխատանքի փորձ ունեցող այնպիսի անվանի մասնագետներ, ինչպիսիք էին Հակոբ Մանանդյանը, Մանուկ Աբեղյանը, Ստեփան Մալխասյանցը և ուրիշներ:

Հայաստանում խորհրդային կարգերի հաստատումից հետո, ՀԽՍՀ առաջին լուսժողկոմ Աշոտ Հովհաննիսյանի «Երևանի համալսարանի վերակազմության մասին» հրամանով, 1920թ. դեկտեմբերի 17-ին Հայաստանի համալսարանը վերանվանվեց Երևանի ժողովրդական համալսարան:  Երևանում վերաբացված կրթօջախի ռեկտոր ընտրվեց հայագետ, պրոֆեսոր Հակոբ Մանանդյանը:

Կառավարության 1923թ. հոկտեմբերի 20-ի որոշման համաձայն` ժողհամալսարանը վերանվանվեց Պետական համալսարան: Ըստ այդմ` բարձրացավ Մայր բուհի կարգավիճակն ու պատասխանատվությունը, ինչպես նաև խստացան կրթօջախին ներկայացված պահանջները: Համալսարանի ղեկավարությունը հատուկ ընտրությամբ աշխատանքի հրավիրեց արտասահմանյան բուհեր ավարտած և մի քանի օտար լեզուների տիրապետող, մանկավարժական հարուստ փորձ ունեցող գիտնականների:

Նախորդ դարասկզբի 20-ական թթ-ին համալսարանը գործում էր Աստաֆյան (այժմ՝ Աբովյան) փողոցում գտնվող ուսուցչական սեմինարիայի` սև տուֆով կառուցված երկհարկանի շենքի առաջին հարկում:

ysu-1920

Մինչ օրս ԵՊՀ-ն տվել է 100 հազարից ավելի շրջանավարտ: Համալսարանում այսօր գործող 19 ֆակուլտետներում մասնագիտանում են շուրջ 20 հազար ուսանողներ: Բուհի ավելի քան 1600 պրոֆեսորադասախոսական կազմից շուրջ 206-ը պրոֆեսորներ են, 557-ը` դոցենտներ, 427-ը` ասիստենտներ, 489-ը` դասախոսներ: Համալսարանում գիտամանկավարժական աշխատանք են կատարում ՀՀ ԳԱԱ 17 ակադեմիկոսներ և 14 թղթակից անդամներ:

Բարձր որակավորում ունեցող գիտնականների շնորհիվ բուհում իրականացվում են ժամանակակից գիտության տարբեր ոլորտներին առնչվող հիմնարար և կիրառական կարևորագույն հետազոտություններ: Ինչ վերաբերում է ուսումնագիտական աշխատանքներին, ապա դրանք կազմակերպվում են ավելի քան 100 ամբիոններում, որոնք համալրված են նորագույն տեխնիկայով և սարքավորումներով:

2006 թվականից ԵՊՀ ռեկտորն է ՀՀ ԳԱԱ թղթակից անդամ, պատմ. գիտ. դոկտոր, պրոֆեսոր Արամ Հրաչիկի Սիմոնյանը:

Aram-Simonyan

2014 թվականին ՀՀ տոների և հիշատակի օրերի մասին օրենքում նոր` 8.2-րդ հոդվածով համալրելու մասին օրենսդրական նախաձեռնության համաձայն՝ ԵՊՀ հիմնադրման օրը՝ մայիսի 16-ը, նշվում է որպես Ուսանողների և երիտասարդների օր:

Հարցը ՀՀ Կառավարության նիստում ներկայացրել էր ՀՀ կրթության և գիտության նախարար Արմեն Աշոտյանը:

Կարևորելով պետական համալսարանի հսկայական ավանդն ու նշանակությունը հայ կրթական և գիտական, մշակութային կյանքում, օրենքով ամրագրելով նրա հիմնադրման օրը` որպես ուսանողների` պետականորեն նշվող տոն` ևս մեկ անգամ արժևորվում է Մայր բուհի դերը մեր պետության կրթական, գիտական, ինչպես նաև սոցիալ-տնտեսական զարգացման գործում:

ysu-96-1

Տոնը հնարավորություն է տալիս ուսանողին` ևս մեկ անգամ կարևորելու իր դերն ու ստացած ուսումը, մեծացնելու հանրության լայն շերտերում ուսանողների, երիտասարդների, կրթական հաստատությունների նկատմամբ հետաքրքրությունը` սևեռելով հասարակության ու պետության ուշադրությունն ուսանողի ու նրա խնդիրների վրա:

ԵՊՀ Իջևանի մասնաճյուղը սիրով շնորհավորում է Մայր բուհի հիմնադրման 96-ամյակը, Ուսանողների և երիտասարդների օրը, մաղթում առաջընթաց բոլոր ձեռնարկումներում, տոկուն կամք, եռանդ ու նպատակասլացություն:

«Ժողովրդի հավերժող ոգու ուժն ու վեհությունը Հովհաննես Շիրազի քնարերգության մեջ» խորագրով միջոցառում

2015թ. մայիսի 15-ին ԵՊՀ ԻՄ-ի գրադարանում տեղի ունեցավ «Ժողովրդի հավերժող ոգու ուժն ու վեհությունը Հովհաննես Շիրազի քնարերգության մեջ» խորագրով միջոցառում` նվիրված Մեծ եղեռնի 100-ամյակին:

«Ժողովրդի հավերժող ոգու ուժն ու վեհությունը Հովհաննես  Շիրազի քնարերգության մեջ» խորագրով միջոցառում

Ներկա էին մասնաճյուղի հումանիտար գիտությունների ֆակուլտետի վարչական և պրոֆեսորադասախոսական անձնակազմի ներկայացուցիչներ, տարբեր ֆակուլտետների ուսանողներ, հյուրեր:

Միջոցառման ընթացքում բանախոսեց Հայոց լեզվի և գրականության ամբիոնի դոցենտ, բան. գիտ. թեկնածու Խաչատուր Վարդանյանը, եղան ասմունքի ընմիջարկումներ` «Հայոց լեզու և գրականություն» մասնագիտության 3-րդ կուրսի ուսանողների մասնակցությամբ:

«Ժողովրդի հավերժող ոգու ուժն ու վեհությունը Հովհաննես  Շիրազի քնարերգության մեջ» խորագրով միջոցառում

«Ժողովրդի հավերժող ոգու ուժն ու վեհությունը Հովհաննես Շիրազի քնարերգության մեջ» խորագրով միջոցառումը բացեց Խ.Վարդանյանը` ներկայացնելով նրա վայելած մեծ ժողովրդականությունը, քնարերգության գեղարվեստական արժանիքները, պատմեց իր հուշերը Հ.Շիրազի մասին:

«Ժողովրդի հավերժող ոգու ուժն ու վեհությունը Հովհաննես  Շիրազի քնարերգության մեջ» խորագրով միջոցառում

Ուսանողները հանդես եկան սիրո տարբեր նրբերանգները, մարդկային դրամատիկ ապրումները, հայ ժողովրդի հավերժող ոգու ուժն ու վեհությունը խտացնող բանաստեղծություններով ու նրանց հիման վրա գրված երգերով («Գարնանամուտ», «Թագադրում», «Ծիածանների լարերը վրան», «Ես դաշտի տաղավար էի», «Սիրուց անուշ բան չկա», «Միայն սերը», «Երազիս մեջ այրում էիր», «Լիրիկական», «Հայ ժողովրդի երգը», «Ո՞րն է, բաբո, մեր հայրենիք», «Իմ սուրբ հայրենիք», «Երբ նայում եմ լեռնապարին», «Արարատ», «Կուզեի նստել մի քարի վրա»…):

«Ժողովրդի հավերժող ոգու ուժն ու վեհությունը Հովհաննես  Շիրազի քնարերգության մեջ» խորագրով միջոցառում

Միջոցառումն ամփոփեց Հումանիտար գիտությունների ֆակուլտետի դեկան Վարդան Ալեքսանյանը` արտահայտելով իր գոհունակությունը` գեղեցիկ միջոցառման կապակցությամբ, ընդգծելով Հովհ. Շիրազի մեծությունը, իր խոսքը եզրափակելով շիրազյան խորունկ բանաստեղծությամբ:

«Ժողովրդի հավերժող ոգու ուժն ու վեհությունը Հովհաննես  Շիրազի քնարերգության մեջ» խորագրով միջոցառում

Հայ-ֆրանսիական բարեկամության շրջանակներում Պոլետ Կուտանտի այցը մասնաճյուղ

2015թ. մայիսի 9-ին ԵՊՀ Իջևանի մասնաճյուղում տեղի ունեցավ «Հայ-ֆրանսիական բարեկամություն» կազմակերպության տնօրեն Պոլետ Կուտանտի (Ուբուլյանի) հետ հանդիպում, որին ներկա էին Օտար լեզուների ամբիոնի դասախոսներ, ուսանողներ, Ֆրանսիական համալսարանի հաղորդակցման բաժնի աշխատող Ռուզաննա Փայտյանը, մասնաճյուղի հասարակայնության հետ կապերի և մամուլի պատասխանատու Հասմիկ Վանյանը:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Հանդիպման նպատակը ոչ միայն մասնաճյուղի «Ֆրանսերեն լեզու և գրականություն» մասնագիտության մի շարք ուսանողների կրթաթոշակներ հանձնելն էր, այլև ցույց տալը, որ Ֆրանկոֆոնիայի շունչն ամենուր է:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Շուրջ մեկ շաբաթվա ընթացքում Պոլետ Կուտանտը, ով ծագումով հայ է և ում ծնողները եղել են Օսմանյան ջարդերից մազապուրծ փրկված հայեր, ունեցավ բավականին հագեցած այցելություն: Նա մասնակցեց ԵՊՀ ԻՄ-ի «Ֆրանսերեն լեզու և գրականություն» մասնագիտության ուսանողների կողմից Իջևանի թիվ 1 և 5, Սարիգյուղ և Աչաջուր գյուղերի դպրոցներում անցկացված դասալսումներին, «Ֆրանսերեն լեզու և գրականություն» մասնագիտության 2-րդ և 3-րդ  կուրսերի ուսանողների հետ ունեցավ հանդիպում, որի ընթացքում վերջիններս ֆրանսերեն լեզվով ներկայացրին  Տավուշի մարզի վերաբերյալ տարբեր մշակութային կոթողների և հայկական ավանդույթների վերաբերյալ զեկույցներ:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Մայիսի 9-ին ԵՊՀ Իջևանի մասնաճյուղում տեղի ունեցած հանդիպման ընթացքում Պոլետ Կուտանտը100-ական եվրո կրթաթոշակ հանձնեց մասնաճյուղի «Ֆրանսերեն լեզու և գրականություն» մասնագիտության 9 (3-րդ կուրսի 3 և 2-րդ կուրսի 6) ուսանողների, 100 եվրո «Սերվիս» մասնագիտության 2-րդ կուրսի ուսանողներին՝ որևէ մշակութային կոթող տուրիստական այց կատարելու նպատակով և 300 եվրո Օտար լեզուների ամբիոնին՝ «Ֆրանսերեն լեզու և գրականություն» մասնագիտության ուսանողների հետ միջոցառումներ կազմակերպելու նպատակով:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Դեռևս 2012թ. սեպտեմբերի 28-ին ԵՊՀ Իջևանի մասնաճյուղում տեղի ունեցած հանդիպման ընթացքում «Հայ-ֆրանսիական բարեկամություն» կազմակերպության անդամներ Պոլետ Կուտանտը և Բեռնար Կուտանտը ներկայացրել էին կրթության ոլորտին վերաբերող ծրագիր, որը հավանության էր արժանացել տնօրեն Ս.Առաքելյանի կողմից` որպես ֆրանս-հայկական բարեկամությունն ամրապնդող կարևոր ձեռնարկում:

Ծրագիրը ներառում էր մի շարք դրույթներ` ուսանողների վերապատրաստում, վճարների փոխանցում, դպրոց-համալսարան կապի ամրապնդում, դասընթացների ու դասալսումների կազմակերպում, համապատասխան գրականության տրամադրում և այլն:

2012-2013թթ. «Հայ-ֆրանսիական բարեկամություն» կազմակերպությունը կրթաթոշակ է տրամադրել ԵՊՀ Իջևանի մասնաճյուղի «Ֆրանսերեն լեզու և գրականություն» մասնագիտության 10 ուսանողների, իսկ 2014թ.` 13 ուսանողների:

Ծրագրի շրջանակներում կրթաթոշակ ստացած ուսանողները պարբերաբար այցելում են սահմանամերձ գյուղեր և Անժելա Վանեսյանի անվան ֆրանկոֆոնիայի կենտրոն, աջակցում ֆրանսերեն լեզվի ուսուցման կազմակերպմանը:

Հայ-ֆրանսիական բարեկամության շրջանակներում  Պոլետ Կուտանի այցը մասնաճյուղ

Հաղթանակի և խաղաղության 70-րդ տարեդարձին

2015թ. մայիսի 9-ին` Հայրենական մեծ պատերազմի հաղթանակի 70-րդ տարեդարձին, ԵՊՀ Իջևանի մասնաճյուղի վարչական և պրոֆեսորադասախոսական անձնակազմի ներկայացուցիչները, ուսանողներ այցելեցին Հայրենական մեծ պատերազմի հուշահամալիր:

Հաղթանակի և խաղաղության 70-րդ տարեդարձին

Իրենց հարգանքի տուրքը մատուցելու էին եկել Իջևանի քաղաքային իշխանությունների ու տարբեր կազմակերպությունների ներկայացուցիչներ, Իջևանի զորամասի զինվորներ, քաղաքի բնակիչներ:

Հաղթանակի և խաղաղության 70-րդ տարեդարձին

Զինվորական երաժշտախմբի ուղեկցությամբ համալսարանականներն ու քաղաքացիները շարժվեցին հուշահամալիր, ծաղիկներ դրեցին հուշարձանին, 1 րոպե լռությամբ հարգեցին Հայրենական մեծ պատերազմի զոհերի հիշատակը, երաժշտախումբը հնչեցրեց տոնական երաժշտություն:

Հաղթանակի և խաղաղության 70-րդ տարեդարձին

Երկրորդ աշխարհամարտին տարբեր ճակատներում կռվել են հայկական 6 և գլխավորապես հայերից կազմված 7 դիվիզիաներ:

Այդ պատերազմում հայ ժողովուրդը տվել է 4 մարշալ՝ Հովհաննես Բաղրամյան, Համազասպ Բաբաջանյան, Սերգեյ Խուդյակով, Սերգեյ Ագանով և 1 ծովակալ՝ Հովհաննես Իսակով:

Մոտ 70 հայ գեներալներ ղեկավարել են դիվիզիաներ և ավելի մեծ միավորումներ: Ավելի քան 100 հայեր ԽՍՀՄ հերոսի կոչում են ստացել, նրանցից երկուսը` Հովհաննես Բաղրամյանը և Նելսոն Ստեփանյանը` կրկնակի հերոսի կոչում:

Հայ ժողովուրդը մայիսի 9-ին ևս մեկ հաղթանակ է տարել. 23 տարի առաջ` այդ օրը, ավարտվել է Շուշիի ազատագրման գործողությունը: Շուշիի ազատագրումն սկսվել է 1992թ. մայիսի 8-ին:

Արդեն մայիսի 9-ի առավոտյան ժամը 04:00-ին հակառակորդի բոլոր կազմավորումները լքել էին Շուշին: Հայերի համար Շուշիի ազատագրումը պատմական նշանակալից իրադարձություն է: 

Գործնական պարապմունք Մակարավանքում

2015թ. մայիսի 8-ին «Տավուշի մարզի տուրիզմի զարգացման գործակալություն» ՀԿ-ի հետ համագործակցության շրջանակներում ԵՊՀ ԻՄ-ի «Սերվիս» մասնագիտության առաջին կուրսի ուսանողները ճանաչողական-գործնական այց կատարեցին դեպի մարզի պատմամշակութային հուշարձաններից մեկը` Աչաջուր գյուղից 3 կմ հարավ-արևմուտք, Պայտաթափ լեռան լանջին գտնվող 13-րդ դարի հայկական վանական համալիր` Մակարավանք:

Այցի նպատակը մայիսի 7-ին մասնաճյուղում «Տուրիզմի զարգացման հիմնախնդիրները Տավուշի մարզում» թեմայով իրականացված սեմինար պարապմունքի գործնական մասի իրականացումն էր կոնկրետ տարածքում:

Էքսկուրսիոն երթուղին սկսվեց Աչաջուր համայնքի ղեկավար Կ.Ղալթախչյանի հետ հանդիպումից, որի ընթացքում նա ներկայացրեց համայնքի զբոսաշրջային հնարավորությունները, առկա հիմնախնդիրները, պատրաստակամություն հայտնեց սերտ համագործակցելու ՀԿ-ի և ուսանողների հետ:

Գործնական պարապմունք Մակարավանքում

Այնուհետև ուսանողներն ուղևորվեցին դեպի Մակարավանք, որտեղ նրանց բացատրվեցին հուշարձանը զբոսաշրջիկներին ներկայացնելու առանձնահատկությունները, ընդգծվեց այդ գործում էքսկուրսավարի հմտությունների և դերի կարևորությունը:

Գործնական պարապմունք Մակարավանքում

Այնուհետև ուսանողներն ակտիվորեն մասնակցեցին հուշարձանի շրջակայքի փոքր տեղամասի մաքրման, բարեկարգման աշխատանքներին:

Դեպի Մակարավանք կատարած ճանաչողական այցի շրջանակներում ուսանողներն անցկացրին ակտիվ և հաճելի հանգիստ` ձեռք բերելով նաև զբոսավարությանն առնչվող գործնական հմտություններ:

Գործնական պարապմունք Մակարավանքում